|
|
 رمضان مشا اها الجايي شنو
|
سلامات
كل سنة وانتو وكلنا بخير
وعيد سعيد
بس
يا ريت
لو الناس قعدت مع نفسسها شوية على نهاية رمضان ده
وحسبتها
الكلام الماشي اليومين ديل في المنبر
يدي الزول احساس انه
السودان ده ما فضل ليه ولا فرصة
لي تعايش
بين ابنائه
وسياسة الحكومة دي نجحت لي حد كبير
في انها تعيد انتاج ازمة
المشروع الحضاري جوانا كلنا
معارضين ومنبطحينوالدليل ععلى كدة
اننا بقينا كل القضايا الكبيرة نعاين ليها بي منظار الجهوية الضيق
واذا بالغنا بنشوفها عبر صراعات عرب وافارقة
مسلمين وكفار
سودانيين اصليين سودانيين درجة خامسة
المشكلة كل زول من شايف انه
هو مركز الكون وهو الاساس وما عداه
زيادة عدد
ووجود ماعنده معنى
انا ما اقصد ابدا اتكلم
عن انه الناس دي ما عندها قضية
ابدا
العكس
القضية اكبر من
ما نتخيل كلنا
والدليل علي كده انه اي زول قعد اتمترس
ليه ورا حيطة
(جهوية -عنصرية -فكرية - دينية)
وفي ناس مندسين ورا سلطة خطاب قضيته
تصويب اي زول
ما معاهم بغض النظر عن فهمه او فهمهم
والمصيبة في الناس البتدافع عن
قضايا
خسرانه
حتى بي فهمهم
هم ذاتهم
فبقى الواحد اللي كان بيخش المنبر ده زمان عشان يلقي معلومة يستفيد
منها
يخش اليومين ديل وما يلقى ولا شي
كلها اساءات شخصية
وتجريحات
والمشكلة انو الكل داخل في المشكلة دي
او ممتنع عن التعليق عليها
لحد ما تعرف
الفرق بين الاساءة والتهديد
والتجريح
والسب
والحقيقة هي اكبر غايب في الماساة الاسفيرية دي
المهم اتمنى من كل البورداب
في فترة العيد دي يعيدو حساباتهم بي
شوية احترام لي حق بعض في التفكير
والرأي
والاختلاف
تدي المنبر
ده احساس بالاحترام
وتدي ناس كتيرين الفرصة
في التعبير عن
ارائهم بعيدا عن الهتر
والتجريح وشخصنة القضايا
دمتم بخير
وكل سنة وانتم طيبين
|
|
 
|
|
|
|
محمد علي يوسف
ابوبكر عبد الرازق
فيس بوك
تويتر
انستقرام
يوتيوب
بنتيريست