كتب الكاتب الفاتح جبرا المتوفرة بمعرض الدوحة
|
بوست خاص :العيدية و الاماني الســند ســـية
|
العيدية و خاتم المني
امنية واحدة لكل منكم .. ندعو معه لتحقيقها
والامنية ممكن خاصة و ممكن عامة
و ممكن تتمني تشوف زول/زولة بوردابي /ة ي/تمثل تساؤلا لك
كان من حيث جودة الكتابة او تناقض الشخصية
الامنية قد تصل حد الخيال و قد تقف عند الواقعية
قد تكون في دائرة المستحيل ((حسب توقعاتك))
و قد تكون عفوية و قد تكون ماكرة
الاماني الطيبة لكم
و ربنا يغفر لنا اجمعين و يعتق رقابنا من النار
ابدا بامنيتي لهذا العام
وهي طيف طويل من الاماني السندسية
أتمني ان اتخارج من السودان
نعم بعد عودة برغبة اكيدة في العمل من اجل التغيير
و مساعدة الناس في كل شئ من التعليم و الحق في الحياة الافضل
الي الرغبة الاكيدة في مساعدة الجميع و خاصة النساء
أؤمن بان النساء هن مكمن التغيير
تعليم النساء ورفع الوعي عندهن و رفع الثقة بالنفس
كل ذلك دوائر عملت بها و احاول ان انجز فيها شئيا عمليا
ولكن بصراحة
اكتشفت انني قد اكون اسأءت التقدير
حالة احباط من الوضع بالداخل
و حالة قرف من كل ما حولي
لذلك قررت الرحيل
و بس دعواتكم
و نرجع للاماني السندسية
كل من يتمني امنيته الاولي
و ربنا يحقق كل الاماني السندسية
و في امان الله
|
|
|
|
|
|
|
|
Re: بوست خاص :العيدية و الاماني الســند ســـية (Re: sudania2000)
|
الاخت الحبيبة سودانية..
كل سنة وانتي طيبة..وربنا يحقق امانيك..
قصة امنية واحدة دي انا ما بتخارج معاي ..
هي كلها امنيات يعني ما في ضمان تتحقق عشان كده دايرة اتفسح فيها..
ممكن؟ شكرا يا زوق!
اول شيء نبدا بالعام: اتمني اني اشوف السودان فووووووووووق!
الخاص: دايرة اعرس وارقص slow علي لحن بناديها ويغني في عرسي عاصم البنا واسرار
بخصوص شوفة زول في البورد فبرضه حاكون طماعة:دايره الاقي ابو ساندرا وبدرالدين شنا
واحمد الشايقي والعربي وتماضر العسل وانعام عبدالحفيظ
(دايره اتاكد انه في ملايكة في الدنيا) و.............دكين!
اها تاني عندي كم امنية ما واقعيات ..يعني نوع يكون عندي كبسولة كده اخش فيها
الصباح تقوم توديني بكبسة زر للمستشفي من غير زحمة سير ولا صداع..
او اصحي زهجانة يقوم اليوم يتمسح من الدنيا..
او زول يزهجني بكلام تقوم اللقطة تتقطع من الشريط..
يعني حاجات بسيطة كده
اها لسه عندي امنيات بجيكي ليها راجعه..
| |
|
|
|
|
|
|
Re: بوست خاص :العيدية و الاماني الســند ســـية (Re: sudania2000)
|
شكرا الاخت سودانيه وانت بخير والسودان ينعم بالخير والديمقراطيه والسلام والمحبه ..
اتمني وليس كل ما يتمناه المرء يدركه ..
مقابلة صديقي عبدالكريم الامين بالدوحه وبورداب الدوحه الامير وابوساندرا وودرمليه وصديق وعوض رمادا ورشيده مرة ابوساندرا الحامياهو المرقا وعماد وشقيقه صلاح عبدالله صديقي واخي وبهاء بكري وكل اعضاء البورد بالدوحه واتمني رؤيتهم في راس السنه عند زيارتي انشاء الله ..
اتمني مقابلة اصدقائي من اهل قطر فلاح وبريك المري وفهد ال ثاني وحمد بن عيد ال ثاني والصديق الذي عشنا سويا في غربة جميله وغرفة واحده الاخ فيصل جوهر لاعب نادي السد والمنتخب القطري لكره اليد وزملاء العمل الاوفياء سابقا ايما كنبدي وراشيل وكارول ايفانز لهم جميعا كل الحب والتقدير واراكم قريبا في الدوحه ..
واتمني مقابلة كل البورداب الديمقراطيين بجميع انحاء العالم في السودان قريبا ..
اتمني مقابلة متولي مالك صديقي بامريكا سوووووون ..
وتراجي وبت عجاج في هولندا كمان وبكري ابوبكر للنصح وخدر وخالد عويس فخرنا بقناة العربيه ولنا المهدي المهذبه الخلوقه صاحبة القضيه و ايضا رشا سالم برضوا ..
الخاص :اقابل ست الحب والحسن والدلال في العيد دا ..
واقول ليها
نادوا لينا البنا
يبني لينا الجنه
يبني طوبة حب
ويرمي مونه
محنه
..
والعام : لجميع اعضاء البورد من نختلف معهم فكريا ومن نتفق نتمني ان ياتي العيد بموفور الصحة والسعاده والخير والحب والسلام .. واختلاق الاراء الذي يبقي الود بيننا والعفو لله والرسول لهم جميعا ..
وعشقي الابدي للسودان ..
احبك حقيقه
واحبك مجاز
واحب ناسك العـــــزاز
والديمقراطيه والسلام والعدل والمساواه هي ما اتمناها واتمني الموت من اجلها .. اتمني ان يسعنا وطننا السودان جميعا دون فرز ..
احبكم جميعا ..
واحبك يا وطن ..
كثيرا
كثيرا
كثيرا
منعم
| |
|
|
|
|
|
|
Re: بوست خاص :العيدية و الاماني الســند ســـية (Re: sudania2000)
|
اتمنى يا سودانية ان اتعلم اللغة الصينية فى شهرين. واتمنى ان احضر عرس رشا سالم كى استمع لهذه الاغنية:
Quote: و لا الحزن القديم انتى
و لا لون الفرح انتى
و لا الشوق المشيت بيهو
و غلبنى اقيف..
و ما بنتى..
و لا التذكار و لا كنتى
بتطلعى انتى من غابات
و من وديان و منى انا
و من صحية جروف النيل
مع الموجة الصباحية
و من شهقة زهور عطشانة
فوق احزانها متكية
بتطلعى انت من صوت طفلة
وسط اللمة منسية
تجينى...يجينى معاك زمن
امتع نفسى بالدهشة
طبول بتدق و ساحات لى فرح نوّر
و جمّل للحزن ممشى
و تمشى معايا خطانا الالفة و الوحشة
و تمشى معايا و تروحى
و تمشى معايا وسط روحى
و لا البلقاهو بعرفنى
و لا بعرف معاك روحى |
واتمنى لك يا سودانية وللجميع حياة سعيدة وهانئة. كما اتمنى :الرواكيب الصغيرة تبقى اكبر من مدن
| |
|
|
|
|
|
|
Re: بوست خاص :العيدية و الاماني الســند ســـية (Re: Adil Osman)
|
الاخ الكريم عادل عثمان
كل سنة و انت كل الخير و الطيبة
و ربنا يحقق كل امانيك
و لا الحزن القديم انتى
و لا لون الفرح انتى
و لا الشوق المشيت بيهو
و غلبنى اقيف..
و ما بنتى..
و لا التذكار و لا كنتى
بتطلعى انتى من غابات
و من وديان و منى انا
و من صحية جروف النيل
مع الموجة الصباحية
و من شهقة زهور عطشانة
اشكرك علي الروعة و الابداع في حفلة قطر
و دمت اكثر فرحا
| |
|
|
|
|
|
|
Re: بوست خاص :العيدية و الاماني الســند ســـية (Re: sudania2000)
|
سودانية كل عام وبألف خير كلو أماني أن تنتشر خضرة الجزيرة على امتداد قراها ومدنها شرقا وغربا جنوبا وشمالا ، وأن تعود الحياة لبركات ومارنجان والحصاحيصالنشهد ثانية عمل المحالج ومصانع الغزل والنسيج وإنتعاش ودمدني ومارنجان وبركات وكافة قرى الجزيرة كما كانت (سايقا) وأن تعود وتسود ثقافة السلام التسامح والعفو والتعايش والعافية بين كافة أهلنا بجميع أنجاء السودان، وأن تخمد نار الفتن بجميع أنواعها وأشكالها - ما ظهر منها وما بطن خالص شكرنا لهذا البوست لكي نحلم ونتمنى الشفيع الدمام/ السعودية
| |
|
|
|
|
|
|
Re: بوست خاص :العيدية و الاماني الســند ســـية (Re: sudania2000)
|
رشا سالم ..
Quote: اتمني انه نازر وتراجي يبطلوا مشاكل مع بعض..
ويتنازلوا طواعية عن عرش الخور |
حرم وعلي بالطلاق (طلاق قبل العرس) ما اخيب أمنيتك !! واؤكد ليك إني إتنازلت طواعية لي تراجي عن عرش الخور وإتمنى إنها تكون ملكة فيهو (خالدة مخلدة و (نِعم) المصير) !!
قصرت معاك او معاها !!
| |
|
|
|
|
|
|
Re: بوست خاص :العيدية و الاماني الســند ســـية (Re: sudania2000)
|
العزيزه سودانيه
متعك الله بالصحه والعافيه ، اعاد الله عليك رمضان والعيد وانتى ترفلى فى حلل الصحه والعافيه
وحقق الله امانيك كلها .
اتفهم احباطك واقدره فأمثالك اصحاب المبادىء من الصعب عليهم التعايش مع اوضاع تؤرق ضميرهم يوميا .
مع تحيـــــــــــــــــــــــــــاتى
| |
|
|
|
|
|
|
Re: بوست خاص :العيدية و الاماني الســند ســـية (Re: sudania2000)
|
سودانية سلامات وكل سنة وانتي والجميع بالف خير ...
وربنا يحقق الاماني ..ولكني جد حزين لما آلت اليه قناعاتك وخيبة الامل ...
Quote: اتمني اني اعيد في السودان..عشان الاقي هبه عثمان عبده.. |
الاخت رشا سلام ..وشكلك طماعة عايزة تعيدي مرتين عيد وهبة عثمان...
مقابلة هبة دي براها عيد... تحياتي
كل سنة والجميع بخير,,,,
| |
|
|
|
|
|
|
Re: بوست خاص :العيدية و الاماني الســند ســـية (Re: Ehab Eltayeb)
|
سلامات يا سودانية ألفين وربِّك يحقق الأمنيات.
شُفْتي دعاية سفن أب الفيها ناس بِلِزُّوا ليهم في بكب يقوم وَدْ سفن أب المروكب داك (بعد ما يكتح ليهو جغمتين تلاتة، طبعاً) يعدِّل ليهم وضعية الـواطـة لي منحنى و"يكسِّر الدنيا"...أها أنا أمنيتي أبقى زَيُّو...أقول ليك حاجة، الطمع ودَّر ما جمع...أمنيتي الناس دي كلَّها تبقى زَيُّو و"توقد نار تصبح رماد"
تحياتي.
| |
|
|
|
|
|
|
Re: بوست خاص :العيدية و الاماني الســند ســـية (Re: sudania2000)
|
الأخت الفاضلة سودانية وضيوفها الكرام
تداعت ذكريات جميلة علي شاطئ الأبيض المتوسط بصحبة شاعر الأماني السندسية الصديق صلاح أحمد عبد الفتاح فالتهنئة بالعيد لك وضيوفك الكرام واعذب الامنيات لصديقي حيثما كان فقد فرقت بيننا الأيام فأنا ما زلت أطير ... ولأول مرة اسمعها من الراحل المقيم مصطفي سيد أحمد ويا لها من أماني والتحية موصولة للمبدع الموصلي
| |
|
|
|
|
|
|
Re: بوست خاص :العيدية و الاماني الســند ســـية (Re: معتصم دفع الله)
|
الكريم عادل بدوي يا رائق يا سبعة فوق
الله يحقق ليك امانيك و يحقق لي امانيني ليك
الاخ ايهاب ((((ولكني جد حزين لما آلت اليه قناعاتك وخيبة الامل ...)))) لا تحزن سيدي فالفرح يكون حينما نجده و حيثما نكون لكن الاحباط حاصل من اصل الفشل في ايجاد مساحة ضوئية تكفي لبث الفرح فيمن حولي و بعضه بدواخلي الشقية
امين حامد
اكرمك الله بالفرح و السعادة وكل سنة و انت طيب
الرائعة سلوي صيام تحية و احترام و كل سنة و الحلوة بالف خير ربنا يسعد ايامك و لياليك سعيدة بيك
الرقيق معتصم دفع الله الانيق الكلمة دائم الشفافية و الالق و لا يتملكني الا الشوق لمعرفتك اكثر واقول الحي بلاقي كل سنة و انت كل الطيبة و الخير السعادة انشاء الله تبقالك هدم و تلفك من راسك لكرعيك
و لكم جميعا اقول
| |
|
|
|
|
|
|
Re: بوست خاص :العيدية و الاماني الســند ســـية (Re: Adel Sameer Tawfiq) (Re: sudania2000)
|
سودانية و كل الضيوف المتداخلين, كل سنة وإنتو كلكم بخير و عافية, و البلد بصحة و عالى و معافى من كل الأسقام و من كل الغتن, اللهم أحفظنا و أحفظ لنا سوداننا الذى نحلم برفعته و نموه و تطوره, لكنا نحلم أكثر بتماسكه و بقائه جبلاً و طوداً شامخاً. هذه أمنيتى يا سودانية و هى و إن بدت (عامة) إلآ أنها (خاصة) جداً جداً. أحنّ إلى مشهد الناس فى بلادى , دموع التسامح و الغفران و العفو و العافى و تلك الأحضان التى تمسح كل الضغائن و الأحقاد, هل نحلم أن يعود المواطن السودانى الطيب المسالم البسيط لا ذاك الذى يرفع السلاح فى وجه أخيه السودانى؟؟ أحلم بذلك و أتمناه. دمتى سودانية و دمتم احبتى.
| |
|
|
|
|
|
|
Re: Re: بوست خاص :العيدية و الاماني الســند ســـية (Re: Adel Sameer Tawfiq) (Re: عبدالله شمس الدين مصطفى)
|
سودانيه العزيزه
اتمنى ان تتحق كل امانيك خاصه المخارجه من السودان لانها سهله لكن زي ما قلت في اكثر من مكان الغربه زي الحمام قالوا الفيها عايز يطلع منها والبره منها عايز يدخلها. ربنا ينصرك وينصر شعبنا. لك الود,وعيد سعيد.
Quote: اتمني انه نازر وتراجي يبطلوا مشاكل مع بعض..
ويتنازلوا طواعية عن عرش الخور.. |
رشا شايفاك منزعجه من الخور ده الخور ده اختراع زول اسمه احمد الريح وانا حريصه انه اغذيه له بالمويه طوالي عشان يبطل يقترح حاجات زي دي. تراجي.
| |
|
|
|
|
|
|
Re: بوست خاص :العيدية و الاماني الســند ســـية (Re: hatim ibrahim)
|
الأخت سودانية كل سنة وإنت طيبة وربنا يحقق الأمانى
والأخوات السودانيات والأخوان السودانيين تعود الأيام بالخير والبركة وكل عام وأنتم بخير
وبالمناسبة قرار الغربة قرار صعب يوازيه صعوبة قرار العودة! أذكر عندما عزمت الإغتراب سألنى أحد الأصدقاء إلى أين؟ وعلق على أحد الخيارات – بدون ذكر للبلد ـ بأنها فيلم وحرق! والآن الأفلام الحرقانة كتير!
| |
|
|
|
|
|
|
:العيدية :: بين كعكة السكر و الطاقية (Re: sudania2000)
|
العام الثاني لرحيلك يا ابي و لا عيدية منك هذا العام العيدية ضحكتك الرائعة و انت تزجرني يا بت جيبي الطاقية وانا ازين راسي بالطاقية وليت لي منك بضحكة و علي ان ارجع لك الطاقية
العيدية مني لك يا ابي ان احفظ الوصية ان اكون عشرة علي القضية ان اضمك الي وعدا وقد كان فراقك حتما مقضيا
احبك ابي
العام التاسع عشر لفراق صدر امي الحنون هذا العيد ازين صورتك يا امي بعقد بنفسجي اللون و اسالك وين العيدية تبتسم الصورة و تقول العيدية في الدولاب و اصدق الخبر و اجري افتح الدولاب كعادتي الطفولية العيدية كعكة سكر في كورية العيدية ضمة حنونة منك يا اجمل وجه ومني لكي يا امي العيدية حبي لكي الدائم و شوقي اللامحدود و عملا بالوصية صدق و اجتهاد ووفاء
أحبك امي
بس وين العيدية
| |
|
|
|
|
|
|
مبروك يا بطـــة (Re: sudania2000)
|
اهداء خاص الي اختي الصغري بطــة تزوجت و رحلت عني و هي توأم روحي و الله يا بطة البيت من غيرك خلا و العيد مسيخ و نقول الف مبروك بس وحاتك ما ببقي بلاك وحياتي من غيرك موحشة عيدك ببيتك الاول وعيدي من غيرك الاول ربنا يسعدك و يحقق امانيك وامانيني ليك
| |
|
|
|
|
|
|
Re: بوست خاص :العيدية و الاماني الســند ســـية (Re: sudania2000)
|
الي اسرتي الحبيبة اخواتي الاربعة و اخواني الاثنين الي كل الاهل و الاحباء الي اصدقاء الطفولة الي الجيران الي كل اخوتي و اخواتي في الله الي كل الصديقات و الاصدقاء الي كل الاخوة و الاخوت في سودانيز اون لاين و متصفحي سودانيز الي كل المسلمين في مشارق الارض و مغاربها اليكم جميعا احبتي أقول عيد مبارك علينا عليكم كل سنة طيبين طيبين
| |
|
|
|
|
|
|
Re: بوست خاص :العيدية و الاماني الســند ســـية (Re: sudania2000)
|
الاخوة و الاخوات khaleel احمد العربي yasir Abdelgadir Hololy MaxaB ابي عزالدين البشري نادر الفضلى hatim ibrahim محمد إبراهيم عبد الماجد
بكرى ابوبكر
طارق أحمد أبوبكر Rashid Elhag خالدة البدوي yasiko Dr.Ahmed Boasch محمد المختار الزيادى Tragie Mustafa عبدالله شمس الدين مصطفى Adel Sameer Tawfiq الله جابو معتصم دفع الله Salwa Seyam Amin Hamad Adil Al Badawi Ehab Eltayeb wadalzain ناذر محمد الخليفة ناصر البطل شهاب الفاتح عثمان عبده عبدا لحميد جاد الله Alshafea Ibrahim فيصل نوبي Elmosley Adil Osman خالد عويس عبد المنعم سليمان رشا سالم تولوس أحمد الشايقي شرف الدين آدم إسماعيل انعام عبد الحفيظ محمد الأمين موسى
لكم جميعا اهدي اجمل تبريكات العيد السعيد
و اشكرك لكم امنياتكم الحلوة
واقول ربنا يحقق امانيكم كما تتحقق كل اماننيني
و ربنا يسعد ايامكم و لياليكم
و دمتم
وكل عام و انتم كل الحب
| |
|
|
|
|
|
|
|