[qb] الأحباب الشباب والحبيبات الشابات المقبلات على تكملة نصف الدين يقدمون رجلاً و يؤخرون الأخرى هم هدف هذا البوست و كذلك الشياب المخضرمون في عدة عقود داخل منظومة الحياة الزوجية،حديثوا و حديثات الزواج و الذين مرت على زيجاتهم سنوات بسيطة. إلى كل هؤلاء و أولئك الزواج ليس (قفصاً) كما تسميه التسمية الكلاسيكية بل لو أراد الزوجان لصار عيداً للمحبة و لصار إشعاعاً يتعدى آفاق الحب بمعناه المحصور بين شخصين فقط إلى التواصل مع مؤسسة اجتماعية عمادها محبة جامعة لكل البشر يضوع شذاها و تجعلنا نحس أكثر و أكثر بإنسانيتنا و جدوى وجودنا على ظهر هذه البسيطة. ويناغم التكريس للحب على أنه الأساس و الوسيلة لبناء العش السعيد الذى هو الغاية من هذا الحب و أهم أسسه و آلياته و عمده حتى لا تصدق مقولة أحبها جداً لطرافتها وسعيت جهدي لتجنبها و هى (تزوج بسرعة و اندم على مهلك) ولكن تزوج بتؤدة على أساس متين من المحبة و الإحترام و التفاهم و اجعل علاقتك بالشريك علاقة صداقة و ليست علاقة تقليدية لزوج بزوجته أو العكس. تزوج بتؤدة و اجن ثمار هذا الزواج سعادة متصلة. ولا تتزوج أبداً بسرعة كي لا تندم على مهلك.. فما رأيكم أيها الأحباب و أيتها الحبيبات؟ هل تنطبق عليك تزوج بسرعة و اندم على مهلك؟ أم تزوج بسرعة و اندم بسرعة؟ أم تزوج على مهلك و اندم بسرعة؟ أم تزوج على مهلك و اندم على مهلك؟ أم تزوج على مهلك و لا تندم أبداً؟ أم تزوج بسرعة ولا تندم أبداً؟ أم لا تتزوج واندم بسرعة؟ أم لا تتزوج و اندم على مهلك؟ أم لا تتزوج ولا تندم لا بسرعة ولا على مهلك و ريّح دماغك؟ محبتي
[/qb]
10-09-2006, 08:19 PM
عاطف محمد أحمد زكريا عاطف محمد أحمد زكريا
تاريخ التسجيل: 12-09-2005
مجموع المشاركات: 574
Quote: فما رأيكم أيها الأحباب و أيتها الحبيبات؟ هل تنطبق عليك تزوج بسرعة و اندم على مهلك؟ أم تزوج بسرعة و اندم بسرعة؟ أم تزوج على مهلك و اندم بسرعة؟ أم تزوج على مهلك و اندم على مهلك؟ أم تزوج على مهلك و لا تندم أبداً؟ أم تزوج بسرعة ولا تندم أبداً؟ أم لا تتزوج واندم بسرعة؟ أم لا تتزوج و اندم على مهلك؟ أم لا تتزوج ولا تندم لا بسرعة ولا على مهلك و ريّح دماغك؟ محبتي
لنا مهدى تحياتى كل الحالات اعلاه بتنطبق على الناس الاسوياء الذين حالفهم الحظ وجعل لهم مطلق الحرية فى ان يتزوجوا بالطريقة التى يفضلونها والاشخاص الذين يقع عليهم اختيار القلب ولكن يسوى شنو الزول كان شايل رماد قلبه الحرق حتى قارب خريف العمر ان يغور فى ستين داهية.. اعتقد فى الحالة دى بتزوج فقط (ده اذا تزوج) من باب اداء الواجب ليس الا وعندها فان الندم اذا كان على مهل او على عجل لا يضفى طعما جديدا للحياة لان حياته اصلا بلا طعم
10-10-2006, 11:32 AM
lana mahdi lana mahdi
تاريخ التسجيل: 05-07-2003
مجموع المشاركات: 16049
Quote: لنا مهدى تحياتى كل الحالات اعلاه بتنطبق على الناس الاسوياء الذين حالفهم الحظ وجعل لهم مطلق الحرية فى ان يتزوجوا بالطريقة التى يفضلونها والاشخاص الذين يقع عليهم اختيار القلب ولكن يسوى شنو الزول كان شايل رماد قلبه الحرق حتى قارب خريف العمر ان يغور فى ستين داهية.. اعتقد فى الحالة دى بتزوج فقط (ده اذا تزوج) من باب اداء الواجب ليس الا وعندها فان الندم اذا كان على مهل او على عجل لا يضفى طعما جديدا للحياة لان حياته اصلا بلا طعم
الحبيب عاطف التقدم في العمر ليس مبرراً للزواج و (خلاص) العمر هذا إحساس داخلي أكثر من كونه سنين تحصى و تعد بالله أسرع و إلا لقاربت خريف العمر عزابي يا حبيب
10-10-2006, 07:08 PM
عاطف محمد أحمد زكريا عاطف محمد أحمد زكريا
تاريخ التسجيل: 12-09-2005
مجموع المشاركات: 574
Quote: الحبيب عاطف التقدم في العمر ليس مبرراً للزواج و (خلاص) العمر هذا إحساس داخلي أكثر من كونه سنين تحصى و تعد بالله أسرع و إلا لقاربت خريف العمر عزابي يا حبيب
اتفق معك ولكن ليس هذا ما اعنيه اقول ليك شنو بس ياخى قالوا الجمرة بتحرق الواطيها وتسلمى
10-09-2006, 08:20 PM
Sabah Hussein Sabah Hussein
تاريخ التسجيل: 09-05-2006
مجموع المشاركات: 2024
والله يالنا دا كلام مجـرب ما كلام طبيب. قولتـى لي على ضمانتك مابتقصـرى يالانصاريه. لكن موضـوع العرس ابدا مافيهو ضمانات. والتنظير فيهـو ساهـل على ارض الواقع التنظير بشيلو الهـواء. والعـرس ذى البطيخه المقفوله يا اما تطلع حـمراء وحلوه او بيضاء ومسيخه. ماعايزه اكـون محبطه لكن الزواج مسئوليه تاريخيه.والاحباط فـى العرس سلاح ذو حـدين ياإما تكون قـوى جـدا وتحقق نجاحاتك بعيدا عن المؤسسه الزواجيه او تبقى ضعيف وتركن للفشل.
10-10-2006, 06:46 PM
lana mahdi lana mahdi
تاريخ التسجيل: 05-07-2003
مجموع المشاركات: 16049
Quote: والله يالنا دا كلام مجـرب ما كلام طبيب. قولتـى لي على ضمانتك مابتقصـرى يالانصاريه. لكن موضـوع العرس ابدا مافيهو ضمانات. والتنظير فيهـو ساهـل على ارض الواقع التنظير بشيلو الهـواء. والعـرس ذى البطيخه المقفوله يا اما تطلع حـمراء وحلوه او بيضاء ومسيخه. ماعايزه اكـون محبطه لكن الزواج مسئوليه تاريخيه.والاحباط فـى العرس سلاح ذو حـدين ياإما تكون قـوى جـدا وتحقق نجاحاتك بعيدا عن المؤسسه الزواجيه او تبقى ضعيف وتركن للفشل.
الحبيبة الصبوحة بمناسبة ال(بتيخة المقفولة )أحكي ليكي نكتة: واحد جا لي والدو قال ليهو يابا داير أعرس أنصحني.. أها الأبو بي حكمة السنين قال لليهو (يا ولدي العرس زي البرميل النصو الفوق عسل و النص التحت زفت) أها مرت الأيام ..قام الأبو سألو بعد كم شهر:"أها ياولدي لقيت العرس كيف؟؟" قام الولد قال ليهو "أظن يابوي فتحتا البرميل بالمقلوب" أها بشجعك على ضمانتي لأني من (أنصاريات )تزوج على مهلك و لن تندم أبداً.. وقلتي كلام مجرب؟ طيب أكيد عارفة إنو مافي تجربتين في الدنيا بتشابهو لأن القياس في الحتة دي ما سليم.. أقدمي و لن تندمي 2
10-10-2006, 06:57 PM
Sabah Hussein Sabah Hussein
تاريخ التسجيل: 09-05-2006
مجموع المشاركات: 2024
نكته شكلها بتنطبق علي كدا. انا برضو يظهر فتحت البرميل بالمقلوب. لكن طلعت منو امـوره عـسل الله يخليها لي ويسعدا واشوفها عـروس انشاءالله.قبل ما الكيزان يقصروا عـمرنا.
Quote: يسوى شنو الزول كان شايل رماد قلبه الحرق حتى قارب خريف العمر ان يغور فى ستين داهية.. اعتقد فى الحالة دى بتزوج فقط (ده اذا تزوج) من باب اداء الواجب ليس الا
شكلك كده قاصدني عديييييييييييل كده بس ما عاوز تقول اسمي
شكرا الأخت لنا على هذه الوصايا القيمة وشكرا للخلفية ( الزرقاء ) الرائعة فاللون محبب جدا عندي
دائما لما تجي سيرة الزواج بتذكر لي نكتة باااااايخة لكن بتضحكني شديد قالوا واحد من أهلنا الحلفاويين متمسك بدينو شديد ( دي المفارقة الأولى في النكتة ) ..الفروض كلها في الجامع ...يصوم ويزكي .. ويحب اعمال الخير ... الخ المهم ابوهو كل مرة شابكوا .. يا مهمد صالح انت لازم تتزوج وتكمل نص دينك .. تحت الضغط قام صاحبنا اقتنع .. واتزوج وبعد الزواج قلب 180 درجة بقى زول بتاع عربدة شديدة يوم كده أبوهو لقاهو بعد نص الليل في حالة كده ما ياها قال ليهو : يا مهمد صالح نحن قلنا ليك تكمل نص دينك تقوم تطلع من النص الأولاني ...
نحن بس نقبض قوي في النص الأولاني ده .. طالما الشغلانة غلبتنا
تحياتي .. ورمضان كريم
10-10-2006, 06:59 PM
عاطف محمد أحمد زكريا عاطف محمد أحمد زكريا
تاريخ التسجيل: 12-09-2005
مجموع المشاركات: 574
Quote: Quote: يسوى شنو الزول كان شايل رماد قلبه الحرق حتى قارب خريف العمر ان يغور فى ستين داهية.. اعتقد فى الحالة دى بتزوج فقط (ده اذا تزوج) من باب اداء الواجب ليس الا
شكلك كده قاصدني عديييييييييييل كده بس ما عاوز تقول اسمي
شكرا الأخت لنا على هذه الوصايا القيمة وشكرا للخلفية ( الزرقاء ) الرائعة فاللون محبب جدا عندي
الحبيب حاتم شكراً يا هلالابي الحبيب عاطف دة وصاياه ممتازة في حالة قصدتو ل(إستشارات)وكدة
Quote: دائما لما تجي سيرة الزواج بتذكر لي نكتة باااااايخة لكن بتضحكني شديد قالوا واحد من أهلنا الحلفاويين متمسك بدينو شديد ( دي المفارقة الأولى في النكتة ) ..الفروض كلها في الجامع ...يصوم ويزكي .. ويحب اعمال الخير ... الخ المهم ابوهو كل مرة شابكوا .. يا مهمد صالح انت لازم تتزوج وتكمل نص دينك .. تحت الضغط قام صاحبنا اقتنع .. واتزوج وبعد الزواج قلب 180 درجة بقى زول بتاع عربدة شديدة يوم كده أبوهو لقاهو بعد نص الليل في حالة كده ما ياها قال ليهو : يا مهمد صالح نحن قلنا ليك تكمل نص دينك تقوم تطلع من النص الأولاني ...
نحن بس نقبض قوي في النص الأولاني ده .. طالما الشغلانة غلبتنا
تحياتي .. ورمضان كريم
غايتو دة الزواج كان معاهو بالساحق و الماحق يا زول البيقولوهو عن المرأة و النكد والنقة و و و ودي إشاعات ساكت بيطلقها (البعض) ممن يحسدون ال(عزابة) ولا يودون لهم الخير يلا إتوكل و ما ح تندم. ورمضان كريم
10-09-2006, 08:40 PM
نصار نصار
تاريخ التسجيل: 09-17-2002
مجموع المشاركات: 11660
الله لا جاب ندم الحكاية كلها تكمن في الفروقات الدقيقة جدا بين الرجل المرأة بجوانبها المادية و المعنوية دي حاجة ممكن تكون دفعا للعلاقة و تمتين لها او تكون قنابل تفجرها خالص خالص الله يهدي سري الجميع
10-09-2006, 08:58 PM
فاروق حامد محمد فاروق حامد محمد
تاريخ التسجيل: 08-07-2006
مجموع المشاركات: 4648
الزواج شراكة خاضعة لمجريات الحياة الراتبة بكل فصولها ، ولكن يبقى فن إدارة الفصول هو الفيصل ! .. الراتبة والراتب لا يلتقيان فالراتب يغير الراتبة وهو الأصل لكل حبيب
10-14-2006, 12:00 PM
lana mahdi lana mahdi
تاريخ التسجيل: 05-07-2003
مجموع المشاركات: 16049
الله لا جاب ندم الحكاية كلها تكمن في الفروقات الدقيقة جدا بين الرجل المرأة بجوانبها المادية و المعنوية دي حاجة ممكن تكون دفعا للعلاقة و تمتين لها او تكون قنابل تفجرها خالص خالص الله يهدي سري الجميع
الحبيب نصار تحية و تقدير كلامك حكمة يا حبيب كل تجربة وكل زيجة لا تشبه الأخرى قالت لي صديقتي(يوميات زواجي مثل فن إدارة الأزمات) ضحكتُ لطرافة التشبيه ثم سرعان ما قطبتُ لمعاناتها! والله لا جاب ندم
10-10-2006, 00:30 AM
فارس موسى فارس موسى
تاريخ التسجيل: 12-01-2004
مجموع المشاركات: 1357
العزيزه لنا رمضان كريم فاتحه سيره العرس فى رمضان مالك ومن لم يستطع فعليه بالصوم ونحن فى شهر الصوم ذاتوا لم اتزوج بسرعه ولم اندم على مهلى والزواج كالقبر اما حفره من حفر النار او روضه من رياض الجنه لاتفيد فيه العجله ولا المهله وارجى الراجيك شقاى الضقتوا كلوا بجيك (محدمود تاور) تصومى وتفطرى على خير
10-10-2006, 07:57 AM
عبدالمنعم خيرالله عبدالمنعم خيرالله
تاريخ التسجيل: 08-28-2006
مجموع المشاركات: 688
الحبيبة لنا سلام وطابت اوقاتك انت عارفه مسالة الندم ده حاجة متقدمة جدا وكده خلينا منها نجييها بعدين ,لانو المسالة مبدا الزواج زاتو يتم كيف لانو زمان ناس الانقاذ حاصرونا وضيقوا فرص العمل علينا ولما طلعنا بره ولقينا الشغل بقينا نصرف على القاعدين جوه لان الانقاذ افقرتم وفى الحالتين ما فى زواج عشان كده كده خلى النتزوع اولا بعدين مسالة الندم ده ليها الف حلال وليك الود
10-10-2006, 10:19 AM
بهاء بكري بهاء بكري
تاريخ التسجيل: 08-26-2003
مجموع المشاركات: 3532
lana mahdi رمضان كريم تزوج على اقل من مهلك...............استفتى قلبك و عقلك برضوا حاول تعرف كل حاجه عن الاخر............الحجات اللى بيحبها , الحجات اللى ما بيحبها, الاكل , الالوان , لو فى طريقه اعمل اختبار مستوى الذكاء. علاقاته مع اهله و الاصدقاء اى حاجه..... كل كبيره و صغيره و ان شاء الله ما ح تندم. و لو ندمت ما ح تندم شديد
Quote: لكن موضـوع العرس ابدا مافيهو ضمانات. والتنظير فيهـو ساهـل على ارض الواقع التنظير بشيلو الهـواء. والعـرس ذى البطيخه المقفوله يا اما تطلع حـمراء وحلوه او بيضاء ومسيخه.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
lana mahdi
عاطف محمد أحمد زكريا
Sabah Hussein
نصار
فاروق حامد محمد
عبدالرحمن الحلاوي
فارس موسى
خالد الأيوبي
saif massad ali
Ibrahim Algrefwi
جلال ناصر
عبدالمنعم خيرالله
بهاء بكري
khaleel
smart_ana2001
محمد عادل
أحمد الشايقي
alsngaq
مريم بنت الحسين
محمد الأمين موسى
Mustafa Mahmoud
فيس بوك
تويتر
انستقرام
يوتيوب
بنتيريست