|
|
|
 Re: مظاهره فى كندا....ولا بارتى فى نمره أتنين (Re: Hussein Mallasi)
|
حاتم الياس
لا وحياتك سميها كمان قعده في النادي الامريكي
عشان المكان ممكن يشبه النادي الامريكي في المنشيه.
يا فارغ انت
الصور كتبت عليها عشان الزيك ديل راميهم جمل
انها للمنظمين.
المظاهره لا تحتاج توثيقي او مقال زي مقالك الهزيل
المظاهره تناقلتها كل وكالات الانباء الكنديه
ونقلت على الهواء مباشرة لكن ولاننا في التظاهره نفسها لم نصور شيئا يذكر.
وفرحان بشبابك جاي تتخفف وبتدعي بيان وعقيد لمجاراتك
مبروك عليك الانحطاط بخطابك لهذا المستوى.
تراجي.
| |
 
|
|
|
|
|
|
|
|
Re: مظاهره فى كندا....ولا بارتى فى نمره أتنين (Re: BAKTASH)
|
الاخ بكتاش( BAKTASH)
لا يعرف حاتم انه يخسر من كان يحترمه بمثل هذا الكلام الخارم بارم
دعه يخسر كل يوم نفرا.
وهذه هي الصور التي جعل منها موضوع لاحظ
كتبت انا: بعض (منظمي) يعني حتى كل المنظمين لم احصل على صورا لهم.
ناهيك عن صور المظاهره فعلا,ليتندر حاتم الياس على العدد ويا ريته
يا حاتم كان قدر (بارتي )فعلا ,لانه ما كان نتائجه دخول القوات الدوليه الجايه
رغم انف العروبين والاسلامين من امثالك.
(صور ) بعض المنظمين لمظاهرة تورنتو
تراجي.
| |
|
|
|
|
|
|
|
|
|
Re: مظاهره فى كندا....ولا بارتى فى نمره أتنين (Re: BAKTASH)
|
ود الياس العزيز
لا ادري من الصبح استيقظت وانا اتذكر قصة خريف البطريق..
ودهشة الشعب المرعوب عند ظهور تلك البقرة في الشرفة الرآسية..
لا ادري يا صديقي ان منخوليا النضال عندما" تتشعبط" بعض الناس
تحولهم الى امساخ.. وتصور ان ما رايته اصابني بذات الرعب
الذي اصاب اهل البلدة من طلة البقرة من الشرف الرآسية..
اليوم يا حاتم حضرت فلم لودي الان.. كم احب هذا الممثل المخرج المؤلف
تلفت نظري حوارات افلامه.. دائما يتخيل لي انني ساجدها ممتعة اذا سمعتها في شريط
بنفس الصورة التى شاهدتها..
فلم يحكي عن الخيارات والموت..
وكيف يمكنك ان تختار جحيمك في اي وقت... 
شكرا لهديتك تعرف كم احب كتاباتك فهي تحفر في الذهن والوجدان..
محبتي
| |
|
|
|
|
|
|
|
|
|
Re: مظاهره فى كندا....ولا بارتى فى نمره أتنين (Re: bayan)
|
أعتقد بان (ملاسى) قنطرنى بلاسبب...!!
الأخت تراجى..سبب وحيد يجعلك تربطين بين كتابتى هذه ومظاهرات كندا مافى أنا أكتب من وحى الخاطر على وقائع عامة ليس لها خصوصية فى مكان بعينه ولو كانت الظلال الوفيرة للغة أى لغة من حيث السرد والوقائع تتشابه مع أخرى جابهها وعيشها الناس لما كتب أحدهم حرف ظروف البشر تتشابه وكذلك الحياة ولأجل ذلك كان المتلقى جزء أساسى من نص الكاتب فهو يحيل المعنى لمتشابهات فى أقداره...مالى ومال مظاهراتك أنا دا الفراغ الجد جد (لمن أحرس مظاهرات تراجى ونضالاتها) وأجى أكتب عنها بصراحة أنتى مافاكاها فى نفسك شوية (من يمدنى برابط حول علم نفس المنابر الألكترونية)!!!مانكتب معاكم تانى الواحد يكتب فى السياسة تلعنوه يعمل نفسو دمو خفيف وظريف برضو تلحقو فى فوبيا بتاعت أحالات لعينه تكره
أطالبك بالأعتزار لى فوراً عن كلمات غير لائقة فى حقى..
بيان..دائماً منى الود والتقدير
بخاف..شكراً لكن يأخى (حقو تفهمنى يانغم نمى) زى ماقال ترباس
بكتاش..كابتنى الحريف الجميع يسأل منك وكمال دقشة جننى طالب تلفونك تحياتى (لعماره)
ياصديقى السياق مختلف جداً ولاعلاقة له بمظاهرة كندا ولاأى مظاهرة تفتح التلفزيون وتشاهد كل مره مظاهره فى العالم دا بفرتقوها بالخراطيش بتاعت الموية يعنى فى رمضان الساخن ده لو قامت مظاهره فى السودان وقالوا برشوهم بخراطيش الموية (الحكومة جاها بلا)
التلفون لدقشة ([email protected])
| |
|
|
|
|
|
|
|
|
|
Re: مظاهره فى كندا....ولا بارتى فى نمره أتنين (Re: حاتم الياس)
|
اﻻخ حاتم
رمضان كريم
لم اكمل قراءه مقالك.....
بس عايز اقولك ليك لو عندك كلام عديل قولو وخلصنا
ولو عندك رائ فى كندا وناس كندا قولو وخلصنا
ولو عندك رائ فى تر اجى برضو قولو وخلصنا
عشان نعرفك شايت وين ونخلص
ولو سمحت اكتب لينا بلغه مباشره من غير نثر و استعراض بمقدراتك
اﻻدبيه
وشكرا
| |
|
|
|
|
|
|
|
|
|
Re: مظاهره فى كندا....ولا بارتى فى نمره أتنين (Re: حاتم الياس)
|
أخي الحبيب حاتم
لك التحية
وشكرا على الهدية الرمضانية
| Quote: ثم أننى أحب مصطفى السعيد بطل الولى الصالح (الطيب صالح) فى الهايد بارك بين الجمع المنشغل بخطيب بارع يتحدث فى أمراً ما كان هذا الكارثة يتشمم مثل ثعلب ثمار شهواته بين أغصان الحديقة متعة سردية موازية للحدث لن يفصل خطيب الهايد بارك فى ترسيم حدود أنفعالاتها وتركها لنا كقراء نجوس فى متعة الحكايا والعبث...مع الطيب الصالح |
انت عارف المشهد دا بالذات ذكرني شخصية (أبو زيد السروجي).. في مقامات الحريري.
لم تخطر ببالي العلاقة بين مصطفى سعيد في مشهد الهايد بارك، وبين أبو زيد، إلا عندما
قرأت لمحتك هذه.. والرابط أن مصطفى سعيد والسروجي يسبكان الحديث وفي ذهنيهما هدف آخر..
وطالما الكلام جاب الكلام .. نهديك (المقامة الصنعانية)
وللأحباب.. تحية
| |
|
|
|
|
|
|
|
|
|
Re: مظاهره فى كندا....ولا بارتى فى نمره أتنين (Re: حاتم الياس)
|
ياحاتم
سلامات تاني
في مداخلتي الفاتت حاولت (أطنش) سلبطة تراجي (المعتادة)..
لكين مادام جا صاحبك (هلوكوستاوي).. فعايز أقول ليك
ياخي والله الفلم دا نحن خشيناهو كتير..
تراجي تتسلبط، وتلبسك جريمة، ويجو الجماعة (الترابلة) يناولوها
الطين لحدي ما التهمة تثبت عليك.. رغم براءتك الواضحة..
ياخوي دحين التهمة لابساك لابساك..
والجماعة ديل كل ما حاولت توضح الحقيقة، ح يتّلّحوك أكتر..
(أسعلني انا)..
ما عايز أقول ليك (صهيِن) لأنو الصهينة دي (حقتم بجدارة)..
هسي ما شايف أبلة تراجي بتطبق بروتوكولات بني صهيون مع الأطفال المساكين ديل..
وما عايز أقول ليك (طنّش) لأنو واطنشن أو واشنطن عندها علاقة بالكلمة دي
وفي الحالية دي عمك (هولوكوستواي) ح يجيب ليك صور أكتر (أكيد في أكتر)..
طيب أقول ليك شنو..!!
انا عارفك انت زول حريف بس كمان الجماعة ديل متمرسين في أساليب
(كتل البلاطة أو الدش).. فأول حاجة اتخلص من البلاطة وبعدين الدش.
الدبش والدرجي حمى خفيفة..
وبعدين ما تنسى (الفورة ألف) وانت يادوب خشيت اللعبة بعد ما أعلنت رأيك
في القوات الأجنبية..
بس قول "اللهم طولِك يا روح".
تصبح على خير
| |
|
|
|
|
|
|
|
|
|
Re: مظاهره فى كندا....ولا بارتى فى نمره أتنين (Re: عبد الله عقيد)
|
الحبيب عبدالله ودعقيد
أت عارف أنت وبيان بتعنو لى شنو (يأخى الغنى الأنسانى) (كثافة الروح والرحابة الأنسانية الخلاقة) ودى حاجات حقت ربنا مابديها لناس من الباب للطاق ومابتعرف اللون السياسى ولاالفكرى والله لاوراك الشيوعى التجم ولاالأسلامى الدلاهه..مردها للتجارب أقول ليك..........عبقرية الأحساس
خليك ماسك فى (حريف دى) وغنى معاى (خليهم يقولوا زى مالناس بقولوا حلات الجمعة يومو وحلو شمبات مقيلو)
وتصبح على خير
| |
|
|
|
|
|
|
|
|
|
Re: مظاهره فى كندا....ولا بارتى فى نمره أتنين (Re: Ahmed Mohamedain)
|
العزيز حاتم
معك تحلى الدنيا وتتحد في انسانية عظيمة..
كنت اتحدث يوما مع عضو في هذا المنبر من اصحاب رجاحة العقل والنظرة الثاقبة.
قال لي: يا دكتورة ليه طوالى بتدافعي عن نفسك وتبرري؟
قلت له: لان دائما في حالة اتهام.
قال لي: لا احد يجق له ان يتساءل عن نواياك وشهاداتك. فلا تعطيهم حق لا يستحقونه..
هذا منبر حر للحوار تكتب ما تراه دون تجريم..
قلت له: انا فقط افند الاكذايب لان لدي تجربة في ان تلصق فيك كذبة مثل كذبة اني هاكر رغم ان مهارتي في الكمبوتر لا تتعدى
فتحه وقفله..
قال لي: هذا راي وارى انك لا تعطي احد فرصة ليضعك في خانة اتهام ولا تبرري والا ضيعتي زمن ثمين..
ثم اردف انا مختلف معك في كل شئ لكن لا ارى انك اقل وطنية مني ولا اصدق انك كوزة او في الامن..
وهذا راي عدد كبير هنا من الكتاب والقراء فلا تضيعي زمنك..
انتهت النصيحة الثمينة وطفقت افكر فيما قاله هذا الرجل.. ووجدت به كثير من رجاحة العقل..
فنحن ككتاب يجب ان نحكم ضمائرنا ونكتب بصدق. للطرف الثالث وهو القارئ..لأنه الوحيد الذي لديهالحق في محاسبتنا..
كتب صلاح ابان معركته مع الشيوعين مخاطبا الطرف الثالث قائلا فيما معناه انه يوما
ستقرأ ما كتبت واود ان تفهم ما كتبته وانني كتبت بصدق..لآن التأريخ لا يرحم..
فيا اعز الناس لا تحزن وأكتب لان الله اعطاك هذه الموهبة العظيمة لتسخرها لما ينفع الناس..
أكتب ما تراه بصدق وآمانة. لان اطول من السور القلم ..
اما تراجي فقصتها قصة فهي مثل من يقف على قارعة الطريق يحمل رشاش اتوماتيكي سريع الطلقات
ويرش به السابلة دون تميز...
ابنتي الغلباوية ضحى تشترك في فريق المدرسة للمناظرات منذ ان كانت في العاشرة بعد جهد جهيد اعطيت جائزة احسن مناظرة لسنة 2005
وذهبت الى الجامعة لتدرس العلوم السياسية. واشتركت في فريق المناظرات..
قال لها مدربها.: انت ذكية ولديك امكانات ولكن المناظرات تحتاج الى قناص وانت مثل من يحمل رشاش
ويصوب تجاه كل الناس والافكار.. منذ عام وضحى تتعلم ان تكون قناصة للفكرة. وتترك فكرة الرشاش
ضحى في السابع عشرة من عمرها.. الانفعالية الوقوع في اخطاء فهم الاخر والتسرع في الردود شئ عادي لمراهقة
ولكن ما بال المرأة الناضجة تراجي..ترش السابلة وتتسرع في الردود؟
| |
|
|
|
|
|
|
|
|
|
Re: مظاهره فى كندا....ولا بارتى فى نمره أتنين (Re: فرح)
|
الأخ حاتم
أيام القصف على لبنان شاركت في مظاهرة إحتجاجية تنادي بإيقاف العدوان على لبنان وقدسارت المظاهرة في شوارع لندن المحاطة برجال الشرطة الذين تراهم هنا وهناك. المهم كانت اول مظاهرة اشاهدها في لندن. والله لولا اللافتات التي تهاجم بلير وبوش والعدوان والقصف لظننت أنني في كرنفال. كان هنالك من يهتف ومن يعزف على آلات موسيقية متعددة ومن ينشد ألحانا طروبة ومن يرقص ومن يرفع لافتات عليها رسومات تدين القصف وصناعة الموت ومن يبيع لوحات صغيرة تدين صانعي الموت بلير وبوش ورايس ومن إليهم.المتظاهرون كانوا رجالا ونساء من مختلف الجنسيات والألوان والأعمار. كان هنالك من يحتسي المشروبات
ومن ياكل الآيس كريم ومن يتبادل الحديث والضحكات . وكانت زخات المطر تكرم المتظاهرين في يوم ما الف أهل لندن حرارته، وتحسبا من اهل لندن المستعدين دوما لكافة الأحتمالات ( مناخيا أقصد) أخرجوا المظلات الملونة لتقيهم من البلل وكثيرون ساروا بلا مظلات. المطر لم يوقف المسيرة ولا رجال الشرطة. سارت المسيرة تسودها الطمأنينة والنظام ولم يكن هناك خراطيم مياه ولا البنبان. وأمام مبنى السفارة الأمريكية كان هناك ما يشبه المهرجان. رقص من رقص وغنى من غنى وهتف من هتف وكالوا الشتائم لبوش وطالبوا بلير بالذهاب بعد أن أخبروه بانه قد خذلهم مرة أخرى بفعل الحرب. وكنت ارى الجماهير الغاضبة وأرى رجال الشرطة ووجوههم بلا تعبير يبدون عزلا من السلاح ويقفون في أماكنهم لا يتزحزحون عنها.
واذكر مظاهرات اخرى في بلادي وبلاد أخرى وأتعجب.
| |
|
|
|
|
|
|
|
|
|
Re: مظاهره فى كندا....ولا بارتى فى نمره أتنين (Re: ملكة الفاضل عمر)
|
Quote:
..ده بوست (سريالى) ماتحاول تفتش فيهو عن منطق ظاهرى..
|
My understanding of surrealism is the representation of unconscious thoughts and dreams through the use of images and incongruous juxtapositions.
Can you define in your post the images and juxtapositions and the methods of the thought and dreams.
The word juxtaposition is void neither of consistancy nor relevance.
| |
|
|
|
|
|
|
|
|
|
Re: مظاهره فى كندا....ولا بارتى فى نمره أتنين (Re: حاتم الياس)
|
.
| Quote: لا يعرف حاتم انه يخسر من كان يحترمه بمثل هذا الكلام الخارم بارم |
في كل مشاركة يزداد احترامي لك يا حاتم..
مدهش اسلوبك ..ومواقفك مشرفة ..
تحسرت لأني زرت مراكش بعد مغادرتك
قطعا ... كثير من المباديء كانت ستجمعنا..
واصل يا أخي ..
تحياتي .. وعواشرك مبروكة
| |
|
|
|
|
|
|
| |
حاتم الياس
Hussein Mallasi
Tragie Mustafa
Bakhaf
BAKTASH
bayan
ناذر محمد الخليفة
عبد الله عقيد
Kostawi
Mohamed Suleiman
nour tawir
Ahmed Mohamedain
فرح
فيس بوك
تويتر
انستقرام
يوتيوب
بنتيريست