|
بت مسيمس... و الزبير باشـــا..."ملحمة البطولة"
|
بت مسيمس هي شاعرة.... وفد تغنت ببطولات الزبير باشا رحمة وسوف اقوم بنقل كل ما يقع تحت يدي من اشعار....وبالله الجماهة المستنيرين ايدكم معانا...وفي كل بيت شعر تلقوهو فيهو اجر.. في رمضان دا
بسم الله
قالت بت مسيمس...وهي خائفة على الزبير من رحلته الي مصر والتي تم اسره فيها:-
من قومة الجهل انت العظيم منصور
ادوك الامان خايفين عليك الجور
في الخرتوم نزل ادلى بالبابور
في بربر رسا بالقهوة غفرًا تدور
حلّوله الجمال اتوجه.....العتمور
حلق الريف نزل قال لمصر دستور
في بلد النصارى كم سحت بالبابور
كل صبحًا جديد راكب على الحنطور
|
|
|
|
|
|
|
|
Re: بت مسيمس... و الزبير باشـــا..."ملحمة البطولة" (Re: سجيمان)
|
واسترلست بت مسيمس تقول:-
في السودان قبيل ما بشبهوك الناس
يا جبل الدهب الصافي ماك نحــــاس
بارود انتصار عند غمرة الكــــبّاس
خليت المجوس الين من القــــــرطاس
عدّى عصرو زين في بلاد النـــــــاس
وفي دار غرب دق للرجالة نحـــــاس
كم قتّل سلاطين خلى دارها يبــــاس
ود رحمة الزبير تمّ الرجـــالة خلاص
| |
|
|
|
|
|
|
Re: بت مسيمس... و الزبير باشـــا..."ملحمة البطولة" (Re: سجيمان)
|
شكراً د . عادل سجيمان نرجو المواصلة في هذا التوثيق الذي نتمنى أن يكون ملف خاصاً بهذه الشاعره وغيرها من مبدعات السودان اللائي تعداهن التاريخ . ونتمنى من كل الذين يعرفون شيئاً عنها أو أي من الأخريات أن لا يبخل به وها هي الأسافير مفتوحة وشكرنا للريس بكري . شكراً د. عادل
| |
|
|
|
|
|
|
Re: بت مسيمس... و الزبير باشـــا..."ملحمة البطولة" (Re: سجيمان)
|
حرضته بت مسيمس لحرب مشايخ الرزيقات الذين نقضوا عهدهم بقولها: جنك تلات ورقات جيب ردهن صقور الجو حلقن قوم غدّهن يا مقنع الكاشفات لاحدهن
*منقول عن مداخلة للاخ سيف الديثن ابراهيم في بوستي " الي الذين حولّهم الزبير باشا من بعاعيت وسحاحير الي بشر"
| |
|
|
|
|
|
|
Re: بت مسيمس... و الزبير باشـــا..."ملحمة البطولة" (Re: سجيمان)
|
وقالت وهي ترثيه :-
تبكيك دار جعل يا الضل ويا الستره يا درب الصراط منو البيتخترا الجود والكرم خلقه الله فيك فطره فيك معن بن زايد ما يجي قطره وقالت: ود رحمه دقر الكنيسة الهام يا بحر المحيط ما بيقطعوا العوام تبكيك الغروب من برقو لى دار تام تبكيك العجم فرتيت نيام نيام تبكيك العرب من الحجاز للشام ومن بلد اليمن لى تونس الإسلام
| |
|
|
|
|
|
|
Re: بت مسيمس... و الزبير باشـــا..."ملحمة البطولة" (Re: سجيمان)
|
ود رحمه دقر الكنيسة الهام يا بحر المحيط ما بيقطعوا العوام تبكيك الغروب من برقو لى دار تام تبكيك العجم فرتيت نيام نيام تبكيك العرب من الحجاز للشام ومن بلد اليمن لى تونس الإسلام
تسلم يا دكتور عادل ..
المجد الخالد والتكريم لكافة رموز السودان ..
المجد الخالد للسلطان الزبير باشا رحمه يرحمه الله ..
جاد
| |
|
|
|
|
|
|
Re: بت مسيمس... و الزبير باشـــا..."ملحمة البطولة" (Re: Mohammed Mustafa El-Tahir)
|
يا محمد مصطفى الطاهر......
وقت الحكاية جابت ليها طيور
Quote: يا شلب البرامكة الفي البلد فردة ... طلّق ما هرب حالف من الشردة |
شلب يعني الزول الامير الكبير الراس القدامي
البرامكة نسبة الي البرامكة في عصر هارون الرشيد.. ومقصود هنا انو كريم لانه كان مشهور عن البرامكة الكرم.....
الفي البلد فردة... يعني واحد ما عندو زول تاني بيشبهو..فردة واحدة بس
طلّق ما هرب..حلف طلاق.....حالف من الشردة برضو حلف يمينا ان لايشرد ابدا مهما حدث
Quote: دا البيكرم نسابتو وبعرف القعدة ... طقـم الكلفّـوه ما اتلفَـح الفــردة |
البيكرم نسابتو.. يعزهم ويكرمهم....وبعرف القعدة ..والمقصود هنا القعدة في مجالس الحكم والراي....اي صاحب راي سديد وهو المعنى المقصود الاقرب...طقّم الكلفوهو.... اي لبس طقم من لباس الحرب....ما تلفح ..ما لبس كما تلبس لنساء التوب السوداني...اتلفحت بالتوب يعني لبسته بالطريقة المعروفة..الفردة نوع من التياب السودانية التي تتلفح بها النساء وهي صناعة يدويه غزلا ونسيجا واشتهرت بها مدينة شندي..في صناعة الفرد..
اها قصرت معاك؟؟؟؟
| |
|
|
|
|
|
|
|