هو الجواز الوحيد فى العالم الذى 1- يتم تجديده فى أقل من خمسة سنوات. ( لزوم الضرائب) 2- فيه مهنة ( الزوجة) . زمان كانت ربة منزل ... 3- فيه ( خانة ) توقيع حامل الجواز ولا يسمح له بالتوقيع
وهو أيضا 1- فيه خانة المهنة .. وهذه لا توجد فى أكثر الجوازات رغن أن المهنة تتغير ( لزوم الضراب ..والزكاة!!!) 2- وصف صاحب الجواز ..أنظر للصورة . لو رجلى مقطوعة؟ 3- تتم ترجمة المهن حسب رؤية و معرفة الضابط ( الحمد لله فى قطر زولنا فاهم جدا) 4- تهجئة الحروف الانجليزى ( عينة) ..
09-27-2006, 10:45 AM
lana mahdi lana mahdi
تاريخ التسجيل: 05-07-2003
مجموع المشاركات: 16049
سلامات أخي الحبيب معتصم الجواز دة صادر في الدوحة؟ على الأقل الموظف الكتب البيانات خطاط نحنا البيكتب البيانات (هنا) كأنو بيكتبها بي(كراع جدادة)!! بصدد الكارثة أدناه:
Quote: 4- تهجئة الحروف الانجليزى ( عينة) ..
إسم والدي مرة يُكتب Mahady ومرات يُكتب: Mahdi Mahadi Mahdy Mehdy Mehdi وغالباً يدور الحوار ال(ممل) التالي: -لنا:من فضلك راعي كتابة الإسم بالإنجليزية مضبوط -موظف الجواز(بي صرة وش):وهو فرق في شنو يعني؟؟؟!! -لنا:فرق لأنو وفقاً للجواز كل الوثائق بتطلع مثلاً الشهادات الدراسية و مستندات الإقامة بطاقة العمل إلخ. -موظف العذاب:مافي أيو مشكلة أصّو مادام اللسم بالعربي صاااااح. (قالها بي مطة كدي)
09-27-2006, 05:47 PM
معتصم الطاهر معتصم الطاهر
تاريخ التسجيل: 11-26-2004
مجموع المشاركات: 3995
لاحظى أسماء مثل ( معتصم ) تكتب Mutasim Motasim Moatasim Mo'tasim
أما الطاهر فهذه مشكلة ُEltahir Altahir Eltaher
حتى اسم محمد فله أكثر من طريقة لماذا لا يوحدون اسلوب الكتابة وماذا يفعلون فى اجتماعاتهم؟
وفى الدوحة ضابط جوازات متفهم ..
ففى مهنتنا مثلا ( معمارى) ( أو مهندس معمارى) تكتب Engineer وطبعا هى Architect و هو يقوم بكتابة المعلومات حسب ما يكتبه مقدم الطلب.. أما قبل هذا فقد رفضت استلام جوازى حتى يتم تعديل الاسم والمهنة ...
09-27-2006, 01:18 PM
lana mahdi lana mahdi
تاريخ التسجيل: 05-07-2003
مجموع المشاركات: 16049
طبعاً البوست دة (وقع لي في جرح) لأنني ممكونة!! أها نجي لي باقي التعليقات:
Quote: 2- فيه مهنة ( الزوجة) . زمان كانت ربة منزل ...
أنا ما فاهمة يعني شنو المهنة (زوجة)؟؟ حد علمي أن المهنة يتقاضى عنها الإنسان أجر،وكان كدي الأزواج الله قال بي قولهم خصوصاً ناس اليوبيل الفضي و الماسي مطلوبين كتير! عندي صديقة حبيبة الله قال بي قول البيكتب في كارت الفرح أو الدعوة المرسلة لها و لزوجها (قلان و حرمه) لكن يمكن أن يُكتب(فلان وزوجته)، الليلة دي حأوريها أن الزوجة أضحت (مهنة) مش مرتبة مقدسة و توصيف لعلاقة مقدسة جداً!
Quote: 3- يه ( خانة ) توقيع حامل الجواز ولا يسمح له بالتوقيع
توقيع إيه ؟
Quote: 2- وصف صاحب الجواز ..أنظر للصورة . لو رجلى مقطوعة؟
ديل من زمن الصورة يا معتصم الآن هناك بصمة العين والذي منه لتحقيق الشخصية لكن تقول شنو؟؟؟
09-28-2006, 02:22 PM
خالدة البدوي خالدة البدوي
تاريخ التسجيل: 03-05-2006
مجموع المشاركات: 1816
من مشاكل الجواز السوداني والخاص بالزوجة بانه يكتب الاسم الاول للابن او الابنة ومافيش اي رابط يربط هذا الجواز بجواز الزوج والمشكلة تقابلنا وقابلتني كثير بانهم عاوزين الاسم الكامل للابن او الابنة ويتعب ضابط الجوازات في تكملة باقي الاسم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معتصم الطاهر
lana mahdi
خالدة البدوي
ghariba
فيس بوك
تويتر
انستقرام
يوتيوب
بنتيريست