كتب الكاتب الفاتح جبرا المتوفرة بمعرض الدوحة
|
رمضان ... خرافي .....الكهرباء مقطوعة و الموية مافي
|
السلام عليكم و رحمة الله تعالي و بركاته
رمضانا هنا خرافي
رمضانكم هناك كيف؟؟
اختي زهجانة من قفلة السعودية و قالت عايزة النيمة و عنقريب هبابي
نحن لو ما النيمة و العنقريب الهبابي كان بقينا مافي
الله يصبرنا و يكثر اجرنا
دحين لو عرفتو انو الكهرباء بري بيد تقولوا شنو
بس ياهو دا السودان
ضرائب و اتاوي و خدمات زيرو
لمن تبقي علي الموية و رمضان
غايتو يا ابو الجاز الله يديك العافية
القروش بتاعة البترول دي حلوا لينا بيها مشكلة التاريخ القديم
موية كهرباء
طلبنا دا قاسي
اللهم اني استغفرك و اتوب اليك
الهم ارنا فيهم يوم كيوم ثمود
بركة شهرك العظيم
|
|
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: sudania2000)
|
الاخت سودانية 2000 رمضان كريم وتقبل الله الصيام والقيام وصالح الاعمال.. لكم الله فى الكهرباء القاطعة والموية المافى ..Quote: الله يصبرنا و يكثر اجرنا
دحين لو عرفتو انو الكهرباء بري بيد تقولوا شنو
بس ياهو دا السودان
ضرائب و اتاوي و خدمات زيرو
لمن تبقي علي الموية و رمضان
غايتو يا ابو الجاز الله يديك العافية
القروش بتاعة البترول دي حلوا لينا بيها مشكلة التاريخ القديم
موية كهرباء
طلبنا دا قاسي
اللهم اني استغفرك و اتوب اليك
الهم ارنا فيهم يوم كيوم ثمود
بركة شهرك العظيم |
آمين .. وربنا يحل كل الكرب
| |
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: عزيز)
|
تحياتي أخت (اسمك طويل) ربنا معاكم ... مكاوي محمد عوض (المدير العام للكهرباء)هوالذي فصلني للصالح العام والآن متربع عليها ويسعر في الكهرباء زي ما عايز وانا متأكد الكهرباء ما بتقطع من بيته. غايتو ربنا أخزيهم والنهاية بدأت. زمان أنحنا لمن السجاير يغلى نخرج مظاهرة( بدون كيف نقرا كيف). هسع برضو الشعب العملاق دا ح يسقط الظلاميين المهووسين. بعدين ما تفتكري أنا شايله على المدير العام بسبب فصله لي . لا ..فإن هذا الفصل حقيقة كان في صالحي وأنا متأكد إن كان يدري كذلك لما قام بفصلي. لكن واقف مع أهلنا الغلابة. الذ حاجة أتصلت على والدتي التي ظهر عندها فجأة مرض السكري, فقلت لها يجب أن تبتعدي ولو قليلا عن السكر. فأجابت: نحنا السكر زاتو ما قادرين نشتريه. دا كلو من نوع ديل.
| |
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: mulhim)
|
الاخ الكريم ملهم
اشكرك علي المشاركة
و اهو الحال ربنا يصبرنا و يتقبل منا صالح الاعمال
و تحت هذه النيمة وفي العنقريب اقضي بعض اوقاتي مع اخواتي و اهز الي بصحف سودانية و اخري غير
تتساقط علينا مواضيع شهية و نركن الي الكمبيوتر حين تتلطف الاجواء بزيارة اختنا الكهرباء
و الاجازة في رمضان ضرب من الاخطاء بس احسن حالا من غير الاجواء
دعواتك بس
| |
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: sudania2000)
|
الزولة الراقية سودانية خرافي ..دي من خروف؟ ........... والله من خرافة؟ والله خرافي ..من الخريف؟ ......... والله من خرافي باللهجة السودانية بمعنى لايصدق، والخرافة لاتصدق.. خرافي.. فظيع، مبالغة، حاجة ماتخلص.. عجيب..فوق الخيال..محبط.. غاتيو لهجتنا السودانية حلوة جنس حلاة وعميقة جنس عمق وعندها جنس تمديدات وتفريعات وإشارات.. أنا تسكرني اللهجة السودانية يا سودانية2000
| |
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: sudania2000)
|
المنصوري سلامات
الخرافة واردة هسي دحين في العلم كلوا في بلد بقطعوا الكهرباء 12 ساعة في اليوم؟؟
و الخريفي واردة عشان امبارح من المطرة غلبنا نفطر في الحوش و ا########## طبعا
اما الخروف فدي مافي لانو لحم الخروف في رمضان وصل الكيلو 16000 جنيه و برضو سعر خرافي
الاقرب للصحيح من خرف يخرف خرافيا ودا حالي من الحر و اللهم صبرنا
| |
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: sudania2000)
|
سودانية ٢٠٠٠
كل عام و انت بخير رمضان كريم تصومي و تفطري علي خير ان شاء الله ياسلام علي رمضان فى السودان ويا حليل سفره الشارع مع الجيران نحنا هنا عندنا كهرباء و كل ما تشتهيه النفس لكن رمضان مسيخ لمن غلط لكن الحمد الله و الله رمضان فى السودان بالسخانه و عدم الكهرباء و المويه الما صحيه لكن بختكم و ان شاء الله ربنا يجمعنا معاكم فى السودان الحبيب
| |
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: sudania2000)
|
الاخت سودانية ، ما عارف لكن يبدو لى انك من مدنى لانو فعلا فى مدنى الناس تشكى من قطوعات الكهرباء وامبارح كان فى مطر وقت الافطار وفى بعض الاحياء اذن الاذان قبل وقت الافطار والناس اخدت مقلب محترم ،،، الله يعينكم بس وربنا يثبت الاجر ويعظمه ،،، الشئ الفعلا بحيرك انك لما تدفع مقدما مفروض تلقى الخدمة بس فى السودان بالمقلوب ،،
على العموم رمضان كريم ولا ترد دعوة الصائم وقت الافطار كترو من الدعوات القوية وربنا سيستجيب ليكم لانكم مظلومين
| |
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: Sobajo)
|
سوباجو زح شوية كدي ... انت مالك ومال ناس مدني!!!
بالله يا "سودانية مدني"، كدي شوفي لينا الكهربا مقطوعة
في الدرجة .... ناوي أجي أعيد مع أمي بعد 18 سنة.
وكمان ورينا عبد الله سرالختم الوالي الجديد قاعد يعمل
شنو والكهربا مقطوعة ... بعدين هل باصات جبرونا شغالة
وبص الدوران شغال ... والحلة الجديدة لسع زي ما هي !!!!!! وهل صحيح
عملوا ليكم شوارع ظلط جديدة ... والله ما نفسي في حاجة الا
أركب باصات جبرونا البتستنى الواحد لامن يستحم ويلبس...
يا حليلك يا مدني.... بالله عندي بت أخوي طبيبة جديدة اسمها
سحر عبدالرحمن حامد كان لاقيتيها سلمي عليها وعندي ود أختي
ظلامي انصار سنة أمام جامع انصار السنة يكنى بأبي العباس
كان لاقيتيه أختيه عديل كده .... قالوا بقى ما بسلم على
حبوبته (أمي) في يدها ... عليك الله شفت قلة الأدب دي...وبعدين
عندي صديق عمر اسمه فاروق علي متولي زمان كان بشتغل في الأبحاث
حسع بكون في المعاش عليك أسألي لي منه ...مدني صغيرة أي زول
من العجايز بعرفه... بس عايز تلفونه... وسلمي علي ناس دردق
أها ياختي ودعتك الله ... ونستك... مش ...
| |
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: sudania2000)
|
Quote: 18 سنة ليه كنت في قوانتاناموا و لا لاهاي؟؟ |
سودانية 2000
لا دي ولا دي!!!!!!!!
أنا قاااااااااااااااعد... في أبوظبي بلد الأمن والأمان
ولكني ما جيت عندكم تفاديا لعدم التعرض ل :
- ما هو لا أخلاقي ........
- ما هو لا انساني .......
- ما هو أبغض ...........
- ما هو أردأ ...........
- ما هو أعفن ..........
وأسوأ مما يرتكب في غوانتنامو
اذ ليس هناك أسوأ مما يرتكبه أوغاد الانقاذ وجلاوزته
ضد الشرفاء من أهل السودان في ::::::::::::::::::
بيووووووووووووووووووووووووووووووووت الأشباااااااااااااااااااااااح
القبييييييييييييييييييييييييييييييييييييييييييييييييييييييييييحة
وتسلمي ...
| |
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: sudania2000)
|
تحياتي وتقديري يا سودانيه ..
والله انا ما عارف من شكلك كده كنت قايلك ما معانا و مع الخيانه وبعتذر ..
وجاز شنو ال دايراهو يجيب لينا كهرباء .. ده وزير الطاقه الامنيه هسه ..
ده الطاقه في اسمو وبس .
وقريب ح تضـوي كل بيوتنا ..
ونكون احباب زي ما كنا ..
بالمناسبه ..
Quote: دردق دي بعيدة و بخاف من ....... |
حاره الشطه ولا بعيده دردق ..
وبتخافي من شنو ..؟؟؟
وتفطري علي خير وتحياتي ..
منعم
| |
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: sudania2000)
|
يا سودانية2000
والله خوفتينا من مدني.
برضو كان عندي النية أجيب أولادي بعد غيبة تزيد عن الـ 20 سنة قلت بعد ما كبروا يجوا يشوفوا بلد أبوهم ويحضروا عيد الأضحى مع أهلهم في مدني. لكن كلامك خلانا نأخذ خط رجعة للوراء والتفكير في مسألة السفر والكهرباء المقطوعة دائما. طيب: الكهرباء في مدني كلها مقطوعة أم في بعض الأحياء فقط. حي أركويت بالقرب من جامعة الجزيرة كيف؟ منور ولا مظلم؟ أكان علي أنا ممكن أقعد بلمبة ما بتفرق معاي متعود على البهدلة لكن أولادنا الحناكيش ديل الما متعودين علي البهدلة نقول ليهم شنو؟
| |
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: عزيز عيسى)
|
Quote: حي أركويت بالقرب من جامعة الجزيرة كيف؟ منور ولا مظلم؟
|
تسلم اخي الكريم
و اكيد مدني ح تنور بوصولكم
الحي المذكور بقي من احسن الاحياء بعد الظلط و الادارات الجديدة
هو بنور مرات و بظلم مرات و البرمجة خفية و غير معلنة
يعني تكون شغال يقطعوها و يرجعوها مرات في الساعة الواحدة 4 مرات
دي بلد بلا خطط و لا وجيع
في كهرباء و دفع مقدم بس بقطعوها كثير جدا
ما يفوتك في بعوض
العيال خليهم يجو يتفسحوا و يلعبوا بالطين
برضو تغيير و
تسلم
| |
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: mahmed alhassan)
|
Quote: سنة ليه كنت في قوانتاناموا و لا لاهاي؟؟ |
سودانية 2000
لا دي ولا دي!!!!!!!!
أنا قاااااااااااااااعد... في أبوظبي بلد الأمن والأمان
ولكني ما جيت عندكم تفاديا لعدم التعرض ل :
- ما هو لا أخلاقي ........
- ما هو لا انساني .......
- ما هو أبغض ...........
- ما هو أردأ ...........
- ما هو أعفن ..........
وأسوأ مما يرتكب في غوانتنامو
اذ ليس هناك أسوأ مما يرتكبه أوغاد الانقاذ وجلاوزته
ضد الشرفاء من أهل السودان في ::::::::::::::::::
بيووووووووووووووووووووووووووووووووت
الأشبااااااااااااااااااااااااااااااااااااااااااااااااااااااااااح
القبييييييييييييييييييييييييييييييييييييييييييييييييييييييييييحة
وتسلمي .............................
| |
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: sudania2000)
|
عمتى آمنة الأمين تقطن امسويقو ، كلما ساءت الامور تلجأ لشريط كاسيت لفرقة عقد الجلاد وتردد معهم " حاجة آمنة اتصبرى .... عارف الوجع فى الجوف شديد ... وعارفك كمان مابتقدرى " ، لها ولكم الله . خدمة الدفع المقدم تعنى ضمان حصولك على الخدمة ، وفى حال إخلال أياً من الطرفين بالتزاماته يحق للطرف الآخر حينها الإمتناع عن الوفاء بالتزامه المقابل ، مع حقه فى طلب التعويض جبراً للضرر ، فهل تعى شركة الكهرباء النتائج المترتبة على قطع التيار الكهربائى ؟ ام ان الأمر يندرج تحت بند الهمبتة الدينية ؟؟؟
الهم ارنا فيهم يوم كيوم ثمود
بركة شهرك العظيم آآميييييينننننن
| |
|
|
|
|
|
|
Re: رمضان ... خرافي .....الكهرباء مقطوعة و الموية مافي (Re: sudania2000)
|
Quote: سودانية .. رمضان كريم ..
لاحظت ان مسمى فطور رمضان فى السودان هو (شراب المويات ) وليس (الافطار) ..وهذا ان دل انما يدل على (العطش المقيم) مهما كان توقيت رمضان . اذا" هناك اشكالية بيئية واقتصادية مزمنة .
ربنا حكمتو بالغة البخلى السودان الكبير ده تحت الشمس طوالى .
تسلمى ..بس مجرد مرور |
غايتو يوم الليلة دا فات الخرافة و ربنا يتقبل
سخانة الف و كهرباء مافي
ربنا يصبر اهلنا الغبش
حامدين شاكرين
صائمين قائمين
و علي الله متوكلين
اليوم المويات لو موية ليمون و لا ابري باللونين
العطش خرافي
تفطر ع خير
و شكرا ع المرور الكريم
و لدعواتك منتظرين
تسلم اخي الكريم
| |
|
|
|
|
|
|
|