|
|
|
 Re: رمضــان بدون تـمبـاك و ســجـاير (Re: الخير محمد عوض)
|
الفاضل الخير
رمضان كريم
ويا اخي من يصوم عنهم قرابة ال 15
يستطيع ان يقلع عنهم صدقني
شوف لك ( بندول) كارب وتذكر كم ستوفر من اموال
بعد اقلاعك عنه وستوفق بأذن الله واردتك.
لك الود و الدعوات بالتوفيق.
اما التمباك
فهو المسبب الاساسي لسرطان اللثه.
تراجي.
| |
 
|
|
|
|
|
|
|
|
Re: رمضــان بدون تـمبـاك و ســجـاير (Re: Tragie Mustafa)
|
الاخـت تراجي مـسـاء الخير محمد عـوض 
يا تراجـي الخـرمـة البعـد شــراب المـويات حـااااارة صـدقيني
يعني انا بصـراحة كـدة لو قـدرت اتخلص من عـادة التدخين دي والتي
قررنا( محاولة) الاقـلاع عنها حين انتهـاء شــهــر رمضان..بس ما تقولي
لي ياتو رمضـان  ، صـدقيني تاني ما بكـون عـندي مشـكلة في الدنيا دي
غير حـسـين مـلاســي *
حسين ملاسـي الذي نقصـده هنا هـو (المعنى)، يعني الرمـز. وليس ملاسـي
الكائن امـامنا بنظاراته السـوداء.
مودتي.
| |
|
|
|
|
|
|
|
|
|
Re: رمضــان بدون تـمبـاك و ســجـاير (Re: الخير محمد عوض)
|
الصديق الخير ود بانتنا الندية
ويا حليل عثمان حق الله وجقاوا وحسين امام والمجد وصلاح وياسر الصادق
وسيف ابلانش وعامر كلانا وفوكس حسن كريازي وهقلا وسلافة إلي العم صابر أمد الله في أيامه..
كنا نخلق مشوار الصاعوط لمحلات صابر خلقا حتي نضيع الزمن ونعود للافطار وقد تسكعنا في قتل الزمن قتلا جميلا ويا حليل تلك الايام التي نداولها بين الناس.. الليلة بعد الافطار قلت أدخن لي سيجارة قبل السفة وما تعتر لي يا زول السيجارة دوختني ليك وكدت اغمي عليه..المهم بعد شوية استعدلت وعدت لصاحبتي السفةالظريفة وحلقت كمل حلق الفيتوري في جنة العشاق بلا ساق..يا خي مستاقين وربنا يقبل صيامنا.. وعلي فكرة إنني أستطيع ان اقلع عن السفة شهرا علي أن أدخن, ويمكنني أن أقلع عن السيجارة شهورا علي أن أسف وفشلت كثيرا في أن اخلع أو أقلع ما عارف..المهم
ديمة في العشاق والقلوب مرتاحة..تحياتي وبرضو نمل في نمل ورمضان كريم.
| |
|
|
|
|
|
|
|
|
|
Re: رمضــان بدون تـمبـاك و ســجـاير (Re: الخير محمد عوض)
|
| Quote: رمضــان بدون تـمبـاك و ســجـاير |
كلام وبوست خارم بارم ,,,
شنو يعنى ؟ بدون تمباك بدون سجاير
انت عارف يالخير قالوا عدم الموضوعية بتجيب (,,,,,,, )
ايمن هارون
| |
|
|
|
|
|
|
| |
الخير محمد عوض
Tragie Mustafa
صلاح شعيب
ayman haroun
فيس بوك
تويتر
انستقرام
يوتيوب
بنتيريست