|
التحية لمبدعي سودانيز اون لاين - عضو جديد
|
كل عام و انتم جميعا بخير رمضان كريم و ان شاء الله دائما انتو معانا و نحنا معاكم . التحية لكم جميعا يا مبدعي بلادي. متابع من زمان و من متابعي المنبر الحر يوميا و الحمد لله حصلت اخير علي عضوية المنتدي ولا اقول بيت السودان شكرا يا بكري
و اهديكم جميعا :
أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمان طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك من طوَّل
لسّه معاي
ولى بُكْرَهْ
|
|
|
|
|
|
|
|
Re: التحية لمبدعي سودانيز اون لاين - عضو جديد (Re: Sayed Bekab)
|
العزيز بكري الصايغ
Vielen Dank
لي صديق عزيز يدعي حاتم الصايغ ان شاء الله يكون قريبك ؟
جلال ابوجهينه خيره شباب الرياض كل عام و وانت بخير ما تنسانا من دعوات عمرة رمضان مع اني جيت قريب من العمرة لكن مشتاق شديد لمكة
الأستاذة تماضر شيخ الدين
ده انا فى ولايتك يا ست الكل خلاص تعالوا افطروا معانا يوم في رمضان ان شاء الله تحياتي لهشام و اسرته الكريمة
ابوعسل
تسلم يا غالي
خالد العبيد
كل عام و انت بخير و كل الشباب فى استراليا بخير
فاروق حامد محمد
رمضان كريم و تسلم يا عزيز
| |
|
|
|
|
|
|
Re: التحية لمبدعي سودانيز اون لاين - عضو جديد (Re: Sayed Bekab)
|
الأخ سيد بيكاب سلام مرحبا بك في المنبر العام...
لمن لايعرف الأخ سيد بيكاب : من قدامي أعضاء سودان نت .. يتصف بالأدب الجم ومشاركاته ثرة من المتابعين والمواظبين للمنابر ... انه اضافة حقيقية لهذا المنبر .
أرجو من الجميع أن يرحبوا بهذا الفارس الجديد .
خالص تحياتي
| |
|
|
|
|
|
|
|