كتب الكاتب الفاتح جبرا المتوفرة بمعرض الدوحة
|
الاهل!
|
بعد ان تزوجت في سن الثلاثين...فرحت و فرح الجميع لها...و جاء الطفل...بعد فترة نشبت الخلافات بين الزوجين و السبب تتدخل اهل الرجل..و"تفاقمت" الامور الى الطلاق
طبعا سمعت عن كثير من الحالات كان سبب الطلاق فيها تدخل الاهل و خاصة اهل الزوج...و في راي اي علاقة انسانية في الحياة يتدخل فيها طرف ثالث احتمال كبير تتوتر العلاقة...و خاصة في العلاقات الزوجية بسبب الحساسية و الغيرة و احساس التملك الممكن يصيب الاهل تجاه الابناء دا ممكن يؤدي الى الطلاق
الى اي حد مفروض ان يتدخل اهل الزوج في حياته؟
و هل من حق الاهل التدخل في حياة ابنائهم ؟
|
|
|
|
|
|
|
|
Re: الاهل! (Re: ensana)
|
انسانه صباح الخير,
طيب لو عممنا السؤال
الى اي حد مفروض ان يتدخل اهل الزوجيين فى حياتهم؟
مودتى
| |
|
|
|
|
|
|
Re: الاهل! (Re: حسن الجيلى سعيد)
|
الانسانة انسانة..
الاخ حسن الجيلي..
رمضان كريم وتصوموا وتفطروا علي خير..
موضوعكم ده ذكرني نقاش دار مع مجموعة من الاصدقاء في السودان..
كان عن تربية الاطفال في السودان وبره السودان..
او ممكن نقول في الأسرة الزرية والأسرة الممتدة..
اها يا جماعة الخير اكتشفنا انه الشفع في السودان ميالين للجدل
والكلام الكتير في المواضيع اليومية ..يعني مواعيد الاكل ومواعيد
النوم ووكت القراية وفي نفس الوكت ما عندهم روح طويلة للعرفة
عكس الاطفال البيكونوا اتربوا في اسر زرية او خارج السودان ..وبعزي
القصة دي لتدخل الأهل من الجانبين..يعني الأم مثلا تقول للطفل امشي
خلاص مواعيد نومك جات..تقوم العمة تقول ليها:عليك الله خليهو يتونس شوية!
في اللحظة دي الطفل بتكون وصلته رسالتين ما عارف ينفذ ياتو واحدة
واذا الام وافقت انه يتونس حيفهم انو في مبررات ممكن تخليهو يساهر
وبيبدا يبدع في ايجاد المبررات دي ..يعني مرة داير يتم المسلسل ومرة
داير يلعب مع اخته ومرة ومرة..ولو كمان الأم اصرت علي رايها وقالت ليهو
امشي نوم بتكون شالت وش القباحة مع حماتها وبعد داك ما معروف البيحصل..
القصة دي بتظهر في معظم التصرفات يعني الام بيكون عندها رأي والحبوبة
راي والجد والخال والمسكين الطفل بيكون ما قادر يحدد الصاح وين
والغلط وين..
في حاجات تانية كتير بيتدخلوا فيها الاهل وبتبقي طامة علي حياة الازواج
لكن برضه إذا الامور استعصت بين الازواج مافي مانع يكون في تدخل
من جانب الاهل زي ما ربنا ذكر في القرآن بس مفروض يكون الحكم ده علاقته شوية بعيدة
عشان يقدر يحكم بينهم بالمنطق من غير عواطف وتحيز ..يعني لا ابوها ولا ابوهو..
اها نجي لرايي الشخصي جدا جدا : انا غايتوا بكلم اهلي انه علاقتهم براجلي وباطفالي
بتقيف في حد المحنة والريدة والبوسات يوم الخميس لما يجوا يتغدوا معانا!
| |
|
|
|
|
|
|
Re: الاهل! (Re: رشا سالم)
|
رشا
رمضان كريم
Quote: في اللحظة دي الطفل بتكون وصلته رسالتين ما عارف ينفذ ياتو واحدة
|
مسؤولية التربية دي ما مفروض ابدا ابدا يتدخل في اي طرف تالت...لانه حيحصل "تخبط" لدى الطفل
Quote: في حاجات تانية كتير بيتدخلوا فيها الاهل وبتبقي طامة علي حياة الازواج
لكن برضه إذا الامور استعصت بين الازواج مافي مانع يكون في تدخل
من جانب الاهل زي ما ربنا ذكر في القرآن بس مفروض يكون الحكم ده علاقته شوية بعيدة
عشان يقدر يحكم بينهم بالمنطق من غير عواطف وتحيز ..يعني لا ابوها ولا ابوهو..
|
انا معاك في النقطة دي
Quote: اها نجي لرايي الشخصي جدا جدا : انا غايتوا بكلم اهلي انه علاقتهم براجلي وباطفالي
بتقيف في حد المحنة والريدة والبوسات يوم الخميس لما يجوا يتغدوا معانا!
|
صح...الكلام الكتير و قال لي و قلتى ليه ضياع زمن ساي ...الاولى يتم النقاش بين الاتنين
| |
|
|
|
|
|
|
Re: الاهل! (Re: ensana)
|
انسانه, الحياة الزوجية او الزواج بمعنى اصح ليس كما نظن هو علاقة بين شخصين فقط بل يتعدى الى انه ازدواج بين اسرتين يكون الرابط بينهما الزوجة والزوج ونتاج الزواج وهم الابناء. تدخل الاهل افراز طببعى للخلافات التى ربما تنشئ بين الزوجيين ,او كلا الطرفين يكونان فى صراع دائم مع الطرف الاخر لفرض السيطرة على الزوجين. اذا المحصله فوز احد الطرفين بفرض سيطرتة الكاملة و الجزئية على الزوجيين من هنا تبداء معاناة الطرف الاضعف سواء الزوجة او الزوج,اذ يتملكه شعور قوى بفقدانه لشريك حياته واحساسه بالعزلة والوحدة . بعد تلك المرحلة تبداء المشكلة الحقيقية بين الزوجة و الزوج ,جرت العادة فى مجتمعنا السودانى بان يكون الابن فى الغالب هو العائل لاسرتة فى حالة وفاة الاب او تقدمه فى العمر ويمتد الامر الى اعالة اقاربة اذا كانوا ذى فاقه ,من هنا تحاول الزوجة الدفاع عن حقوقها وحقوق ابنائها ,هذة التصرفات لاتروق فى الغالب لاهل الزوج والنتيجة التدخل فى حياتة وفى الاغلب يتم ترشيح زوجة جديدة لابتهش ولابتنش.
وللحديث بقية
| |
|
|
|
|
|
|
Re: الاهل! (Re: حسن الجيلى سعيد)
|
Quote: الحياة الزوجية او الزواج بمعنى اصح ليس كما نظن هو علاقة بين شخصين فقط بل يتعدى الى انه ازدواج بين اسرتين يكون الرابط بينهما الزوجة والزوج ونتاج الزواج وهم الابناء.
|
حسن انا معاك الزواج ما بين اتنين بس...بل مع اسرتين ...لكن دا ما بيدي الحق بدخل الاهل في كل صغيرة و كبيرة ...و بعدين في مشاكل بتنتج اتخيل لي نتاج اكتشاف كل طرف للاخر في بداية الحياة...و دي حاجات بسيطة مفروض يمكن من سوء تفاهم...هنا ما لازم يعرفوا الاهل بيها...و لكن معاك لو في مشكلة كبيرة هنا لازم نستفيد من حكمة الناس الكبار و انا مع رشا ما يكون الابوين و خاصة الام ...لانها ستنحاز غالبا لبنتها او ولدها و لكن الاب ممكن يكون اكثر حكمة و دا بتوقف طبعا على الشخصيات
Quote: اذا المحصله فوز احد الطرفين بفرض سيطرتة الكاملة و الجزئية على الزوجيين من هنا تبداء معاناة الطرف الاضعف سواء الزوجة او الزوج,اذ يتملكه شعور قوى بفقدانه لشريك حياته واحساسه بالعزلة والوحدة .
|
انا طبعا ما متزوجة و ما عندي خبرة عملية...لكن بتشوف و بتحس انو لي الزوجين يحسوا انها حرب و مفروض يفوز طرف و تفرض سيطرة ...لي ما يكون الموضوع نقاش دائما و الوصول لحل وسط...لكن الوصول للنقطة دي صعبة اتخيل لي...لانو زرع في راسنا او خاصة في عقل الرجل انو لازم يسيطر
| |
|
|
|
|
|
|
Re: الاهل! (Re: ensana)
|
العزيزات انسانه ورشا, الموضوع ليس سيطرة رجل على امراءه الموضوع هو سيطرة الاسرة على الابناء ,حديث الاخت رشا عن طريقة تنشئة الاطفال لدينا واقعية ويجب الاعتراف بها كمشكلة حقيقة تؤثر بشكل او باخر على سلوكياتنا فى المستقبل ,اطفالنا يعيشون تشتت وذلك نتيجة الاطراف العديدة المدعية حق التربية والتوجيه وليته توجيه سليم الاب يحاول جر الابناء لاهله والام لاهلها والغلبه لمن غلب. هذة السلوكيات تستمر معنا الى ما بعد الزواج وايضا مبداء السيطرة يتطور وباساليب اخرى تقلب حياة الطرفين الى جحيم وتحيل بيت الزوجية الى جحيم.بعض الزوجات يحلن زواجهن الى تعاسه نتيجة للغيرة العمياء ومحاولة جذب الزوج خارج نطاق اسرتة مما يتولد عليها نتائج سلبية. تفريخ المشاكل يتوقف على تصرفات الزوجيين او نقلهم لما يدور بين جدرانهم الى اهاليهم.
| |
|
|
|
|
|
|
|