كل ما اسمع لي اغنية بتاعت حقيبة احلف واقول والله دي اجمل اغنية اسمعها في حياتي.. كل مرة مقطع شعري عبقري يستوقفني من اغاني الحقيبة وكل مرة اقول خلاص انا حا اعتبر ده اعظم ما قيل في الشعر سواء جاهلي أو معاصر.. لمن والله إتعقدت من روحي وبقيت ما عارف احب شنو من الحقيبة وأخلي شنو .. هي دعوة أحبائي إنو اي واحد حافظ مقطع من مقاطع الحقيبة وتثير فيه شجون أو يعبرها من اجمل ما كتب بالله ما يبخل علينا بيها فانا حقيقة استمتع جداً جداً بكتابات الحقيبة ..
عن نفسي احب جداً جداً جداً أغنية " قلبي همّالو " وهي أغنية عزيزة وقريبة جداً إلى نفسي وبقيف عندها كتيييير وما بيمر يوم ما بكون دندنتها بي صوتي الكعب ده كنت بحب اسمعها وانا صغيير بي صوت الفنان حسين شندي والغريبة بعد كبرت احببتها جداً بي صوت الفنان الراقي الفنان الشاب اسامة الشيخ .. زمان كنت بنجر كلماتها من راسي وكلها غلط وحتى الان اشك في انني احفظها كما كتبت واحس ان الفنانين معظمهم يغنيها غلط .. مثلاً زمان كنت بدندن : جوهر البردي الما إتلقى مثالو ووالله البردي جاتني من وين ما عارف (يا ربي يكون من رهيد البردي؟؟) ..
كانت تستوقفني جداً هذه الوصفة (يا دكين ما تفهمني غلط)
Quote: اخفى جوز تفاح صدرو لولالو ..
ما عارف لكن بالجد قاعد أحس إنو ده وصف عجيييييييب بغض النظر عن الغاية منو وبالرغم من إنو بسيط لكن بالجد وصف شاطح جداً جداً جداً .. انا متأكد إنو ماف زول ما سمع الأغنية دي لكن ادعوكم تتمعنوا في كلماتها فعن نفسي اشعر بأنها من اجمل ما كتب من شعر الحقيبة وطبعاً عارف زوقي مشاتر وما سمح وبما إنو قلت الأغنية هي الأقرب لي نفسي فمعظمكم حا يكجنها
Quote: بدري حسنك لاح والقلوب مالو .. لي هواك والشوق قلبي عمالو .. يا فريع ياسمين متكي في رمالو .. قولي عاشقك وين ضاعت امالو ..؟
يعني بي الواضح كده الزولة دي شديدة من هي شافعة ومن بدري اولاد الحلة إتكسروا فيها وتلقاها النوع المحجوزة من هي في الروضة .. ويكفي إنها موصوفة بي فريع ياسمين متكي في رمالو ..
اسة ده يقولوا فيهو شنو عليكم الله ؟؟؟ شي ابيض وشي اسود شي غيم وشي بروق .. وما عارف الحناكيش بيكون قادرين يعرفو اللولاي ده كيف ؟؟؟ يعني اسة لو في شافع بيبكي وقالوا لي حنكوشة لوليهو عشان يسكت باقي ليكم بتفهما؟؟؟؟
Quote: الجوهر الفرد ما اتلقى مثالو .. قلبي ليهو يلين وقلبو يقسالو .. حبو صابحني حسنو مسّالو .. غير وسيم خدو دموعي ما سالو
إتخيلوا معاي زول تكون فاصل معاهو للكتاش ويكون قاطعوا معاك قطع ناشف وتنوم وتصحى في حبو .. تبكي بس ..
Quote: الشادن المكحول قلبي يصبالو .. اخشى من لحظو ومن رمي نبالو .. كم جريح أسهام عينو ضاربالو .. بيها لا يدري ولا على بالو..
والعيون دي كلام تااااااااااني .. والشي الغريب وعجيب تكون ما جايب خبر ...وناس بهناك زيتا طالع واخر جلسرين .. بيها لا يدري ولاااااااااااااا على بالو ... ياخ ده كلام مبالغة ..
Quote: فريع السيل دمعي سح لو .. يا نسيم ارجوك شوفو كيف حالو .. خصرو ناحل وزاد جسمي إنحالو .. طرفو ناعس ونام وطرفي يصحالو
بالله شوفوا الفرق في النحول ده .. ناس ينحل خصرها بس وناس جسمها كللللو ينحل .. امانة الحب ده ما صعب خلاس والغريبة لمن تجي الساعة 8 مسا زولتنا تجر ملايتا ولّا توبا وتتغطى واخر نومة وبي مزااااااج وزولنا يشيل ويعد في النجوم وصاحي الليل كلو وبكرة لمن تجيهو ملاريا يقول لي ده كلو من البعوضة ..
Quote: شوف لحاظو سيوف حاجبو حدّ لو .. حرسو حولوا يدور إستعدالو .. شوف خديد يلصف حسنو يندى لو .. البدر لو غاب حبيبي يضوي في بدالو ..
غايتو وصيف العيون ده بي السيوف شي صعب خلاس.. والسيف في غمده تخشى بواتره وسيف عينيك في الحالين بتار .. اها ده ياهو جنس العيون دي .. لأ وكمان جابت ليها عساكر ودرادر ويانكي وحراسة مشددة ياخ دي رموش ولا جهاز أمن ..؟
ختاماً وقبل ما تنوم عاين للسماء وصدقني حا تلقىصورة محبوبتك هنااااااااااااك محكككككككككككرة فووووووووووووووق ..
تخريمة : لسة حاسي إنو بكتب بعض كلمات الأغنية غلط فكتابتي لها كتابة سماعية ...
اها ادونا من درر الحقيبة ..
09-17-2006, 04:51 AM
عاصم ابوبكر حامد عاصم ابوبكر حامد
تاريخ التسجيل: 03-03-2006
مجموع المشاركات: 3017
أخي الكريم عمر الفاروق تحية بعبق الحقيبة... هذا المستودع الجميل الذي يحوي كل مكارمنا ومآثرنا وعواطفنا النبيلة . لي عودة لأن الحديث عنها لا توفيه صفحة أو صفحات . تحياتي
09-17-2006, 05:09 AM
عمر عبد الخالق سعيد عمر عبد الخالق سعيد
تاريخ التسجيل: 08-14-2005
مجموع المشاركات: 2235
أنصر دينك يا عمر عشان كدا انا بحب ناس ام درمان تعرف يا عمر شعراء وفناني الحقيبة دوول كلهم كانوا صوفية عشان كدا تجد عندهم روحانيات وإبداعات وتجسيم للجمال ( أن الله جميل يحب الجمال ) وناس ام درمان في الزمن داك كانوا ذواقين للفن والابداع وكل بنات حي يعرفن كل الاغاني ومعروف بنات القلعة يرقصن للاغنية الفلانية بنات الملازمين للاغنية والرمية الفلانية بنات ابوروف لـ . . وهلم جرا . . وتجد الفنان يطرب المارة وهو ماشي في الشارع يعني تجد عتيق راكب العجلة ويردد من الفتيح للخور للمغالق من علايل أبوروف للمزالق قدلا يا مولاي حافي حالق . . وتجد وهبة ماشي في سوق العناقريب ومعاه زمارته ويعطي كل من يطلب ما يفرحه ويبهجه وهبه بي زماره حكرا طريت أم در طريت ناسا حليل ام در حليل ناسا كدا يا عمر اخوي الوصلة الجاية خليها مع مبارك حسن بركات ورائعته أحرموني ولا تحرموني . . عشان ترضي ناس شرق النيل والعسيلات . ويا اخوي اتركك من النبق النبق النبق وخليك في الروائع دي تحياتي
09-18-2006, 08:26 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
حاولت إتخيلك وإنت قاعد في ندوة او في مقابلة وبتفسرفي الغنية بالطريقة دي :
Quote: ما عارف لكن بالجد قاعد أحس إنو ده وصف عجيييييييب بغض النظر عن الغاية منو وبالرغم من إنو بسيط لكن بالجد وصف شاطح جداً جداً جداً .. انا متأكد إنو ماف زول ما سمع الأغنية دي لكن ادعوكم تتمعنوا في كلماتها فعن نفسي اشعر بأنها من اجمل ما كتب من شعر الحقيبة وطبعاً عارف زوقي مشاتر وما سمح وبما إنو قلت الأغنية هي الأقرب لي نفسي فمعظمكم حا يكجنها
Quote: بدري حسنك لاح والقلوب مالو .. لي هواك والشوق قلبي عمالو .. يا فريع ياسمين متكي في رمالو .. قولي عاشقك وين ضاعت امالو ..؟
يعني بي الواضح كده الزولة دي شديدة من هي شافعة ومن بدري اولاد الحلة إتكسروا فيها وتلقاها النوع المحجوزة من هي في الروضة .. ويكفي إنها موصوفة بي فريع ياسمين متكي في رمالو ..
اسة ده يقولوا فيهو شنو عليكم الله ؟؟؟ شي ابيض وشي اسود شي غيم وشي بروق .. وما عارف الحناكيش بيكون قادرين يعرفو اللولاي ده كيف ؟؟؟ يعني اسة لو في شافع بيبكي وقالوا لي حنكوشة لوليهو عشان يسكت باقي ليكم بتفهما؟؟؟؟
Quote: الجوهر الفرد ما اتلقى مثالو .. قلبي ليهو يلين وقلبو يقسالو .. حبو صابحني حسنو مسّالو .. غير وسيم خدو دموعي ما سالو
إتخيلوا معاي زول تكون فاصل معاهو للكتاش ويكون قاطعوا معاك قطع ناشف وتنوم وتصحى في حبو .. تبكي بس ..
Quote: الشادن المكحول قلبي يصبالو .. اخشى من لحظو ومن رمي نبالو .. كم جريح أسهام عينو ضاربالو .. بيها لا يدري ولا على بالو..
والعيون دي كلام تااااااااااني .. والشي الغريب وعجيب تكون ما جايب خبر ...وناس بهناك زيتا طالع واخر جلسرين .. بيها لا يدري ولاااااااااااااا على بالو ... ياخ ده كلام مبالغة ..
Quote: فريع السيل دمعي سح لو .. يا نسيم ارجوك شوفو كيف حالو .. خصرو ناحل وزاد جسمي إنحالو .. طرفو ناعس ونام وطرفي يصحالو
بالله شوفوا الفرق في النحول ده .. ناس ينحل خصرها بس وناس جسمها كللللو ينحل .. امانة الحب ده ما صعب خلاس والغريبة لمن تجي الساعة 8 مسا زولتنا تجر ملايتا ولّا توبا وتتغطى واخر نومة وبي مزااااااج وزولنا يشيل ويعد في النجوم وصاحي الليل كلو وبكرة لمن تجيهو ملاريا يقول لي ده كلو من البعوضة ..
Quote: شوف لحاظو سيوف حاجبو حدّ لو .. حرسو حولوا يدور إستعدالو .. شوف خديد يلصف حسنو يندى لو .. البدر لو غاب حبيبي يضوي في بدالو ..
غايتو وصيف العيون ده بي السيوف شي صعب خلاس.. والسيف في غمده تخشى بواتره وسيف عينيك في الحالين بتار .. اها ده ياهو جنس العيون دي .. لأ وكمان جابت ليها عساكر ودرادر ويانكي وحراسة مشددة ياخ دي رموش ولا جهاز أمن ..؟
ختاماً وقبل ما تنوم عاين للسماء وصدقني حا تلقىصورة محبوبتك هنااااااااااااك محكككككككككككرة فووووووووووووووق ..
أنعل ابو السهل الممتنع زاتو
الفهم وصل لي أي زول وفي أي مستوى زول حا يقول ليك قصدك شنو مافي الله يديك العافية
09-18-2006, 09:19 AM
Bakhaf Bakhaf
تاريخ التسجيل: 03-06-2002
مجموع المشاركات: 2434
أخي العزيز عمر الفاروق.. تحية مصاغة بشاعرية حقيبة الفن.. على الرغم من جمالية شعر الحقيبة، إلا أن عبقرية ألحانه يجب أن تؤخذ في الحسبان.. أوصاف شعراء الحقيبة أصبحت لا تصلح في كثير من الأحيان - أو بالأحرى لا تنطبق - مع بنات اليوم.. فما رأيك في لحن أغنية "قائد الأسطول" إذا تغنت بها حنجرة مثل التي حبا الله بها المرحوم عبدالعزيز محمد داؤود؟
09-19-2006, 03:46 AM
ابن الرشيد ابن الرشيد
تاريخ التسجيل: 09-15-2006
مجموع المشاركات: 298
خدر اخوي: بالمناسبة انت كان خليت مزازات محمد حامد جمعة ومداقرتو دي تاني ما عندك عوجة .. ما عايز احرمك من السياسة لكن لو فتحت ليها وركزت في الشغل التاني بتكون زول جميل خلاص وزيك زي اولاد الحلة .. وانا بكتب في البوست ده ما اتمنيت شي قدر ما اتمنيت مداخلاتك لأنو لمن تكتب في الحاجات دي بتكتب كلام سمح ومعلومات في المضمون انا في اشد الحوجة ليها لزوم القشرة وكده .. وعارفك حا تكتب لينا عن ابو صلاح كما ينبقي واكتر.. وتعمدت كتابة إني اخطأت في الكلمات ومتأكد إنو ممكن تلحقني بي النطق الصحيح في بعضها وما خيبت ظني فيك .. تسلم ..
Quote: نومي قل و طرفي دايما في اجتهاد
اها شفت يا خدر زي جنس الكلام ده بيعزب اخوك بيخليهو يحتار واسة دي دخلناها في اجمل ما سمعت .. ما تتخيل بتكييف كيف لمن اقرا لي كلام يكون (عادي) وزي كلام اي زول لكن معناهو بيكون مختلف... يعني بالجد وصف نومي قل وطرفي دايما في إجتهاد (تحديدا طرفي دايما في إجتهاد) بتخليك تسرح زي لمن الطالب يكون عندو امتحان ونعساااااااان ويشيل ويقاوم في النوم شي سفة وشي قهوة وشي شاي وقمة في الاجتهاد .. لسة طمعانين مزاجك يكون اكثر روقاناً ..
09-18-2006, 05:16 PM
Gazaloat Gazaloat
تاريخ التسجيل: 05-14-2003
مجموع المشاركات: 891
الحبايب فى هذا الهميريب البديع عنت لى بعض ملاحظات قلت ابديها هنا
نزار حسين كتب :
Quote: حقيبة شنو يا عمر والله انتو قدام قدم؟
يا زول شعر الزمن دا احسن من ابو الحقيبة زاتو
أوصاف شعراء الحقيبة أصبحت لا تصلح في كثير من الأحيان - أو بالأحرى لا تنطبق - مع بنات اليوم..
كتب شيخ الشعراء ابراهيم العبادى سنة كم وتلاتين فقال فى ملحمته الغرامية الخالدة ( برضى ليك العبد الموالى ) والتى غناها الامين برهان ثم اشهرها فيما بعد خضر بشير وغناها كذلك حسن عطية وعبد الكريم الكابلى ومحجوب عثمان وغيرهم...
دُمتَ عش ياحُلية حُلاكا
وبعد قرابة الستين سنة من ذلك دار عاطف خيرى دورة واسعة وخرج علينا ب...
كان لابسها الفستان
فتأمل !!
عمر عبد الخالق كتب:
Quote: معظم اغاني الحقيبة ولدت في قهوة الزئبق بالخرطوم
لا أدعى لنفسى معرفة .. ولكن الامدرمانيون ( واغلب اهل المغنى منهم ) كانوا لايذهبون الى الخرطوم الا لماما او اضطرارا وكان اغلب جلوسهم مساء اما فى قهوة سوق الموية او عند جورج مشرقى او يوسف الفكى وبعضهم كانوا ينتدون عند النور ابراهيم فى دار الكتيبة اما الخرطوميون وكان رائدهم حسن عطية فكانوا اهل اناقة و( برستيج) لهذا فان اغلب انتدائهم كان فى قهوة( كوباكوبانا) او ( اتنى) والله اعلم
منعم الجزولى
09-19-2006, 00:12 AM
عثمان عبدالقادر عثمان عبدالقادر
تاريخ التسجيل: 09-16-2005
مجموع المشاركات: 1296
لقد أسكرتني طربأً وحملتني إلى عالم مسحور تتحدى رومانسيته كل صور الفراديس والجنان وينسكب الخيال به متحدراً متدفقاً من ينابيعه أنهاراً من المشاعر المتلاطمة فتغمض عينيك مسلماً روحك لفيضٍ سماوي يستغرقك ويستغرقك ويستغرقك.......... لو وجدت هذه الأغنية بصوت المبدعين ميرغني المامون وأحمد حسن جمعة أسعفني بها ولك من الله حسن الثواب. أما أنا فأهديك هذه الأبيات لأني لا أعرف فن العوم ( ما بعرف أنزل أغاني) : ليالي الخير جادن من المحبوب نسايم الليل عادن من المحبوب
شفت في الأحلام ظبا يتهادن برخيم نغمات خلي تنادن عبرات الشـــوق بي إزدادن تلكم الأحلام ليت تمـــادن شفت الحســــن الحافل رافل في ثياب العز والعز كافل رانع واحــــــــــل تايه غافل لادن هادل ضامر كـــافل هادئ ســـــــــاكن آمن قادل بهجة هيبة حاكم عـــادل لافح فرّه وطـــــــارح سادل ليلاً عسعس كاسي الهادل بوبح جيـــــده وأبصر واقل ظن مراقب صدق العاقل قلب المخضـوب فوق الفاقل تل اليمنى ومشـى متاقل دنا متخـــــــــاوف بارق لجّ بعضه في بعضه ترادف لجّ نصفو تثنـــــــــى وآخر لجّ لاطم أمواج من غيــــــر لُجّ رفع الهــــــدب شفت محور نوره تدفق صـــــــعد إتدور فكر في شـــئ فضل إتصور بسم النوار فتّــــــــــــح نوّر مايقه ترقــرق شهر الهندي فوح منو العــــــرف الرندي وصحيت نـدمان نومي انقلّ ترخرخ جسمى وقـــواي كلّ ترخرخ جسمي وقـــواي كلّ ترخرخ جسمي وقـــواي كلّ تناوم غـــــــــــــش لكن كلا هيهات يعود الكـــــــان ولّي أظن تاه عنى أحد الأبيات الداليّة. إذا عثرت على هذه الأغنية بصوت الفنان صديق سرحان (قديم)أو ياسر تمتام أو عبدالمنعم النحاس لك الجنة ياعمر. (اقتراح مشفوع برجاء ألا تستخدم مثل هذه الكلمات وأنت تتعامل مع الشعر الغنائي السوداني وعلى وجه الدقة درر الحقيبة كما سميتها أنت لأنه الأفضل على إمتداد الدول العربية .( الكتاش . الحناكيش. اتكسروا ......الخ لأنها تفسد اكتمال الشعور)
أبوحمد
09-19-2006, 02:29 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: من الفتيح للخور للمغالق من علايل أبوروف للمزالق قدلا يا مولاي حافي حالق . .
ينصر دينك ياخ .. والله متعتنا بي الكلام والإختيار الأجمل وماهو عارف قدمو المفارق وخليل فرح والترماج وإيييييييييييييك .. عتيق هو اخر شعراء الزمن الجميل رحمه الله .. تسلم يا حمزاوي وكتتتر من الزي ده
09-20-2006, 04:16 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يازول انت جيتني في جرح .. دي الأغنية التانية البتنافس وانا لدي غرام خاص بكل ما يكتب هذا السيد عبد العزيز .. تصدق الاغنية دي بحبها جدا جدا وكنت استمتع بيها بي صوت فناني المفضل محمود عبد العزيز .. كنت بقيف كتيييييير جداً في الوصفة دي: وما الجندي ده المقتول وطالب الغفران .. من إيدو راح منتول واستعوض النيران.. وحتى الصباح مبتول من ما رأى حيران .. واصبح زهرتو المشتول وفاح ملا الجيران .. (برضو كتابتي سماعية واتوقع اخطاء ) .. لكن بالجد لمن شاعر يوصف ليهو إحساس زي ده فهذا ضرب من الخرافة .. والروعة لمن قال: يا الفي سماك مفصول تتشاف عيان وبيان .. ما عرفنا ليك وصول وما دنيت احيان ..
اسة في كلام تاني بعد ده عليك الله ؟؟؟
تخريمة : إيه رأيك غنو انا كمان برشح اغنية تاني لي درر الحقيبة ويا ريت لو تتأملوها شديد : جاهل وديع مغرور في احلام صباهو .. نايم خلي ومسرور .. ماااااا عرف الهوى ..
بجيكم إن شاء الله بي تفاصيلا ..
09-20-2006, 05:38 AM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
عاصم ابوبكر حامد
مجاهد عبد الرحمن
عمر عبد الخالق سعيد
خدر
ناذر محمد الخليفة
Bakhaf
ابن الرشيد
nazar hussien
محمد الأمين موسى
Gazaloat
عثمان عبدالقادر
Emad Abdulla
فيس بوك
تويتر
انستقرام
يوتيوب
بنتيريست