|
Re: جينــا زيــاره ولنطمعن بس (Re: bob)
|
بوب (الكرهني بوب ) كيفك ومشتاقين يا فرده
Quote: المعلمه تراجى مشتاقين
عامله ما فقدتنى يعنى !!
طيب انا فقدتك, وفقدته اخبار الاراضى المحتله
|
والله باين الشوق مطر عندك
كتبته البوست الساعه 10:26 مساء
والساعه 10:34 مساء نفس اليوم سألت تراجي مطنشاك ليه؟؟؟؟؟؟
يا اخي وهو نحن نقدر؟؟؟؟ ولا الزيك بطنشوه؟؟؟؟
اولا اعزيك يا اخي في فقيد الصحافه محمد طه محمد احمد
والكيفيه البشعه التي قلتوه بها.
ثانيا في فيلم هندي مدور ليه كم يوم كده
عن بيان بتاع (كيان الشمال)
المناظر فاتتك لكن الفيلم لسه تشرفنا بهناك.
معزتي.
واتمنى تكون مختفي في حاجه مهم او انجزت حاجه.
دعواتي لك بالتوفيق.
وما تغيب كثير والله قاعدين نشتاق لك.
ماهو باين الكلب بدرو خناقه.
تراجي.
| |
|
|
|
|
|
|
Re: جينــا زيــاره ولنطمعن بس (Re: Tragie Mustafa)
|
غايتو يا تراجى اول ماجيت بسال روحى اها تراجى جيطاها وين ..
Quote: بوب (الكرهني بوب ) كيفك ومشتاقين يا فرده |
ياخى ده كلام لا ياخى الزول ده مابتكره ..والشوق صرر يعلم الرب
ربنا اتقبل المرحوم محمد طه محمد احمد قبولا حسنا
وحقيقه طريقه بشعه..لم نعدها من قبل ..واتمنى ان يتم القبض على الجناه وتقديمه الى العداله
وقلتى لى كيان شمال وجلابه وكــدا وهى دايره كيان !!! الفيلم ده بدى بطولتى لبشاشا وما بخزلنى واثق فى مقدرته
Quote: وما تغيب كثير والله قاعدين نشتاق لك.
ماهو باين الكلب بدرو خناقه.
|
وانا برضو يعلم الرب بشتاق ليكم
والكلب لمن اريد خناقو ده ما الشوق زاتو
تحياتى لك ولى سند واخوه
| |
|
|
|
|
|
|
Re: جينــا زيــاره ولنطمعن بس (Re: bob)
|
عارف يا بوب لو صبرته شويه بس كنته حانزل بوست واسال وين اختفى بوب
حقيقه لازم نفقد بعض خصوصا ونحن فى زمن تطير فيه الرؤس من الاجساد مثل فصل راس الذره من القصب
سعيد انا بطلتك هنا
وحاكون اسعد لو طليت على كمان ( بى جاى )
ولكن الود كله
الولى
| |
|
|
|
|
|
|
Re: جينــا زيــاره ولنطمعن بس (Re: bob)
|
يا بوب رغم الحداد
لكن كان بتعرف تنزل اغاني نزل لي بوب مارلي
اصلي محتفله باني صلحت (كرت الصوت) في الكمبيوتر بتاعي
وحاتك قبلها قاعده زي الاطرش في الزفه كمبيوتري اتبكم من كم شهر كده.
معزتي.
تراجي.
| |
|
|
|
|
|
|
|