صدقني أنا مستغرب وهسي (راسي ضارب) إنت بوستك دا نزلتو متين ؟!!!
أنا بخش المنبر دا كل يوم وما شايفو .. بس الليلة إضطريت اعمل بحث دقيق كايس لي لي مادة معينة لكن لقيتو قدامي لمن إنخلعت
Quote: اتعودنا ندخل العديد من البوستات و نستمع لبعض الموسيقى المرفقة في البوست ..
و لكن تجد ان هنالك حرية للمتصفح في ايقاف الاغنية لمواصلة القرائة و التركيز ......
و ذلك عن طريق البحث عن مشغل الاغاني المرفق في المشاركة و ايقافه ...
ولكن ..
ما تخش لي بوست بتاع ناذر الا تلقى غنية شغالة ..
الغريبة تفتش البوست فوق تحت ما تلقى المشغل عشان تقدر توقفها ...
و تضطر تمشي تقفل السماعة لو ما حابي تسمع و تركز في كلامو ...
و ده ناهيك عن كل مداخلة بي لون ...
يشتت ليك افكارك ...
ياربي تكون مقصودة ...؟؟؟
احترامي وودي ...
بيلو ...
شوف يا لذيذ ..
أنا فعلا مرات كدة بتعمد اخت الغنية بي الكود المخفي عشان الغنية نفسها عندها علاقة بالموضوع والبيقرا في الموضوع لو لقى حريتو في إنو يثبت الغنية يبقى حا يفقد جذء مهم جدا من التسلسل الدايرو يصل ليهو .. مع إنو بي إمكانو يقفل السماعة لحدي ما ينتهي من قراية البوست ..
عندك مثلا البوست بتاعي بتاع (أي غزالة اخوها اسد) أها دا انا كنت منزل فيهو غنية اسمها (دق) عشان شايفا متناسبة مع الموضوع .. وداير أي زول يسمع الغنية في أثناء قرايتو للعمل .. زي ما تقول كدة مؤثرات صوتية وخلفية
بعدين ياخي حرية شنو للمتصفح !! هسي عليك الله مصطفى محمود دا ما ملصق ليهو قصيدة في طرف الماوس وراشي بيها المنبر دا كلو لمن عمل بيها اربعة الف مداخلة .. ولا على كيف اصحاب البوستات .. في واحد قال ليهو بغم !! ولا هارشين منو
Quote: الغريبة تفتش البوست فوق تحت ما تلقى المشغل عشان تقدر توقفها ...
و تضطر تمشي تقفل السماعة لو ما حابي تسمع و تركز في كلامو ...
وانت اساسا داير توقفا مالك ؟! قالولك ما مجازة !! ولا غنية خادشة للحياء العام والسماعة ظاااطا ما اظن بعيدة من الكمبيوتر يعني لو شديت حيلك ومديت يدك شوييية كدة بتصلا وتوطيها او تقفلا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Sobajo
Muhib
هاشم نوريت
ناذر محمد الخليفة
فيس بوك
تويتر
انستقرام
يوتيوب
بنتيريست