|
|
 Re: أبوي بشير وصاني قبال ما يموت (Re: Mohamed Abdelgaleel)
|
أواصر - إلى محجوب شريف
شعر د. مبارك بشير
أبو بشير
وصاني قبال ما يموت
لا تمدح الحكام مصيرم
تنحرف بيهم غشاوات البيوت
يطيب مقامم في الدهاليز الشراك
والمنافقين حولهم ما بستحوا
ياكلوا راسم بالكلام الهبهاني
أصلو مما هذه الدنيا ابتدت
قصة السلطة ابتدت
حجوة الزول الفلاني
كيف يشوف وسط البهارج
والسرايات البوارج
والطبول الخاوية في هرج الحشود
دمعة صغير !
أبوي بشير
وصاني قبال ما يموت
لا تمدح الدهب المجمر
الخزاين
لا تضوق طعم الثمار المرة في تلك الجناين
ما تعاين في الوجوه الناديه
ما عطشانه أو رويانه
في الآخر شرابم سلسبيل
من علقم الناس المساكين في الضهاري
من حنضل الغبش المنازل في المجاري
الدم عرق سال في الهدوم .. الما هدوم
العضام مرقت على لحم الجلود قبل الفطام
غضبانة من غفوة ضمير!!
طول عمري حافظ للوصيه
لا ينكسر قلم الكتابة على مخدات البنوك
ضهبان دوام عمداً من الناس البليه
واقفين على باب السلاطين الهلوك
مع أنو ما فضل على وش البلد
درهم حرير
وبغني لمحجوب شريف
رضيان ومرتاح الضمير
لا خيل بيسرجه لي هديه
ولا دنانير!
لا راجي منو عشم وظيفه
في المجال السندسي
محجوب شريف
إنسان نضيف
جانا من عرب المدينة
بالنهار (عنوانو مدرسة الأساس)
في المساء يكتب أغاني
شاعر الشعب المفضل
والأثير
وهكذا اشتقت مرة أغني ليك
زي ما بتغني .. لينا كلنا .. للجميع
بصراحة يا محجوب شريف
والله لا يائس ولا خايب رجا
حكمة قصايدك بعرفه
كل الحبيبات (الجميلات مستحيلات)
هذا الوطن سر أغنياتك من زمان
من إيدي لايدك نغازك
في البلاد الملهمة
هذا الوطن حدادي أو مدادي
قد أوشك يضيع بين الأعادي
كيف ترضى يا سمح الأناشيد والغنا
وانت الذي صارعت كل الأنظمة
وسرجت خيل كل القضايا في الوطن
نسجت من وتر الشهادات القصايد
كل المشاعر مستعدات للشجن
نحنا انتصرنا بيك في كل الظروف المؤلمة
محجوب زغاريد النساوين التعابى
محجوب أغاريد الوليدات والبنيات
الشقيات والغلابه
محجوب تباشير الصباحات البترجع
بعد الليالي المدلهمات والوجع
محجوب حنان طفلا كبير
لاكنو دايما مفتري
على كل ظالم ومدعي
كيف ينحني هذا المغني المستحيل
هذا الذي صدع الطواغيت الصغار
قدام زيادة سكري
| |
 
|
|
|
|
Mohamed Abdelgaleel
فيس بوك
تويتر
انستقرام
يوتيوب
بنتيريست