|
|
 يابدرالدين الامير هلا نرحب بعبد المنعم سليمان
|
الشكر اجزله لصاحب هذا الوطن الكبير بضمه لهذا الصديق ونشاطه باين منذان استلم الباسوورد وهو كما عودنا شعلة من النشاط فيابدر الدين وياعصام علي وياناس الدوحة رحبوا معي بود كسلا فاكهة دوحة الجميع سابقا صديق ابوالخير وفايتميناته ومرغني هندسة والسنتر وكوفي شوبه
|
|
 
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: Mutwali Malik)
|
| Quote: يابدرالدين الامير هلا نرحب بعبد المنعم سليمان |
ياخي ما لقينا بدرالدين الأمير بدرالدين شنا ينفع؟؟؟
مرحب مرحب مرحب بعبدالمنعم سليمان في هذا الحوش الواسع الرحب ومنتظرين إبداعاته
ويكفيه فخراً أنك فردت له بوستا وأنت الجميل يا متولي مالك
تخريمة:
إنت يا متولي إسمك دا مالوا زي السؤال كدا؟؟؟
متولي مالك؟؟؟
بولي ساكت ما مالي حاجة
تحياتي
| |
|
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: بدرالدين شنا)
|
متولى يامن تتولى ذكرياتنا الجميلة بالرعاية والمحبة
معقـــــــــــــــــــول عبدالمنعم ( أمواج) بيننا هاهنا
وعندى فى ذلك أحاديث كثيرة وكبيرة سوف نأتيها حلاقا بس يامتولى
هل يكتمل العقد الفريد وجينا كمان (محمد مسوكر) السودانى الارترى
وكم وكم أنا عاشق لذلك الصفاء الذى يجمع أمواج ومسوكر ونلنانحن اصفى الليالى منهم
شكرا مجزولا بالحب لك صديقى متولى ولبكرى ابوبكر
ذبدة كلام : أبناء شرق السودان دوما مشرقين كأسا ووجدا ومدا انسانى ونضالى
| |
|
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: بدرالدين شنا)
|
بدرالدين حلا وليس (شنا) انت حلو الكلمة والمداخل قاتل الله السنى الحاسدك على شناتك
ونحن فيك شفنة حلاوة الشنا0
كتر خيرك وفضلة خيرك وعبدالمنعم شنا أقصد عبدالمنعم( أمواج )وهذا الاسم الذى يعرفة به
الاصدقاء ابان فترة عمله بالدوحة فهو عالم من المسرح والمسارح الاحتفالية0
ذبدة كلام: اعطنى مسرحا أعطيك شعبا
| |
|
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: بدر الدين الأمير)
|
ضحية - البدرين ودالامير وحلا ومرحبا
لااذيع لكم سرا انكم موعودون بالكثير المثير الخطر من ابن كسلا وكما يحلو لبدرالدين الامير ان يقولها عبدالمنعم امواج ونتمني ان لا تتلاطمه الامواج هنا
تخريمة
ضحية سوف يكون صديقي عبدالمنعم صديق لكل اصدقائي خليل - كريم - تيتا - صديق حمدتو وكل بورداب الدوحة الجميلين
بدرالدين حلا هواخي وصديقي ورضعنا من ثدي الغربة سويا وانشاء نرضع بالسلامة لارض الوطن
بدرالدين الامير ولاندري باي دار استقر صديقنا محمد مسوكر ود القضارف وانت عارف ونتمني ان لا تكون الدار الاخري ونثني عضويته معك
اخي وصديقي منعم امواج انحنا مردنا زمان وما كنا عارفينك بالسودان كان عزمناك المرد انا ومرادتي دي مفرد مرة بس مامشكلة المردة الجاية باذن الله
| |
|
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: Mutwali Malik)
|
يدر الدين ياخ اي لووووف يو ذاتو ياخ .. ياخ انت اجمل زول في الدنيا كلها .. والله يا يدر كنتا حاسي انو حالاقيكم التلاته مع عصام الراقي وموتو الجميل . بدر الدين زمان كنتا جميل الدواخل هسه يا اخوي بقيت جوه وبره .. اخجلوك يا امير ولا نمت كتير .
والله بالطريقه دي خايف يعرسوك مننا .
متولي يوم شكرك ما يجي . ولاجا وانا الما جيت .
عصام يا راقي ياخ ينصر دينك ودين دينك زاتوووووو ياخ .
مسوكر في لندن واتعلم كمان يقول هاي في التلفون يا متولي . مره قال لي هاي قمت قفلت الخط فبهو وقتا في سري ها هاي ورحمه الله وبركاتو .
| |
|
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: عبد المنعم سليمان)
|
بدرالدين الامير - عصام علي - كريم
لكم تحياتي وافراحي وملذاتي
دعونا نجتر بعض ذكريات دوحةالجميع وان اذكر ما اذكر في احد ايام صيف الدوحة ذهبنا للغداء عند ابوالخير - مطعم الفايتمينات وحكي ابوالخير قصة طويلة عريضة عندما كان في الجنوب واثناء عمله في سلاح الاشارة وقال جاتنا برقية من واو فووووو طرنا الي واو تاني جاتنا برقية من جوبا فووو طرنا لي جوبا جاتنا برقية من ملكال فوووو طرنا لي ملكال وهناعبدالمنعم وصلت معاهو الحد لانو ما استمتعنا بالاكل فقال ليهو ياخوي انت ابوالخير اصلك ولا ابو الزنان
واصل معانا في ذكريات الدوحة التي اصبحت تختلف كثيرا عن الدوحة سابقا واثني كلام عصام علي لابد من لقاء بها ويابدر الدين الامير عليك بعمل زيارة ليهم اما انا بدخل المطار بتاعكم من غير تاشيرة مواطن امريكي لايحتاج يالشيخ
ودمتم
| |
|
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: Mutwali Malik)
|
يا متولي تذكر المرحوم محجوب (الله يرحمه) لما كان قاعد يلعب كوتشينه مع ناس مجدي وكان محتاج ( دو ) عشان ينزل و كان ورقو سمح و منتظر مجدي يرمي الدو وما رماه وقام با game عماد .. قام محجوب هاج وقال لمجدي انتا ما كان ترمي لي ال دو ... مجدي قال ليهو لكن ال دو شغال . رد محجوب بزعل غريبه الدو شغال وانتا عاطل . وكان مجدي الوقت داك لسه ما اشتغل . ايام يا متولي .
انا مع اقتراحك نجي كلنا الدوحه.. مسوكر برضو عمل ليه جواز انجليزي .
انتو لما عملتو ليكم جوازات اجنبيه ما تدوني جوازاتكم القديمه يمكن تبقى قدري ي ي .
| |
|
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: عبد المنعم سليمان)
|
تذكر ياعبدالمنعم شهاب مرسي مرة عايز يعمل حلة فاصوليا ودي ماعندها علاقة بفاصوليتك وسيجمان المهم عمل اللحمة ورمي الفاصوليا من الكيس علي طول في الحلة المهم يسوط وانا اسوط ومعاوية الراجل الكبير يسوط والفاصوليا لا داير تنجض لا تموت فقمت سالتو انت الفاصوليا دي سلقتها فقال لا ليه فقلت ليهو نمشي نتغداء في مطعم عبدو ودوسة المهم مشينا وانا قمت قلت لدوسة شهاب دا عايز يعرف الفاصوليا بيعملوها كيف فقال تعمل اللحمة وتسلق الفاصوليا فقلت شهاب رماها من الكيس طوالي فقال ليهو دوسة فاصوليتك دي تسوط فيها سنة ما تنجض هو انت لوعايز فاصوليا كلمني بجيبا ليك في البيت
تلك ايام ولنا عودة
تخريمة
لامانع نديك الجواز القديم ماتقول فيهو اقامة امريكية
| |
|
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: Mutwali Malik)
|
انت بدر الســــــــــــــــــــماء في صفــــــــــــــــاكيا اخوي خليل دا ما يكون ابو عبداللـه . يا اخوي بدر الدين ما تشوه سمعتي ساي انا جيت صغير ومشيت صغير منكم. يا اخوي نحنا شعارنا اذا مشى اصغر واذا تكلم اصــرخ .
بعدين شنو سيره البحر | Quote: أنت أول من كان له بيت انجليزى الدوحة ومستكتر على متولى و مسوكر الجوازات |
يا اخوي انتا عارف( كارول) وجبت لي بنت عــــديل سميتها( فاول) واه من ضربه جزاء .اليومين ديل المناخ في الخرطوم تكفيري وحاحكي ليك عن الموضوع ده لما يروق الحاصل ده .. والله يا بدر الدين انا كان في واحــده ساي قالت لي i love u بقول ليها i love u ورحمه الله وبركاته . ده الحب في زمن البمبان .
متولي .. وين عصام ما مشارك معانا
والله ذاكرتك لسه كويسه عصام ده يكون خــرف يا ربي .
تتذكر احمد ميرغني لما فات معاي بيتزا هت وقام شاف عربات ال take away واقفه بره .. المسكين قايلها عربات رالي قطر الدولي بالكتابه الفيها .. قام سالني انتا يا منعم السنه دي شكلو الرالي فيهو مشتركين كتار . والله يا متولي احمد ده لو جاكم امريكا حيفتكرها كلها حلبه رالي . واصــــــــــل يا جميل .
| |
|
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: عبد المنعم سليمان)
|
الفردة خلي
شكراعلي المداخلة والترحيب
ودالامير
والله صدقت في البيت الانجليزي والحمدلله انا ومنعم كناالوحيدين البنعرف نتفاهم معاهم
صديقنا بريك المري مرة قال لينا في قهوة الفيشاوي تدرون ياشباب انا اسمي مابريك اسمي برييك فماكان من عبدالمنعم ان قال له بريك او برييك يعني جبت الذئب من ذيلو تعرف حقو تتزوج وتجيب ليك ولد تسمي هاند عشان يقولو ليهو هاند بريك hand break الله يقطع سوالفك ياولدنا علي قول فلاح الصفار
| |
|
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: Mutwali Malik)
|
يا متولي
والله العظيم دي قصص اصلو ما معقوله وناس حلوين جدا . كدي خلينا نستعرض اسماء اصدقائنا من الاخوه القطريين .
بريك المـري .. مسعــد القحطاني .. الاخ الرائع فلاح الصفار .. فيصل جوهر . العزيز مبارك الهاجري ( بالمناسبه اتزوج المطربه الاماراتيه الشهيره احلام ) .. دعاني الزواج في دبي . نواصل .. فهد الهاجري . عبد العزيز الدوسري .. ووو...
يا اخوي انا وقفتا اسماهم بقت لي هسه كده زي ناس القاعده ناس القاعده .
يا متولي تعرف اشهر فنان في نيالا اليومين ديل اسمو منو ؟ اسمو حيدر بورتسودان نيالا .
انا قتا ليهم مفروض يسمي بتاع الساوند حـقو وبالعكس .
دي بلد مجنونه يا متولي ..
واصل اذكريات يا جميل .
| |
|
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: Mutwali Malik)
|
مرحب بيكم خليل و عبدالكريم ..
والله يا جماعه طالما انتو من جماعه ال البيت ناس متولي وبدر .. اهلا وسهلا .
انا سافرت من الدوحه قبل البيره كده بي شويه .. ويمكن ما اتلاقينا لكن حنتقابل SOON.
ممكن تستقبلوني ببيره واحده كده ما بطاله ده لو حبيتو يعني .. غايتو انا حبيت . ولو كانت من البيره ام جمـــــــــل برضو ما بطال . تحياتي
| |
|
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: عبد المنعم سليمان)
|
SOON.
انت عارفني انا مابحب اتدخل في soon الاخريين لكن برضو تلك ايام قضيناها ذكري تمشت في دمائي كيف انساها
والفرد خليل وكريم جو في زمن الانبراج مش زمن كان ممنوع دخول القطريين الديسكو وياحليل راشد ابوسنيدة لما يترجي مسئول الباب في الدخول ويقول ليهو انا سوداني ومرة قلت والله لو بقيت العطبراوي ما تدخل والنعم ادري انك سوداني الاصل بس اهلك جو بدري شوية زمن الغوص
يالامس اتصلت في مسعد وقال لي انت تسال عن بريك وابوسنيدة ومرة ماسالت عني فقلت ليهو تدري لانو انت ما من ربعنا ونحن كنا ما بندانيك امزح معاك يالخبل
المهم انشاء الله في بداية السنة القادمة اكون في الدوحة دعونانخطط للالتقاء هناك
| |
|
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: Mutwali Malik)
|
متولي انت الناس الظراف اللذيذين ديل لسه عارف لهجتم والله زين يا الخال .
بالله مسعد ده لسه عامل معاك سبق اصرار وترصد .
ده الخليجي الوحيد القابلني في حياتي شغال ضابط صحه .. ولا يكون اترقى يا ربي .. هو ذاتو يا متولي ضابط الصحه لما يترقى يكون شنو ؟ والله ما عارف .
ذكرتني راشد ابوسنيده طبعا اسـود من اي سـوداني في الدنيا .
مره كنت عازم الفنان الرهيف الظريف عصام محمد نور في الفيشاوي وقاعدين نتونس انا وعصام جا راشد داخل عصام لامن رجف اظن قايل قطر فيها متمردين .. المهم راشد بسلام القطريين الحلو داك سلام عليكم .. هلا و غلا .. وعصام بعاين ساي .. راشد مشى يجر كرسي عصام سالني يا اخوي ده منو . قلتا ليهو دا مواطن . قلتا ليهو ليه ؟ قال لي لو البلد دي مواطنا كده حراميها كيف . قال لي ياخ انا قايلو الحرامي .
ايام يا موتي .. واصل .
| |
|
|
|
|
|
|
|
|
|
Re: يابدرالدين الامير هلا نرحب بعبد المنعم سليمان (Re: Mutwali Malik)
|
تحياتي يا متولي
مالك يا اخـوي ما تقول لي المـره قاعده تبصق ..
على ذكـر امير قطــر .. اول ما استلم الحكم الناس كانت تسال عنو وعن اولادو .. فسمعنا انو عندو واحـد من اولادو الصغار اسمو جوعان ( جوعان بن حمد ) ففي واحد ظريف كده قال لينا يا اخـوي هووي لو ود امير قطـر جوعان ود اميرنا انحنا منتهي كلو كلو ولا شنو .
وووواصل .
| |
|
|
|
|
|
|
| |
Mutwali Malik
عبد المنعم سليمان
ضحيه ابراهيم
بدرالدين شنا
بدر الدين الأمير
عصام علي أحمد
عبدالكريم الامين احمد
khaleel
فيس بوك
تويتر
انستقرام
يوتيوب
بنتيريست