انت عارف يا عثمان الصفة دى - مناضل - بقت ما عندها قيمة في السودان ، لان كل من هب و دب بيستحمى بيها الصباح و بعدبيشيلها يلبسها و يطلع بيها للناس ، عشان كدة بقت ريحة الناس كلهم نضال ، نضال .. القاعدين في السلطة بيفتكرو نفسم مناضلين يستحقون الثناء ..!! زعماء الحركات القبلية و المنابر الجهوية بيفتكروا نفسم مناضلين يستحقون الثناء ..!! نقاد الصحافة السياسية ، الرياضية ، الثقافية ، الاجتماعية ، - القدامى منهم والجدد - بيفتكروا انو واجبم ده نضال يستحق الثناء ...!! زعماء الطائفية و اتباعهم بيفتكرو نفسم مناضلين مش ضد الطائفية .. لا... ضد الشمولية اللى هي ابنة خال الطائفية ...!! عشان كدة يا حبيبنا لمن واحد يقول ليك انت مناضل في السودان ما تفرح كتير .. فتش موقع نضالك كويس لو اقتنعت بيهو شوف موقع نضال غيرك و لو ما اقتنعت بيهو فتش ليك صفة تانية ما يشاركك فيها المناضل داك ..حتى ولو .." عميل ، خائن ، مرتزق ، جبان " لانها بقت صفات بايرة و بيتهربوا منها اصحابها بالذات !! شفت كيف انك تكون مهان في السودان لمن يصفوك ب ( المناضل ) .. قد تكون انت مناضل لكن للاسف في مليون ( مرخرخ و ملكلك ) بيكونو عندهم نفس الصفة دي ...!! انا احترم التعريف الحقيقي للنضال و المناضلين ، لكن للاسف التعريف ده لمن يتنزل في واقعنا ده بيبقى محتقر جدا .. وبقي محتقر فعلا ..!! ..............
و في موضوع مهم جدا غائب عليك رغم " حسب ما تعلم " .. بوضحوا ليك برواقة .. انت بس تابعني بهدوء
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة