|
يا جماعة ده لا هلال لا مريخ ده الفريق القومي
|
ملاحظه انا من امس منتظر واحد زي البشجعوا الهلال والمريخ ينزل موضوع عن الفريق القومي
ده امس فاز فوز عريض احتل صدارة المجموعه وفاز بي اقوان
مبروك ليكم فوز فريقكم
وانا شخصيا متاسف لاني علي الرغم من تشجيعي للهلال زي روحي دي
لكن ده السودان وديل جنود الله والوطن
الف مبروك الانتصار رغم الظروف
|
|
|
|
|
|
|
|
Re: يا جماعة ده لا هلال لا مريخ ده الفريق القومي (Re: abas)
|
شكرأ ليك يا عباس يا سوداني يا أصيل وألف مبروك لصقور السودان الانتصار المبهر أعذر الجماعة اليومين ديل شغالين بالسياسة وقالوا أتقسموا لكومين والكومين ربما ما عاجبهم الانتصار باسم السودان.. على العموم نتمنى مزيداً من الانتصارات للسودان الوطن وعاش السودان دوماً مرفوع الراس
| |
|
|
|
|
|
|
Re: يا جماعة ده لا هلال لا مريخ ده الفريق القومي (Re: abas)
|
. ازيك يا عباس مبروك الانتصارين ..المنتخب الوطني العجوز وكمان امبارح المنتخب الوطني الأولمبي غايتو حكاية " عريض " دي بالغت فيها صراحة أنا ما كنت عارف اي حاجة عن سيشيل دي ، وقبل المباراة قلت احاول أعرف حاجة عنها من حلال النت ودهشت لمن عملت مقارنة بينها وبين السودان ... - أول حاجة مساحتها 445 كلم مربع ، يعني اقليم دارفور العاوزين يفصلوهو عننا مساحتو زي 1235 سيشل ..اما حبيبنا السودان فمساحتو تساوي اكتر من 5600 سيشل - ثانيا عدد سكانهم حسب احصاء 2002 يقدروا بـ 80.000 نسمة ، العدد ده ممكن تلقاهو حايم في الكلاكلة اللفة ، وبلد زي السودان بيعشق الكورة مفروض عدد لاعبين الكورة بس يكون اكتر من عدد سكان سيشل .. يا سيدي ..بس نحن طولنا من الانتصارات عشان كده الواحد فرحان .. لكن الفوز لا عريض ولا حاجة .. فوز ضهبان عديل ..وصراحة المرة دي وقعنا في مجموعة لو ما قدرنا نتأهل من خلالها تاني الله أعلم في الحياة الدنيا دي نتأهل لنهائيات أمم إفريقيا .. اما نهائيات كاس العالم فمجرد الحلم بيهو اقرب للمستحيل ..إلا غايتو كان الفيفا تعتمد اقتراح رسلتو ليهم قبل فترة طويلة انو يعملوا كأس عالم لـ " أســــوأ "34 فريق في العالم عشان يستفيدوا من مليارات الفيفا دي في تحسين ملاعبهم وتطوير كورتهم ..عمك بلاتر ما اشتغل بي كلو كلو...
صراحة أنا مستاء جدا من الشعار ( الأحمر ) لانو قبيح ..وما بيشبهنا ...اتمنى انو يرجعوا لشعار زماااان .. اللون الأبيض وعليهو صقر الجديان .. ولو ما دايرنو يخلوهو أخضر ..رمز للنيل
مبروك للسودان .. وعقبال كأس الأمم الإفريقية.. .
| |
|
|
|
|
|
|
|