|
Re: الخرطوم النائمة في العسل .... (Re: هجو الأقرع)
|
سامحُونا
ـ أيُّها السادةُ ـ إن نحنُ جُنِنَّا
ألفُ دجَّالٍ على أكتافنا
إسْتَبَاحُوا دَمَنا منذ وُلِدْنَا
ألفُ بوليسٍ على أوراقنا ..
يُطلقُونَ النارَ .. لكنْ ما سَقَطْنَا ..
حاولوا أن يقطعوا أرجُلَنا
كي يُعيقوا الزَحْفَ .. لكنَّا وَقَفْنَا ..
قَطَعُوا الأيدي. لكي لا نُمْسِكَ الأقلامَ ،
لكنَّا كَتَبْنَا ..
حاولوا أن يُقنعونا.. أنَّ قولَ الشعر كفرٌ .. فكَفَرْنَا
| |
|
|
|
|
|
|
Re: الخرطوم النائمة في العسل .... (Re: Mustafa Mahmoud)
|
تسلم سيدي الشوربة لذيذة بس اتفاديت الكام فيها عشان ما يلقي ليهو دعاية مجانية و انا مغيوظة علي القروش الدفعتها البنية في حبيبة الاكل هسي عليك الله قراصة بدمعة وشطة كاربة و سلطة ناعمة ما كان احلي بس ونستني معاها بالدنيا و بقول ليها انشاء الله في عرسك يا اجمل البنات مصطفي محمود القراصة جاهزة انت جاي متين؟؟ و لا انت هو وين؟؟ تسلم
| |
|
|
|
|
|
|
Re: الخرطوم النائمة في العسل .... (Re: Mustafa Mahmoud)
|
غنى ياخرطوم غنى
شدى أوتار المغنى
ضوى من جبهة شهيدك
أمسياتك واطمئنى
نحنا منك ريح وهبت
نار وشبت
فى وجوه الخانو اسمك ياجميلة
ونحن ياست الحبايب من ثمارك
فى دروب الليل نهارك
وقبل مايطول انتظارك
نحن جينا
وديل أنحنا القالو متنا
وقالوا للناس انتهينا
جينا زى ما كنا حضنك... يحتوينا
لما فارسك فينا هبّّ
وعبّّ حجرك بالمحبة وبالأماني
صحى نار الثورة تاني وجانا داخل
زي شعاع الشمس من كل المداخل
وهز بالمنشور وبشر
يوما فرهد فى عيونك غصن أخضر
وفرحة أكبر من شجونك
والسلاسل يا جميلة
يوما كان ميلاد شهيدك
يلا غني ولاقي عيدك
ولى ثمارك لقي ايديك
جيل مكافح حلّّ قيدك
فى غضبنا الح و لافح
وياما باكر وفى زنازين العساكر
نبني مجدك ومهرجانك
وكل قطرة دم عشانك
ولى جديدك يا جميلة
| |
|
|
|
|
|
|
Re: الخرطوم النائمة في العسل .... (Re: محمد جمعه جوده)
|
اخي جمعة شوربة شنو دي بهارات ساي لكن و الله الخرطوم الشفتها الليلة دي و الله نائمة نوم العوافي لا شفت لي نار و لا بصل ... بس انا ما دخلت السوق العربي و اهو الجزء الشفتو العمارات و الجامعة و السفارات و البنوك و شارع القيادة كلو هادئ و اخر عسل و المدارس كدي احكي انت ... تسلم يا عسل
| |
|
|
|
|
|
|
Re: الخرطوم النائمة في العسل .... (Re: محمد جمعه جوده)
|
الكريم جمعة تحياتي و مودتي انا علي نياتي دي حقيقة الحبيت اقولوا انو انا فعلا مندهشة من حالة البورد و صدفة مشيت لقيت الامر غير الجامعة و الميناء البري و شارع الجمهورية و البلدية و القصر هي تاني الخرطوم وين يا سيدي الا امشي امبدةو لا الكلاكلة عشان اكون شفت الخرطوم الخرطوم منطقة الاحداث ياها دوواين الحكومة و السفارات الاجنبية و القيادة العامة ابو جنزير و المواصلات كلو عادي و هادئ انا لا اكذب احد و لا اقول شئيا اخر لكن خرطوم اليوم دا نائمة و لذيذة و كمان مغيمة سخانة ما فيها
اها يا ناس الخرطوم خبرونا بالحقيقة
تسلم يا كريم
| |
|
|
|
|
|
|
Re: الخرطوم النائمة في العسل .... (Re: sudania2000)
|
يا عزيزتى سودانيه الناس الشايفها ساكت ونايمه دى ناس نايمن بالرجاله بتايدينى ولا عندك
كلام تانى اذا كان السفارات محميه وامبارح فى السوق العربى انا شفت بى عينى
دى ولا زول قالى بنات طالبات ماشات قدامى رفعوهم فى عربيه الشرطه وبرضو تقولى الخرطوم
نايمه فى العسل انتى النايمه فى العسل يا سودانيه لانك لو عرفتى الحقيقه ودخلتى محل
الدشمان حتعرفى العسل والله حين اذن
| |
|
|
|
|
|
|
Re: الخرطوم النائمة في العسل .... (Re: sudania2000)
|
Quote: اليوم زيارة عمل سريعة للخرطوم المتعافي في ون دي ترب
كنت متوجسة و خائفة قصة الاضرابات و الزحمة و المظاهرات |
كان تطلعي أمس يا حبيبة البوست دة كان ح يكون مافي أنا بالمناسبة يوم 30/8 فارق جداً بالنسبة لي وفقو أعدت تقييم الكثير لنا
| |
|
|
|
|
|
|
Re: الخرطوم النائمة في العسل .... (Re: محمد جمعه جوده)
|
Quote: الناس الشايفها ساكت ونايمه دى ناس نايمن بالرجاله |
متفقين هنا
لونية
سلامات
يعني انا لو عارفاها جائطة ح امشي ؟؟؟ مالي علي روحي يا بتي ؟؟
الخرطوم دي امبارح فرقت من الليلة يعني بكم درجة ؟؟
اخواني قالوا ما عرفوا بالمظاهرات الا من النت
ديل طلاب جامعات برضو
نتفق في انو القصة ما قدر الكلام دا
| |
|
|
|
|
|
|
Re: الخرطوم النائمة في العسل .... (Re: محمد جمعه جوده)
|
سودانية ازيك
ناس الخرطوم مشغولين باستقالة جمال الوالي وفقدان المريخ لصدارة الدوري بعد كان الفارق سبعة
نقاط. وبعدين هيثم طمبل الجاء من جنوب افريقيا عشان اشارك في مباراة السودان ضد سيشل
وبعدين ما معاهو مهاجم تاني لانو معتز كبير مصاب
ولا يهم زادو الجازولين ولا زادو السكر بعدين ناس الخرطوم بعرسو شهر تمانية عشان كدة البنات بكونوفي الكواقير والنسوان مع الحنانة
وناس الطراف بيوتهم كسرها الخريف
والناس سادين دي بي طينة ودي بي عجينة
والماعاجبو يحلق حواجبو
واشغل اعدائي بانفسهم واغشيهم ربي بالمرج كما يقولون اهلي الختمية
| |
|
|
|
|
|
|
|