|
Re: .. تاني ست الريد بقت نساية وترحيب خاص .. رشــا سالم .. (Re: عبد المطلب خضر عبد المطلب)
|
تامبا ..
يا سمح .. و تحية معاك لرشا .. الجدعة و أصيلة .. و فنانة إنها نكتت البوست ده . ( ما تهابشي الأرشيف كتير يا رشا .. يقوم يوم يطلع ليك أسد ) .. بس عليك الله يا علاء ناقش معاها أي شي إلا حكاية القلوب المفتوحة دي . البت ما عملت فيك إلا كل خير .. ده جزاها ؟؟؟ تهريها بحكاوي الوجع بت الناس المسيكينة دي .. ؟؟ يا إما هي كمان ( تريحنا ) و تكمل جميلا و تدخلك العناية المكثفة .. باعتبارك حالة نادرة من الجمال .. ( و استغلوا الطيبة في قلبك وبي إسم العواطف ما عارف شنو داك ) ..
و بعدين تعال .. ياخ أنا ما جيت الرياض .. ما اشتغلت بي مالك ؟؟ كُراع البقر جيابة يا صاحبي .
تحية كبيرة و تعظيم سلام لرشا و .. ست ريدك النساية .. و الزول الغناي ده .
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: NASERELDIN SALAH)
|
Quote: بس عليك الله يا علاء ناقش معاها أي شي إلا حكاية القلوب المفتوحة دي . |
عمدة العزيز زي ما قلت ليك زهجــان منك وزهج شديد جدا واشتكيتك وحسع بشتكيك لي دكتورة رشا دي بلاي تدخل الرياض وما تقول ( كـــِش ) ؟؟ كلمني معتصم في يوم خميس وقال لي عماد عبد الله اتصل علي وح امشي الاقيهو ونتلاقى بي هناك .. كنت منتظر بي هناك .. وبعداك يلالا تعال شوف ليك جري وطيران وانا من طيبتي قلت خليهو يخلص حاجاتو .. ومصيرو المــوج بجيبو وكنت منتظرك .. وعارف انتظاري عامل كيف .. بلاي تمشي ولا تقول لينا حاجة يعني تعمل حاجاتك على كيفك ؟ غايتو حاج بهاء بكري انستر معانا لكن انت ليك يوم يا عماد .. والدوحة دي في العيد الجاي دهـ ح تلقانا توووش كدي بس اشوفك قدامي هناك .. .. شكرا يا دكتورة رشا للمساحة دي .. وقلنا نعمل ليك شوية عرض
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: tmbis)
|
تامبا يا شريك .. نرحب معك بالإخصائية الإنسانة والزولة الحبوبة رشا سالم .. وهي بحق إضافة جميلة للمنبر نتمنى ليها طيب الإقامة فيه .. وكويس إنها اليوم "قلّبت" ليك المواجع وخلتك مع دنيتك القساية دي .. يلا يا رشا عندنا "سفنجة" رايحة برضو .. ولا نمانع بمدنا باي "سفنجات" أو على شاكلتها ..
مرة ثانية ألف مرحب بيك ..
شكراً يا شريك ..
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: tmbis)
|
الله الله الله الله الله الله الله الله يا تمبس وحياتك يا غالي انـا لي ساعة فاتح صفحة الاضافة وما قادر اكتب ..
Quote: نعم أن الملائكـــة يهبطـــون من السماء.. بقدرة قــادر |
وهناك من يعيش بيننا منهم ويوحون لنا بهذا الجمال .
Quote: انســانة .. تحمل همـــوم الغير بكل معاني الإنسانية. أخت وصديقة عزيزة .. وقفت عندهــا كل كلمات التقدير قبل أيام قليلة لجأت لهــا في مهمة انسانية في توفير ( دواء ) عجــز الأطباء كالعادة في توفيره في السودان .. وكان أن ادهشتني .. وصديقتها الصيدلانية بأن وفرو لي مع الدعوات الصادقات ( كميــة ) كانت البلسم الشافي واعادت البسمة لأسرة عانت ما عانت .. |
الم اقل لك صديقي تامبا ان بعضهم يعيش بيننا .. فها انتما ملاكين بيننا تنزعون الألم وتغرسون البسمة في النفوس ..
Quote: أخبرتني قبل دقايق من الآن ومن أمام غرفة العمليات في ( نبطشية) الليل بدخولهــا سودانيز اون لاين |
يا مليون مرحب بها وهي ترفرف بجناحيها الأبيضين وتهبط جالبة السلام والأمان .. لتكون ست الريد والانسانية والامل .
والشكر لك يا مخزن الود والسماحة
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: tmbis)
|
Quote: نعم أن الملائكـــة يهبطـــون من السماء.. بقدرة قــادر نعم هبطت هنــا اليوم اخصائي التخدير والعناية المكثفة .. رشــا سالم
|
رشا سالم
مرحبتين حبابك بالمنبر
اتمنى لكي اقامة طيبة
تخريمة:
عارفة ما دام عندك علاقة بالتخدير والقلوب
ح تتعبي تعب شديد مع ناس تمبس ديل
شمري السواعد سااااااكت
مودتي واحترامي
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: tmbis)
|
الأخ عماد عبدالله الله يخليك ويخلي لينا حروفك الجميلة دي....... ما تخاف علي انا ما بمشي محل الأسودإلا هم براهم يجوني وبخصوص تمبس اطمئن انا قلت ليهو حأوديك المستشفي وأقلع ليك ضرسك المتاورك ده ....لكن الأجندة الخفية إننا حنقلع ليهو واحد من الجماعة لا اقول ليك البطين الايسر ولا اقول ليك الشريان الاورطي غايتو حنحاول ننقص ليهو حجم الريدة الساكنه ده عشان ما يموت علينا.. وتحياتي ليك
| |
|
|
|
|
|
|
حربية (Re: tmbis)
|
يا تمبس الزول بالإضافة لكل حسناتها حربية جداً وقعت في بوست الإعتصام مع أهلنا ضد زيادة السكر و المحروقات والله إتكيفت منها جداً ومجايبك سمحة يا حبيب مرحباً برشا الحبيبة
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: tmbis)
|
سلامات يا صحــاب الليلة السبت .. والسبت دهـ من أيام المدرسة ما راكب عدلـــو.. بعدين يا ( دكترة ) انا كنت عايز انزل ليك : انــا قلبي بــدق .. بدق ق ق ق .. تظلمني ليه يا جميل ما ليك حق ق ق ق ق.. واهي المسالة كلهــا تخصصات .. لكن قلنــا ( ست الريد) عسى ولعــل العلاج الطبيعي ينفع معــانا ، ما كمان الله بدي الجنــة.. .. شكرا لي كل الشباب المعانـا في البوست دهـ وسعيد جدا بيكم مرحبين لأختنا وصديقتنا بوردابية الرياض رشــا فيا بورداب الرياض ( الزولة ) دي بتعرف خفايا القلوب وشيالت حال .. بعد حفلة الخــال ودقاســم.. اخدت درس وقربو يعملو لي قسطرة في الحجاب الحاجز كان ما الله ستر وأخوكم بيعرف يخارج نفسو من المطبات الخطيرة دي ( حيث ) قالت لي: كيف ما تكلمني بي وداع الخــال ودقاسم ؟ قلت ليها لكن انت اكسبلورر ولازم تقدمي طلب وتكتري في ( البنج ) ولذلك يا بورداب وبوردابيات .. واخص مجموعة الرياض .. أنتم على وعد بزولة حربية جدا زي ما قالت لنــا مهدي وأخت أخــوان .. وجاهزة جدا لكل المهمات الخطيرة والصعبة والحالات المستعصية زي حالة أخوكـــم معتصم دفع الله مثالاً .. .. بعدين يا عماد عبد الله والله زهجان منك زهج شديد خــلاص يا عبد الله عقيد بلاي الزول دهـ ما ينوم ..جيهو لي تمام واضرب ليهو في السلم ده بس لحدي ما اجي راجع للردود .. شكرا ليكم كلكــم .. . . بعدين يا رشــا بطلي ( الكياشة ) دي في اقتراح هنــا اسمو الكتابة بالالوان اكتبي لينا بالألوان إذا سمحتي .. جديدة وكمان بتكتبي من غير ألـــوان
| |
|
|
|
|
|
|
تمبس الكيشة منو؟ (Re: tmbis)
|
Quote: بعدين يا رشــا بطلي ( الكياشة ) دي في اقتراح هنــا اسمو الكتابة بالالوان اكتبي لينا بالألوان إذا سمحتي .. جديدة وكمان بتكتبي من غير ألـــوان |
تمبس أخوي الكيشة إنتا الفاكر البتلون الحروف هي الألوان. في حروف ملونة خلقة يا كيشة
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: عصام أحمد)
|
الاخ المحترم عصام احمد الله يخليك والبيت منور بأصحابه القاعدين وحارسينه من زمان.......وأنا قررت اخد راحتي ويارب يكون وجودي خفيف عليكم وبالمناسبة يا عصام ,ولدك الصغير الحليو ده كل ما أشوفه بتجيني رغبة اسوقه واشطفه واغسل ليهو جضيماته ديل لكن ما دام عاجبك كده نحنا ذاته يعجبنا... مبسوطة بمداخلتك وخليك قريب...
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: عصمت العالم)
|
الجميل عصمت العالم يتسال الكثير ممن أعرفهم عن أسباب إتخاذي لهذا المجال الحرج والصعب كتخصص ودرب للحياة وانت تعلم أن مهنة الطبيب هي اسلوب حياة ولا يستطيع فصله عن بقية مناحي حياته ... وقد اخترت التخدير والعناية المكثفة لتوقي وشوقي الدائمين لرؤية اثر ما أعطي من عقاقير علي مرضاي ومتابعتي ثانية بثانية لهذا الاثر حتي يعطي النتيجة المرجوة وهي سلامة المريض ومقدرة الجراح علي إجراء العملية وهذا التوازن لو تعلم جد مضني ومنهك لاخصائي التخدير تعلمت من هذا التخصص ان لا استهين باي شيء فكل ما تحسبه تافه وصغير قد يكون له اعظم الاثر علي المريض والانسان دائما ما يدهشنا ويستجيب للمؤثرات بطرق تختلف كل حين....وهذا لا ينطبق فقط علي العقاقير وانما يمكن ان نعممه علي تصرفاتنا وكلماتنا وتعاملنا مع الاخر... بأختصار كلماتك كان لها عظيم الاثر عليٍ وخففت وداوت كتير من الألام الجواي..... واتمني اني اكون مصدر لإزالة الم اوتخفيف جرح او عناية بانسان في كل لحظات حياتي.... وتستاهل انت السعادة وكل المودة
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: humida)
|
الدكتورة رشا
أرحب بك ترحيبا حارا كعضوة نشطة فى المنبر العام لسودانيز أون لاين ، وأنتهز هذه الفرصة لأشكرك غاية الشكر عند إتصالك الهاتفى علينا للعزاء فى فقيدنا محمد الجيلى وزوجته سهير وبنتهم قطوف ، وقد تحسست مقدار ألمك ومشاركتك الحقيقية لأحزاننا ، حتى أكاد أرى دموع عينيك منهمرة ، وقد تأكدت ثانية من صدق مشاعرك النبيلة فى ردك على رثاء بنتى الدكتورة نبراس لصديقتها قطوف ، فيا لك من إنسانة سودانية أصيلة ونبيلة بما تمكلين من هذا الحس المرهف
ويا بختنا بيك يا دكتورة أخت وإبنة عزيزة
ألف ألف مرحبا ، رغم التأخير فى الرد عليك
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: رشا سالم)
|
مرحبا بدكتورة رشا إضافة حقيقية لهذا الحيز، وقد قدمك لنا الأخ تمبس "حامل المسك والجمال"، والذي ظل يرفد هذا المنبر بالطرب الأنيق. وكذلك رحب بيك صديقي الأصغر أبو آمنة (معليش جعفر دي ما معانا)....وأعلم أنه يعلم كيف ينتقي من يحب.
وللأخ تمبس
Quote: والدوحة دي في العيد الجاي دهـ ح تلقانا توووش كدي بس اشوفك قدامي هناك ..
|
من هسه عيدنا بقى عيدين، وشفت التوووش بتاعتك بتوديك تووووش لقلوبنا.
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: tmbis)
|
العزيز تامبا ....... سلام واضح ان هنالك اصطفاف جغرافي , فقد حشد ابوالجعافر كل اهل فداسي في مواجهتك , وعليه اعلن تضامني معك من ناحية جغرافية , ومن هنا نرسل رسالة لاهلنا بالموردة لخوض معركتنا المؤجله مع اهل فداسي بقيادة ابوالجعافر بس طلع لي الدكتورة رشا من الدواس ده . لاننا نريد ان نحصر الصراع ونحعله صراع الريف والمدينة فقط . بالمناسبة فنانك رهيب والاغنية جميلة . محبتي لك ولاهل فداسي الاعزاء
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: بهاء بكري)
|
المحترم بهاء انا ذاتي مع تمبس وناس فداسي ديل الله ساكت يحلهم مننا..... حنبقي ليهم في رقبتهم العزيزة وده كله عشان يبطلوا يخشوا في المواضيع المحرجة والبتجيب كثافتنا... وانا ما بقدر اطلع من المشكلة دي لانو عندي تار شخصي وكده... وشايفه جعفر عايز يدول الموضوع ويدخل الخال صديق الموج لكن انا خالي ضامناهو ..ما بيغلط علي يلا مع السلامة
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: tmbis)
|
Quote: ولذلك يا بورداب وبوردابيات .. واخص مجموعة الرياض .. أنتم على وعد بزولة حربية جدا زي ما قالت لنــا مهدي وأخت أخــوان .. وجاهزة جدا لكل المهمات الخطيرة والصعبة والحالات المستعصية زي حالة أخوكـــم معتصم دفع الله مثالاً .. .. |
اهلا وسهلا بيك يا رشا في المنبر....
وياتمبس اكان قدرت علي اخونا معتصم دا تكون ما قصرت معانا!!!
تحياتي للجميع,,,,
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: غادة عبدالعزيز خالد)
|
رشا دائمآ تزكرنى بالفنان الراحل أحمد الجابرى هذا العملاق ذات الصوت الشجي ، وكنت وانا ابن 16 سنة واحضر حفلة زواج كان يحيها الفنان احمد الجابرى ، وفجأة وجدت نفسي امام الراحل احمد الجابرى وسألته عن أغنية رشا وهل هى محبوبته ام زوجته فقال لى ، بل رشا هى من اسماء الظبية و رشا هو طفل الظبية عندما يقوى على المشى وكنت ساعتها لا اعى الاشياء بعمق ، فكل ما جئ بأسم رشا اتزكر هذا العملاق لذلك الف مرحب بالدكتورة رشا سالم ونتمنى لها اقامة طيبة فى هذا العالم السايبيرى.
سيف
| |
|
|
|
|
|
|
Re: .. تاني ست الريد بقت نساية وترحيب خاص .. رشــا سالم .. (Re: عبدالعظيم محمد أحمد)
|
أخي وصديقي عبد العظيم ما تتخيل شعوري وانا بقرا في حروفك....سنين مرت في خاطري خلال ثواني كنت عاتبة عليك لانك ما ودعتني قبل سفري..لكن لما رجعت في الأجازة كنت في خاطري بس للاسف حصل لي حادث بالعربية وقضيتها كلها من دكتور لدكتور وما قدرت اتصل بيك...ارجو انك ترسل لي الايميل بتاعك في الماسنجر واكيد مافي مسافة بين الأخوان مهما بعدت الشقة.....
| |
|
|
|
|
|
|
|