|
|
 اليك بسميرة يا تمبس
|
كما يهديها الي كل من :
نادر بي مناسبة جية محمود
بدري بي مناسبة المونديو
عمك تنقو بي مناسبة نهاية الامتحانات القربت
ثابت بي مناسبة تغيير موقف العربية
دكين بي مناسبة تغيير الصورة
عزاز شامي بمناسبة قرب العودة لارض الحرمين
ابو جهينة بي مناسبة انك زول سمح و الله
حمزاوي بي مناسبة التنصيب كخال لي بورداب الرياض
صديق الموج بمناسبة التنصيب كخال لي بوردابيات البورد مع تحفظي الشديد
وليد طه بي مناسبة العمرة المعتزمة
معتصم دفع الله السمح
عمر الفاروق ساكت
الفاتح وديدي لله كدا بس
الجريفاوي و سفيان و عارف الصاوي برضو مع الفاتح
نادية عثمان عنصرية مني
الموصلي بمناسبة الشريط الجديد
خليل و كريم و ود رملية امتنانا بي مناسبة البوستات اللذيذة دي
عبد الرازق و الله ما عارف ليه
عموم ابناء الشمال كعنصرية مني برضو
و السودانيين كلهم بي مناسبة الزيادات الجديدة
و لي نفسي برضو قبل ما انسي
|
|
 
|
|
|
|
|
|
|
|
Re: اليك بسميرة يا تمبس (Re: Tabaldina)
|
تبلدينا يا رايق مصفا
بي مناسبة الزيادة دي عارف الخرطوم بقت اغلي من طوكيو !؟
تعرف الشقة التمليك في المعادي متوسط 30000 دولار تقسيط ، و في الحتة الجم عفراء ديك بي 140000 الف دولار تقسيط برضو .
مع مراعاة فارق التوقيت طبعا .
| |
|
|
|
|
|
|
|
|
|
Re: اليك بسميرة يا تمبس (Re: حمزاوي)
|
كيف حال يا خال
ياخ انتا ما طرحت نفسك خال لي عموم البوردابيات
عموما لو داير ( بي مناسبة الغنية دي ) ترشح نفسك كخال للسودانيين قاطبة موش البوردابيات بس ، ادينا خبر عشان نبدا ليك في propaganda المكثفة من هنا .
شفت propaganda دي طالعة من خشم ود اختك كيف ؟
| |
|
|
|
|
|
|
|
|
|
Re: اليك بسميرة يا تمبس (Re: حمد فتح الرحمن)
|
صديقي العزيز حمد ... ودي وتحياتي وكثيف أشواقي ...
ياخي ده إهداء بالرااااحة ودقاق ومحبوك وفوق ده وده من زول راقي ورايق ... أمنياتي نبارك ليك مولودك بعد تسعة شهور من ديسمبر 2006م ... يا شافي يا كافي ...
بتصل بيك كتير ... رسل لينا آخر رقم موبايل العندي كلهم بقوا nonvalid numbers ... لقيتو عروض موبايلي وسوا بقيتو تنططوا من شريحة لي شريحة جهجهتو المعلقة ذاتو ...
| |
|
|
|
|
|
|
|
|
|
Re: اليك بسميرة يا تمبس (Re: نادر)
|
| Quote: خليل و كريم و ود رملية امتنانا بي مناسبة البوستات اللذيذة دي |
تسلم يا حمد يا اصيل...
وانا ذاتي اهدي الاغنية للاخ حمد والراوي بتاع حمد مع رجاء المراسلة...
ولكل الاهل بسنجة وسنار وكسلا وطوكر وكل المناطق المنكوبة بالبلد..المنهوبة..
| |
|
|
|
|
|
|
|
|
|
Re: اليك بسميرة يا تمبس (Re: نادر)
|
| Quote: بعد تسعة شهور من ديسمبر 2006م |
يا سلام ياخ و الله هبشتني في الوتر الحساس محتاج ليها بشدة و الله الايام دي .
بمناسبة الرقم خلاص الاخير دا جواب نهائي
اسمع بعد بكرة البحر كيف ؟
| |
|
|
|
|
|
|
|
|
|
Re: اليك بسميرة يا تمبس (Re: 3mk-Tango)
|
| Quote: اي واحد يعمل حساب لي تيوبو |
دا تيوب فكري ولا شنو يا عمك
مالك خايف عليهو كدا
نحنا و الله زي كلام الجعلي اظن ما عندنا تيوبات زاتو
نعوم ساكت
| |
|
|
|
|
|
|
|
|
 Re: اليك بسميرة يا تمبس (Re: حمد فتح الرحمن)
|
لو فارقتـه دربي .. هواك في ( دمــاي ) جـــــاري
والله يا سميرة جاري جري شديد خلاص.
..
تصدق يا ( دكتــور ) امس القريبه دي كنت بسمع فيها بالليل خالص..
بلاي اتاريك حاسي بي ..؟
غايتو من فترة دخلتني قناعة أنك احســن من بتاع ( اللساتك ) الفوق دهـ 
..
.
وبالمناسبة دي اهديها لكل قابض على ( جمــر ) القضية .. ( ولي زولة كده ).
ولي كل الشباب المعانا هنــا.. واللسه ما جــو..
وبالمناسبة دي يا دكتور .. اتفاقي معاك واضح جدا .. انا ما ح اعمل اي خيانات في أي مكان . في اي زمان .. مع أنو الجو مشجع لي معصية  وبيع..
اشوف املي في جزيرة .. وحبك لي قارب ..
بقى دي إهــــداء خاص لي ( أبو الليل ) .. ومافي حد يسالني أويحكها معاي..
| |
|
|
|
|
|
|
|
|
 Re: اليك بسميرة يا تمبس (Re: tmbis)
|
| Quote: ثابت بي مناسبة تغيير موقف العربية |
.. وكمان بمناسبة صواريخ ( الكاتيوشا ) الحايمة اليومين دي .. وكنت عايز اجيب الصورة دي هنــا
لكن خــايفو يجــر ( السلك )
| |
|
|
|
|
|
|
|
|
|
Re: اليك بسميرة يا تمبس (Re: tmbis)
|
البايع الله يبيعو يا حبيب
جو المعصية دا زكرني زمان واحد صاحبنا اسمو الدهنون
الدهنون دا بي الغلط ما يشوف ليو صقر غطي عين الشمش و لا سحابة جات بالغلط ماشة لي الجيران الا ينط من البنش و يقوم جاري قبل ما السحابة تصل الحتة الماشية ليها .
| Quote: بقى دي إهــــداء خاص لي ( أبو الليل ) .. ومافي حد يسالني أويحكها معاي.. |
ابو الليل دا منو ؟
| |
|
|
|
|
|
|
|
|
|
Re: اليك بسميرة يا تمبس (Re: حمد فتح الرحمن)
|
حلوة منك يا حمد ..
مرقتنا شوية من جو الأحزان دا ..
بعدين شايف الشباب كلهم متجرسين ..
وما وريتونا حكاية التيوب دي شنو ..
قول للدكتور دا أبقى مارق السنة كلها إمتحانات ..
بعدين أخوي الكاشف تمبس أمس قاعد يسمع في الأغنية بقى يتكلم لوحده ..
عالم عجيبة خالس خالس ..
فتكم بعافية وبجيكم تاني ..
| |
|
|
|
|
|
|
|
|
|
Re: اليك بسميرة يا تمبس (Re: معتصم دفع الله)
|
حمد أخوى
بارك الله فيك
و شكرا على الهدية
و بدوري أهديها لكل بورداب الشرقية دون فرز
دمت أخي العزيز
تمبس:
Quote: اشوف املي في جزيرة .. وحبك لي قارب ..
بقى دي إهــــداء خاص لي ( أبو الليل ) .. ومافي حد يسالني أويحكها معاي.. |
غايتو براها محكوكة بدون ما يحكوها.
أملك في جزيرة ولا في ( النيل الأزرق ؟؟ ) وجه مكرفس من الضحك
| |
|
|
|
|
|
|
|
|
|
Re: اليك بسميرة يا تمبس (Re: معتصم دفع الله)
|
| Quote: بعدين أخوي الكاشف تمبس أمس قاعد يسمع في الأغنية بقى يتكلم لوحده .. |
اخوك الكاشف ما قاعد يتكلم وحدة
اخوك دا كان في حالة جذب سماوي ليلي
دي الحالة البهدي فيها اي حاجة تجيهو لي ( ابو الليل )
شفت يا معتصم الساعة ديك لو اديتو تسالي
بشيل بديهو لي ( ابو الليل )
الله يجازي سميرة و ابو الليل
| |
|
|
|
|
|
|
| |
حمد فتح الرحمن
فيصل نوبي
عبدالكريم الامين احمد
khaleel
tmbis
معتصم دفع الله
ابو جهينة
فيس بوك
تويتر
انستقرام
يوتيوب
بنتيريست