|
|
 اراهن على المريخ..
|
غداً نعود ونحن اروع وأمتع..فهي عادتنا القديمة.
نعود اقوى وأضوى..لأنها عادة (الكوكب القاهر) التي عودنا عليها..قوى بعد المِحن لا تعرف الإنكسارات له طريق! فهو منيع في سمو وحصين في علو لا تهذه العوارض ولكن شأنه شأن كل المخلوقات وشانها جميعاً التعرض للإبتلاء.
نعم احبة المريخ..سيعود طائر الفينيق(روح المريخ) لينفض رماد المِحنة العابرة ويرفرف بجناحي العز والسؤدد ويحلق في فضاءات لم يخبرها ويجتاز مجاهلها إلى هو..عينه ترنو إلى البعيد ولا يشغل خلدة غير الالتحام بالكوكب الوضئ ليعود الكل واحد وبانعكاس وهج الالتحام تشرق نفوس المجاذيب وتحترق امال اصحاب (الامل) الواهي ويورد من (هلل) (موارد) الزيف إلى حيث ظل يقبع هو ومن حالف طيلة تاريخة المزري الفاضح.
قد قلتهامن قبل فتلقفتها افئدة المجاذيب الذائبين عشقاً وجعلوا منها شعار وقد كانت العودة وتلتها الافراح ورائتم كيف عاد المريخ ليسحب القاطرات من خلفة بعد ان اثقلها بما لا تحتمل!!
الم تروا كيف كان حالنا قبل اسابيع قبل الابتلاء؟؟
فلماذا احبتي اصبحتم تتصفون باقبح ماكان يتصف به من هم دوننا واعني الهشاشة!!
اني لاعجب لحالكم وانتم تنصبون المشانق وارى في بعضكم صفات لا تشبة الصفوة في شي ولم تكن تعرف لهم طريق.!!
فكيف يكون بين الصفوة حاقد او مخرب او صاحب غرض دني؟؟
وهل كانت من بين صفاتنا نكران الجميل؟؟
الم يأن الاوان لتنقية الصفوف؟؟
عودوا إلى صوابكم وميزوا بعقول نيرة تميزتم بها على من هم سواكم طيلة تأريخكم المجيد وفرقوا مابين (المخلصين)و(المندسين) و(اصحاب الاغراض) والمنافع (الدنية الرخيصة).
انا اراهن اليوم وغدٍ وإلى زوال كل من كان محتوم علية الزوال منذ الازل(ارااااااااهن على المريخ)
أراهن على عشقي حتى ولو تركتموني وحيداً..
ساقف لهم واهتف حتى تتقطع حبال الصوت ولكن لن تتقطع حبال وصلي بالمريخ..وسااصفق لهم حتى تدمى يداي وإن فقدت احداها سافرقع اصابعي عوضاً وإن فقدت الاخرى(لن اعدم حيلة) فحينها ساجند كل حواسي وإحساسي وانفاسي وخواطري واملا بهم المكان لتحل الحواس محل مزامير تصدح والانفاس دوي نحاس واجالس الخواطر في حضرة المريخ.
هيا إنفضوا الان ودعوني انفرد بحبيبي واملا نصف المكان اناجية فيناجيني وادع النصف الاخر لاخرين لم يعرفوا بعداً عنه منذ اولى لحظات الإنتماء.
ولكن سافرح ولن اشارككم متعة الاغتباط وانتم من قرر ان يوهن قدسية اجمل إرتباط.
غداً نعود كما نود.
|
|
 
|
|
|
|
|
|
|
|
Re: اراهن على المريخ.. (Re: سامى عبد الوهاب مكى)
|
شوف يا سمسم أول هزه هي حرف (ذ) بدلاً من حرف (ز) ولو بي طريقتكم دي والله تتهزوا لمن ما يفضل ليكم فرع أو غصن ، أنا كنت أعشق الهلال لمن كان بلعب كورة وأجد نفسي الآن مجبر على أن ضيع ساعة ونصف من عمري غير الوقت بدل الضايع والضائع أصلاُ من أجل أحمد المريخابي ومحمد الهلالابي وهما البكر وآخر العنقود على التوالي من أبنائي والحمد لله الذي جعل فاطمة أبعد ما تكون عن التشجيع كدأب أمها وذلك لأسباب يأتي في مقدمتها أن أحول بينهما وأفض الإشتباك وأرى الأخ يسخر من أخيه ويشمت.
إنتو بصراحة يا سامي يا أخوي في المباراة الفاتت ما لعبتو كورة والنتيجة طبيعية ، صحيح أنها قد تكون كبوة جواد لكين حا يفضل أثرها باقياً إلى أن يهزم المريخ الهلال وحتى لو فاز المريخ ببطولة الدوري من دون أن يهزم الهلال سوف يبقى فوزاً مسيخاً مساخة الترمس.
الكورة فوز وتعادل وهزيمة في جميع أنحاء الدنيا والكورة في السودان بين الهلال والمريخ إما فوز وإما هزيمة وكانت هذه المرة للهلال.
أحي فيك أدبك الجم وتعلقك وحبك الكبير للمريخ وأسأل الله جلت قدرته أن يجعل نصف مشجعي وجماهير الكرة عندنا على درجة عشقك السامي يا سامي وأن يبقي النصف الآخر يحاول الوصول والسمو بإنتمائه وولائه وقبل أن يفعلوا أن يكون لدينا فرقاً تمارس كرة القدم تبدع وتمتع وتسعد – وهاردلك كابتن سمسم فلقد كانت كبوة كما أسلفت وكما أنهزم الهلال من المريخ مرات فقد فاز عليه مرات ويبقى فوز الهلال في الذاكرة إلى أن يمحوه نصر جديد للمريخ أو يجدده فوز آخر للهلال.
وإن غد لناظره قريب
| |
|
|
|
|
|
|
|
|
|
Re: اراهن على المريخ.. (Re: almulaomar)
|
| Quote: أحمد المريخابي ومحمد الهلالابي وهما البكر وآخر العنقود على التوالي من أبنائي |
يعني يا الملا عمر صحي حكاية إنو البكر عوير دي؟؟؟؟ لوووووووووووول
ربنا يحفظهم جميعاً
| |
|
|
|
|
|
|
|
|
|
Re: اراهن على المريخ.. (Re: سامى عبد الوهاب مكى)
|
تتهاااااااااااااااي ..هاااااااااااااي..هاااااااااااااااااااااي..
كأكأكأكأكأكأكأكأكأكأكأكأكأكأكأكأكأكأكأكأ... (دي ضحكة دنجل)..
واااااااااااااااااا ويييييييييييييي هاااااااااااااااااااا..
سامي الله يرضى عليك احجز ليك صينية من صواني امدر وارشح صينية الدومة قبل ما تبقى اشارة ..
| |
|
|
|
|
|
|
|
|
|
Re: اراهن على المريخ.. (Re: عمر الفاروق)
|
سامى
صبرا جميلا ال ياسر .. فأن موعدكم الجنه
| Quote: سامي الله يرضى عليك احجز ليك صينية من صواني امدر وارشح صينية الدومة قبل ما تبقى اشارة .. |
عمر
انتا اخبار ( حموده منشطات ) شنو
عمل الفحص والا لسه زايغ ؟؟
| |
|
|
|
|
|
|
|
|
|
Re: اراهن على المريخ.. (Re: سامى عبد الوهاب مكى)
|
.
اخونا سامي
ازيــــّك..
غايتو بالشايفو خلال السنوات الأخيرة دي
احسن حاجة بعد كل هزيمة تقعد تغني مع ام كلثوم رائعة الهادي آدم :
" قد يكون الغيب حلوا .. إنما الحاضر أحلى "
لانو كل سنة ماشين (تتبهدلوا) اكتر
أنا خايف في ( الغد ) الراجينو سنين ده
تصبح حكاية ( نديتكم ) للزعيم
مجرد تاريخ يحكى
.
| |
|
|
|
|
|
|
|
|
|
Re: اراهن على المريخ.. (Re: سامى عبد الوهاب مكى)
|
| Quote: غداً نعود ونحن اروع وأمتع..فهي عادتنا القديمة. |
العادة ماااااااااااااااااااااااااا عندكم لكن ..
فعلاً جاء غداً ورجعتم لعادتكم القديمة بين هزيمة وتعادل..
وياااااااااااا يوم بكرة ما تسرع تخفف لي نار وجدي..
تخريمة :
أها يا سامي قعدت تتمحرك كده لحدي ما صينية الدومة حجزها واحد مريخابي امبارح بعد الكورة ..
يا زول اخر فرصة واخر صينية الحق الزعيم الازهري..
| |
|
|
|
|
|
|
|
|
|
Re: اراهن على المريخ.. (Re: سامى عبد الوهاب مكى)
|
Quote: تخريمة :
أها يا سامي قعدت تتمحرك كده لحدي ما صينية الدومة حجزها واحد مريخابي امبارح بعد الكورة ..
يا زول اخر فرصة واخر صينية الحق الزعيم الازهري..
|
كلهم محجوزتان من زماااان من زمن اب جنزير...ومافي صواني جديدة.
هع هع هع
| |
|
|
|
|
|
|
|
|
|
Re: اراهن على المريخ.. (Re: سامى عبد الوهاب مكى)
|
سامي ياخوي القصة انتهت , تحياتي لك وللاستاذ محمد سعيد وقول ليهو مبروك عليكم الوصافه وكان ناس جزيرة الفيل بعد ذهاب مخلص شدو الحليل الترتيب بتغير تاني . سلامي للوالد والوالده
سلامات يا بهاء..
فعلاً شكلها انتهت!!
تحياتك وصلت للجميع.
ولك من التحايا
| |
|
|
|
|
|
|
|
|
|
Re: اراهن على المريخ.. (Re: سامى عبد الوهاب مكى)
|
سامي يا أخوي صحيح لكل عالم هفوه ولكل جواد كبوه ، تعرف بطيب في خاطر أحمد ولدي وبساعده في صد هجمة مرتده من محمد وهو الأصغر والأشد فرحاً بفوز الهلال وشماتة في أخيه بهزائم المريخ ونتائجه المتردية مؤخراً فقلت ليهو يا محمد كل جواد له كبوه ، فقال لي يعني شنو لكل جواد كبوه قعدت أشرح ليهو لمن فهم ، تعرف قال لي شنو والله يا أبوي جواد ناس أحمد ده (فريق المريخ) إلا يكون ركشة بي تلاته كرعين ده في أى مكان بقي كبوه وكفوه وأخذ يردد بخشم تساقطت بعض أسنانه الغلبو منو يا ... الغلبو منو وأنتفخ أحمد وأغروقت عيناه بالدمع واحال كذلك أضطررت على أن اديهو بعض الدنانير عشان يمشي يطرشق بعيد مني أو يتفشى أيهما أسبق.
| |
|
|
|
|
|
|
|
|
|
Re: اراهن على المريخ.. (Re: almulaomar)
|
لماذا لانعود وانا اصحاب الإنجازات وحاشيتنا تحقق الانجاز من بعدنا ويفرحوا كانهم ظفروا بتحقيقه لاول مره
ياخي دا المريخ العجيب
ياخي دا المريخ الحبيب
ياخي دا المريخ الصنديد
ومهما حصل برضوا مريخنا البنحلم بيه يوماتي
التحية لك اخي سامي
ولنا عودة بأذن الله
الوصيف الذي الذي احتل الصدارة بعد 16 اسبوع عشعش في الوصافه البيحلم بيها يوماتي
والتحية لكل من يجري في دمه الاحمر اللون الأحمر
ابومصطفى
| |
|
|
|
|
|
|
|
|
|
Re: اراهن على المريخ.. (Re: almulaomar)
|
لماذا لانعود وانا اصحاب الإنجازات وحاشيتنا تحقق الانجاز من بعدنا ويفرحوا كانهم ظفروا بتحقيقه لاول مره
ياخي دا المريخ العجيب
ياخي دا المريخ الحبيب
ياخي دا المريخ الصنديد
ومهما حصل برضوا مريخنا البنحلم بيه يوماتي
التحية لك اخي سامي
ولنا عودة بأذن الله
الوصيف الذي الذي احتل الصدارة بعد 16 اسبوع عشعش في الوصافه البيحلم بيها يوماتي
والتحية لكل من يجري في دمه الاحمر اللون الأحمر
ابومصطفى
| |
|
|
|
|
|
|
| |
almulaomar
خالد عبد الله محمود
عمر الفاروق
على محمد على بشير
ALGARADABI
بهاء بكري
keiga2000
فيس بوك
تويتر
انستقرام
يوتيوب
بنتيريست