|
|
 ماليزيا- الدكاترة...,عبق الحدائق...واحترام الانسان لنفسه..
|
مقدمة لازمة وضرورية قبل ان اكتب هنا مجددا عن تلك الديار الساحرة...وجنة عدن في أرضها....
فالشكر بيننا لن يفي لكم حقا....دكتور ابراهيم, دكتورة بيان وكل افراد اسرتها وضيوفها ..ودكتور الدين...الرجل العصامي الشهم...اللطيف ولصديقه الاستاذ محمد أحمد...واعتذاري الخاص جدا لأخي ساري
الليل الذي قفلت بوصيته راجعا الي المنامه بعد ان تأكد لي انه بملاكا...وان رحلته الينا ستكلفه زمن هو أقيم من تلك الوصية...وبعد أن تأكد لي يقينا انه في تلك البلاد الساحرة لابد له ان لا يحتاج اليها....فيكفيه الخضرة والماء والوجه الحسن.
وسيأتي حديثي لاحقا...عن كل تلك المشاهدات العجيبة...الساحرة....وعن دكتورة بيان والدين...
والدكتور العالم ...وكل الحدائق والجداول والجبال والشتول...وذلك المناخ العجيب...واحترام ذلك الشعب للعلم والعلماء...وحبهم للعمل من دون تكلف ولا مشقة ولا ضجر...وصديقي لان سائق التاكسي الذي أحب فرفور وترباس...والذي لم يفارقني في كل رحلاتي في تلك البلاد العجيبة...التي أتمني ان يجعلها وطني نموذجا في الخضرة والجمال والتعايش الراقي الحميم...
|
|
 
|
|
|
|
|
|
|
|
Re: ماليزيا- الدكاترة...,عبق الحدائق...واحترام الانسان لنفسه.. (Re: nazar hussien)
|
اخي وصديقي الودود نزار حسين
حقيقة ان سعدت جدا بمعرفتكم جميعا كأسرة, وسعدت اكثر بمعرفة زوجتك تلك الأنسانة الفاضلة والهادئة الرزينة وابنتيك العسلولتين حفظهم الله, ورغما عن قصر فترة الزيارة ومدة اللقاء الا أنه المني احساس بأنني امام اسرة أعرفها منذ ان ولدت, فلك التحية ولأسرتك الفاضلة وعذرا اخي ان قصرنا في حقكم نسبة للظروف العلمية الضاغطة علينا وعلى حياتنا
وأسال الله ان يكرر اللقاءات بيننا ويا حبذا لو كان في أرض الوطن الحبيب وتحية خاصة لكل أفراد أسرتك وشكري للأستاذ بكري الذي وفر لنا هذا المنبر والذي أعطانا فرصة التعرف على اناس أفاضل امثالكم
| |
|
|
|
|
|
|
|
|
|
Re: ماليزيا- الدكاترة...,عبق الحدائق...واحترام الانسان لنفسه.. (Re: bayan)
|
دكتورة بيان تحياتي...وعبرك كل التقدير والاحترام والتحايا للبروف...ولبقية افراد الاسرة اللطيفين...الظريفين....وربنا يبارك في ايامك....فعلا يا دوب انا استقريت من الطشيش البي فائدة..
بس ما يجي زول هنا يقول زيارتي لي بيتكم مفبركة...والله كنت عجاج البحر...
اخو عجاج الارض...
والله حقيقة وفيها كيكة ظريفة من بنية لطيفة واعية ومثقفة...وكأنها أخت بيان عيني باردة وما شاء الله...انت يا دكتورة الفاكهة ديك كان اسمها شنو؟ الحاجة ما بين كمثري وعنب وانناس وحنبق...لكن أتلقي الحنبق ما تبعرفيه وانا معول عليه كثيرا في الشبه بس مختشي ساكت!!!
| |
|
|
|
|
|
|
|
|
|
Re: ماليزيا- الدكاترة...,عبق الحدائق...واحترام الانسان لنفسه.. (Re: nazar hussien)
|
| Quote: لكن أتلقي الحنبق ما تبعرفيه وانا معول عليه كثيرا في الشبه بس مختشي ساكت!!! |
يا ابو كمش يا نزار
امال اتربينا بشنو؟
الحنبق والمسكيت جزء اساسي من تغزيتنا عندما كنا صغار..
الفاكهة ترجمتها من الماليزية عين الكديسة
اسهب احد طلابي يوما في شرح التسمية
والفاكهة التى لا اراها تشبه عيون الكديسة..
وعرفت انه بعد ان تفقش القشرة بتبقى تشبه عين الكديسة..
وطبعا فاكهتهم وعلى كيفهم في التشبيه والتسمية
لكن عليك الله في اي علاقة؟
بناتي معجبات ببناتك جدا...بيسالوا تاني بتجو متين؟
| |
|
|
|
|
|
|
|
|
|
Re: ماليزيا- الدكاترة...,عبق الحدائق...واحترام الانسان لنفسه.. (Re: bayan)
|
الفاكهة سميها ليهم الكات آي علي وزن الباباي...وكدايسهم أريتا كدايس السرور النضاف وظراف؟
بعدين عايز أسألك سؤال يا دكتورة بيان....انت الناس ديل ودوا كوشهم وين؟ من قدر ما لفيت ما وقعت عيني في كوشة...ولا بتاع أورنيش...
بناتي وأمهم وأنا ...تاني ما عندنا شغلة غير...ماليثيا...حسب ما تنطقها الصغيرونة...
فقط محتاجين نلاقي طريقة نقسم المشوار علي نصين..
وعليك الله تسلميلي علي البنات...وتبلغيهم تحيات البنيات
| |
|
|
|
|
|
|
|
|
|
Re: ماليزيا- الدكاترة...,عبق الحدائق...واحترام الانسان لنفسه.. (Re: أبوبكر حامد الأمين)
|
بكوري...عليك الله هو في ماليزيا في رجب؟ عشان الكديسة تقول وااااي....هي وااااي دي ما كانت من رجب زاتو؟ الناس ديك رجبهم عيد....وفواكه وخضرة...وناس نضااااااف أي والله...والغريبة اصلو ما لاقتني بقالة ولا سيد دكان...ولا شوالات فحم ولا جزارة...الناس دي بتاكل من وين؟
وان جيت للكدايس بس ياهن المصورات في صواني رامز....البيض ....بيّّّّض...والسود سود...اوعك كديسة بتعتب ما عندهم تب...وشفعا بدردرو الكدايس ما عندهم....يا ربي اكون انا مشيت ليهم وقت المدارس فاتحة...الكلام دا علا تفتينا لافيه دكتورة بيان!
| |
|
|
|
|
|
|
|
|
|
Re: ماليزيا- الدكاترة...,عبق الحدائق...واحترام الانسان لنفسه.. (Re: nazar hussien)
|
يا نزار في معرض حديثك عن الكوش
في اي بيت توجد كوشة قرب الباب مدسوسة في الحيطة بها بابين
واحد للداخل واحد للخارج(لما بناتي صغار كان دا مخرجهم لما اقفل باب الشارع
بالطبلة لما لمت كلبة مرة في ضحى عضتها. حتى وقفت تطلع بباب الكوشة)
بعدين الشركة بتاعة النظافة كل سنة بتفوز بجائزة احسن مؤسسة شغالة..
اما في معرض حديثك عن الكدايس طبعا الكدايس الهنا ما عندهم ضنب..
اذكر عندما حضرنا بكن البنات كثيرا على المجرم الذي قطع
ضنب الكديسة القوها في الحوش.. اسمع ليك سوري سوري اوه
مين قطع ضنبها..يا حرام. نادوني قالو لي يا ماما
موش القطع ضنب الكديسة يوم القيامة ربنا بيوديه النار
اها ما صدقت خطبت فيهم خطبة عصماء عن حقوق الحيوان في الاسلام,,
بعدها لقينا كل كدايس الحلة ضنبها مقطوع واتروعنا
واستعنا بدكتورة سعاد محمود البيطرية
وقالت اييييييييييييييوة في سلالة من الكدايس ما عندها ضنب..
وهنا الكدايس معززة مكرمة عندها سكشن كامل في اي مول
وتقبل تحيات البنات تاني..
| |
|
|
|
|
|
|
|
|
|
Re: ماليزيا- الدكاترة...,عبق الحدائق...واحترام الانسان لنفسه.. (Re: bayan)
|
Quote: في اي بيت توجد كوشة قرب الباب مدسوسة في الحيطة بها بابين
واحد للداخل واحد للخارج |
يعني :
Built in
كوشة.........والمثل عندهم البباري الجداد بوديه الحيطة....
بالله عليكم مش دي فكرة يجب ان تعمم علي عواصمنا...لتفادي فرزعة القمامة...وبوري عربية القمامة
كل عربية تجي تفتح بيبان القمامة وتشيل الفيها النصيب وتمشي...بلا صفافير بلا لمة
| |
|
|
|
|
|
|
|
|
|
Re: ماليزيا- الدكاترة...,عبق الحدائق...واحترام الانسان لنفسه.. (Re: mulhim)
|
الملهم ود حلتنا...كيفك وكيف ايامك...ولياليك...ان شاء الله طيب وكذلك النصف الحلو...
شكرا مقدما علي الدعوة الكريمة....لكن نحن بلادكم ديك لامن نلاقي ليها تأشيرة يكون
كأس العالم الجائي انتهي وناسكم شالو الكأس...من جنوب افريقيا...
يا زول ماليزيا دي شرعة ساااااااكت يمين الله رجعت لختم تأشيرة الدخول بعد ما مرقت برة الشارع وركبت التاكسي تب...حتي فطنت لأني ما مريت علي ضابط ولا جمارك ولا يحزنون...دي ناسكم بسووها والله كان ادونا التأشيرة ان ما فلفلونا فلفلة ما يخلونا.
| |
|
|
|
|
|
|
|
|
|
Re: ماليزيا- الدكاترة...,عبق الحدائق...واحترام الانسان لنفسه.. (Re: Adil Osman)
|
عزيزي عادل عثمان....
شكرا للصور الجميلة....ياهن الكدايس زاتهن...والعجب البطيخ...ياهو زاتو...وامانة ما حلو حلا
وانا فعلا ناوي أكتب بالتفصيل...مع عرض للصور عن تلك البلاد العجيبة...وما يؤخرني حاليا هو ترتيب الصور..ومعالجتها من كاميرا فيديو...الي صور يمكن تحميلها هنا...
لأن الموضوع فيه حديقة فراشات...وحديقة زهور...وحديقة فواكه...وحديقة توابل...وحديقة طيور...وببغاءات بتسوق العجلات...وترويض الثعابين السامة...واشكال حيوانات وطيور من ربي خلقني ما شفتها...وحدائق للتجكيس فااااااضية كان لقوها ناسنا كانو سووا فيها السبعة وذمتها...ومطارات بمقومات بسيطة ومبهرة..
وجبال فيها شجر...وسحاب ماشي جنب الشجر...وناس بانين في الجبال عمارات وفلل...ومونوترينات معلقة ما بين الهوائين...واسواق رخيصة لامن تشك في قروشك...وأفلام جديدة لنج وبرامج كمبيوتر بي رخص التراب لما تتردد انك كان اشتريتها بتلقاها فاضية...وصاحبي سائق التاكسي لان...يا سلام عليه يا سلام...تقول ليه تعال لي الساعة عشرة يجيك عشرة الا خمسة...من وين ما تعرف...!
هذا كله الآن في الذاكرة رهن الصور...لأن الكلام وحده لن يوصل مدي دهشتي بتلك البلاد الساحرة...
| |
|
|
|
|
|
|
|
|
|
Re: ماليزيا- الدكاترة...,عبق الحدائق...واحترام الانسان لنفسه.. (Re: sari_alail)
|
الاخ عادل
شكرا للصور الجميلة
الصورة التي بها سوق.. هذا السوق اسمه باسا مالام
تعني السوق الليلي..
في كل منطقة يوجد هذا السوق مرة في الاسبوع..
وهو سوق تحت مظلات متحركة وهو المكان الذي يمكن ان تساوم في كل شئ
لان بقية الاسواق الرسمية يعملون بالتسعيرة...
وهو مكان محبب جدا للاطفال. والاشياء به رخيصة نوعا
حافظت ماليزيا عليه لزمن طويل لتسير الحداثة مع التقليدية..
اشهر هذه الاسواق
سوق شارع تنكو عبدالرحمن يوم السبت فلا تتورط بقيادة سيارة في تلك المنطقة
اذ تغير مسار الحركة من الخامسة حتى منتصف الليل
ولدي تجربة بشعة في الجهل بهذه المعلومة..
وسوق بانقسا واعتقد انه يوم الخميس(غير متأكدة)
ولكن يستحن معرفة ذلك اليوم اذا كنت ترغب في العشاء
في مطاعم بانقسا.ز لانه لن تجد مكان لايقاف السيارة..
واذا وجدت ستصرخ يحلني الحلة بلة..
اجمل ما في ماليزيا انها استطاعت
ان توفق بين الحديث والقديم
تجد الباسا ملام بمظلاته الملونة وتجد اضخم المولات المعمولة على احسن طراز,,
كما ان
سكانها
المالي و الصينيون والهنود
حافظوا على تقاليدهم مما اضاف عمقا وجمالا للحياة في ماليزيا..
وكل من يتربى هناك يكون لديه استعداد اعظم لقبول الاخر..
تحتفل ماليزيا بعيد الفطر (هاري رايا) والسنة الصينية ( سيني توهان او كونجي فا ساي)
وعيد النور الهندي(ديفا بالي)
تزين الشوارع بالزينات الخاصة..ويتبادل السكان الكروت. نسكن في منطقة صينين
يهدي لنا جيراننا كروت في هاري رايا حيث يمتلئ صندوق البريد بهذه الكروت..
رغم انهم كثيرا ما لا يحيونك او ينظرون اليك في اليوم العادي...
اكثر ما ادهشني ثقافة كروت المعايدة حيث تطبع الاسر الغنية كروت تخصها..
وكذلك المؤسسات. ترسل ادارة العلاقات العامة في الجامعة كروت معايدة لكل اصحاب المناصب
التكليفية. ويرسل عميد الكلية لكل كليته..
ورئيس القسم لكل اساتذة القسم..
والطلاب يرسلون الكروت لاساتذتهم.. يضعونه تححت الباب احيانا تجد صعوبة في فتح الباب
لكثرتها..
تقوم الاسرة بتركيب حبل ملون تعلق فيه الكروت. التى قد تصل الى مئات..
وهذه هي البادرة الانسانية الوحيدة التى يحرص عليها الشعب
ما عدا ذلك لا يحبون العلاقات ولا يتداخلون مع الناس كثيرا..
كل شخص لحاله..
لا يدعوك الماليزي الى بيته الا في هاري رايا
يقيمون شئ اسمه البيت المفتوح يجلبون كثير من الطعام. وهذه اول وآخر مرة في السنة..
تاكل في بيت ماليزي..
| |
|
|
|
|
|
|
|
|
|
Re: ماليزيا- الدكاترة...,عبق الحدائق...واحترام الانسان لنفسه.. (Re: sari_alail)
|
اوانا كانت امنياتي للقياك يا ساري الليل أكبر ولكن حين عرفت انك بملاكا...قلت مافي داعي للزعزعة وكنت متيقن لو اتصلت بيك كنت ركبت وجيت...وهي تلتلة قلت ما أدخلك فيها...لكن الجايات أكتر من الرايحات وزي ما قلت هنا انا تاني ما عندي اجازة غير بلدكم دي...ولسة ما شفت لنكاوي...وحتة اسمها (افا موسي) والاخيرة دي كان لان مصر اني أمشي ليها عشان البنيات..
| |
|
|
|
|
|
|
|
|
|
Re: ماليزيا- الدكاترة...,عبق الحدائق...واحترام الانسان لنفسه.. (Re: Elmosley)
|
الحبيب المبدع الموصلي...والله ليك وحشة...ومشتاقين بالجد بالجد....
ما كان عندي عود لكن نفسياتي كانت ديفزيو...وكل اموري كانت ديفزيو
وانت بالذات يا موصلي لو تشيل كراس وقلم وتمشي تقعد ليك في واحدة من الحدائق الجميلة هناك
مدة يومين بس حا تطلع لينا ألحان وموسيقي ابيخ باخ ما حا يطلعا...فالمكان هناك كله يوحي لك
بشلالات من الانغام...ولو تتبعت اصوات الطيور وخرير الشلالات...وهفهفة اوراق الشجر وسجلت كل ذلك
وعالجته بعلمك صدقني حا يكون الناتج نغم يتحدي كل انغام الدنيا...
| |
|
|
|
|
|
|
| |
nazar hussien
aosman
bayan
أبوبكر حامد الأمين
Adil Osman
mulhim
sari_alail
عبد الله إبراهيم الطاهر
حيدر حسن ميرغني
Elmosley
فيس بوك
تويتر
انستقرام
يوتيوب
بنتيريست