|
|
 منى مناوى فى الخرطوم !!!!يتمتع بما تمتع به السابقون وينسى اهله فى مخيمات اللاجئين!!!!!
|
وصل منى مناوى للخرطوم وعين كبير مساعدين رئيس الجمهوريه وطبعا مكتب فخم كلف المليارات وشفناه فى التلفزيون وعربيه فارهه وسواق وبيت مؤسس حدادى مدادى وعربيه لام الوليدات (اذا كان متزوج)وعربيه للوليدات للمدارس الخاصه طبعا وعربيه دفع رباععى للماموريات وطبعا عندما يسافر للخارج عنده مصاريف يوميه تعرفوا كم ؟400 دولار فى اليوم بالله دى تاكل كم طفل جائع فى دارفور فى الشهر ؟؟؟؟ ونسينا فى موتر بسواقه للرغيف ورسل السوق الخفيف وكل العربات دى بسواقين دا غير السكرتاريه وتعرفوا ليلة السبت المفروض يجى فيها منى مناوى للخرطوم تم صرف كم لحشد الاستقبال للمناضل منى مناوى؟؟؟؟حسب مقال فى الصحافه اليوم للطيب زين العابدين تم صرف اثنين مليارجنيه عدا نقدا لاستقبال المناضل الثورى نصير المهمشين منى مناوى !!!! اما بقية وفد المقدمه فهم ساكنين فى الفنادق خمسه نجوم وآخر ساونا !!! والله حقكم راح ياأهلنا فى دارفور وياساكنيين المخيمات ويامشردين وياغلابه ويااطفال دارفور ياجوعى ..لكم الله لكن لو راجيين ناس مناوى ومحجوب فيعوضكم الله فى ولدكم مناوى البلعته الانقاذ !!!!!!!
السنجك
|
|
 
|
|
|
|
|
|
|
|
Re: منى مناوى فى الخرطوم !!!!يتمتع بما تمتع به السابقون وينسى اهله فى مخيمات اللاجئين!!!!! (Re: السنجك)
|
| Quote: منى مناوى فى الخرطوم !!!!يتمتع بما تمتع به السابقون وينسى اهله فى مخيمات اللاجئين!!!!! |
| Quote: والله اعلم مناوى يرجع دارفور قريب فهو ألآن فى شهر عسل مع السلطه |
لا يحتاج الأخ مني مناوي الي " السنجك" ليذكره بأهله في المخيمات .
فهو قد وهب حياته و روحه يذود عنهم بينما هناك من يتطاولون في البنيان بالخرطوم .
مناوي و رفاقه لم يأتوا الخرطوم "تعيينا" .... و وجودهم بالخرطوم من أجل مراقبة حقوق أهل دارفور .....
مناوي يرجع لدارفور لما :
البشير يرجع لحوش ود بانقا ..
و علي عثمان طه يرجع لكريمي ..
و عوض الجاز يرجع للغابة ..
و .... يا السنجك .... الخرطوم دي حقت منو ؟؟؟
| |
|
|
|
|
|
|
|
|
|
Re: منى مناوى فى الخرطوم !!!!يتمتع بما تمتع به السابقون وينسى اهله فى مخيمات اللاجئين!!!!! (Re: Mohamed Suleiman)
|
الخرطوم يامحمد سليمان بقت حقت ناس الانقاذ ومن يواليهم زى مناوى بتاعك دا والتطاول فى البنيان جاى انت مابتقرى جرائد والا شنو سلفا كير مش جاء بالبندقيه وجاء برضه عشان يراقب حقوق اهل الجنوب برضه زى مناوى افندى دا اها اسع وراق كاتب امبارح عن الارض الاشتروها ب800000 دولار وبيت بمليونيين دولار و200 مليون دولار انفقت على وفد المقدمه من الحركه الشعبيهالبالغ عددهم 100 يعنى كل واحد قبض منهم 2 مليون دولار ؟؟؟!! وخليك من ناس الحركه
مناوى تم صرف 2 مليار جنيه لاستقباله ....وتقول لى مناوى ماداير السنجك يذكره باهله والله دا داير مليون سنجك عشان يذكروهباهله وبرضه ماحيتذكر
السنجك
| |
|
|
|
|
|
|
|
|
|
Re: منى مناوى فى الخرطوم !!!!يتمتع بما تمتع به السابقون وينسى اهله فى مخيمات اللاجئين!!!!! (Re: السنجك)
|
هناك قصه عن سودانيان ذهبا للسعوديه فى مؤسم الحج وهدفهما كان الزوغه ...المهم بدات مراسم الحج من طواف وغيره وعندما وصلا الى السعى وفى اوله كان كل منهم يصارع الرغبه فى الزوغه وتلوح له الريالات المشتاقين لها وتشجع احدهم وقال للآخر (قاصدا الحج) نفتح ليه؟فاجابه صديقه مسرعا (نفتح لحنانه ذاته) وقطعا حجتهما وهرولا خارجين للريالات ونسيا الحج الذى اساساهو الوسيله لحضورهما
وهذا هو حال مناوى ألآن ووارد ان محجوب حسين قال لمناوى ياخوى ناسنا الفى المخيمات نفتح ليهم ورد مناوى نفتح لحنانهم ذاته
وفى الاخبار ان مناوى سيسافر للقاهره وبعدها ربما لعواصم اخرى وحليل دارفور
السنجك
| |
|
|
|
|
|
|
|
|
|
Re: يامناوى ماذا عن قضية بارود صندل المحامى؟؟؟؟ (Re: إدريس البدري)
|
والله ياادريس دى ماساتنا اسع فى زول سامع عن سليم بتاع الفهود الحره او ناس مؤتمر البجه بكره تلقاهم فى القصر مثل السابقين وينسوا كل شىء حتى اخوانهم فى القضيه بل القضيه نفسها
واسع هناك محامى من دارفور اسمه بارود صندل كان منضل شرس من مناضلى دارفور تم القبض عليه عدة مرات واخيرا الانقاذ لبست فيه قضية تجسس لهولندا؟؟؟؟ وماعارف هولندا تجسس على السودان ليه ؟ ويواجه الاعدام ودا نساه مناوى ولا شغال بيه
السنجك
| |
|
|
|
|
|
|
|
|
|
Re: يامناوى ماذا عن قضية بارود صندل المحامى؟؟؟؟ (Re: ترهاقا)
|
تخيل يا السنجك بارود صندل هذا كل تركيزه كان مع ناس لاهاي
Quote: واسع هناك محامى من دارفور اسمه بارود صندل كان منضل شرس من مناضلى دارفور تم القبض عليه
عدة مرات واخيرا الانقاذ لبست فيه قضية تجسس لهولندا؟؟؟؟ وماعارف هولندا تجسس على السودان ليه ؟
ويواجه الاعدام ودا نساه مناوى ولا شغال بيه
|
كان على اتصال بناس محكمة العدل الدوليه,ولانه محامي فهو يعمل بحرفيه ممتازه حضروا لمكتبه واول
شيئ صادروا كمبيوتره,اكيد هو منسي الآن من الجميع والسبب انه (من ناس العدل و المساواة).
تراجي.
| |
|
|
|
|
|
|
|
|
|
Re: يامناوى ماذا عن قضية بارود صندل المحامى؟؟؟؟ (Re: Tragie Mustafa)
|
لاستاذه تراجى هذه واحده من ماسينا اننا المناضلين وننسى الذين ضحوا من اجل الوطن نسيناهم فى الانتفاضه نسينا امير طالب الثانوى وابن العسكرى والولد الوحيد لاسرته عندما ضحى بنفسه وخرج اهله يشيعونه ويهتفون حتى تم تفريقهم ونسينا الكثيرين ونسى ناس التجمع على فضل ومحمد عبد السلام واولاد العيلفون ومجموعة بورتسودان وضباط رمضان ولم يطالبوا حتى باضعف الايمان معرفة مقابرهم جعلتهم المرتبات والمزايا والتسهيلات اضعف من ان يطالبوا باى شىء غير مصالحهم واندهشت عندما سمعت نائب رئيس التجمع الفريق عبد الرحمن سعيد بعد احتلال جبهة الخلاص لاحد المدن يقوم بنصيحة الانقاذ بان تسد الثغرات بان تجعل كل مدينه قادره على الدفاع عن نفسها !!!شفتوا المهازل وصلت وين
واسع ياتراجى بارود صندل يرقدفى السجن بينما يمتطى مناوى العربه المرسيدس الفارهه وشفتى مكتبه فى القصر كيف ؟؟؟؟ وبمنسبة المرسيدس بعد ماسمى بالمفاصله قالت وصال المهدى (على عثمان تانى يقيف مع الترابى كيف ويخلى العربيه المرسيدس السوداء مابقدر يفارقها) واسع مناوى وين يقدر يفارق المرسيدس ويتذكر بارود
بعدين ياترهاقا انت داير تقول شنو والله مافهمتك ممكن تشرح لى اكتر ...وحقيقه ماعارف هل انت ماقادر تعبر والا المشكله انا ماقادر افهم؟
السنجك
| |
|
|
|
|
|
|
| |
السنجك
Mohamed Suleiman
إدريس البدري
ترهاقا
Tragie Mustafa
فيس بوك
تويتر
انستقرام
يوتيوب
بنتيريست