|
|
 الــوداع النهائـي وأي زول عنده تار يسداه
|
أعرف أنني كنت معاكم عنيف لفظيا وفي كتيرين ممكن يكونو زعلو مني للسبب ده
والله الدنيا ما معروفة...
وأكره أن أغادر هذا المكان الذي عوضني كثيرا عن غربتي الطويلة وتعرفت فيه علي أناس بعظمة البلد
أكره أن أغادره وفي قلب أحد منكم غبينة بسبب كلمة قلتها له أو موقف إتخذته...
وطبعا حتقولو لي ما حتشفع ليك نواياك الحسنة وتسب فينا يمين وشمال
عشان كده أديتكم الإذن إسدو زي ما دايرين وفشو غبينتكم وخدو راحتكم بالكامل
أخص بالذكر ود عقيد وسيف مساعد وود محجوب وياسر والشايقي ودكتور حيدر والقلب النابض وملاسي وود الريح وجماعة الميرغني والمهدي وكل السودان القديم (الجلابة)...
يمكن نتلاقى في رملتنا الدقاقة أو في اليوم الآخر...
والسلام عليكم ورحمة الله
|
|
 
|
|
|
|
|
|
|
|
Re: الــوداع النهائـي وأي زول عنده تار يسداه (Re: Adrob abubakr)
|
الاخ العزيز أدروب ابو بكر ..لك التحية و التقدير
يجب ات تظل هنا ليس من اجلك فقط و لكن من اجل
اهل الشرق و اهل الهامش ايضأ..
كلنا لنا اخطاء وعيوب ..
اذا فهمت ما تعنيه ..فوداعك النهائي
خاص باسلوبك في عرض قضيتك و هذا ما عرضك
لهجوم البعض عليك ..علي كل مناشدتي لك
ابقي هنا و باصرار ..
فهنا من يقرأ لك دون الحواشي التي ذكرتها ..
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: Adrob abubakr)
|
ابوبكر قول كلام آخر يا زول
انت هنا لاجل اوشيك واوهاج وادريساي وآمنه ومريم وشريفه وادروته
انت هنا لست لاجل صفوات الخرطوم..وغيرها من مترفي السودان
المتجدعين في بلاد الخليج او منافي اوربا باسم البسطاء.....
يغضبوا ينفلقوا يهدروا دمك...كله ما مهم.
المهم الا يغيب اسمك اسم ادروب هذا....
الذي سعوا سنينا هم وسادتهم لتغيبك وتحجيمك....
اكتب
بالنخجر و بالشوتال اكتب.....
فقد غرس خنجر الجهل سنينا في خاصرة اهلك.....
وتركوا لينزفوا بهدؤ ويمتون بصمت
هناك بعيدا عن اعلام العالم....
لا تتحدث عنهم قنوات كالجزيره او المستقبل او المنار.....
فهم مغضوب عليهم.
ابقى لاجلهم....
فالعلم امانه لم منح له من مجتمعاتنا و الصمت حرام....
لا تعتذر عن لغتك...فهي لغتك.....
وستتعلم فينا لانا منك وانت منا....
نحن اصاحب البيت السوداني.....
لن يغادر منا احد.....
سيكتبوا لك كلامات ناعمه....
ليكسبوا مزيد من الانصار و المواقف.....
وسنكتب بالخنجر شاءوا ام ابو.....
فنزيف الدم الصامت الذي نعرفه لم يخبروا منه شيئا.....
تراجي.
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: Tragie Mustafa)
|
الأخ Adrob
سلامات
أتمنى أن تكون أخذت درس في الأخلاق، والرأى والرأى الأخر ..
أنت طولت كتير خالص في البورد، كنا يجب علينا طردك من زمان ..
أى أنسان ما عنده قضية لا يستطيع البقاء هنا لحظة ..
أذكر أن فى واحد جاى بحجة طرد الكيزان من أمريكا وفى أول بوست
أنزله دعى الجميع إلي تبليغ الأجهزة الأمنية في الدول الغربية
لطرد الكيزان وأعوانهم، صحبك أنطرد هو فى ثلاثة أيام ..
فى دكتور لما فيهو بشاشا طرده في يوم واحد والرجل من القيادات المعروفة ..
الرجل أعتذز وقال المكان دا ما بشبهنى .. نفس الأسلوب مارسه معى خالد كودى،
بشاشاولكن أكلت الهجمة وأخذت أنذار ومشى الحال ..
أنت راكب غلط، ألحق مركبتك، ونقول ليك الله يعدلها علينا وعليك ..
في الوداع ومع أمان الله ورافقتك السلامة
بأأأأأأأأأأأأأأأأأأأأى يا ضل تراجى
طردتك إلا تراجى ما تلوم أى زول أخر ..
بريمة
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: عصام أحمد)
|
Quote: وطبعا حتقولو لي ما حتشفع ليك نواياك الحسنة وتسب فينا يمين وشمال
عشان كده أديتكم الإذن إسدو زي ما دايرين وفشو غبينتكم وخدو راحتكم بالكامل
أخص بالذكر ود عقيد وسيف مساعد وود محجوب وياسر والشايقي ودكتور حيدر والقلب النابض وملاسي وود الريح وجماعة الميرغني والمهدي وكل السودان القديم (الجلابة)... |
يا أدروب نحن ما بنتسدى.. ولا عندنا غبينة عشان نفشها
ولو كنا نفعل .. كنا فعلناها في أوانها..
يا زول الله يهدينا ويهديك
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: Kabar)
|
العزيز كبر
| Quote: شنو يا صاح.. بريمة طلع ليك حربة من حرابو ولا شنو؟ |
دا ما بيتحمل حربه، صاحبك طردناه محاججة .. اللهم لا شماته، لكن
من الأيام السعيدة جد جد، أدروب أنطرد، والمدام تخرجت وصحاباتها اليوم
من دارسة التمريض Nursing أكثر 16 سودانية ونقول الله يدوم السرور
والمثل بقول (التسوى كريت في القرض تلقى في جليدتا)
تحياتى
بريمة
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: Biraima M Adam)
|
الاخ ادروب
دبايوا...
انت ماشي وين يا زول...انت تقعد هنا وبكثافة كمان من اجل هولا...
Quote: المرور عبر الفيافي والوديان والارض الجرداء بشرق السودان
يولد حسرة والم عميق في القلب..من تلك المناظر التي تدمي
وتنزل الدموع ...والعالم يناقش جدليات متقدمة من الرفاهية
واحترام الانسان...نجد ان انسان تلك المناطق اشبه بالانسان الاول
نتيجة للتهميش والاهمال التام من كل الحكومات التي مرت علي هذا السودان..
رجل كهل اعمي....يقوده طفلا فعل القمل براسه ما فعل....
واخر سليم معافي الا انه يمد يديه اليك طالبا خبزا..او قليلا من الدراهم..
واخرون يسومون (الدوم)..ويلحون عليك بقساوة ان تشتري....
اخر يملك (قهوة صغيرة)..يبيع الجنبة الادروبية الاصيلة..
واخر اكتر تمدنا....يملكون (مطعم ردي الطعام)..ولكن مكتوب عليه (كافتيريا تاجوج).....
كل تلك الدراما تتواصل بالكربون في كل المحطات التي كنا نمر بها ..في تلك المناطق....
اذن انها مناطق المهمشين في تلك الارض السودانية...وهذا هو التهميش الحقيقي...
لاماء...لا تعليم واسواق تعج بالعطالة...وضعاف النفوس منهم يمدون اياديهم بالتسول
علي القطط السمينة القادمة من ارض الخليج.........
بداءت مظاهر فساد الدولة ظاهرة مبكرا ففي تلك (النقطة) التي يقع عليها مسوؤلية مراجعة
اختام (مكافحة التهريب)...قال الشرطي المسؤول في تلك النقطة ..
اختامكم دي ناقصة!!!!!!!!
وطيب العمل شنو؟؟؟؟
عاين كدا.......حك راسه...وقال...خلاص بختمها ليكم..(لكن تشوفو لينا حاجة)!!!!!!!!!!!
ختم الاوراق لما يقارب الستة سيارة اتية من الخليج....
وعندما انتظر (للزبالة)...(وهي مصطلح الرشوة عند البوليس السوداني) ..او (المادة 8..
لم يجد غير غبار تلك السيارات ...فقد هربنا جمعيا...وتركناه وهو ينادي.......
تعال يا زول....تعال يا زول!!!!!!!!!!!!!!!!!!!!!!!!
ولسع...فوق البلد سايرين.,......
ومرحب يا كسلا..(توتيل في المغارب)..القضارف (وربك عارف)... |
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: Deng)
|
يا أدروب قبل ما تمشي أسمع كلامي ده.
أكبر مجموعتين مختلفتين في الرأي في تاريخ السودان هما الأنصار والختمية ولو إنت عارف تاريخ الشرق كويس أكيد بتعرف إنو دارت بين المجموعتين معارك حربية ضارية مات فيها الآلاف من الناس في شرق السودان أذكر منها مثلا المعركة مع قبيلة الملهيتكناب الختمية أو الميتكناب كما ذكرها نعوم شقير والتي أبيد فيها الآلاف وأحرقت النساء أنفسهن في الخيم لكيلا يتم سبيهن. مع ذلك وطيلة عقود تعاملت هاتان المجموعتان مع بعضهما البعض بطريقة حضارية رائعة واحترام كامل من كل طرف لرأي الطرف الآخر وابتعاد عن إثارة الكراهية ولولا ذلك لدخل السودان في حرب أهلية ضارية بين الطائفتين عقب خروج الاستعمار. هذا التعامل ينبع من أخلاقنا السودنية المستندة لحضارتنا السودانية التي عمرها آلاف السنين لأنو أهم حاجة في الإنسان المتحضر إنو يراعي مشاعر الآخرين وإلا رجعنا لشريعة الغاب.
النضال من أجل المهمشين يا أدروب لا يتم بترويج الكراهية وتمني القتل للآخرين. ذلك ما فعله الهوتو في رواندا حين ذبحوا نصف مليون من أقلية التوتسي الحاكمة بعد أن شحنت إذاعة قبيلة الهوتو أفراد القبيلة بالكراهية فكانت النتيجة مذبحة لم يحدث لها مثيل في تاريخ أفريقيا. ترويج الكراهية هو ما تفعله حكامات الجنجويد.
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: محمد عثمان الحاج)
|
الاخ محمد عثمان الحاج
ليس ابوبكر ادروب من يروج للكراهيه
Quote: النضال من أجل المهمشين يا أدروب لا يتم بترويج الكراهية وتمني القتل للآخرين.
ذلك ما فعله الهوتو في رواندا حين ذبحوا نصف مليون من أقلية التوتسي الحاكمة بعد أن
شحنت إذاعة قبيلة الهوتو أفراد القبيلة بالكراهية فكانت النتيجة مذبحة لم يحدث لها
مثيل في تاريخ أفريقيا. ترويج الكراهية هو ما تفعله حكامات الجنجويد. |
ما فعله ابوبكر ادروب من توضيح الحقائق لا يرتقي لما اسميته ترويج الكراهيه
ولاحظت انك كثيرا ما تحدثنا عن موضوع اذاعة الهوتو هذه.....
لقد كنا نحن التوتسي....فهل انت من الهوتو؟؟؟؟؟؟؟؟؟
نحن من ذبحنا امام صمتكم وفي وضح النهار....
وعندما تحدثنا عن الآمنا صرنا هوتو!!!!
فهل كان لابد من ان نموت في صمت؟؟؟؟؟؟
تراجي.
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: Adrob abubakr)
|
أدروب ..
قد لا تدري مدى عمق هذا الإسم لدي ... ولدى الكثيرين
بالأمس سالني العزيز زوربا عبر الماسنجر .. ماهي علاقة اسم ( ابو بكر) بين شرق السودان واريتريا..
وكان ان ا وردت له اسماء كثيرة مشتركة بيننا .. منها ابوبكر الذي يربطني بك , واخرى كثيرة مثل ضرار ،وأدروب ،آمنة وحتى دقنة وهو اسم لعائلة أصيلة في مدينة كرن التى هي مسقط رأس والدي ...
أقول كل ذلك لأدلل لشيء واحد ... مدى حاجتي اليك اسما وقلما فقد كنت اول المتدخلين في الكثر من البوستات التى جمعتنا .. وتابعت مسيرتك عبر هذا المنبر .. الغضب والإنفعال واردان في هكذا اوالحكمة دوما في القدرة على الإعتراف والإعتذار وانت كنت سيد مثل هذه المثل والقيم .. اشهد اني شاهدتك معتذرا في اكثر من واقعة وبوست ..
شكرا لنبل اخلاقك ياصليل اقدم حضارة في هذه البقعة من الوجود ..وبحق هذه الاخوة ابقى بيننا
فنحن بحاجة اليك والأكثر ان قضيتك بحاجة ماسة اليك
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: محمود ابوبكر)
|
| Quote: أى أنسان ما عنده قضية لا يستطيع البقاء هنا لحظة .. |
بريمــة،
الكلام دا ما صـح بدليل وجـودك انت فى البورد.
موقفك دا من زول مغادر موقف رخيص، ويدل على خقـة وتشفى صبيانى لا يليق.
أدروب،
من فضلك لو ما عندك أسباب قاهـرة أكاديميـة وغيرهـا، فإن مكانك سيكون شـاغـرا لا يستطيـع أحـد أن يملاه، والبورد يحتاج لمثل قلمك الشجـاع.
الإختلاف فى الرأى مدعـاة للتفاخـر بحـريـة وأصـالـة الشعب وشجاعتـه، ولكن عند الصغـار فهـو خميـرة حقـد.
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: Adrob abubakr)
|
أدروب
رغم إختلافي التام معك في طريقتك لعرض قضيتك وتعاطيك مع الآخر إلا أنني لا أتفق معك في أن ترحل ومعركتك في بدايتها بل يجب أن تبقى وتغير أدواتك لتنصر قضيتك فالقضية الشريفة لا ينصرها إلا الفكر الشريف والتعامل وطرح الرؤى بإحترام يجبر عدوك قبل صديقك على إحترام ما تنادي به ...
لذا فأبقى وحاول أن تكون أنت أدروب ولا تكون تابع لمن لا فكر له ومن يحاول ذرع الفتنة لا غير ومن أي خلاف يريد ذرع الفتنة والشتات حتى بين من بين من هم يؤيدونه ويربطه بهم ميثاق أخلاقي وإذا جلست جلسة صفاء مع نفسك وأسترجعت الشريط منذ بداياتك في المنبر ستجد أنك لم تكن أدروب صاحب القضية بل كنت شخصا آخر لا علاقة له بالقضية التي تنادي من أجلها سوى أن كانت قضية الشرق أو قضية السودان ككل . فحاول أن ترجع أدروب لشخصيته وقضيته فما فعلته بتبعيتك قد أفقدك ما كنت تنادي لأجله ....
لذا أبقى
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: عثمان حسن الزبير)
|
ابوبكر ادروب
لا يصدقون انك آتيتنا هكذا!!!!!!
لا يصدقون ان وعيك واكتماله... لم يبدأ هنا.....
ومحاولة تدجينك مع الطلب ببقائك شرطا ان تكون مدجن....فحينها فقط تكون ادروب الذي يعرفون....
Quote: ولا تكون تابع لمن لا فكر له ومن يحاول ذرع الفتنة لا غير ومن أي خلاف يريد ذرع الفتنة و
الشتات حتى بين من بين من هم يؤيدونه ويربطه بهم ميثاق أخلاقي وإذا جلست جلسة صفاء مع نفسك و
أسترجعت الشريط منذ بداياتك في المنبر ستجد أنك لم تكن أدروب صاحب القضية بل كنت شخصا آخر
لا علاقة له بالقضية التي تنادي من أجلها سوى أن كانت قضية الشرق أو قضية السودان ككل . فحاول
أن ترجع أدروب لشخصيته وقضيته فما فعلته بتبعيتك قد أفقدك ما كنت تنادي لأجله .... |
والله ما خاطيء عليهم يا ابوبكر لما شتهم شمال ويمين....
ولا بشاشا خاطئ عليهم....
محوله رخيصه لاستفزاك ودعوتك لتبني مفاهيم آخرى....
ليس ابوبكر من يصير تابعا...يا عثمان حسن الزبير.....
هو فقط يعرف اين يقيف وكيف يقيف.....ولم يقبل بوصاية احد....
تراجي.
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: Tragie Mustafa)
|
| Quote: محوله رخيصه لاستفزاك ودعوتك لتبني مفاهيم آخرى.... |
تراجي كدي بس حاولي تطلعي من دور الوصاية ده شوية...
القال منو تراجي أسي ولا هو تابع لي تراجي؟؟
ورغم محاولة التسامح التي أطلقتها ولكن لا أدري أنك لا تفهمين أم تتعمدي أن لا تفهمين ودائما تجري وراء المشاكل ياخي ما داير معاك مشاكل ممكن تختيني؟؟؟؟!!!!!
لو سمحتي البوست فاتحو عضو وعايز يسيب المنبر والناس ردت ليه بإنو يذهب أو يبقى ما وأنا طرحت رأيي بإنو يبقى ويغير أدواتو أي إسلوبو لصيغة محترمة حتى يجد من يصغى إليه إنتي ما عاجبك الإحترام البطالبو بيه يعني وجاية تقلبي البوست لي مشكلة ..
وذي ما قلتي هو بعرف وين يقيف وكيف يقيف ...
طيب مالك ؟؟؟؟
ما تخليه يقيف براه..
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: عثمان حسن الزبير)
|
عثمان حسن الزبير
| Quote: تراجي كدي بس حاولي تطلعي من دور الوصاية ده شوية... |
وصايه على منو؟؟؟؟؟؟؟؟؟؟
انت كتبت كلام وردينا عليك
اشمعنا انت ممكن تقول رايك في كلام ابوبكر وانا ماعندي حق ارد على كلامك وراي فيه؟؟؟؟؟؟؟؟؟؟؟
| Quote: القال منو تراجي أسي ولا هو تابع لي تراجي؟؟ |
ليس بالضروره تقول تابع لمنو....هو ليس تابع لاي كائن.....
جاءنا قويا....كالشمس تشرق من بين الغيوم.....فاحتفلنا به
كاحد اقوى اصوات السودان الجديد....,ليس مثله من يقال له تابع.
Quote: ورغم محاولة التسامح التي أطلقتها ولكن لا أدري أنك لا تفهمين أم تتعمدي
أن لا تفهمين ودائما تجري وراء المشاكل ياخي ما داير معاك مشاكل ممكن تختيني؟؟؟؟!!!!!
|
ماهو الزول/ه يا يقبل الكلام المغتغت وخمج يا يبقى في نظركم بيحب المشاكل.....
| Quote: وذي ما قلتي هو بعرف وين يقيف وكيف يقيف ... |
طبعا
| Quote: ما تخليه يقيف براه.. |
هو واقف براه..بس دي اسمها على سبيل التحيه لموقفه القوي.
تراجي.
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: Tragie Mustafa)
|
تراجي
| Quote: هو واقف براه..بس دي اسمها على سبيل التحيه لموقفه القوي. |
طبعا كلامك ده ما حا أعلق ليك عليه ونسيبو للقراء يموتوا بالضحك شوية ..
طبعا لديك قدرة غريبة جدا في تأويل جميع الحوارات وإختيار السيء وإلصاقه بنفسك وهذا يحقق المثل الذي يقول (كل إناء بما فيه ينضح) ..
وتعلمي أن لا شيء شخصي وزي ما بتقولي رأي هنا في ناس ليها نفس الحق في إبداء رأيها إنتي بس تشيلي الكلام الشين وتلصقي بي روحك رغم إنو في كل المرات الاقتبستي كلامي لم أكن أرد عليك في حوار معك ولم أذكر أسمك فما تفعليه يؤكد أنك المقصودة فيما بين السطور وهذا طبعا لضيق أفقك وهذه صفة يمكن أن يستفيد منها كل صاحب خلاف معك في استدراجك .. ولكن ليس أنا لأن ليس لدي وقت لأضيعه معك أيتها المناضلة الكبيرة ذات الاسم الرنان التي تناضل لأجل كل السودان ..
بس أختيني ذي ما قلت ليك ناطة في رقبتي في أي مداخلة وممكن بكل بساطة الواحد يوقفك بتفكيك خطابك السطحي المقولب لجهة جديدة كل يوم ولكن كما قلت لك ليس لدي زمن أضيعه معك فما تجبريني على ما أكره فليس من طبعي وأيضا هناك ماهو أهم من الصراع معك وحتى إذا كشفت أنك ليس لديك قضية أو فكرة أو برنامج أو هدف ماذا سأكسب وماذا سيكسب القراء؟؟ وأغلبهم يجيدون التحليل لكل موقف ...
أدروب مخير في خياراتو رغم أنني أطالبه بشدة أن يبقى ويراجع أيامه في البورد ويرى ماذا قدم لقضيته وهل كسب شيئا لها أم خسر وعندها لا أحد يمكنه أن يقرر بدلا عنه ..
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: عثمان حسن الزبير)
|
عثمان
لسه واعد صديق ان اسيبك في حالك.....
Quote: بس أختيني ذي ما قلت ليك ناطة في رقبتي في أي مداخلة وممكن بكل بساطة الواحد يوقفك بتفكيك
خطابك السطحي المقولب لجهة جديدة كل يوم ولكن كما قلت لك ليس لدي زمن أضيعه معك فما
تجبريني على ما أكره فليس من طبعي وأيضا هناك ماهو أهم من الصراع معك وحتى إذا كشفت أنك ليس
لديك قضية أو فكرة أو برنامج أو هدف ماذا سأكسب وماذا سيكسب القراء؟؟ وأغلبهم يجيدون التحليل
لكل موقف ...
|
خطابي ليس سطحي ...ولست مؤهل للحكم عليه.
وطالما واثق في حكم القراء....يكفي.
ربنا يهون عليك ويسهل مشاريعك الاسريه.
نلتقي...في سوداننا الجديد.
تراجي.
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: Adrob abubakr)
|
الاخ العزيز ادلاوب
والله حرام عليك يااااخ
ورينا الحاصل شنو واتناقش مع الناس ديل
مامعقول تكون مغادر عشان اختلاف للرأى او مشاحنه مع عضو
لانو البورد دا اصلا ما فتحوه الا لاختلاف الاراء والرؤى
ودى ياحبه ظاهره حضاريه جدا .. ورغم الخلاف الايدلوجى والسياسى
الا اننا نبقى سودانيين لحم ودم .. وانتا سيد العارفين انو الاختلاف
السياسى مرات بيكون فى البيت الواحد وبين الاخوه .
ارجو ان تراجع قرارك هذا اخى ادروب
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: Adrob abubakr)
|
الأخ العزيز أدروب ... تحيةً وسلاماً
بحكم حداثة إنضامى للمنتدى لا أحمل ثأراً على أحد ولا أعتقد أن العنف هو السبيل لمجادلة الآخر .
أعجبتنى شجاعتك فى الإعتذار للعضوة بنت الأحفاد وأشدت بذلك فى حينه ، كما ساءنى تجنيك على الحزب الإتحادى فى بوست العضو أبو ساندرا ، وخلاصة القول أننى أحترم كل الآراء سواء المتوافقة أو المختلفة مع ما أؤمن به من مبادىء ، وأرى أن السبيل لحوارات هادفة ومثمرة فى التزام الموضوعية واحترام الرأى الآخر بلا إقصاء أو تسفيه لمن يخالفنا الرأى .
عليه آمل أن تبقى بالمنتدى ، وليتك تعيد خنجرك لغمده ، فلا أحمد الشايقى ولا أياً من دعاة الديمقراطية يستحقه ، فلتتوحد الصفوف لمواجهة العدو الحقيقى المتمثل فى طغمة الجبهة الإسلامية الفاسدة التى أوردت البلاد موارد التهلكة ، فلنعمل لإستعادة الديمقراطية التى تسمح بالتداول السلمى للسلطة ، ويمكن عبرها طرح برامج تنموية لكل أقاليم السودان نصرةً لمن تهمش ومن تهشم.
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: بشير جبريل علي)
|
الاخ ابوالريش
Quote: Quote: أى أنسان ما عنده قضية لا يستطيع البقاء هنا لحظة ..
بريمــة،
الكلام دا ما صـح بدليل وجـودك انت فى البورد.
موقفك دا من زول مغادر موقف رخيص، ويدل على خقـة وتشفى صبيانى لا يليق.
|
تجنيت على بدون وجه حق .. المسالة ليس تشفى كما تظن بل هى موقف حتمه موقف الاخ ادروب .. دعنى ننورك على ذاك الموقف .. الاخ ادروب عندما جاء البورد كان حرى به التريس قبل اطلاق الاحكام الجزافية .. ولكن ركب الموجة مباشرة كما يظن القادمون الجدد ان الصراع اما مع الحكومة او ضدها او بصورة اخرى اما مع الحركات او ضدها .. هذه الماصلة ابيض واسود لاتمثل رؤية ابناء القبائل العربية فى ارض الهامش التى تستقلها الحكومة فى صراعها ضد الاخرين .. ابناء الحركات بنو مواقفهم ضد القبائل على انها لم ثهب معهم او الاحرى يجب التخلص منها حتى يخلوا لهم الصراع بينهم وبين الحكومة .. موقفنا الثابت ليس مع الحكومة او ضد الحركات لكننا ضد ضرب قرى اهلنا وقطع مراحيلهم ومشارع مياههم التى يعتدى عليها التمرد لاثبات وجوده او فى بعض الاحيان محاولة طرد القبائل العربية .. هذا جعلنا نقف ضد رسالة المتمردين الاقصائية بالنسة لنا ..
هذا التعقيد لم ينتبه اليه الكثيرين من بينهم شخصك انت الا قريبا ومثلك الاخت امنة مختار وتراجى الذين بدات تستبين الصورة فى اذهانكم مع اتكاسات تراجى المتكررة .. هذا الفهم الخاطئ طال حتى امين الموقع الذى يفترض فيه الحياد عندما حصلت بينه مشاداة مع العميد عبدالحميد كاشا من ابناء الرزيقات حيث وضع الباشمهندس بوست بالمانشست العريض قائلا قادة الجنجويد يجتمعون ضد سودانيز اون لاين وفى حقيقة الامر كان المجتمعون هم الرزيقات بقيادة امير الرزيقات لمناقشت الاشانة التى لحقت باحد ابناءهم عبدالحميد جراء نشر معلومات كاذبة عنه .. هذه المفارقات لم يفهمها ادروب حتى هذه اللحظة وهو يسلخ فينا اخرها موقفة المشين من الاخ كبر ومن قبلها من الاخ عبدالرازق وشخصى الذين لا يهمنا غير الوقوف مع اهلنا والذى بدا يتكشف لكل الذين تم تغييب اذهانهم بفعل ابناء الحركات ..
غير موقف ابوبكر من قضيتنا كاخ اكن له كل تقدير انه استطاع ان يقل رايه بشجاعة وجراءة
بريمة
| |
|
|
|
|
|
|
|
|
|
Re: الــوداع النهائـي وأي زول عنده تار يسداه (Re: Biraima M Adam)
|
الاخ أدروب..
ربماأتيت هنا بحكم مسبق على أشخاص كان ممكن ان نسميهم، أتيت هنا مشحونا تجاه فئة معينة ولم تنظر حتى أن ترى عينك وبدأت (تهبش) يمنة ويسرة ..كان الاجدر بك أن تتريث وهذا ربما أوجد من طلبت منهم أن يفشوا غبينتهم فيك قبل أن ترحل ..هل كنت غليظاأو كنت مجانبا مجموعة دون النظر في أهدافها..قوى الهامش موجودة في كل ربوع السودان وهاجرنا في بعض ديار البجة من شمال كسلا حتى (حمداييت) و(درست) وجنوبا في بعض ديار البني عامر ومعسكرات اللاجئين الارتريين من (ود شريفي) وقرى (عمارة) و(تشوتياي) حتى مدينة تسني في أسمرا وكلها نعتبر ديار تواصل للقبائل السودانية..ووجدنا وجه السودان البائس في كل المداخل كما وجهه في كل المحافل الدولية..التهميش لم يكن قاصرا على أهلك فقط بل في كل نواحي السودان..
ما اردت قوله هو عندما تعود - لو كتب لك عمرا- حدد موقعك تماما ووفر جهدك لما فيه مصلحة الغبش الذين تنادي بإسمهم...
ما اضيق العيش لولا فسحة الامل
| |
|
|
|
|
|
|
| |
محمدين محمد اسحق
Tragie Mustafa
Biraima M Adam
عبد الله عقيد
saif massad ali
nada ali
Kabar
عبدالكريم الامين احمد
waleed500
Deng
omar ali
Khalid Kodi
محمود ابوبكر
Abureesh
على محمد على بشير
أبوبكر حامد الأمين
بشير جبريل علي
hatim
Kostawi
فيس بوك
تويتر
انستقرام
يوتيوب
بنتيريست