|
|
 Re: نكتة لواحد مسطـــوووول.... (Re: Haytham Abdulaziz)
|
دي ياهيثم أخوي زي تلفزيون السودان
لما جاء يهيد هدف ماردونا الشهير
في مرمى أنجلترا ..
المخرج عاد الهدف لكن الكوره طلعت أوت ..
المشكلة مش في الموضوع دا
المشكلة أنو المخرج مصر وبيحلف أنو قبل
ما يبث المادة شاهدها بأم عينه وتأكد منها ..
الجماعة قالوا المخرج دا ( مزهلل ) لأنو
الهدف دا بالذات ما داير حليفه ..
تخريمة :
=====
قالوا مره مذيعي النشره الجوية أيام نميري
إحتجوا وقالوا عايزين بدل لبس لأنهم ح يظهروا
على الشاشة ومفروض هندامهم يكون شيك ( يعني إضراب )
حكوا الموضع دا للنميري .. قال ليهم إشتروا ليهم
مؤشر خليهم يأشروا من بعيد ومافي زول فيهم يظهر
على الشاشة ..
المهم في الموضوع دا أنهم تراجعوا ففقدوا مكسبين
وعشان كدا أصبحوا ناس النشرة الجوية عندنا عينه
ناس من العصر الحجري .. يقولوا بكره في مطره
على الخرطوم تظهر كتاحه .. يقولوا بكره يوم حار جدا
تصب مطره الخرطوم كلها تصبح همبريب ..
واحد مسطول قال الناس ديل حقوا يكتبوا ليهم النشره
بالمقلوب عشان لما نكون مسخنين في رمضان يقولوا
سخانة تستمر شهرا من الآن ..
| Quote: واحــد مسطـول لــط |
لك التحية أخي الرائع هيثم
=
| |
 
|
|
|
|
Haytham Abdulaziz
صلاح شكوكو
فيس بوك
تويتر
انستقرام
يوتيوب
بنتيريست