|
|
|
 Re: في الاسى ياتروتسكي (Re: غادة عبدالعزيز خالد)
|
ابوحميد نبضى ..
اللينك ماشغال ..
انت قول عايز ياتو اغنية لابوالسيد انزلها ليك..
------------
غادة الغالية ..
ازيك اخيتي..
كويس لقيتك هنا ياغتيتة يعنى لسه فى غتاتك ديك..
وانا قاعد منتظرك يعنى معقوله لى اسى مارسيتى على بر..
صحى الطبع يغلب التطبع غتاته الف...
يلا لى قدام ياحلوين..
التحايا النواضر..
| |
 
|
|
|
|
|
|
|
 Re: في الاسى ياتروتسكي (Re: محمد علي يوسف)
|
سلامات
تروتو اخوي انت ما عارف ساي انا علاقتي بالنت زي علاقتك
والله ما عارف اقول ليك شنو
كنت داير اقول اللغة الصيني لكن
شكلك علاقتك بيها مية مية
المهم شوف الحاجة العلاقتك بيها تعبانة
وقيس عليها علاقتي بالنت
لو شفت لينا غنية علي مزاجك اكيد حتكون القصة منقة
على العموم انا كنت قاصد غنية في الاسى ضاعت سنيني
---------------------------------
الغالية غادة بت ابوها
كيفنك والاولاد
اسعدني مروورك
ونشاء الله تكوني عرفتي انا كنت قاصد شنو
لكن نعمل شنو
للامية التكنلوجية الفاضحانا دي
تسلمي
---------------------------------------------------
وبالمناسبة البوست ده انا قاصدبيه انه يكون كله
فن خفيف وجميل ونقاشات وونسة بتاعة اصحاب بدل
ما النقاشات الصعبة والكلها صرصير الفي البورد دي
فده بوست بتاع غنا وونسات ونقة وشمارات وكده
والدعوة عامة
العندوغنية عاجباه الينزلها لينا
والعندو شمار حارقه برضو
والنقاق اليجينا جاي
واي وناس شرحه
| |
|
|
|
|
|
|
|
|
 Re: في الاسى ياتروتسكي (Re: محمد علي يوسف)
|
سلامات
العزيز خالد
تسلم على المرور
وهي براها في البوست تطعمه
ياخي غاده دي الواحد بالجد ما عارف يوصفهاكيف
الذ زول
احلى زول
افهم زولة
مش زمان الزملاء كانو بيقولو انثى ولا ....رجال (النقط دي خت فيها العدد الدايره من مضاعفات العشرة)
اها دي غادة بت ابوها زاته
والله ما عارف بالجد اقول عليها شنو
مرورها على البوست ساي بيديه طعم غير وشكل غير
وبالجد الكلام ده ما مجامله ولا اي شي
| |
|
|
|
|
|
|
|
|
|
Re: في الاسى ياتروتسكي (Re: محمد علي يوسف)
|
خالص التحايا
الاعزاء جميعكم..
محمد علي يوسف
حبيبى ابوحميد كيف امسيت ومعليش مشاغل ماطليت عليك وكمان مرهق لكن قلت انديك طله ونوفى بى وعدى معاك الى ان ناتيك برواقه..
غادة عبدالعزيز خالد
اخيتى كيف امسيتى وناس البيت...
دايرينك تنبقى معانا ونحكى ابى طلى علينا يازينة...
خالد خليل محمد بحر
ياولدى من اسى بقيت تجلط ؛ نسال الله السلامه. .
ماتاخد حريتك للاخر كده ماقلنا ليك..
اقلاها حبة حبة..
قايتو ربنا يجب العواقب سليمة والونسة دى عايزاك لازم ترجع لانى حاقلبها ليكم شيتا تانى...
فترنا من وجع القلب..
شوفو لى ماسا وعثمان الراستا..
لمو لى الديناصورات ديل سريع..
يلا لمن اجيكم...
| |
|
|
|
|
|
|
|
|
|
Re: في الاسى ياتروتسكي (Re: معتز تروتسكى)
|
معتز
المزيرة دي فيها ذكريات ما عادية والله
بجيك راجع بي روقة كده وناخد إتكاءة في المذيرة ...
محمد علي
برجع ليك برضو في موضوع منبر السودان ده ....
تمام يا شباب
| |
|
|
|
|
|
|
|
|
|
Re: في الاسى ياتروتسكي (Re: محمد علي يوسف)
|
سلامات
يوم سعيد يا تروتسكي
بالمناسبة
انا دعوتي دي جاده
بعني عاوز الناس تطلع من الجو بتاع الكيمان الخاشين فيهو ده
وبالمناسبة
انحن الشعب الوحيد في الدنيا البتلقى فيه الناس
تتشاكل في السياسة
والمواضيع الفكرية
لكن لما يطلعو بره
بيرجعوى اصحاب واخوان وياكلو من صحن واحد
وامكن ده ميزتنا عن الباقين
--------------------------
وبالجد ما دايرين نزيد الطين بلة
يعني الناس لو
قعدت بالراحة
ممكن تصل لي فهم مشترك لي كل المشاكل
ليه ما نعملها زي المفاوضات
بس من غير مراقبين اجانب
وكل واحد فينا يكون هو مراقب نفسه
----------------------------
خالدبحر
انا فاهم الحماس اللي هو فيه
وعارف انه ما قاصد حاجة
واتمنى انه اي زول قرا المداخلة بتاعته
يفترض كده برضه
وخلونا من تحميل الاشياء ما تحتمل وما لاتحتمل
المشكلة انو انحنا كلنا اتعودنا عل كده
لكن ممكن نغير ونتغير
---------------------------------------
وبرضو ممكن الناس تتجازو عن هفوات بعض عشان تمشي لي قدام
----------------------------------
في موضوع بيهمني اعرف اراء الناس حوله
بس يا ريت من غير تشنج
----------------------------
وهو موضوع منبر السودان
كاليةتغيير مزعومة
بغض النظر عن انو حق منو وبغض النظر عن عثمان ميرغني هو حكومة والا معارضة
وهل اصبح واقعا ام انه ما زال حلم مترف لمجموعة من...
(ما لاقي وصف لذلك اعذروني)
نقطة تانيةالهتاف ضد او مع المنبر
هل هو الحل
الكلام ده انا باقصد بيه كل زول بي نفسه
واتمني انو نقدر نلاقي ارضية مشتركة
لانه بالجد الفهم في الحتة دي ما واضح
افيدوني
بالمناسبةالمسألة ما روحه قدر ما هي محاولة
لفتح حوار من زاوية اخري
فأنا حتى الان مقتنع ان المنبر نفخ في قربة مقدودة
زي ما مقتنع انه عتمان
وبي طريقته دي موديهوالخور(مع الاعتذار لخور بكري)
وناس دكتور راشد
ديل ناس ونسة ساي وعايشين في حلم يوتوبيا لن تتحقق
لكن الفكرة بتاعة المنبر بتحتمل
عده احتمالات
منتظر مداخلاتكم
| |
|
|
|
|
|
|
|
|
|
Re: في الاسى ياتروتسكي (Re: محمد علي يوسف)
|
ابوحميد..
ياولدى كدى انت ذاتك ركز معاى انا خاتى ليك الصور والاغانى تعبان تجى تحبطنى كده..
دكتور (جو) بتاع شنو ولا دكتور (جانق)..!!!
ونسنا عن النشاط عن ايامك الخوالى وقع ليك ..
يلا لى قدام...
| |
|
|
|
|
|
|
|
|
|
Re: في الاسى ياتروتسكي (Re: محمد علي يوسف)
|
سلامات
العزيز جدا تروتسكي
يا اخي اسف جدا
بس كنت في محل ما فيهو سماعة
فما قدرت اسمع الغنية
عشان كده ما علقت عليها
لكن هسي ممكن اقول انها رااااااااااااااااااااااااائعة
المشكلة ان انت زول فنان يعني متا ممكن تجيب حاجة فيها كلمة
هسع انا طالع شغل وراجع ليك
| |
|
|
|
|
|
|
| |
محمد علي يوسف
غادة عبدالعزيز خالد
معتز تروتسكى
خالد خليل محمد بحر
محمود ريحان
فيس بوك
تويتر
انستقرام
يوتيوب
بنتيريست