|
فاطنة جكجاكة الخريف
|
يامارقة من نفس الفريق المتكى فوق ضل الضحى ممزوجة بعرق الغلابة ومكسية من ريحة الارض ولايكة الصبر مسدار حزن وجيهك المزموم ملامح طفله بتسال الجلابة عن زولا رحل عن الولد السرب ماعاد عن الوطن المحال ينقاد عن الجنى الهميمة وين فات الفات فات فى ديلو سبعة لفات والجبة وقعت فى البير صاحبها واحد خنزير عمى على بياع الزيت بس ية يفيد صوت ال.. مواويل الحزين من بعد ماسال الدمع غمر الجروف وكان العشم بيكن نحتفل الا الظروف ركب الشرف .. اخر قطار وما اظن يعود وفاطنة السمحة يوم مرقت مارجعت مع البنوت غولا ركب ريح السواد هشم سويقات القمح هبابى خراب قلع شتيلات الفريق ويا فاطنة كان لحن طروب نغمك رزين .. دوباى حزين والليلة جد وترك رثاك وميلادوكان ..يومو اليموت ميتة وعويل وخراب ديار وكنتى العلم خلوة ومسيد باجاب الف .. بىجيب ياء حولية الشيخ ود بدر تقابة القرشى الورع الا الجنى الخمجان ابا مايروق قلب مواجع الهم ترس سرقك فجر شلع رواكيب الغبش شعفوفة المطر البيتروى طير .. قلوب الناس ورق كتاحة الصيف البتعوى وبقيتى جكجاكة الريف تبكى وتقيف تبكى وتقيف لا وقفتى خليتنا نسترزق نروح لابكيتى غسلتى درن المذنبين ويا فاطنة عاد حالك صعب وين الرشاش .. والمطامير والسقد حالك شالك ضيف فى محل ومسكين شرب موية الارض وبعدما .. التعب فاض بيك خلاص ختيتى ايدك فوق مسايرك وطرتنى بوك وقتين يدوبى ونحن غادى غادى يابنوت الوادى المافيكن فطينة ام بطنا رطينة ام .. شعرا متنى النسانا اهلنا فزيتى طولك صحتى زى ديك الفجر فى وش الوليد الطش ساب ارض البلد مالك بترضى الشلهتة ميرود ابوى محموم ابوى تعالة شوف خياك لسانو بحرق من لظى النيران هناك ريقك نشف بطانطك فاطنة ما بتحتمل الزل والهوان وراجعلك مع الدغش اليتنفس جوانا ذى ريحة الدعاش وراجعلك على طوق القامارى الراجعة للاعشاش مغيربو واحملك مع الموج البيزحف فوق ركباتو النحاف يبوس قدميك .. يعود للجوف شايل بركاتك حجاب وراجعلك وراحعلك ورجعلك
ابوذر عبدالله
|
|
|
|
|
|