كتب الكاتب الفاتح جبرا المتوفرة بمعرض الدوحة
|
|
 التصويــر الرقـمي... مساعدتكم يا ذوي الخبرة أو المتسـلـبـطـيـن!!
|
سلام للكل "الحيملوا المكان كعادة بوستاتي!!!   "
الرجاء ممن لديه خبرة في التصوير الرقمي أن يتكرم بمدي بمعلومات بخصوص اختيار كاميرا رقمية. Best brands, lens type, zoom power, etc
و علاقة الفوق ده كله بالسعر....
و برضو لو في اقتراحات لي كتب متخصصة تكونوا ما قصرتوا معاي!
حاسه إني ممكن أطلع إبداعات زي دي:
محبتي
سلمى
|
|
 
|
|
|
|
|
|
|
 Re: التصويــر الرقـمي... مساعدتكم يا ذوي الخبرة أو المتسـلـبـطـيـن!! (Re: Salma Daoud)
|
الأخت سلمي
تحياتي ..
أولاًً أمسكي قوي في كلام ملاسي دا الكاميرا قدر الجيب ..
هناك كاميرات كثيرة وموديلات عديدة وكله بسعره ..
وبرضو الأخ عادل عثمان مشكور ما قصر من خلال اللنكات الجابه دي أفاد كثيراً ..
بعدين التصوير إحساس وممارسة تتطلب الدقة ..
وأخوك دقة قديمة في الحاجة دي من زمن التحميض بالأحماض ..
والأستديو المظلم ..
ودي أكيد ملاسي بكون جايب خبره ..
يا ملاسي ما تطلعني من زمن حفروا البحر ..
محبتي ..
| |
|
|
|
|
|
|
|
|
|
Re: التصويــر الرقـمي... مساعدتكم يا ذوي الخبرة أو المتسـلـبـطـيـن!! (Re: Salma Daoud)
|
سلمى تحياتي
سبقتيني بهذا البوست
في مداخلة سابقة لي مع الاخ فلان قلت له سافتح بوست بخصوص التصوير
يعني عايزين الناس العندهم خبرة يدونا نصائحهم في الاتي :
1- شراء الكاميرات - يعني النوع الافضل - مع السعر المناسب اعتقد ان الكاميرا التي قالها ملاسي غالية شويه
2- تعليمنا بعض الاصول العادية السهلة في التصوير وكيفية اختيار اللقطة
3- ايضا عايزين معلومات عن تصوير الفيديو - كاميرا الفيديو - والكاميرات المناسبة في السعر والامكانات
اعتقد ان نشر ثقافة الصورة شيء ضروري - نحن شعب غير مهتم كثيرا بتوثيق الصورة والصوت كثيرا
لذا معك ..من اجل ان يكون هذا البوست ضربة البداية ..في انتظار مساعدات الملمين وفي انتظار مزيد من المواقع المفيدة فعلا وعن تجربة ..وليست مواقع عامة ..
لك تقديري ،،،
| |
|
|
|
|
|
|
|
|
 Re: التصويــر الرقـمي... مساعدتكم يا ذوي الخبرة أو المتسـلـبـطـيـن!! (Re: Salma Daoud)
|
| Quote: وريناالفرق بين الأوبتيكال زووم و الديجيتال زووم... |
الأخت سلمى تحياتي ..
الفرق بين الديجيتال والأوبتيكال زووم ..
معظم الكاميرات بتكون ديجتال زووم وهي التحكم في الصورة قبل التصوير في تكبيرها وتصغيرها على الحجم المناسب للتصوير ..
في حالة الأوبتيكال وهو التحكم في الصورة بعد التصوير وبتكون على مرات عديدة يعني من 2 إلى 3 مرات وقد تزيد ..
وحالياً معظم الكاميرات الديجيتال بيكون فيها الخيارين ..
وأنا بفضل كاميرا سوني ولو أنها غالية وتخيري في الكاميرات ذات البطارية الشحن ما تكون حجارة عادية لأنها بتكون متعبة شوية ومعظم الكاميرات الديجيتال البتكون من هذا النوع بتستهلك حجارة كتيرة واعتقد بأن دقة الكاميرا 5 ميقا بيسكل مناسبة جداً وأعلى طبعاً بتكون أجود ..
أتمنى أن أكون قد أبنت ..
مودتي ..
| |
|
|
|
|
|
|
|
|
|
Re: التصويــر الرقـمي... مساعدتكم يا ذوي الخبرة أو المتسـلـبـطـيـن!! (Re: Salma Daoud)
|
| Quote: أنا هسه قايلاك حتقول إنتي أعزلي و الباقي خلي علي!!!!! |
أنا ما بقيت زول محمول 
وما داير تحصل لك القصة دي
في واحد مسافر الحج وكل واحد مودعو يقول له يا عم فلان جيب لي معاك مصلاية،يا عم فلان جيب لي معاك جلابية،يا عم فلان جيب لي معاك سبحة، فجاء شافع واداهو ريال وقال ليهو يا عم فلان جيب لي معاك صفارة فرد الرجل صفرت يا ولدي
فصورتي يا ست الناس
| |
|
|
|
|
|
|
|
|
|
Re: التصويــر الرقـمي... مساعدتكم يا ذوي الخبرة أو المتسـلـبـطـيـن!! (Re: Sobajo)
|
| Quote: إكتشفت إنه القصة أكبر من "كاميرا شديدة"... و "بكسلات كتار".... و "زووم طويل"!!! |
الحس الفني مطلوب، فالتصوير عملية فنية معقدة، تجمع بين مقدرات الآلة وموهبة الإنسان في توظيف هذه الآلة، والتطور الكبير في صناعة التصوير جعلت من الممكن أن يقوم الهواة بأعمال المحترفين، حتى ولو على نطاق ضيق.
تخريمة:-
تنتج شركة باناسونيك كاميرات بها خاصية وقف الاهتزاز أثناء التصوير، وهي ميزة فريدة وتساعد في إنتاج مخرجات جميلة، إضافة إلى إمكانية التصوير الليلي.
كاميرتي الخاصة
بعض صورها خلال الإجازة
من على ارتفاع 30 ألف قدم
الصور مضغوطة حبة
| |
|
|
|
|
|
|
|
|
|
Re: التصويــر الرقـمي... مساعدتكم يا ذوي الخبرة أو المتسـلـبـطـيـن!! (Re: Salma Daoud)
|
الاخت سلمى
مبروك الكاميرا يا ستى
ووصيتى ليك تخليها فى شنطتك وين ما ماشه ( إن شاء الله عزاء ) وتصورى اى مشهد يعجبك او يثيرك ( حتى لو مطارة نشال ) وبعدين ركزى على الطبيعة وحاتلقى نفسك عند ارشيف هائل ومجموعة نادرة وممكن تعملى منها معرض صور وبيع الصور الهامة لوكالات الانباء فقد تصورى لحظة هامة وحدث غريب وفريد وتكونى متفردة بتصويره ..
بعدين انتى وراكوبة منزلين صور وما قلتوا الصور دى وين محلها
ممكن تفيدونا ؟؟؟
مع تحياتى
| |
|
|
|
|
|
|
|
|
|
Re: التصويــر الرقـمي... مساعدتكم يا ذوي الخبرة أو المتسـلـبـطـيـن!! (Re: Salma Daoud)
|
كان و ياماكان في قديم الزمان أمير من سواكن أسمو عثمان دقنة ،
وعثمان دقنة ده كان عنده سيف سره باتع ، وانتشرت في الدنيا حكاية
سيف الأمير البقطع الحديد والشديد ...
مرت الايام وسقطت المهدية ودخل الانجليز ...
الخواجة العسكري "تشرشل" قال عائز باي طريقة يجيبو ليه سيف عثمان دقنة . مشو وجابو ليه السيف
وشالوا وبداء يضرب بيه في عود خشب ويضرب ويضرب والعود في مكانه ، وهاج وماج في وش
أنصار الامير واولاده :
:هذا ماسيف عثمان دخنة ، كذابين
رده واحد من انصارو
:ياخواجة الكلام مافي السيف ، الكلام في الإ يد ...
____________
الكلام في الإيد ياعوض دكام ...
| |
|
|
|
|
|
|
|
|
|
Re: التصويــر الرقـمي... مساعدتكم يا ذوي الخبرة أو المتسـلـبـطـيـن!! (Re: Salma Daoud)
|
في حياتي القصيرة هذه حاولت التصوير 3 مرات
الأولى ضلعت سوداء محروقة
والتانية طلعت مهتزة وماعرفت الإهتزاز مني واللا من الكاميرا واللا من المتصور
التالتة ، ادرت الكاميرا بالعكس فصورت نفسي وكانت قعر كباية
هديت الفكرة وقنعت بأن يصوروني
ودي ذاتها مشكلة
في 100 صورة بتطلع واحدة بس كويسة أو معقولة
ال 99 بيطلعن مكعوجات وشينات
وبرضو
ماعارف المشكلة في التصوير أم في المصور
اللهو انا
| |
|
|
|
|
|
|
|
|
|
Re: التصويــر الرقـمي... مساعدتكم يا ذوي الخبرة أو المتسـلـبـطـيـن!! (Re: معتصم دفع الله)
|
سلامات يا موصتعم..
صورة حلوة شديد!
| Quote: على فكرة الصورة دي لما صورتها كان في ضباب شديد .. |
بارك الله فيك رجعتني لموضوع البوست الأساسي..
"ربنا يخلصني من العادة الزفت بتاعت الطلوع بره الموضوع"!!
يا اخواننا لو لاحظتو الحركة البحاول أعمل فيها لي زمن..
وحنشير ليها من هنا ولى قدام بـ "تغبيش الخلفية" كما أسماها أخونا ملاسي.
البيخلي موضوع الصورة يوضح ويشد المشاهد ليهو طوالي..
عشان تعملوا القصة دي لازم تخلقوا مجال ضحل (ماتفوتكم المصطلحات)
وعشان تعملوامجال ضحل لازم:
فتحة العدسه تكون كبيرة
سرعة الغالق تكون مناسبة (ما تحكوها معاي ) عشان تدخل كمية ضوء مناسبة!
المسافة من الجسم موضوع الصورة تكون قريبة مع استخدام خاصية (Macro)
وتسمّي وتضغط!!
.
.
.
وما ترجف!!
| |
|
|
|
|
|
|
| |
Adil Osman
Hussein Mallasi
معتصم دفع الله
luai
abubakr
Agab
humida
Kostawi
هاشم نوريت
احمد العربي
Sobajo
Rakoba
قرشـــو
عصام عبد الحفيظ
tariq
Ibrahim Algrefwi
Emad Abdulla
عمر عبد الخالق سعيد
أبو ساندرا
برهان تاج الدين
فيس بوك
تويتر
انستقرام
يوتيوب
بنتيريست