|
مطلوب خال/خالة لبورداب الرياض خلفاً لود قاسم
|
هذا المقام المبجل يمثل أهمية بالغة لدى بورداب الرياض ..
وفي نظري يمكن لهذا المنصب أن يلعب دوراً اجتماعياً بارزاً ..
فالخال دائماً يرمز للجانب اللين والصدر الحنون ..
فهو ركن إفشاء الأسرار ..
ومتكأ فش الغبينة أحياناً ..
تبوأ هذا المقام دون منازع الأستاذ ود قاسم ..
وكان فيه الخال الهمام .. وهو الآن قيد التنصيب لذات المنصب لدى بورداب الخرطوم ..
وبرحيله ..
أصبح المنصب شاغراً ..
والصراع عليه محموم ..
المرشحون لملء هذا المنصب هم:
الأستاذ/ حمزاوي الأستاذ/ صديق الموج
وأرشح من جانبي الأستاذ/ أبو جهينة ..
باب الترشيح مفتوح لكل من استوفى الشروط ..
مطلوب من بورداب الرياض التكرم بالتصويت لاختيار "الخال" ..
عاجل لتفادي الفراغ الـ **** .
تحياتي،،،
جاد
|
|
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
يبدو أن شطة الأخ ود الباوقة كان لها مفعول خاص الأخ جاد الجاد تم مبايعة الخال حمزاوي بالإجماع وكان فوز كاسح في جو ديموقراطي معافى . .
Quote: أصبح المنصب شاغراً .. |
هذه لا مكان لها من اليوم.. حمزاوي صار خال للجميع.. فقط عليه تحمل المسئولية وإزعاج بورداب الرياض
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: إسماعيل وراق)
|
الأخ جاد سلام الأخ سيف ذكر أن منصب الخال قد حسم وتم إختيار الأخ حمزاوي بنسبة 99.99%. يا راجل دا منبر ديموقراطي ومثل هذه النتيجة ما عهدناها في هكذا منبر، بعدين أخونا وراق قال إن إنتخاب الأخ حمزاوي تم بالإجماع( السؤال : هل بإجماع الذين حضروا السماية أم بإجماع جميع الأعضاء؟). الأخ حمزاوي شخصية محبوبة ومؤهل جداً لهذا المنصب الرفيع، لكن الأخ صديق الموج منافس خطير وأظنه يوافقني على عدم نزاهة هذه النتيجة ومن ثم فتح باب الطعون.
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
يا جاد
مشتاقون,
فاقدنك,
أنا عندي اقتراح,
لو تأمــن عليهــو, أو بنزلــه للتصــويــت,
بـس اقتراحـي خطيــر,
ياخي ظاهرة العذابــة دي بقت كتيرة في الرياض
يتشاكلوا بدون أسباب ظاهرة,
خلينا نرشــح خــالــة تحديدا,
ما عايزين رجال في الخانـة دي,
وبالتأكيـد المشاكل دي كلها تتــحــل,
يلا أقول ليك مرشـحتنا
ولا بعد فتح باب الترشيح,
أحمـد الشايقي
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
Quote: السلام جاد
يازول تم ترشيح الخال همزاوي وفاز بنسبة 99,99%
بذا اصبح همزاوي خال لجميع البودراب
ولا عايز خال جعلي |
العزيز سيف ..
سلامين ..
الكلام دا حصل متين .. "سكوتي" ولا شنو
لآخر لحظات كان هناك طحان بين الموج وحمزاوي ..
حمزاوي يستاهل الخالوية .. وبرضو صديق الموج ما ساهل ..
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
Quote: يبدو أن شطة الأخ ود الباوقة كان لها مفعول خاص الأخ جاد الجاد تم مبايعة الخال حمزاوي بالإجماع وكان فوز كاسح في جو ديموقراطي معافى |
تعرف يا أخ وراق لازم يجينا هنا المرشح المتنازل ود الموج بعد داك بنقدر نرحب بالأستاذ حمزاوي ..
وينك يا حاج صديق ..
تحياتي عبرك للبروفسير عزالدين .. كم سعدت بذلك اللقاء اللطيف ..
جاد
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
Quote: يا جاد
مشتاقون,
فاقدنك, |
مرحب أخي أحمد بالأكتر والله ..
وكنت متوقع حضورك هناك ..
فعلاً فقدناك .. كان اللقاء جميلاً وعفوياً ..
توجناه بجلسة استماع للبروفسير عزالدين عمر موسى ..
Quote: أنا عندي اقتراح,
بـس اقتراحـي خطيــر,
خلينا نرشــح خــالــة تحديدا,
ما عايزين رجال في الخانـة دي,
وبالتأكيـد المشاكل دي كلها تتــحــل,
يلا أقول ليك مرشـحتنا
ولا بعد فتح باب الترشيح, |
أثني وأربع ..
على الأقل الناس بتاعين الشكل ممكن استحوا شوية ..
بس ما قلت لينا .. سنقل أم ماريد ..
تحياتي،،،
جاد
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
Quote: هذا المقام المبجل يمثل أهمية بالغة لدى بورداب الرياض .. |
يعني ايه المبجل يا معتصم دفع الله الكلمة دي كلمة كويسه (المبجل) ويوم العزومة كمان دكين السجم قال لي يعني ايه ازرك دي أنا شاعر بأنها كلمة ما كويسه وبالذات لمن يستخدمها واحد بلوة ذي دكين أنا استعين في هذه الحالة باقربائي من بورداب الشرقية الاخوة حمد فتح الرحمن ونادر وبدري وعمك تنقو وقريباتي عبير خيري ومريم وعشة بنت فاطمة وعزاز وغادة يا غادة يا بنتي حارسل ليك الشية وقفة المنقة بـ D H L انني استعين بكم جمعياً
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
جاد
وصلنا قدحك في خؤولة همزاوي.. وذلك شقُ ُ لعصا الطاعة وخروج عن اجماع الامة .. وبناءا على الصلاحيات الممنوحة لي من الخال الجديد المُنتخب عشية عزومة عُـلا ود الباوقة امنحك فرصة تلاتة يوم للاستتابة.. بعدها سيتم التشاور مع الخال والمستشار عبد الرازق الطالب لفرض العقوبة والغرامة المناسبين.. وعرضها على القاعدة الجماهيرية لبوراب الرياض للتاييد..
انتهى...
دكين القوي نائب الخال لشؤون المرأة والمستشار الاقليمي 16 تموز 2006
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
Quote: إسماعين .. لن نصادق غير حمزاوي .. |
بيني وبينك حمزاوي مقنطر نفسو كيس للمنصب دا ..
وملتزم بالعمة طيلة اللقاءات السابقة ..
لكن برضو لم يحسم الأمر قبل تنازل ود الموج ومن خلال هذا البوست ..
مشكور أخي محمد على المرور ..
سعدت بلقائكم يوم الخميس ..
جاد
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
Quote: أنا استعين في هذه الحالة باقربائي من بورداب الشرقية الاخوة حمد فتح الرحمن ونادر وبدري وعمك تنقو وقريباتي عبير خيري ومريم وعشة بنت فاطمة وعزاز وغادة يا غادة يا بنتي حارسل ليك الشية وقفة المنقة بـ D H L [/QUOTE]
الأستاذ حمزاوي ..
والله أضحك براي زي المودر ..
الله يا يجازيك ..
بالله خلي عنك يا نفيسة تعالي لي ويا فاطنة كر علي ()
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
Quote: الأخ جاد سلام الأخ سيف ذكر أن منصب الخال قد حسم وتم إختيار الأخ حمزاوي بنسبة 99.99%. يا راجل دا منبر ديموقراطي ومثل هذه النتيجة ما عهدناها في هكذا منبر، بعدين أخونا وراق قال إن إنتخاب الأخ حمزاوي تم بالإجماع( السؤال : هل بإجماع الذين حضروا السماية أم بإجماع جميع الأعضاء؟). الأخ حمزاوي شخصية محبوبة ومؤهل جداً لهذا المنصب الرفيع، لكن الأخ صديق الموج منافس خطير وأظنه يوافقني على عدم نزاهة هذه النتيجة ومن ثم فتح باب الطعون. |
ينصر دينك ..
دا الكلام المليان ..
مشكور أخي إسحاق ..
خالص التحية،،
جاد
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
يعني يا جاد عايزنا ننط بعد ما أدينا الخال حمزاوي صوتنا .. يقولوا علينا شنو ؟ هسي الناس الجات دي هنا كلها أو معظمها أدت صوتها للخال حمزاوي .. يبقى خلاس تاني مافي كلام ..
عاش الخال حمزاوي .. عاش الخال حمزاوي .. نحن نؤيد وبشدة ونقف ونشد من أزركم ..
عن أهالي الدائرة ( 33 ) ..
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: معتصم دفع الله)
|
الأخ جاد
عجبت وتعجبت لديمقراطية بورداب الرياض
وتذكرني ببرلمان السودان على مد العصور والدهور
وعلى مد التسميات المختلفة من مجلس مركزي الى مجلس
الشعب الى المجلس الوطني وهلم جرا.. ونعم اغلبية
وفاز حمزاوي خال لعموم بورداب الرياض .. ونحن في برلمان
بورداب الرياض نقدم اقتراحا قابل للتصويت أن نعلن ابن عمي
ودالقبائل صديق الموج نائبا أول للخال حمزاوي والأخ أحمد حنين
نائب ثاني والأخ حميدة رئيس مجلس وزراء خال عموم بورداب الرياض
وبهذا تنتهي هذه الازمة ( الخاليية ) المفتعلة
والى انتخابات اخري .. دمتم بعافية
مع مودتي ...
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: عثمان سيد أحمد)
|
يا جماعة أنا ما عندي اعتراض على تنصيب الأستاذ/ حمزاوي حتى بتزوير الانتخابات التي تتجلى في نسبة الفوز (ولا حسنى مبارك!!) 99.99% ؟؟ بس أنا سجلت تحفظي على حمزاوي يوم وداع ودقاسم بسبب تميزه بتحدث لغة لا نفهمها بالرغم من تطوع الأستاذة/ عزاز شامي بتولي عملية الترجمة!! ياناس يعني حنقعد نشرح للخال المزور دا معنى كلمة "مبجل" وأزر"؟؟؟ شوفوا لينا خالة ياجماعة --- زي ما تفضل أخونا أحمد الشايقي - إنشاء تكون بتتكلم لغة أوروبيةبس ما ترطن وتشيلنا القفة!!! بعدين بيني وبينكم الخالة أحن كتثر من الخال -- مش خالتكم فوزية سحبت البساط من بعلها خالكم السابق!!! حمزواي بالله خلي روحك رياضية واقبل الرأي الآخر حتى تفي بالشروط الأساسية للخؤولة!!
خالد
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: خالد فضل)
|
يا خالد فضل يا ود خادم الله انا لمن جيت السعودية اهلي قالوا لي في ولد كعب الحرف الاول من اسمه خالد فضل اصلك ما تمشي معاه والمصيبة لقيتك داير تكون ولد اختي يعني نعمل ايه الشبكة العنكبوتية الانترنت وتقنية العصر والقرن الحادي والعشرين الاثفييري جعلني لصيق بك وان هذا الالتصاق سيدخلك في حظيرتنا المايوية انصر دينك ودين دينك يا عبود . (مش بالله انفع اكون مؤتمر وطني) وعشان تشيل القفة كويس ( يارااااااااااجل ) جيب معاك صاحبك عادل ويمكنك الاستعانة بصديق حتى ولو ود الشايب اما بخصوص تنصيبي فقد تم بحضوركم وانا اصلاً نصاب . اما موضوع المترجمة فانا موافق وابصم بالعشرة بالله اتوسط لي في الموضوع دا احمد حنين وصديق الموج يمتنعون
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
يا صديق الموج تعيش انت ويدوم خيرك تسقط انت ويجي غيرك أنا غايتو سقوط ذي سقوط ود الموج دا ما شفتو يا ابو حيدر خلي روحك رياضيات وخليك باي نق ر وعليك الله شوف لي موضوع الخالة شاورها وانا جاهز موية كهربا حسع يجينا تمبس ويقول لي كهربا يعني شنو أسأل امير الجمري اخوي سيف علي شكراً مبايعة بورداب المانيا وبرلين وحوش بانقا وبلاد ما وراء البحار يا احمد الشايقي دا شنو حملات الدفتردار ما قالوا عليك حنين احمد حنين دا اي زول يقيف معاه يلحقوا أمات طه صدقوني لو وقف مع الخميني كان سقط نواصل
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
Quote: عاش الخال حمزاوي .. عاش الخال حمزاوي .. نحن نؤيد وبشدة ونقف ونشد من أزركم .. |
تاني "نشد أزركم؟؟
على العموم في حالة عدم ظهور ود الموج خلال الساعات القادمة سوف تعلن اللجنة رسمياً فوز الحبيب حمزاوي "خالاً" لبورداب الرياض ..
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
Quote: ونحن في برلمان
بورداب الرياض نقدم اقتراحا قابل للتصويت أن نعلن ابن عمي
ودالقبائل صديق الموج نائبا أول للخال حمزاوي والأخ أحمد حنين
نائب ثاني |
يبدو قريبنا دا باع القضية ..
يوم عيزومة ود الباوقة كان جالس جلسة مريبة مع حمزاوي وبعض السماسرة
مشكور أخي عثمان على المرور ..
تحياتي،، جاد
| |
|
|
|
|
|
|
Re: مطلوب خال/خالة لبورداب الرياض خلفاً لود قاسم (Re: JAD)
|
أعتقد ان هنالك بعض الشروط التي يجب ان تتوفر في الخال ادناها فقداولاد اخواتو و السؤال عنهم في حالة الغياب عن التجمعات التي تحصل ربما ان هنالك عارض الم بهم . وفي تقديري الشخصي لم يكن هنالك شخص مؤهل ليشغل منصب الخال حتى هذه اللحظة و لكن مجاملة مني كده ارشح حمزواي بشرط ان يتقبل النقد بقلب مفتوح و يعمل على تدارك الأخطاء في المستقبل .
| |
|
|
|
|
|
|
| |