|
Re: ناس اوروبا..اجمعوا.. مبيوع فى جولة فنيه (Re: مبيوع)
|
. مبيوع يا فنان ازيـــك .. أوروبا دي قدر ما حاحيت عشان اخت فيها رجلي الظروف لكجت كلو كلو في النهاية عملت زي الكديسة الما قدرت تلحق اللبن الفي المعلاق وقالت : احسن... هو ذاااتو " عفن " .. ليتني كنت هناك عشان نلتقي ..نستعيد بعضا من الذكريات .. واستمتع لصوتك العذب ، واقيف ليك في حلقك - زي أيام الشهباء - إلا تغني " يا صوتها " و " تباريح الهوى " .. يا ريت بعد تنهي جولتك الفنية تفكر في زيارة خاطفة ( سياحية ) للمغرب .. ما تقول عالم تالت بلد بتستحق الزيارة.. وبقول ليك ( سياحية ) لانو أبدا ما مجدية حكاية التفكير في إحياء حفل فني هنا ..نظرا لقلة عد السودانيين المتواجدون بالمغرب ( حوالي 70 شخص ) ...
أتمنى لك جولة ممتعة .. و موفقة .. وسأنتظر مكالمة منك بعد وصولك إلى أوروبا.. تحياتي للأولاد . .
| |
|
|
|
|
|
|
|