كتب الكاتب الفاتح جبرا المتوفرة بمعرض الدوحة
|
|
 محلات سودانـيزأون لاين للمشروبات الباردة والثلج.بالكلاكلة اللفة
|
يسعدني أن أزف البشري للاخوة أعضاء سودانيز أون لاين وأصدقاءهم والسودانين عموماً.. أننا بحمد الله توفقنا في شراء كشك بالكلاكلة اللفة..وسوف يبدأ هذا الكشك اعماله خلال فترة قصيرة.. وكذلك هدية مقدمة منا لكل عضو في سودانيز أون لاين بشرط ان يثبت عضويته.. هدية كوز ليمون أو عرديب بارد.. أو فواكه مخلوطة وذلك لمدة شهر..من تاريخ إفتتاح الكشك.. وكذلك كوز ليمون بارد أو خلافة مرة واحدة لكل من يثبت صداقته للبورد وكذلك تخفيضات سعر عالية للجمهور.خاصة في الواح الثلج..وكذلك لوح ثلج مجاني في رمضان القادم ان شاء الله تعالى مرة واحدة في العمر لايكرر .لوح واحد فقط لاغير.. لكل عضو أو عضوة في سودانيز أون لاين..
ترقبوا الإفتتاح...
وقد اخترت هذا الأسم عرفاناً وتقديراً لموقع سودانيز أون لاين.. في انه يمثل كل ألوان الطيف في السودان.بدون فرز بدون حكر..
......
سوف تكون لافتة المحل.باللون الأبيض.. مع خطوط بالأزرق الداكن.. لافتة مضيئة..بخط الرقعة..
|
|
 
|
|
|
|
|
|
|
|
Re: محلات سودانـيزأون لاين للمشروبات الباردة والثلج.بالكلاكلة اللفة (Re: منصوري)
|
شكرا لك أخي المنصوري
وأراني أتفق معك في كل مــا ذكرته.
و أتمني لك النجاح من كل قلبي..
كما وأتمني أن يتسع مشروعكم حتي يصبح كافتريا كبيرة جدا بها كل السودانيين.
وشكرا لدعوتك الكريمة لنا.. فسودانيز أونلاين كما قلت أنت
هي حلم الوطن لكل سوداني أصيل.
وبقت عندنا كافتريا حقيقية 
كل أعضاء سودانيز أونلاين المتواجدين بالخرطوم سيكونون زبائن, لأن المحل ملكهم.
شكرا لك مرة أخري
وفي إنتظار الصور لكفتريتنا
| |
|
|
|
|
|
|
|
|
|
Re: محلات سودانـيزأون لاين للمشروبات الباردة والثلج.بالكلاكلة اللفة (Re: منصوري)
|
| Quote: أما موضوع إقتراحك بتاع اللوحة فهو في غاية الروعة.. بس اللوحة إتكتبت.. لكن سوف اخبرهم فوراً بتعديل اللوحة على النمط الذي ذكرته أنت فهي بأمانة أروع وأجمل من اللوحة التي إتكتبت |
يازول انت بتتكلم جد ولا شنو ؟؟؟
انا قايلو زى كافتيريا عصام
من ما قلنا ليه يجهز الكمونية قفلها بالضبة والمفتاح
موفق يا سيدى
ووصيتى ليك المساكين ما تنساهم ان شاء الله بى موية باردة تطفى لهيب الحر (مش لهيب الشوق)
وثق انه اجرها افضل من ارباحك كلها وتذكر ان امراة زانية دخلت الجنة بسبب كلهب يلهث قام بالنزول فى البئر وسقايته كما جاء فى الاثر ....
اسأل الله لك التوفيق يا سيدى وربنا يجعله مبارك وبداية غنى حلال زلال مشروع ولا شك فيه ارباحه كلها خاضعة للضريبة والزكاة يعنى اموالا صافية مصفية ليس فيها شبهة ...
بس كمان ما تنسى الانقارا ياخى لانه الناس كلها بقى ضغطها مرتفع ...
امنياتى ودعواتى لك بالتوفيق اخى منصورى
| |
|
|
|
|
|
|
|
|
|
Re: محلات سودانـيزأون لاين للمشروبات الباردة والثلج.بالكلاكلة اللفة (Re: منصوري)
|
قرشو... تشكر وصيتك في الإعتبار
.......
هو الموضوع شغالين فيهو من زمان بس ما كان معلن هنا.. لكن لما عصام أحمد أعلن عن كافتيرتو هنا.. قلتا ... الله.... لكن عصام أحمد يبدو أن الكافتيريا بتاعتو أثيرية.. لكن الكشك أو الدكان حقنا راح يكون عملي...
.........
والمساكين القلتهم.. راح يكون كوز الموية بنصف السعر البي يبيعوا بيهو الناس.. وبعد الحكاية تكون مشت راح يكون مجان.. إن شاء الله..
.......
طبعاً أنا لا أحب العمل الناقص.. راح يمشي العمل زي شغل الإنجليز واحد زايد واحد يساوي إثنين.. لأنو الإنشرار في البداية ما كويس.. وبعدين في ناس بي يخافوا من عين الناس يدسوا شغلهم ويعملوهو في سرية.. بس أنا شغلي على المكشوف واضح.. جربتوا في حياتي ما لقيت أحسن من كدة..تبقى واضح الله يزيدك.. والبيقصدك بي عداوة ما يقدر.. مافي احسن من الصفاء..
بعدين طبعاً راح يكون مكان تلاقي للبورداب.. موش شايف يا قرشي وياعصام بورداب العاصمة قاعدين يتلاقو ورحلات ولقاءات وكدة..
نحن هنا مساحة الدكان كبيرة.. سوف نهيئ محل للقاء البورداب والجايين في أجايزهم السنوية.. والشايل ليهو كشف بتاع مساعدة أخ أو أخت مريض يجي هنا.. لإضافة مساهمة.. أو موعد محدد مع عضو ليضيف مساهمته الي شخص مريض.ز شخص عايز مساعدة
............
توفيق بين راسين في الحلال
..........
ناس إتشاكلوا في البورد نقدم ليهم كوز ليمون بارد يطفي لهيب التنابز والمشاتمة في البورد..
...
بس يا قرشو
تمنع المناقشات السياسية أو الحزبية في ملحق الدكان المعد للبورداب.. ليه. عشان ما بنقدر على ألوان الطيف كلها.. الوسطية.. عشان الكشك يستمر..لازم يكون في تنازل عن قسط من الحرية..
........
بإذن الله المكان الملحق سوف يكون مكندش.. وراقي.. عليهو أجر طبعاً..
........
اي واحد من الأعضاء ألف كتاب.. راح يكون معروض بجوار المحل الملحق
........
برنامج بورداب العاصمة للرحلات يكون موجود
.........
| |
|
|
|
|
|
|
|
|
|
Re: محلات سودانـيزأون لاين للمشروبات الباردة والثلج.بالكلاكلة اللفة (Re: منصوري)
|
حبيبنا المنصورى
لك التحية
واشكرك على الاستجابة الطيبة والايضاح الوافى لما يقوم به الكشك
| Quote: راح يكون كوز الموية بنصف السعر البي يبيعوا بيهو الناس |
انتو بقيتو تبيعوا الموية كمان ؟؟؟
ذكرتنى اهلنا زمان فى الشمالية كانوا يقوموا بذم العيشة فى الخرطوم بقولهم انه ناس الخرطوم ببيعوا الموية ...
سعدت اخى بطرحك الجميل ووضحك التام وسعدت أكثر باستعدادك لتقديم العون فى حدود استطاعتك لمن يريد فالتدع الكشك يكون اضافة الى محل لتقديم المشروبات محل لتقديم العون فمثلا اولئك الذين خرجوا من ديارهم واختفوا ولا يعرف اهلهم مكانهم فلا غرو ان تعلق اعلان بهذا المعنى ... وزى البضيع منه الباسوورد برضو يكون ليه نصيب كمان ....
الله يديك العافية يا سيدى وموفق بإذن الله وحينما يتم الافتتاح عليك بدعوة الاخ حسين ملاسى وكاميرته ليحضر الافتتاح وينقله لنا هنا بالصورة كذلك ....
موفق بإذن الله يا سيدى وعليك بتجويد العمل ولو كان ربحه قليلا ولكن ثق ان الله سيبارك فى القليل لانه عمل متقن وان الله يحب اذا عمل احدكم عملا ان يتقنه لا سيما وان كان هذا العمل مدفوع القيمة.
| |
|
|
|
|
|
|
|
|
|
Re: محلات سودانـيزأون لاين للمشروبات الباردة والثلج.بالكلاكلة اللفة (Re: قرشـــو)
|
قال ليمون بارد قال
أها يوم انا خايف ناس الاتصالات يحجبوا موقع سودانيز أون لاين
وناس الضرائب والمحلية يحجبوا الكافتيريا
اها في الحالة دي حاتسوي شنو
سميها الكافتيريا الاسلامية
على وزن البنشر الاسلامي
وماحاتكون عندك أي مشكلة
نحن بنجيك عطشانين ومتوضيين
قال البنشر الاسلامي قال
المغالطني يمشي الصحافة زلط !!!
عندي صاحبي عمل ليهو مطعم في اللفة
اها عزمني اشوف محله
وبالطبع وجبة مجان
كان ما اليوم داك تكون فتة عدس
ان شاء الله حانسجل ليك زيارة
قبل ماتقوم تغير رايك
نفسي في عرديب بااااااااااااااااااارد !!!
| |
|
|
|
|
|
|
|
|
|
Re: محلات سودانـيزأون لاين للمشروبات الباردة والثلج.بالكلاكلة اللفة (Re: منصوري)
|
أبوحراز.. الزول الزكي..
.........
قال صلى الله عليه وسلم في حديث بإسناده( رحم الله أم إسماعيل، لولم تزمزمها لجرت نهراً)
.........
يقصد افضل الخلق.بئر زمزم.. لأنو لما جرت بئر زمزم وهي كان عطشانة شديد.. كم يوم ماضاقت طعم الموية.. بدأت تكفكفها.. وتعمل لها( تقانق)( تقند) تقنق.. وتقول لها زمي زمي.. اي لاتسيلي وتتدفقي..فسميت من يومها زمزم..
.......
فنحن هنا عشم الجميع بدون اي تحيزات لأي شي.. الغبش.. الغبش.. الضاربن حر الهجير.. زي ما قال قرشو..وبس..من غير اي تمديدات ولا وصلات..ولاتجاوزات..
| |
|
|
|
|
|
|
|
|
|
Re: محلات سودانـيزأون لاين للمشروبات الباردة والثلج.بالكلاكلة اللفة (Re: منصوري)
|
تحياتي لجميع المتداخلين
الفكرة من حيث هي جيدة لما يتمتع به هذا الموقع من شهرة لاجتماع كافة أطياف السودانيين.
الا أنني أتحدث عن جانب قانوني بحت و هي حقوق الملكية الفكريةProprietary Rights لصاحب الموقع و المتمثلة في العلامات التجارية و التصاميم و أعتقد أن أسم هذا الموقع يقع في ضمن هذه الخانة.
لذا أتمني أن يعالج هذا الأمر بصفة عاجلة من قبل صاحب الفكرة مع الأخ الباشمهندس بكري لأنني لاحظت وجود بوست سابق حول نفس الموضوع.
و دمتم،،
وليد محمود
جدة
| |
|
|
|
|
|
|
|
|
|
Re: محلات سودانـيزأون لاين للمشروبات الباردة والثلج.بالكلاكلة اللفة (Re: منصوري)
|
الأخ منصوري
قد يكون كلامي تغريد خارج السرب و لكن
حقوق الماكيه تقتضي أن تأخذ الموافقة من صاحب العلامة التجاريه قبل استخدامها تجاريا أو غير تجاريا
و لابد أن يكون الاتفاق موثقا بصورة قانونيه حفظا لحقوقك و لحقوقه
و بما أننا نخطوا خطوات لاإصلاح الواقع ال (الهبتلي)
أرجو ان تباشر الاتصال بصاحب الاسم و الدخول مباشرة في تفاصيل الاتفاق
و بما أن البورد لا يبدو لي كمؤسسه ربحيه فإنه يحتاج للدعم المالي لاستمراره
و أول الغيث قطره
| |
|
|
|
|
|
|
|
|
|
Re: محلات سودانـيزأون لاين للمشروبات الباردة والثلج.بالكلاكلة اللفة (Re: منصوري)
|
شكرا الدكتور مصطفي على المداخلة.. وأخونا الجاك ..تعليماتك على العين والراس.. والعمل ماشي هسه ووجدنا معاونة كبيرة.. ما كانت في الحسبان.. في تذليل الصعاب..
..............
أختنا تراجي مصطفي... أنا زعلان منك وصاريها ليك.. وفي نفس اللحظة فرحان.. لأنو دي اول مداخلة منك في جميع بوستاتي..
يا ست حصل لينا الشرف.. تسلمي..
| |
|
|
|
|
|
|
| |
منصوري
هشام كمال
قرشـــو
ابوحراز
Tragie Mustafa
Mustafa Mahmoud
malik_aljack
Ahmed El Gasim
فيس بوك
تويتر
انستقرام
يوتيوب
بنتيريست