|
Re: قالت بب .. با (Re: خدر)
|
أمبارح كنت بقول لنادر.. أول كلمة بقولها الطفل هي بابا.. أو أبوي أو دادي .. المهم بنادي أبوهو أوّل.. وكنت قايلاها دي غتاته من أولادنا ساي.. لكن لقيت ليك زميلتي الأمريكية في الشغل ولدها الصغير شابكها ليك داد داد ... وهي مغيوظة.. علما بإنه dad ما معاهم في البلد زاتها.. ويمكن بشوفه في السنة مرّه..
عليك النبي ما مغسه يا بارعه يختي... الخيل تجقلب والشكر لي حمّاد؟
عليك الله موش حلوه "بب.. با" أحلى من سلطة الأسود المدنكله؟
أديها عليها عضّه معتبره ...
بنت الحسين
| |
|
|
|
|
|
|
Re: قالت بب .. با (Re: مريم بنت الحسين)
|
فرحان أوي يا خويا !!! خليها تتمها .. لو ما طلعت : بب .. بب = ( الدق ... الدق )
مبروك يا بارعة .. جاك البياخد ليكي حقك .. و حقنا
خدر : Welcome to the club
| |
|
|
|
|
|
|
Re: قالت بب .. با (Re: مريم بنت الحسين)
|
.. .
Quote: عليك الله موش حلوه "بب.. با" أحلى من سلطة الأسود المدنكله؟ أديها عليها عضّه معتبره ... |
مريومه الجاب سلطة الاسود المدنكلة هنا شنووو!! وكما جابت عضه معتبرة .. انتو ضابحين
تحياتى ووين الراجل نادر !؟
| |
|
|
|
|
|
|
Re: قالت بب .. با (Re: خدر)
|
في البدء كانت بت
المجد للمبكرين بالبنات سكر النبات البيعلمن الجبل الثبات
يا بت الحسين و بارعة هذه طبيعة الأشياء فقد تعرف/ت عليك وهي مازالت بعض منك فلا تمتعضن من نزوعها للجديد الشديد
لقاء لنا لنا لقاء
| |
|
|
|
|
|
|
Re: قالت بب .. با (Re: أبو ساندرا)
|
.
. خدر :
ما اجملها من اطفالنا في مبتدر نطقهم للكلمات ...
قبل يومين سمعتها من (منتهي) بنتي وتنميتها ترددها
اكثر من مرة ...إحساس جميل ..
هي الفطرة الربانية التي تجعل الطفل ينطق بابا قبل ماما
ربنا يحفظ لقاء ... وياربي ماتحرم بيت من الاطفال
.
| |
|
|
|
|
|
|
Re: قالت بب .. با (Re: خدر)
|
.. . مفترض تقول ممـ .. ما هو انت قاعد ليها !! ليكـ الله يا بارعة تلدو وتربو وتشيلو وتأكلو وبعد دا اول حرف بب ..با
ربنا يحفظها ويغطيها لمن نحضر عرسها عاد ما اتربت معانا هنا دا كل يوم وكل حرف وكل حاجة ..
سلام يا بابا
| |
|
|
|
|
|
|
Re: قالت بب .. با (Re: Tabaldina)
|
طارق سلام
انا زى سمعت انها قالت ســـا
( سهيل )
ما شاء الله
وبداية مبكرة وموفقة
ربنا يتمم على خير
وسلام يا ام العروس
نجيب مأذون معانا !!!!
| |
|
|
|
|
|
|
Re: قالت بب .. با (Re: خدر)
|
بارعة... والله ياها مغسه.. لكن ما بسألك على الshoes الأحمر.. انت موش خدر زمان قال عندك shoes احمر عاجبك ولا انا ملخبطه القصص مع بعضها..
تبلدينا.. عشان تعرف القصة.. انا مما شفته الكريعات والجزيمة بطني فارت.. وانا بطني لما تفور بعضي طوالي.. بعدين عليك النبي شفته الجزيمة دي كيف... اخير اعضي سلطة الأسود البريدها من اعضي بت الناس.. نادر (راجلي) كويس.. بكري مشغول بالحفلات والرقيص منتظرينه يصلح ليهو الباسوورد بتاعته... عليك الله الكزه لي كان لاقيته.. .قول ليهو مريم قررررررررررررررررربت تزعل...
عمو ابوساندرا.. عاد لكن ده كلام.. كيفن يكون طبيعة الأشياء... والله ولا طبيعتها ولا شي..اشمعنا يعني... كنت عايزاك تحكي لينا عن تجربتك مع البنات... انا اظن انه دي تجربة فريدة جداً موش؟
خدر.. "عجبني للمرقوت".. (ترجمة المثل بقروش، كان ما فهمتهو).... وبعدين شبشبي الاخضر وين؟
بنت الحسين
| |
|
|
|
|
|
|
Re: قالت بب .. با (Re: مريم بنت الحسين)
|
مبروك يا خدر و ماشاء الله انا لمن بتي قالت كدة اول مرة قبال شهر امها جات ناطة و قالت انا العلمتها تقول بابا....
هم اصلو كده... اي حاجة سمحة بترجع ليهم و اي حاجة كعبة بترجع لينا
عموما مبروووووووووك
| |
|
|
|
|
|
|
Re: قالت بب .. با (Re: Waly Eldin Elfakey)
|
خدر و بارعة الف مبروك اول الكلمات اجمل ما فى الدنيا الكلام من فم الأبناء
(لحدى عمر الحداشر سنة )
و اعمل حسابك يا خدر عرفت كدة من بارعة بالسر كدة انو لقاء كانت عاوزة تقول ليك بابا جيب لى موية
| |
|
|
|
|
|
|
|