|
كت احادثه فى الحلم.. قرنق
|
كما كان لك الرحيل بلا إذن مسبق لى حق ان ارفض رحيلك وكما كان لك ان لا ترحل هكذا الحياة لكل منا حق الاختيار ولكن ما كان لهذا الموت الحاقد ان يأخذك بلا مقدمات ويغيبك عن ارض توحمت بك منذ نعومة اظافرها. (طيبن اب شريفك اويكنى ايقون بدرى شيبا اويجلى)
كان المغنى يردد حين نعت طيبة ابا شريف ردد بعناد كما تنتحب ابا شريف سوف ابكى بدره كانت بدره حلم الغلابة الجياع كان قندول الذرة ودعاش فى لهيب الصيف كان مشروع الفرح حين احترقت بقايا الحسكنيت فى ربوع السافنا الفقيرة كان احتمال ضعيف ان يهطل رزاز المطر وان يزور الرب مساحات الغفر استعدوا الفقراء جادوا ببقايا الدخن وبالحثالة من على قعر الدلق المنكوس وفى انتظار المطر نزروا آخر الانعام من بقايا المحل ركزوا على تل الرمال
صلوا صلاة كانوا هياكل ورموز يوم ما جيتنا لقيتنا صفوف ولهانه تدافر بس داير تنعم الشوف القاصر بالزول الحلم ما كان ليلة قدر يوم فجت الارض وبقت فينا ملامك زرقة وكان حديثك برنامج دخل فى القلب بلا تصريح حبوك الزرقة واتلموا الحمرة عليك قالوا خلاصنا شفناهو فيك حبوك القلبهم يابس واتبركوا فيك الاولية يا صالح عهدك يا حافظ وعدك يا زول يا رايع هل غار الرب منك واخدك منا ليه ما خلاك وبس لى يومين تانى يا نازع كل سكينتا يا راحل بالبال وطنك مهجور بعدك نضب معين العشق راهنت بآخر الرمق قلت انك قادم فاجى زحام الدنيا وانك متعادل متصالح وفيك اتوسمت الخير ذى الضمان رهان الدنيا بقيت متأكد منك ومن قدوم الفارس المغوار ما كان من رسم خيالى ولا هواجس بنات افكارى ما شفت بام عينى وحادثك وسمعتك ما كضبتك. ما. كان الارض عقيم والنخل العاقر جوعنا سنين وضاربت وراهنت قمار بآخر فلس والمكنة تدور وتقول يا بخت الفايز الفيهو ملامح شعبى وبق الفرح من جوه بقوة واحترق النازك
تلاشى الاحتمال.. وانتظروك رغما .. عن اذاعات المطر وعن خبر واحباط المفواض المراهن بالوطن انه كان المحال ورضيناك كقدر ورجوانا السماوات العاقرة ان تجود كان كالغيم الاستوائى داكن هللت بذرات قمح فى البيات حركت فيها دعشات المطر بعض من حنين للحياة يا قرنق كان ترياق ومبسم من قصب احترق ايها الخائن فى زمن الحرب كيف تعقد صفقة السلم وتوعدنا بالسلام ونّكسنا الرماح نحن رماة الحدق فى انتظارك ايها الفارس المغوار ترجل لا نحمل على اسنة الرماح مصحفا ولا ا نجيلا ولا كتب سماوية
نحمل العشق لارض منها بعض الملامح
وحلم ساهل يمتنع الا على قدومك ايها الوارد فينا كالخريف. ايها الراحل كالسيول الموسمية
|
|
|
|
|
|
|
|
Re: كت احادثه فى الحلم.. قرنق (Re: sharnobi)
|
انتابتنى هلوسة
والله ما ناقصنى شئ
ماكل شارب ساكن
فى بلدن حلم للكل الا انا الفيها ما بيها
جالس فى الطابق السادس جمال الخضرة ورزاز المطر الصيف والماء والوجهه النضر.... قدامى الكاس والحرية...
فجأة اتغور جواى جرح رجع بى الزمن لعقود سالفة كنت بقارن بفلو بجوبا الجو الخضرة
الناس العشق جرت دمعة من غير اذن وراح بالى فى الوهم الاسمو السودان الوطن خيالى واتذكرت لو كنت هناك والوطن معافى
ومحجوب ود الشريف يغنى ميرى كلمينا
واتذكرت الزول الاسود الاسمو قرنق استاذى ومعلمنا للحرية
تفيت اتحسرت على الحظ العاثر
وكانت جوبا حلم لاغنية لم تكتمل بعد..
اليك ايها المعلم ساكتب عنك .. وانت فى الرفيق الاعلى
نفتقد كثيرا ساكتب على شاهد قبرك نحن جموع الشعب السودانى ملامحنا منك نفتقدك لماذا رحلت عنا
| |
|
|
|
|
|
|
Re: كت احادثه فى الحلم.. قرنق (Re: sharnobi)
|
بعض من احترامى
للفنان ابو عركى
انه غنى للون الاسود
الزيتونة
من يحكمنا يا سادتى
الوعى ام اللون والعرق
اته سادتة صنعوا لانفسهم الولاية ولانهم انصاف
كانوا لانفسهم جناة حين انحازوا على نصف لونهم على النصف الآخر
انها قصة ازمة وطن
| |
|
|
|
|
|
|
Re: كت احادثه فى الحلم.. قرنق (Re: sharnobi)
|
أبدعت أيها النوبي الأسود.. ود العمد المهموم بالمسحوقين من أهل السودان.. حسرتك على قرنق هي حسرتنا جميعا.. بل حسرة السودان كله وكل الحالمين فيه بسودان العدل والتنمية والرفاهية للجميع في وطن المليون ميل مربع.. فلنكتب الشعر ونغني ونحلم معك ونحن في حالة نضال ضد من سرقوا أحلامك وأحلامنا جميعا.. فليتواصل النضال بالفرح كله لإزلة الكوارث من سدة الحكم لتعود لنا ولأطفالنا البسمة من جديد. سآد آشا [سعاد إبراهيم أحمد] الخركوم في 26 يونيو 2006
| |
|
|
|
|
|
|
Re: كت احادثه فى الحلم.. قرنق (Re: sharnobi)
|
استاذتى الفاضلة
احيانا نقاوم الهزيمة بنصب التضحية الشهيد مقياس النبض
تعلمت منك شخصيا معنى الالتزام الصعب فى كل تفاصيلك العامة والخاصة فكنت الرمز
راجع الى قربك لاحكى معك قصة الحياة ونتخاصم فى التفاصيل ونحن نتشبث معا على كل العموميات
وبتذكرك ايتها النبيلة وانت قدوة لامثالنا الضعاف
ولكن هذا الذكرى تتفجر المصارين حوله كان كالحلم
كان ملاذ للثورة واستلاف فى زمن هلامى لمعنى متجسد فى حلم ثورى
وشكرا لك ايتها التى تشعل الذاكرة فى لحظة الخفوت
| |
|
|
|
|
|
|
Re: كت احادثه فى الحلم.. قرنق (Re: sharnobi)
|
عمر ادريس النبيل
بعض من صمتى هو كلامى
ولك فى الخطاوى التى مشيناها ونمشيها سويا بعض من امنيات الصعود الى القمم التى لا نراها مستحيلا ابدا
ونردد فى صمتنا وفى دندنتنا فى الحمامات وفى الخلوة القسرية عن وطن خير
| |
|
|
|
|
|
|
Re: كت احادثه فى الحلم.. قرنق (Re: sharnobi)
|
قابلتو مرتين بالصدفة
كان ساكن فى الهيلتون . ولما كنت راجع للبيت عند الثانية نهارا تقريبا . كان راجع للهيلتون أربعة عربات( فقط) لا صفافير لا كواريك لا طوابير . مولعين أنوار العربات . وشوية بورى للتنبيه . مررناهو هو ورفاقو . وحياتكم حتى لساتك العربات اتبسمت . انا غايتو لوحت ليهو بيدى اليسرى بدون ما اقصد. والمرة التانية فى نفس الحتة العربات بقن تلاتة وموتر بيطلق صفارة تنبيه . برضو مرة طفيف ولذيذ زى النسام . تعرفوا مرة كنت سايق مشوار حريم كبار ومعاهم بناتهم . حلفونى أغشا بيهم الهيلتون عشان يسلموا عليهو . ما لبيت ليهم رغبتهن . حولت الموضوع لهظار ما شفتوهو بيرقص كيف مع الأطفال ؟ ما شفتوا صورتو شايل الشافع فى كتفوا ؟ ما سمعتوهو بيقول أنا حا (إشتغل) مع البشير ؟ إتوفى
بكرى العجمى
| |
|
|
|
|
|
|
Re: كت احادثه فى الحلم.. قرنق (Re: sharnobi)
|
لو كنا من اهل الحظوة لكان معنا اليوم
مات قرن ومات الحلم
الكان خلاص الامة الحلم
وبكت عائشة وسكلت وميرى وتيتم طفل السودان مرتين
وفرح المدثر المتسلط الفظ القلب بكى فرحا لانو بموت الوطن سيظل ينهب يقتل
اما كان عليك ان تقاوم الموت سنة اخرى وانت الذى حملت السلاح عشروت عاما ولم تمت كخالد بن الوليد ايها الفارس الذى انهزم امام الموت خارج ساحة القتال
| |
|
|
|
|
|
|
Re: كت احادثه فى الحلم.. قرنق (Re: sharnobi)
|
قرنق يا رؤية طفولتي و يا حلم صباي ويا كابوس شبابي عشقت منذ الصغر كما احبك والدي وزرع فيني حبك عندما كان الاستماع الي كلمات النضال التي تبثها لك اذاعة الـ SPLA SPLM جريمة كنت اتلذذ بالتسلل الي الغرفة والاستماع اليك بصوت الراديو الذي يشبه الهمس كنت لي عالما اخر منع علي فاحببته ورسمت بكلماتك رؤية جديدة لمستقبل حياتي وصرت لا اري الدنيا الا بعينيك ورؤيتك وافكارك وصدي صوتك في اذني قلت فصدقت وعدت فعملت بدات في تنفيذ الوعد فخاننا القدر كما يخان الارض من المطر غبت وتركتنا في غياهب الظلام بعد ومضا وبرق كنت كشمسا مشع واختفيت من السماء في عز الظهر فسادت الظلام واصوات الكلام بلا فهم وانغرس السهم في صدر الوطن العذراء وبكي العرسان ماتت بنت السودان وهتقت عذرية الوحدة *** نواصل
وعشقتك كما لم اعشق من قبل احببتك حبا خرافيا لا يوجد الا في باطن الكتب
| |
|
|
|
|
|
|
Re: كت احادثه فى الحلم.. قرنق (Re: sharnobi)
|
الحلم الفسيح
سوباط بحر الغزال الرجاف الدندر الرهد العطبراوى
الازرق الابيض
روافد الحياة
كل ذرات المطر خور ابا حبل
واللقيا الجميلة فى ربوع الوطن
انك ايها الاسود
الابونوسى اللون يا فارع يا فالح يا المشوق القامة الضاحك
وضاح الطلعة يا فاهم يا الشايل الحل شليل وينو
احى منك يا مستفز
| |
|
|
|
|
|
|
Re: كت احادثه فى الحلم.. قرنق (Re: sharnobi)
|
الدكتور صلاح شرف الدين ..... سلامات و وين ما ظاهر ... لك كل التحايا و أنت تكتب عن الراحل د.جون قرنق ..... كنت أتمنى أتمنى ان تطول المشاركة و لكن ......................
| |
|
|
|
|
|
|
|