كتب الكاتب الفاتح جبرا المتوفرة بمعرض الدوحة
|
|
 لماذا تشير كل الساعات في صور إعلاناتها الى العاشرة وعشر دقائق ؟؟
|
لماذا كلما شاهدنا إعلانا لساعة يد نلحظ
أن المؤشرات فيها تشير الى العاشرة وعشر دقائق ..
لم أجد ساعة واحدة تحمل زمنا غير ذلك
ولابد أن الأمر محسوب وله مغزى معين ..
ترى ماسر العاشرة وعشر دقائق هذه ..
بعض المجتهدين يقولون أنها اللحظة التي تتوازن
فيهاالشوكتين .. وآخرون يقولون أنها اللحظة
التي تكون الشوكتين والكتابة (( إسم الساعة ))
باينة مع بقية المعلومات .. وآخرون تحدثوا
وأرجعوا السبب الى أشياء أخرى فلسفية مثل
اللحظة التي فجروا فيها قنبلة (( هيروشيما ))
لكن الحقيقة تظل غائبة .. ولكن ربما كان بيننا
من يعلم سر هذا الميقات ..
|
|
 
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
الأخ صلاح شكوكو
تحية طيبة
كنت قد قرأت ثلاثة تعليلات لهذه الظاهرة، جاء ذكر أحدها على يدك والآخر من الأخ عادل عبد الرحمن
فيقولون أن ماركة الساعة تكون في موضع يسهل ملاحظته وقراءته كما أن هذا الشكل يكون أشبه بعلامة الصاح كدلالة على الدقة والجودة إضافة إلى أن هذا الوضع يشبه شكل الإبتسامة على الفم (دلالة على الرضا) بعكس الشكل القريب من الرقم 8 والذي يرسم شكل البكاء والأسى على الفم.
ولعل السر ما يزال غامضا رغم كل هذه الاجتهادات
ولك ولجميع المتداخلين التحية والاحترام
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
Quote: اللحظة التي أعلن فيه إستلام كمال أتاتورك السلطة
والتخلص من هاجس ...... وتمدده في أوربا |
العزيز / othman mohmmadien
ود وتقدير
الزول دا إتأخر 10 دقائق مالو ؟؟ مش كان أدق يعلن إعلانه
في تمام العاشرة ؟؟
(( مصطفى كمال أتاتورك )) !!!... كدا الموضوع وصل الشرق الأدنى ..
وبدينا نتوغل في التاريخ الحدبث .. والساعة عبارة عن تاريخ ..
بس ناس سويسرا ما الذي يجعلهم ينحازون مع تركياوقد كانت غير حليف ؟؟
جهد مقدر .. وشكرا ليك يا جميل ..
=
| |
|
|
|
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: Shao Dorsheed)
|
Quote: شكرا لك لقد أضحكتني
لكن البعض قال ذلك فليست فكرتي
طيب خليها تسع وخمسون |
الرائع / othman mohmmadien
لك الود
واحد صاحبي قال أسأل عثمان قول ليه
أتاتورك دا في الأصل كان سوداني ؟؟
وصاحبي دا بيقول لي السودانيين ليه
عندهم عدم إحترام للزمن وللساعة ؟؟
طبعا أنا فهمت حكاية الوقت لكن عدم إحترام
الساعة دي أول يوم أسمع بيها ..
شكرا أخي عثمان
مرورك جميل
وحديثك أروع
=
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
الأستاذ صلاح ..
تحية طيبة،
ملاحظة قوية فعلاً ..
عند الساعة عشرة وعشرة تحتوي شوكتي الساعات والدقائق الرقم 12 وهو الرقم المحوري بحيث يكون في المنتصف تماماً ..
شيء جمالي آخر .. عشرة عشرة ترسم ملامح طائر يحلق في الجو ..
أو قد تكون فيه دلالة إلى علامة سودانير اير (Sudan Air) في إشارة واضحة أن هذه الساعة مضبوطة كما مواعيد سودانير اير .. 
تحياتي،،
جاد
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: JAD)
|
Quote:
ملاحظة قوية فعلاً ..
عند الساعة عشرة وعشرة تحتوي شوكتي الساعات والدقائق الرقم 12 وهو الرقم المحوري بحيث يكون في المنتصف تماماً ..
شيء جمالي آخر .. عشرة عشرة ترسم ملامح طائر يحلق في الجو ..
أو قد تكون فيه دلالة إلى علامة سودانير اير (Sudan Air) في إشارة واضحة أن هذه الساعة مضبوطة كما مواعيد سودانير اير ..
|
الأخ العزيز / جاد
لك سلامي وتقديري
شكرا على إسهامك الجميل وتحليلك الأظرف
بس عجبتني الإضافة بتاعة ( سودانير )
بالمناسبة الموضوع دا قراه مدير سودانير
في منطقة الخليج .. وبيسلم عليك وبيقول ليك
الصورة القاتمة دي فعلا حقيقة في أذهان الناس
ونحن بدأنا خطوات جادة لإزالة هذه الصورة ..
(( أنا قلت ليه كلام جرائد .. قال لي ح تشوف ))
مودة وتقدير
=
=
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
Quote:
قالوا زمان الإنجليز كانوا يرددون أن السودانيين أكثر صدقاً مع الساعة مثلاً يقول ليك الساعة اتناشر ونص وخمسة أو سبعة إلا 3 دقائق ،،،، مظلومة الثواني معاهو
مع العلم أن الشعوب الأخرى تقرب الزمن لأقر ساعة فلا يذكر الدقائق. |
الرائع الفنان / othman mohmmadien
لك التحية والود
أكثر صدقا آه .. لكن أكثر إحتراما لا
ياأخوي مرة القطار إتأخر 3 دقائق في دولة غربية
وزير المواصلات إستقال .. ونحنا عندنا لما سواق القطار
يتأخر 17 ساعة بيدوه (( أوفر تايم )) وبدلات ..
طيب البجيبو بدري شنو ؟؟؟ مش أحسن يشوف ليك ضل يقف تحتو القطر ؟؟
مشكور يا جميل
=
| |
|
|
|
|
|
|
|
|
 Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
بمناسبة إنضباط السودانيين مع الذمن قالو مصري كان في السودان وقرر يرجع مصر بالقطر قالوا ليه القطر بيقوم يوم الخميس الساعه تمانيه صباح، صاحبك من سبعه صباحا شايل عفشو وقاعد منتظر القطر
تمانيه جات القطر ماجا
تسعه.... عشره ..... حداشر سته مساء ولافي أي خبر
تاني يوم الصباح ولافي قطر ولا حاجه.... الضهر ... العصر برضو
السبت جه القطر ما جا.... إلا يوم الأحد حتى القطر شرّف يمشي الهوينا
لم مشى مصر قام المصري قال لي واحد سوداني صاحبو (انتو السودانيين دول بتلبسوا ساعات ليه؟ ما تلبسوا أيام أحسن)
عليكم الله اخدوها نكته ساكت ما يجينا زول ناطي هسه يندمنا مجرد مشاركة الإبتسامه
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: كمال حسن)
|
قبل ما اسمع من ناس قوقل والنقاشات الاوردتها الوصلات..
رأى فى المسألة من ناحية اخراج مسرحى
توزيع العقارب بهذه الطريقة ..
هو يحفظ "ميزان سين" ..فهو وضع مريح للنظر فيه سميترية ..وهو يشير لأعلى فيه ..ايجابية ..
تعالوا نتخيل الساعة تسعه الا ربع..مثلا ستعمل العقربين خط مستقيم ..ولن توحيا "بالآكشن" او ان العقارب ستكون ميتة ...وهى فى خط واحد..
كذلك الساعة 21 ونص مثلا فسيقسم الخط الساعة الى نصفين..وهو ليس وضع حيوى ..
وكل الاوضاع لعقرب الساعة ما بينهما سيميل بخط النطر الى جهة دون الاخرى ..ويعطى احساس ..بعدم توازن ..
أما الوضع 10 و10..فيكون وضعا مريحا لتوازنه "السميترية" .ولكن به حيوية "الميلان" ..وأيجابية الانفتاح الى اعلى ..
لاحظ المخرجون، وناس علم الدلالة وعلم الجمال ان الاجسام على الفضاء المسرحى ..تصنع نصا بصريا من وضعها على سطح الخشبة (ا أعلى وأسفل ويمين وشمال ومنتصف ومركز) كلها مناطق لها دلالات جمالية ..ولها مضمون ..يقوم البصر..بتدوينه لاشعوريا ويكون ملازما للنص الكلامى ....والاستخدامات الخاطئة (اوقل غير المتفقة فنيا) .."تميل" بايقاع النص المرئى ..وتلقى بالاثر السىء على العرض..فخير مخرجيكم خير مبصريكم ..والله أعلم.
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: Muhib)
|
Quote: السبت جه القطر ما جا.... إلا يوم الأحد حتى القطر شرّف يمشي الهوينا
لما مشى مصر قام المصري قال لي واحد سوداني صاحبو (انتو السودانيين دول بتلبسوا ساعات ليه؟ ما تلبسوا أيام أحسن |
الأخ العزيز / كمال حسن
لك التحية والود
المصري دا كان قاعد وقتو دا كلو وين ؟؟
أوعى يكون قاعد في المحطة ؟؟
يازول .. زول شنو ينط ليك ؟؟ دا واقع
ودي صورة مشوهة للشخصية السودانية ..
وزيد على ذلك وأضف لها مسألة الكسل ..
والمطلوب هو كيف لنا أن نصحح هذه الصور السالبة
( بصرف النظر عن وجودها أو عدمه )
وشكرا للمرور الباهي .. ومنتظرين عودتك
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
Quote: الأخت الفاضة المخرجة / Tumadir
لك التحية والود
يابت الحلال قوقل شنو .. كلامك دا ناس قوقل ذاتهم لو شافوه ( ح ) يقيفوا تقديرا
وإحتراما .. الكلام دا فيه معاني حسية رطبة ..
أنا أنصحك ما تقري كلام ناس قوقل وخليك كدا ..
وأسمحي لي أخت كلامي إقتباس وأخلي كلامك هو الأساس
وشكرا لمرورك الباهي وعرضك الشيق ومنتظرنك تاني
وتستحقي ساعة قيمة هدية |
قبل ما اسمع من ناس قوقل والنقاشات الاوردتها الوصلات..
رأى فى المسألة من ناحية اخراج مسرحى
توزيع العقارب بهذه الطريقة ..
هو يحفظ "ميزان سين" ..فهو وضع مريح للنظر فيه سميترية ..وهو يشير لأعلى فيه ..ايجابية ..
تعالوا نتخيل الساعة تسعه الا ربع..مثلا ستعمل العقربين خط مستقيم ..ولن توحيا "بالآكشن" او ان العقارب ستكون ميتة ...وهى فى خط واحد..
كذلك الساعة 21 ونص مثلا فسيقسم الخط الساعة الى نصفين..وهو ليس وضع حيوى ..
وكل الاوضاع لعقرب الساعة ما بينهما سيميل بخط النطر الى جهة دون الاخرى ..ويعطى احساس ..بعدم توازن ..
أما الوضع 10 و10..فيكون وضعا مريحا لتوازنه "السميترية" .ولكن به حيوية "الميلان" ..وأيجابية الانفتاح الى اعلى ..
لاحظ المخرجون، وناس علم الدلالة وعلم الجمال ان الاجسام على الفضاء المسرحى ..تصنع نصا بصريا من وضعها على سطح الخشبة (ا أعلى وأسفل ويمين وشمال ومنتصف ومركز) كلها مناطق لها دلالات جمالية ..ولها مضمون ..يقوم البصر..بتدوينه لاشعوريا ويكون ملازما للنص الكلامى ....والاستخدامات الخاطئة (اوقل غير المتفقة فنيا) .."تميل" بايقاع النص المرئى ..وتلقى بالاثر السىء على العرض..فخير مخرجيكم خير مبصريكم ..
والله أعلم.
Tumadir
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
| Quote: (( أنا قلت ليه كلام جرائد .. قال لي ح تشوف )) |
العزيز صلاح شكوكو ..
تحية طيبة،
عليك وعلى صاحبنا مدير سودانير بالخليج أزكي السلام والتحية ..
وقول ليهو نتمنى نشوف ..
بالمناسبة توقفت عن استخدام سودانير منذ عام 1992م بعد تكرر التأخير .. وعدم وجود من تسأله أو تشتكي إليه .. وعدم الاعتناء بالمسافرين عند التأخير .. ولا حتى للأطفال ..
في ذلك التاريخ كانت سودانير تتعامل مع العملاء وكأنها حكومة وليست شركة تجارية تخضع للمنافسة .. هل مازالت تلك العقلية سائدة ؟؟ الله أعلم ..
خرجنا يا سيدي عن الموضوع .. وتركنا موضوع الساعة .. القوات الدولية بتصل دارفور الساعة كم ()
بس ما تكون الساعة عشرة وعشرة في العاشر من شهر عشرة ..
الموضوع فعلاً خفيف الظل لذلك بديهو ليك عشرة من عشرة ..
تحياتي،،
وابقي عشرة ...
جاد
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: JAD)
|
Quote:
وقول ليهو نتمنى نشوف ..
... |
العزيز الجاد / جــــاد
تحية ومودة
منتظرين نشوف ناس سودانير .. لكن لما نجي
نحاسب المدير بيكون إتغير هو زاتو قبل ما
تتغير سودانير .. ولما نسأل المدير الجديد
ح يقول لينا :
(( لا ينسب قول لساكت )) برضو (ح) نشوف ..
Quote: بالمناسبة توقفت عن استخدام سودانير منذ عام 1992م بعد تكرر التأخير .. وعدم وجود من تسأله أو تشتكي إليه .. وعدم الاعتناء بالمسافرين عند التأخير .. ولا حتى للأطفال ..
في ذلك التاريخ كانت سودانير تتعامل مع العملاء وكأنها حكومة وليست شركة تجارية تخضع للمنافسة .. هل مازالت تلك العقلية سائدة ؟؟ الله أعلم .. |
يا أخوي دا كان زمان .. البدائل أصبحت كثيرة
ويا يتغيروا أو الناس ح يتغيروا ..
بس بيني وبينك ساعة المكتب عندهم متأخرة
حوالي سبعة دقائق ..
مشكور يا جاد .. الله يديك العافية .. ونشوفك ..
بس شوف لينا ساعتنا عاملة عشرة وعشره ليه ؟؟
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
..
امم
لمن مسكت الساعه و حولت الموشر ..مثلا 7 و 1\4 او 8 1\4
فعلا حسيت بعدم راحه و اذا قلنا انه تعبير عن عدم ابتسامه ..دي بقت اضافه تانيه
وطيب لو كانت مثلا بتعبر عن خط مستقيم 1 او 2 او 6 ..ممكن برضواكون مزعج.؟؟
حيست فعلا 10:10 انسب شي لكن ابقي الشي في الاول و الاخر مساله بتاعه تعود
يعني مثلا لو من زمان كانت الماركه في اخر المينا و مثلا محاطه بعقارب ال 7 و 1\3
او 8 و 1\3 ..برضو كنا حنقول ليه الساعه بتشير لي 7 و 1\3 ؟؟
تحياتي
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: hero)
|
Quote: فعلا حسيت بعدم راحه و اذا قلنا انه تعبير عن عدم ابتسامه ..دي بقت اضافه تانيه
وطيب لو كانت مثلا بتعبر عن خط مستقيم 1 او 2 او 6 ..ممكن برضواكون مزعج.؟؟
حيست فعلا 10:10 انسب شي لكن ابقي الشي في الاول و الاخر مساله بتاعه تعود
يعني مثلا لو من زمان كانت الماركه في اخر المينا و مثلا محاطه بعقارب ال 7 و 1\3
او 8 و 1\3 ..برضو كنا حنقول ليه الساعه بتشير لي 7 و 1\3 ؟؟ |
الأخت الفاضلة / Zongiya
لك التحية والود
طبعا كلامنا دا كلو مع الساعات التقليدية
لكن مع الساعات الألكترونية .. نسفت كل الكلام
دا .. وبقت بلا عقارب وبلا شوكات ..
نكته :
====
واحد في مواصلات الحاج يوسف والبص زحمة
ساعتو وقفت .. قعد في محلها ..
شكرا زنجية على هذه المجهودات الطيبة
بس خايفين نخرب ليك ساعتك بكثرة المحاولات
مودة وتقدير
=
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
..
.
رغم اتفاقي مع مزاوى ..
بس يا شكوكو ..
المسالة دى كانت محيرانى وكنت على طوال بتأمل فيها
ملاحظ انو 10+2 = 12
و 11+1 =12
و 3+9 = 12
عشان اقرب ليكـ الفكرة لصعوبة شرحها شوف هنا
4+8 = 12
5+7 =12
والساعة تمانية وتلت = 12
يعنى كل رقمين شبه متقابلين محصلتهما اثنا عشر
فهمت ما انوى ايصاله .. صعبه شوية مش
بس البتحير 6 دا سرها باتع !!
تحياتى؛
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: Tabaldina)
|
Quote: يا حبيبنا شكوكو دة بكون عشان خاطر سواد عيونا عملوها10 و10 تعرف ليه:-
زي ما بقولوا السودانيون ما بحفظوا المواعيد و السوداني لما يقول ليك بجيك الساعة 10 معناها فيها تأخيرة 10 دقائق.
و براوية أخرى لإظهار ال Brand name او اسم ماركة الساعة على وجه الخصوص،،
وشكراً للفرصة،، |
العزيز الفنان / Haytham Abdulaziz
لك مودتنا..
يا أخوي سواد شنو ؟؟ جوازات السفر بتاعتنا
كلها مكتوب فيها عيونا (( عسلية )) مع أنهم
عارفين العسلية دي شنو ؟؟
والله زوايك حلوه .. طيب مافي طريقة نغير فكرة الناس
فينا ؟؟ وهل ( ح ) نظل في نظر الدنيا كدا ما مظبوطين ؟؟
شكرا يا باشمهندس زوايا تمام
نشوفك .. ما تطول ..
=
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
Quote: لكن الأمر مختلف تماما عن ماذهب اليه الجميع فالأمر فى غاية البساطة
فالساعة عشرة وعشرة هى ذلك الوقت الذى تعطّلت فيه ساعة بيغ بن الشهيرة
وتوقفت عن العمل الى أن تم اصلاحها واعادتها الى الدوران من جديد ... |
الأخ العزيز / hero
لك التحية والود
لقد أتيت أمرا جديدا ..
ورغم أن لحديثك منطق على محمل جميل ..
لكن بيني وبينك ( خراب بعضهم حسنات إعلاناتهم )
بعملوها الجماعة ديل .. بس لو إتعطلت مرة تانيه
في إتنين وعشره ؟؟؟
كدا يكون الضحك شرطهم ..
شكرا لمشاركتك الجميلة
وبرضو راجنك في تأملات جديدة
=
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
Quote: شنو يا هيرو
يعنى تنظيرنا ده كلو راح فى موية الغسيل ؟؟ ههههه
لكن هى ساعة بق بن دى ..خسرت قبل اى ساعة تانية يخترعوها ..واتصلحت حتى بعد داك بدوا يصنعوا ساعات؟؟ لانه مما الله شق عيننا بتشوف اعلان الساعة كده... |
(( سامع يا هيرو ؟؟؟ رد عليها )
الكلام التحت دا لي أنا:-
| Quote: المهم ياصلاح شكوكو شكرا على لطفك..والموضوع اللذيذ |
أشكر لك شكرا الجميل وقولك الجزيل ..
وشكرا على الإشادة بالموضوع الذي لم يكتسب
روعته إلا من خلال روعتكم ..
شكرا جميلا أختنا / Tumadir
مودة
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: Adrob abubakr)
|
Quote: المسالة دى كانت محيرانى وكنت على طوال بتأمل فيها
ملاحظ انو 10+2 = 12
و 11+1 =12
و 3+9 = 12
عشان اقرب ليكـ الفكرة لصعوبة شرحها شوف هنا
4+8 = 12
5+7 =12
والساعة تمانية وتلت = 12
يعنى كل رقمين شبه متقابلين محصلتهما اثنا عشر
فهمت ما انوى ايصاله .. صعبه شوية مش
بس البتحير 6 دا سرها باتع !! |
الحبيب / Tabaldina
لك التحية والود
يارجل أنت زول إدارة وشطارة .. وقصتك محيره
ودايرة (( صنة )) ..
وأكيد دي علاقات حسابية مربوطة بالرقم ( 12 ))
وكل واحد من إتناشرات فيه ستين ..
حاولت أن تجد علاقات أكثر جدلية لأنو شكل
الموضوع كدا ( ح ) يجيب ليه حاجات تانية ..
لك التحية والود
مودتي
=
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
| Quote: طبعاُ ولي العهد دة مزعج و شيطان جداً و قبل شهرين بلع ليهو 100 جنيه بس لحسن الحظ الفئة الصغيرة. |
العزيز / هيثم القوز
لك التحية والود
ولي العهد دا باين علية زول قروش ساي ..
ومن هسع حاسي بطعم القروش ..
ياسيدي .. يسلم من كل بلاء ..
Quote: أما بمناسبة العسلية دي، التقول الجواز السوداني دة تم أول إصدار له في ديم سلك.
: |
مرحب بيك ومرحب بكل أهلنا من ديم سلك ..
Quote: و دي ألقاب جديدة من ديم سلك
عوض عسلية
عبدالله مريسة |
شكرا لهذا الإثراء الجميل ..
والشيء بالشيء يذكر .. المريسة دا حي في لبنان
لكن في السودان حي المريسة حي عجيب ..
| Quote: بالمناسبة اتوقع البوست بتاعك الجايي عن ألقاب البنـــات. |
والله ياهيثم .. دي فكرة أكثر من رائعة .. بس جهز نفسك
وخلي نفسك بعدين طويل ..
=
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
خالص التحايا
استاذى العزيز
صلاح شكوكو
ابوصلاح ياخ يديك العافية محل ماتقبل..
انت برضو ماقصرت مع الصوره..نضفتها شويه..
دى تبقى زى مقولة (جيش واحد شعب واحد)
شكلكم لسه كايسين لحل القاطع بخصوص السؤال (لماذا تشير كل الساعات في صور إعلاناتها الى العاشرة وعشر دقائق ؟؟ )
قايتو ياهو معاك نقد نتفرج نشوفها بترسى على شنو..
بس فى نقطه لفتت انتباهى
الا وهى مداخلة تبلدينا بخصوص عجائب الارقام ..
انا حافظ لى كمية زى دى لو مابتغير مسار البوست حاتزكرها وانزلها ليك
رغم انى مابحب الحساب..
الى ذاك الحين
خلى بالك من نفسك
والتحايا النواضر...
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: معتز تروتسكى)
|
المعتز / معتز
لك التحية والود
أينما تكون وكيفما تكون وكيفما تكون ...
تعرف حكاية الجلابية دي فيها نوع من الإعتزاز
أمامكاتفة الجنود .. دي الرجالة ذاتها
هسع دا أقنعتو كيف ؟؟
| Quote: مداخلة تبلدينا بخصوص عجائب الارقام .. |
طيب راجين أرقامك .. خليك قريب للخط
وشكرا لتبلدينا الذي أثار فيك الأرقام
نكته :
----
قالو في سوداني في بكين بحسب في الصنيين
كلما يعد لتسعتاشر .. يرجع يعد من الأول .
لك التحية والود .. وراجنك ..
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
Quote: تصور ياهيثم أنا قايل دا بوست الألقاب .. ونسيت أنو دا
بوست الساعات ..
نرجع للساعات تاني .. ( ح ) أشيل كلامي دا لبوست
الألقاب عشان أدي البوست دفعة كمان ..
بس ماتنسى تجينا بهناك |
و الله انا زااتي سرحته و دة كلو من بوستاتك الجذابة و الظاهر انا كنت نعسان شوية و زي ما قال ادروب الناس في شنو و الحسانية في شنو!!! ... لكن الحمدلله على الإخراج الجيد يا هندسة... آآآي بلاقيك في بتاع الألقاب و هسع بمشي عليهو .. بس ماتنسى ألقاب الجكس لأنه انا شايف طارق نزل اللعيبة بتاعنوا يسخنو
و شكرا
هيثم
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: Haytham Abdulaziz)
|
| Quote: و الله انا زااتي سرحته و دة كلو من بوستاتك الجذابة و الظاهر انا كنت نعسان شوية و زي ما قال ادروب الناس في شنو و الحسانية في شنو!!! ... لكن الحمدلله على الإخراج الجيد يا هندسة... آآآي بلاقيك في بتاع الألقاب و هسع بمشي عليهو .. بس ماتنسى ألقاب الجكس لأنه انا شايف طارق نزل اللعيبة بتاعنوا يسخنو |
الأخ العزيز / هيثم
لك التحية والود
أينما كانا إطلالتك فهي بهية وحافلة ..
ومهما كانت خطاويك .. فهي بإيقاعات موزونة
وترانيم جميلة لها وقع خاص عندي ..
أشكر لك حسن الطلع والطلعة والإطلالة ..
وحقا فقد إستشكل الأمر حتى علي أنا ..
وحتى لا يزداد الإستشكال بين البوستين فإننا
سنفرمل أحدهما للآخر ..
سلامي وتقديري لك يا أيها الجميل / هيثم
فقد أفاضت مداخلتك روعة في البوست ..
مودة
=
| |
|
|
|
|
|
|
|
|
 Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
الأخ العذب شكوكو
| Quote: وهي تعني باللغة الإنجليزية ( عشرة ) - ( عشرة ) |
و انا بقول ليك بوستك جاب عشرة من عشرة ... مبرووووووووووووك يا هندسة.
اها بعد تن تن TEN TEN دي ان شاءالله تكون فضيت لينا من ساعات السوق العربي دي
لأنو ألقــاب البنـــات دي زاااتا حا تجيــك تن تن TEN TEN و قول يا لطيف ...
يلا بعد كدة جهز شعورك للبوست الجــايي لأنو اخونا طارق الشعبية كشف الخطة بتاعتوا من بدري ... و اللعيبة بتاعنو قطعوا خلاص. الباقي نحنا و شباب و شابات البورد.
كل المحبة الأخوية
هيثـــــــــــم
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: Haytham Abdulaziz)
|
Quote: الإجابة على السؤال بسيطة للغاية ..
وهي أن دقات الساعة تقول ( تن ) ( تن ) ( TEN - TEN )
أي أنها عشرة وعشرة .
وهي عملية إيجائية تم من خلالها دمج الصــوت في
الحالة الزمنية .. في إختصار للفكرة والتعبير ..
والتي بدورها قد لبت كل الفرضيات التي أشار لها
الأخوة المتداخلون .
لكم التحية والود |
هيثم الجميل
لك التحية والود
الأشياء الجميلة لا تشترى ..
أروع ما يميزك أنك متصالح مع الروعة
وكدأب الرائعين فإنك لا تقول إلا الخير ..
ولعل كل مواسم حرفك تينع فينا الجمال
لنرى به الجمال ..
(( حضر شعورك لبوست البنات .. جهزنا المعاول ))
وأهو كدا زحلقنا بوست الألقاب بتاع الرجال
عشان نمنع الخلوة الغير شرعية ..
(( بالمناسبة واحـــد تلميذ - ح ... في الخلـــوه ..
الشيخ مُتلحـو ليك كل يوم 20 جلده وبيقول ليه قول ( باء )
والولد حارن وما عايز يقول ( باء ) التلاميذ قالوا للوالد
يا خي ما تقول ليه ( باء ) وتريح نفسك وتريحنا ..
قال ليهم : أنا ممكن أقول حاء لكن بكره ح يقول لي قول تاء ))
والساعة عشرة وعشرة ( تن - تن )
مودتنا وتقديرنا ..
=
| |
|
|
|
|
|
|
|
|
|
عشرة على عشرة (Re: صلاح شكوكو)
|
يميل معظم الناس للاعتقاد بأن السبب هو إظهار العلامة التجارية للساعة، وهو سبب منطقي.
ولكن أعتقد أنه إذا ما كان هناك سبب "رمزي" فقد يتمثل في أن الساعة كآلة هي رمز للدقة (Precision) في الزمن والدقة في الصناعة حيث يفخر مصنعوا الساعات، وخاصة السويسرية، بمهارة الصانع ودأبه وصبره وهو يجمع الأجزاء الصغيرة والتي لا يرى بعضها بالعين المجردة ليمنحنا منتجاًغاية في الإبهار.
وفي كل ثقافات العالم، ظل الرقم 10 يرمز للكمال (Perfection). وفي اللغة العربية فإن عشرة من عشرة أو عشرة على عشرة (عند المصريين) تعني الكمال. وحتى في المدارس، فإن معظم الدرجات تمنح على أساس أن 10 هي المجموع الكامل. لعلهم أرادوا بذلك أن يرموا إلى أن الساعة المعروضة أمامكم هي عشرة على عشرة، مستخدمين في ذلك نوع من الجناس اللفظي (Pun)
| |
|
|
|
|
|
|
|
|
|
Re: عشرة على عشرة (Re: hassan bashir)
|
| Quote: وفي كل ثقافات العالم، ظل الرقم 10 يرمز للكمال (Perfection). وفي اللغة العربية فإن عشرة من عشرة أو عشرة على عشرة (عند المصريين) تعني الكمال. وحتى في المدارس، فإن معظم الدرجات تمنح على أساس أن 10 هي المجموع الكامل. لعلهم أرادوا بذلك أن يرموا إلى أن الساعة المعروضة أمامكم هي عشرة على عشرة، مستخدمين في ذلك نوع من الجناس اللفظي (Pun) |
الدقيق والرقيق / hassan bashir
لك التحية والود
وأنا أقرأ كلمات .. كنت وكأنني أسمع دقات
وإيقاعات .. تؤكد أنك كنت تدق على لوحة المفاتيح
بذات الدقة التي عرضت بها الموضوع ..
ولعلني قد إستمتعت غاية الإستمتاع بتحليلك الجميل
ومداليل الكلام يتحسسها المرء من العرض وحسن الوصف
أشكر لك هذا التميز .. ولك مودتي وتقديري
وعشرة على عشرة
=
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: صلاح شكوكو)
|
Quote: صلاح بوست جميل
وربما اختاروا( كلمة السر) لتفجير (هيروشيما)
بأن تكون (Ten.....Ten) |
أختنا الكريمة / Tragie Mustafa
لك التحية والود
أروع مافي الأمر أن البوست قد جلب لنا
الرائعين ..
شكرا تراجي على المرور الزاهي
وشكرا على التوقيع الجميل ..
وشكرا على كلمات الإطراء وجزالة المعاني
وهذه روعة لا تأتي إلا من الرائعين
وشكرا على تعضيدك لرأي هيروشيما .
مودة وتقدير
=
| |
|
|
|
|
|
|
|
|
|
Re: لماذا تشير كل الساعات في صور إعلاناتها الى العاشرة وعشر دقائق ؟؟ (Re: على بازرعه)
|
Quote: ياخى ما معقول دى ما كانت اجابه صحيحه ومرور على البوست
يا سيد اخجلتم تواضعنا بردك الجميل واحتوائك الراقى لكل من يمر بك
وبمناسبة الساعه 10
عشرات حبابك يسلم شبابك |
على بازرعه الرائع
لك التحية وشكرا على شعورك الطيب
وكل الذين يمرون بدروبنا نحتفي بهم وبمحفل فرحهم
وأنت أحد الرائعين الذين مروا في المكان وتركوا
على مدارجنا حروفا وضاءة .. فكان حري بهذه الوضاءة
أن تضيء جنباتنا ..
لك مودتي وتقديري
سلم
| |
|
|
|
|
|
|
|
|
|
| |
صلاح شكوكو
معتز تروتسكى
motaz
adil rahman
othman mohmmadien
صديق حمدتو
Asma Abdel Halim
JAD
Ibrahim Algrefwi
عوض الله الفولانى
كمال حسن
Tumadir
Muhib
Haytham Abdulaziz
hassan bashir
Tragie Mustafa
فيس بوك
تويتر
انستقرام
يوتيوب
بنتيريست