|
السودان يمثل افريقيا فى كأس العالم 2010
|
عنوان جميل مطبوع على صدر كل الصحف الرياضية العالمية
مباريات جميلة وقمة فى الاداء الكروى من كل الفرق المشاركة وخاصة الافريقية تعيسة الحظ والتى ساندناها وبشدة وفى لحظة اسى تذكرنا السودان وغيبة عن هذا العرس الكروى الجميل. هل لنا ان نرى الكرة السودانية يوما ما مشاركة فى هذة التظاهرة العالمية وهل لى ان احلم برؤيتها فى جنوب افريقيا فى 2010
كل الامانى
هشام امين
|
|
|
|
|
|
|
|
Re: السودان يمثل افريقيا فى كأس العالم 2010 (Re: Hisham Amin)
|
سلام يا هشام
ما داير أحبطك و أقول ليك حلم الجعان عيش..
ممكن السودان يشارك في كأس العالم في حالتين فقط 1- إذا دول أفريقيا كلها باعت القضية للسودان. 2- إذا السودان إحتل أفريقيا كلها و بدلت من كلمة أفريقيا للسودان.
Quote: هل لنا ان نرى الكرة السودانية يوما ما مشاركة فى هذة التظاهرة العالمية وهل لى ان احلم برؤيتها فى جنوب افريقيا فى 2010
|
يعني خلي روحك رياضية و بطل النوم عشان ما تحلم ..
بس ألقي نظرة واحدة للوسط الرياضي في السودان و حا تعرف الحاصل براك
تحياتي لك
| |
|
|
|
|
|
|
Re: السودان يمثل افريقيا فى كأس العالم 2010 (Re: Hisham Amin)
|
بالحاصل ده ، عشم إبليس فى الجنة ، يا خى خلينا على الاقل ننافس فى مستوى افريقيا يعنى نحن يا خوى حتى العرس الكروى الافريقى الاخير كنا متفرجين بس تقول لى كاس العالم ؟ انا غايتو بطالب تجميد المنافسات الدولية للفرق السودانية إلى حين بناء فريق وإدارة تستطيع أن تنافس ، لانو والله كورتنا تقول دافورى بس، يعنى ما تديك إحساس إنو فى خطة من مدرب ولا بطيخ.
| |
|
|
|
|
|
|
Re: السودان يمثل افريقيا فى كأس العالم 2010 (Re: Hisham Amin)
|
طبعاً ما ممكن يا باشا
إنت عارف الوسط الرياضي في السودان شكلو كيف .. يعني وسط متسخ إلا فيما ندر والقليلين فقط الذي يحترمون وسطهم الرياضي و لياقتهم.. هل تفتكر إنو خلاف المستوى المتدني دة ممكن يطلعوا الكفر؟؟ يعني الواحد يجي التمرين مسطول ولا سكران أو يقع بشد عضلي .. بس إنت فسرها لي
شكراً
| |
|
|
|
|
|
|
|