|
|
 قراءة ـ في ديوان الشاعر الكبير الرومانسي التجديدي - مدني النخلي
|
كل النجوم
فرحانه بيك كل النجوم لا نام بريقا ولا انطفى
ما الريده يا ام قلبــاً ندى ذاد القلوب المرهفه
وانشاء الله طول ما حبي ليك لا يطل حزن لا يكون جفا
شفتيني كيف...؟
شفتيني كيف انا ببقى بيك سيد الفرح والريد براى
تشرق شموس زمن الهنا ويرحل جفاف عمرى وصباى
وانشاء الله طول ما عمري ليك ما تنجرح عزة هواى
بحلم معاك...
بحلم معاك انو الحزن غيمه وخلاص رحلت بعيد
وانو اللي باقي من الزمن ومن عمرى كلو بعيشو عيد
انشاء الله طول ما حبي ليك ما نعيش زمن قاسى وعنيد
جيتي ومعاك..
جيتي ومعاك جاني الصباح عْم الشروق حزن الحروف
يا طيبه زي دفقة طمي بالخير غشت جدب الجروف
انشاء الله طول ما عمري ليك ما نلاقي يوم قسوة ظروف
|
|
 
|
|
|
|
|
|
|
 Re: قراءة ـ في ديوان الشاعر الكبير الرومانسي التجديدي - مدني النخلي (Re: Kamel mohamad)
|
من جديد
من جديد جيت تانى تكسر صمتي بالنظره الخجوله
يا أمل عمري القبيل ويا سنين عامرات فصولا
وما قدرت أنساك من وزمان بس ضاعت احلام الطفوله
***
الحنين الجيتنى بيهو جاني في لحظات ندم
في زمان ضيع صبانا وكل اشتات العشم
ومن جديد جيت تاني كيف تبني فيني الانهدم
وما قدرت انساك من زمان بس ضاعت أحلام الطفوله
***
ما بفيد أنا لو الملم من عيونك ذكريات
ولو اصحى الماضي فيهن وانسي حزن الامسيات
برضو زمن البهجة عدى وعمري فات فيهو الفوات
وماقدرت انساك من زمان بس ضاعت احلام الطفوله
| |
|
|
|
|
|
|
|
|
 Re: قراءة ـ في ديوان الشاعر الكبير الرومانسي التجديدي - مدني النخلي (Re: Kamel mohamad)
|
لحظات نديه ;
في خاطري لحظاتنا النديه وانتي ساعة المغربيه
قعدتك جنبي وعيونك سارحه في الدنيا البهيه
وخوفنا من سفراً بودي للمسافت القصيه
قصة الزول المسافر وقلبو عشره علي الوصيه
كنت جْد ناوي الرحيل إلا شايل زكرى منك
خفت في الغربه البعيده المسافات يبعدنك
العيون الشايله سيرتك بكره يبكن ويفقدنك
والاماسي الحالمه تحزن والمشاوير يتعبنك
شفتي كيف....؟
شفتي كيف لما الشمس مدت نوافير الشعاع
والضفاف بعدت كتير والريح ملت جوف الشراع
كيف هناك بدت الضفاف تتلاشى في زمن الضياع
وانتي ساعة المغربيه خايفه من كلمة وداع
| |
|
|
|
|
|
|
|
|
|
Re: قراءة ـ في ديوان الشاعر الكبير الرومانسي التجديدي - مدني النخلي (Re: Kamel mohamad)
|
-
إهــــداء
يا معلماني أغني ليك . . وأحس بيك. . .
ضايع وجيهك في الزحام
وممدة في البلد الهجير
ضفة وغمام . . .
نفس الشبه نفس الكلام
ورعشة اناملك في السلام
* * *
أهديك جميع الأمنيات
وربيع صباي العدى فات
أرجاك حزين يمم وجيهو الاغنيات
قاصد مداك ممتشق ريح الجهات
منتصب قامة نخيل
ومقتفي السكك الثبات
شــــروق
فرح لميت حروف مغناي
نضمتها شوق وحنيه
فتحت على الأمل شرفه
تغرد فيها قمريه
عشان زولتي الوجيها شروق
.يزور الكون صباحيه . . .
ترافقني ومعاي تمشي تشق صمت الزحام فيني
معاها أغني للاطفال وللزمــــن البصافيني
أمد الشوق جزر أحلام على الفرح البلاقيني
وحبيبتي انا الفرايحيه . . .
حبيبتي أنا الربيعيه . . . أمل حرفي البغنيلا ..
ويطير بالشوق يعديلا . . .
تمس الريشه بالالوان
أحس اللوحه تتكلم
تداعب حسي بالالحان
اطوف في روعتا وأحلم
حبيبتي أنا الربيعيه . . .
بشاير غيم خريفيه
مداين ضي . . تعاين لي
تواعد جد بي فيضا . . .
حبيبتي أنا الفرايحيه
تزور الكون صباحيه . . .
بوح
قولي قولي وكلميني جيبي لي فرحاً نساني
قبلك الايام ظلومه ليلا حالك وكم طواني
يا الرميتي طلال جميله في هجير عمري البحرق
ويا البقيتي امل تواصل في الزمان الكان بفرق
قولي قولي وكلميني...
مدي ايدك يا غمامه رشي في دربي السلامه
وكوني يا امل القصايد للفرح سكه وعلامه
شوفي وين انا شلتو ريدك وطفت بيهو الكون أهلل
وشوفي كيف أنا برضو بحزن لما ليل الشوق يفلل
وابقي اكتب في القصايد وفي الخيال أرحل وأأمل
قولي قولي وكلميني..
يا فرح في السكه عايد يا نزيف قلب القصايد
يا سنا اللحظات وعيدا يا أمل عمري المواعد
قولي قولي وكلميني جيبي لي فرحاً نساني
أمل البنفسج
واقفه بين الليل وصمتو
نازفه من جرح القصيده
شمعه في قلب العتامي
تبكي في الشرفات وحيده
إنتي يا أمل البنفسج
يا صدى الغنوه البعيده
زافه للناس البشاره
وللطفوله الضايعه عيدا
وواقفه بين الليل وصمتو
***
جايه يارش السحايب
في عوينات الازاهر
وساطعة يا شمس البداري
الناشره ضيك في المشاعر
داخله اكواخ المساكين
المشتته في البنادر
زافه للناس البشاره
وصارخه في كل المنابر
واقفه بين الليل وصمتو
نازله عز الزمهرير في زحامات الشوارع
تشبهي القطن المندي ودابو فرهد في المزارع
عازفه الحان الجداول
رافعه هامات المعاول
زافه للناس البشاره وصامده في وش المدافع
وواقفه بين الليل وصمتو ...
كلمتنا الوردة
يا موزعه في الفصول والبطاقات والهويه
شن بلم فرح البنفسج بالرياح الموسميه
شدي حيلنا على المسافه وهدي جدران الاسيه
وعلمي الاطفال كلامك والحروف الابجديه
كلما تمر فوقنا غيمه تغني للمطر الخرافي
وكلما يغازلنا خاطر نهدي ليك فرح القوافي
يا موزعه في الفصول والمسارات والمرافي
ردي للشتلات نضارا ورجعي الفرح المجافي
مره أهديتينا ضيك والبشارات والاماني
احنا فتشناك حقيقه في الصباحات والاغاني
ياموزعه في العوالم والمداين والمواني
العمر لوعدي راحل بالامل ناديهو تاني
كلمتنا الوردة قالت
النسايم ما بخيله
والبحبك يا أصيله ..
يعشق الخطر المسور
غيمتك الحبلي وظليله
يا موزعه في المنا في
والمسافات الطويله
مدى بيناتنا الوصال
ورددي
الغنوة
الجميله ...
أملنا الباقي
أملنا الباقي يسرح بي وتبقي الدنيا في عيني
هجعة خطوه فى سكة فرح مفقود
ورحلة موجه في بحر الاسي الممدود
ورجعة غنوة في زمن الضنا المهدود
وأفتش ليك ...
أفتش ليك حناني معاي خطاوي تصارع المكتوب
عشانك لا مسافه تطول ولا بتصعب معاكي دروب
ولسه معـــاك علي الوعد الحزين مــصلوب
وراجع ليك ...
أجيك فارساً يشـــق صمت المتاهه الطال
مواعدك بي حكاوي الشوق وبي شمساً وراها منال
وبي فرحاً يغرد في سماك الحان ويجيب البهجة للاطفال...
صورتك الحلم الحقيقه...
السفر باب العبور للحنين لهب الدواخل
عايني في عمق الحقايق ووهدة الليل والمجاهل
تلقي إنسان في إنتظارك ضيعت حلمو الشواغل
لاسفاينو عليك تعدى ولاوصل بيها السواحل
***
البحر وطن النوارس والضفاف ساحات نديه
الوطن في عيون جميله وفي القلوب نبض الوصيه
ورغم إنك رد ندايا ولمسة الحب الوفيه
برضي فاقدك لما أبكي وتمطر الدمعان رويه
شلت ريشتي بديت الون
صورتك الحلم الحقيقه
مدت الغيمه الظلال
وضحكت النسمه الرقيقه
الجدوال سمفونيه
دافقه أشجان الموسيقي
والشجر مرسي ومطارح
للعصافير الصديقه
وصورتك الحلم الحقيقه ...
صورتك
الحلم
الحقيقه...
نهار العز
شفتك وين . . أنا شفتك وين؟
يمكن طاله من الاسوار
يمكن ضاحكه مع الاشراق
يمكن صادحه مع الأطيار
ولا تصارعي مع الضايعين
اسوأ ظروف وزمن غدار
جايز شفتك قبل اشوفك خوف الناس من ناس مسعوره
تنهش جسد الكفره النبتت بي دمي ودمك ممهوره
وجايز كنتي الامل الجوه معشعش ونابت في المطموره
شفتك وين انا شفتك وين؟
إنتي اكيد الغضب الكامن في اعماقنا محكر وساكن
ويمكن انتي الامل الباقي ممد فينا عمار ومداين
ولا البحر الموجو معدي وعدت عن مرساهو سفاين
انتي المعني الفي المحاره لما يبين بتبين أسرارو
انتي سراب العشم الباقي ومتوجس من ليل أقدارو
انتي ربيع الزمن القادم واحنا نجوم فوحو وأزهارو
إنتي
العز
بتطلي
نهارو..
\
| |
|
|
|
|
|
|
| |
Kamel mohamad
فيس بوك
تويتر
انستقرام
يوتيوب
بنتيريست