الاخ بشاشا ..الذين يرون انهم عرب لهم الحق في أن يعيشوا كذلك..أيهما تختار..؟؟

Quote: غايتو يا بشاشا كان الله في عونك لو الحجر بيفهم كان فيهم وناس البورد ديل عاملين مافاهمين.

Quote: واشهد لله انه عندك طولة بال تحسد عليها ربنا يصبرك كمان وكمان.

أحمد الله كثيراً بأنك ما زلت تشهدين الله ولسه ما آمنتي بما آمن به بشاشا ولا داسة ما عارف؟؟؟؟

Quote: حاتم انت حسه بتفهم عربي بجدك؟؟؟؟؟ متين باشاشا قال انه بيكره العرب؟؟؟؟؟

هو لازم يقولها عديل "ب ك ر ه ا ل ع ر ب"

Quote: البعرفو اني ماعربي لا لسان لا دين لا سحنة لا ثقافة، اواسلوب حياة بصفة عامة.

ما قالها ليك هناك عديل ومش العرب بس العرب والعربي ديل نتيجة يا فاهمة، لعلاقتهم بكرهه الأساسي وهو الدين الإسلامي يا أستاذة يا متعلمة ومتغربة، ويا ربي متغربة دي مشتقة من غبرون؟؟؟ (عجوز في الغابرين).
ما زالت عندك نفس النعره المخالف لك "كوز" "ما بفهم" "ما بيعرف" "......" ألخ عبارات التعالي والتقليل من شأن الآخر ،،، وبعد ده ترفعي لي شعارات وهتافات جوفاء حتى أنت لا تؤمنين بها؟؟؟؟

Quote: وبعدين الاسطوانة المشروخه بتاعت كل زول عايز يتكلم يبقى معقد دي مشكله. على فكرة قائمتنا قاعده تكبر,ولسه ياما في الجراب يا حاوي....

الله يزيد ويبارك في غثاء السيل..؟

Quote: عارف كم زول مؤمن بدعوة السودان الجديد؟؟؟؟؟

كــــــــــــــــــــــــــــــــــم؟؟؟

Quote: بالله جرب تعمل احصائيه,وتعال شوف النتائج!!!

أظنك تكوني جربتي وأحصيتي يا خالة فلا تبخلي علينا بمعلوماتك القيمة!!!!

Quote: ربنا يهدي. تراجي.

الله يهدي الجميع.
أجمل عبارة قرأتها لك منذ عرفت كتاباتك هنا الدعاء بالهداية فبالله لا تحرمينا من هذه الدعوة فكلنا بنا شيء من الضلال ونحتاج لمثل هذه الدعوة عسا يتقبل الله منك ويهدينا إلى سراطه المستقيم.

Quote: اميرتنا المروية تراجي،

حلوه دي يا مرسي، خلاص بلا خالة بلا دياولوا بعد ده أميرتنا الأمورة ، وكمان مروية بس كانت عاوزة تشكيل فياربي بشبش قاصد مروية من مروي ولا من ري..

الشايقي

Quote: ياحاتم، مافاهم كيف اكون ضايع بين الاتنين، وانا رافض اقلع قلع ذيكم هوية الغير؟ انا زنجي، ولم ادع غير ذلك في حياتي، فالبضيعني شنو، والبخليني اشتم روحي شنو؟ لاياصاحبي انا بحب زنوجتي موت، واقبل حتي ذرات الرمال البتطا اقدام اهلي الزنوج، تقول لي اشتمم؟ استغفر ياهذا! اما سؤال من هم العرب، وهل العروبة لون، فماعندي بيهو الشغلة، او شهرا مالي فيهو ولابعد ايامو! البعرفو اني ماعربي لا لسان لا دين لا سحنة لا ثقافة، اواسلوب حياة بصفة عامة. انا الزنجي من انجب اول عربي، وسائر الاجناس البشرية، ولم تلدني ام عربية ولن تستطيع حتي لورغبت، الا استثناءا، لانو ناتج اي اختلاط بين الاسود او اي لون اخر، كقـــــــــــاعدة، دايما اسود! فلو في زول ممزوج بي دم اخر فهو اسماعيل، وليس شقيقتي هاجر. نعم العرب هم الفيهم دماء زنجية اوهم عارفين كده، ولهذا هم اكثر شعوب الارض كراهية لامثالي، لانو امثالي في عالم اليوم محتقرن كدون! اودي سنة الحياة، يوم ليك اويوم عليك، والزمن دولاب، وان دامت لنا، لما الت لي عبيدنا يوم من الايام! نعم، الانسان الابيض كان يوم من الايام عبدا للانسان الاسود! بل بياض البشرة في تاريخنا القديم كان سبة كما لونا الاسود الان! من هنا جات العبارة المنسوبة للامام المهدي، عن الحمرة الاباها المهدي! ذي ما الاسود ممكن يسحل جرا بالارض حتي الموت بواسطة عربة Pickup، لانو فقط اسود البشرة كماحدث في تكساس، فالانسان الابيض كان بيقتل اين ماوجد، في مصرنا القديمة، لاعتقاد اجدادنا انو يدل علي المرض ويبعث علي التشاؤم، كما حال اللون الاسود في الغراب اليوم! لمان نتكلم باللغة دي ماغرضنا احتقار اوكراهية لاي مجموعة بشرية، اللي هم في الاخر عيالنا، ولكن غرضنا السرد لانو الكلام ده مافي في مقرراتنا والموجود بحاول يفهمنا انو الزنجي من قامت الدنيا كان عبد، وسيظل كذلك الي ان تقوم الساعة! كل البنطالب بيهو، انو مواهيم العروبة امثالكم يرجعو السودان لي اصلو او لي اهلو، كمهد للانسان الاسود اين ماكان، اوبعد داك سوو الدايرنو! اما قبل كده فلا والف لا!