أسمحوا لي أن أتقدم بوافر الشكر و التقدير للأخ الرائع بكري أبوبكر على إتاحته لنا الفرصة لكي نشارك في الموقع الرائع دة (معليش عندي مشكلة في حرف الديل من غير نقطة ما شغال) مرة أخرى الشكر كل الشكر أخ بكور على هده السانحة و انشاءالله سوف أكون عند حسن ظنكم بي. كم أنتهز الفرصه دي و ابعث تحياتي لكل الطلاب الدارسين بالهندمن دفعة 1990 في مدينة بونا و على سبيل المثال لا للحصر في السودان اللورد و حسن عبدالحي و العريس محمد قردو و محمد ابوكرنك و جحاو و ياسر فرح و حافظ موسى و في الدوحة فيصل و عبدالله لونا واليأس و صلاح فالولة و هاشم خليفة و خالد الجاك و في الإمارات عبدالحفيظ و احمد قسم و عصام شحاتة و المُر و مامون أبو و شوتة أخوان (عادل و عائد) و لطفي جعفر وخالد تمسا وفي مسقط أبوبكر الصديق لندن عبدالرحيم ابايزيد و خليل الطيب و مساعد وعصام حامد و فايز احمد آدم و عمر سيد احمد و عبد الرحمن العريس و في كندا احمد العريس و في الرياض محمد غضب وفي امريكا هيثم ساحوتة و حسام شبيكة و طارق سياحة و احمد تنشنة و صلاح عبدالرحيم و متولي الشريف و في سويسرا كابتن حافظ ابراهيم و على كل من لا تسعفني الداكرة لدكرهم وانشاءالله سوف نكون على إتصال في المنبر الممتع دة.
أخوكم/ هيثم عبدالعزيز (القوز) سابقًا الهند - بونا- كلية واديا1990 حالياًالشارقه - الإمارات
.. . معليش يا هيثم اساسي اخوnىدا متعود يشوت ضفاري ويقول كلام ناس مهلوسين .. ومن سيد الحوش اداهو شريط قصدى انذار بقى مكجنو .. رغم انو صالحو بمكتبة مجانية ولا ما كدا يا اللخو ..
بس بعد الترحيب عندى سؤال انت قلت :
Quote: أطال الله عمرك يا بكري ابوبكر
طيب لزوم الرمز الشيطانى الغاضب دا شنو!! مش احسن تعمل رسالة ولا اعلان ولا عاجل الفهم شنو!! الاخو جديد ولا حاجة
الشكر كل الشكر عاى الترحاب الحار و دة من أصل السودانيين.. بس صاحبك أماسينا دة قول ليهو الكورة واطة و ما ترفعافوق عشان ما يكسروك.
أما بالنسبة للرمز الشيطاني دة انا زاتوا ما عارفو جا من وين ،، دة بكون نبت شيطاني من حبيبنا أماسينا لأنو رفع لي كثافتي من أول بوست غايتو ربنا يديهوا العافية.
مع كل الشكر و التقدير،،،
أخوك/ هيثم القوز
05-28-2006, 03:32 PM
Munir
Munir
تاريخ التسجيل: 02-11-2002
مجموع المشاركات: 10496
أول حاجة اسمها بنقلور ما بينقلور !! وانا ما بحب زول ينطق اسم المدينة الربتني غلط !!
أنا يا هيثم درست في بنقلور في الفترة من عام 1996 ولي حدي عام 2002 .. كنت رئيس للاتحاد الفرعي في العام 2000
حضرت فيها احتفال عيد الاستقلال المركزي .. ومعظم الذكرتهم ديل بعرفم وكتيرين منهم ما بعرفم بالشخصيات لكن بعرفم بي الاسم .. أسأل مني كمال عباس ومحمد عبد الله ونزار حسين وخالد اصيل ومتولي الشريف من المنبر ..
ومن براهو ...
أسأل نجيب محفوظ وطارق التيبر و(كوكرش) والحاج عبد الله
ولو ديل ما وروك ...
أسأل مني (ود ابليس) في (باشانت رود) واسأل من جهاد مختار في أورنقباد الـ (2 باد) !!
مرحب بيك كتير في المنبر ..
صنفرة :
خليك من أساسي ونوبي .. ديل ناس (البعجز بقع بيناتنا بنسندو) .. وشافوك عجزت ووقعت .. ودايرين يسندوك ..
أبو النيز..
05-28-2006, 04:54 PM
Haytham Abdulaziz
Haytham Abdulaziz
تاريخ التسجيل: 05-28-2006
مجموع المشاركات: 2899
انت خارج الشبكة و لا شنو انت عامل لي كوت لكلمة بنقلور المكتوبة غلط دة صاحبك أساسي دة بكون اساسي في الغلط. انا لما زرت بنقلور انت كنت لسة ما جيت الهند لأنه انا من طلاب بونادفعة 1990 - 1995 و كنت قاعد مع ياسر عبدالغفار و بعرف دكتور عمر و محمد شنكبة و هشام و الحارث و عبدالباسط ... اها اقتنعته يا ابو النيز،،
وشكــــراً،،،
هيثم القوز،،،
05-28-2006, 05:11 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: انت خارج الشبكة و لا شنو انت عامل لي كوت لكلمة بنقلور المكتوبة غلط دة صاحبك أساسي دة بكون اساسي في الغلط. انا لما زرت بنقلور انت كنت لسة ما جيت الهند لأنه انا من طلاب بونادفعة 1990 - 1995 و كنت قاعد مع ياسر عبدالغفار و بعرف دكتور عمر و محمد شنكبة و هشام و الحارث و عبدالباسط ... اها اقتنعته يا ابو النيز،،
يا راجل راجع كلامي كويس ..
أنا بخاطب أساسي الأحتياطي في اول البوست وبعد داك خاطبتك انت !!
أنت جاي من فوق الجبل ولا شنو
ياسر عبد الغفار بتاع الجيتار صحبي جدا وانا حضرت عرسو في الخرطوم قبل كم سنة ، دكتور محمد (شن قبة) الهسي في السعودية انا غنيت في حفل وداعو ، هشام ما عرفتو منو لكن ما أظنك قاصد هشام (الربع) بتاع بومباي.. الحارث اخو حمد النيل حيدر وبرضو انا غنيت في عرسم الاتنين في أمبدة .. وعبد الباسط عمر حامد الهسي في الامارات صحبي للطيش
صنفرة :
كفاك ولا نزيدك يا هيثم !!
05-29-2006, 05:47 AM
Haytham Abdulaziz
Haytham Abdulaziz
تاريخ التسجيل: 05-28-2006
مجموع المشاركات: 2899
يا حبيبنا انت لو فنان ليه ما جيت غنيت في عرسي و بعدين ما اظن غنيت في بونا الحنونة قبل كدة ، على العموم رسل لي اغنية ياحبيبي نحنا اتلاقينا مرة بصوتك في اتاشمينت ريالبلاير و بعداك احكم على صوتك ياولدنا،،،
Cheeers lol
Haytham Abdulaziz
05-31-2006, 06:29 AM
فيصل نوبي
فيصل نوبي
تاريخ التسجيل: 09-16-2005
مجموع المشاركات: 14194
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة