|
|
|
 Re: موقف عجيب غريب داخل صالة المغادرة بمطار الخرطوم الدولي (Re: غادة عبدالعزيز خالد)
|
تحياتي
الاخت غادة
فعلا موقف كل ما اتذكره وكل ما تاتي ذكريات السودان ونقعد نحكي انا واسرتي ووالدتي عن ذلك الموقف نحتار ويحتار دليلنا معانا من صاحبنا جنابو ذلك ..ياربي يكون عاوز يودعنا بطريقتو الخاصة ..كان يوما لن انساه ابدا هل تصدقي طوال مسار رحلة الطائرة وانا اتذكر هذا الموقف ..بس خسارة تمنيت لو انو ناس المطار ودع,نا وداع يليق باحد افراد شعب السودان قادم بعد غياب 15 سنة لكن ياخسارة ماكان العشم ياناس السودان
تحياتي
هشام حامد العبيد
| |
 
|
|
|
|
|
|
|
|
Re: موقف عجيب غريب داخل صالة المغادرة بمطار الخرطوم الدولي (Re: هشام حامد العبيد)
|
تعرف يا هشام فى ناس حصلت ليهم حاجات أسوأ من كده لكن اكلوها ومشوا وبرضو فى غصة فى حلقهم
تعرف مرة جيت راجع بعد عشرة سنوات وفى الصالة منتظر العفش جا واحد سلم على بالاحضان وبحرارة شديدة
قلت ده يمكن اخوى وناسيهو ، وطوالى ويين شنطك يا خوى وأنا زاتى قلت يمكن الزول ده كان صديق
عزيز ونسيتو فى غبار الغربة ، بس مرقنا شوية لى بره قال داير حقو بالدولار تحت سمع وعين البوليس المكلوج
الواقف جنبنا ، وإكتشفت إنو البوليس زاتو متفق معاهو
فيا أخى حسع فى بوستك ده حتكون فى مداخلات لا عين رات ولا أذن سمعت وأرقد عافية زى ما بيقول حبيبنا ابو جهينة.
| |
|
|
|
|
|
|
|
|
|
Re: موقف عجيب غريب داخل صالة المغادرة بمطار الخرطوم الدولي (Re: ترهاقا)
|
تنمـو مـراكـز القـوي في تربة الأنظـمة الشـمولية المتعفنـة..وفي نفس الوقت تكـون هـذه المـراكـز أيضـا التربة التي تقـوي مـن وجـود هـذه الأنظـمـة...
مطـار الخـرطـوم وماتحكـوه هنـا مـن مـواقف مـرت بكـم مثال واحـد...قطـعا هنـاك أمثلة كـثيرة أخـري في مناطـق الخـدمة المـدنية الأخـري...
مـني
| |
|
|
|
|
|
|
|
|
|
Re: موقف عجيب غريب داخل صالة المغادرة بمطار الخرطوم الدولي (Re: Walid Safwat)
|
تحياتي Walid Safwat
شكرا على المرور والله زي ماقلت الجن اليركبو بس بيني وبينك الظاهر جنابو كان زعلان وعاوز يفش غلو فيني..بس الحمد لله انو ما كان معاو مسدس صدقني لو شفتوه بتلك الزعلة من تلك الكلمة كان ضربني برصاصة رغم انى والله العظيم كنت فاكر انو بكلمة اتفضل يا استاذ دي ح ارفع من روحو المعنوية لكن واااسافاه
| |
|
|
|
|
|
|
|
|
|
Re: موقف عجيب غريب داخل صالة المغادرة بمطار الخرطوم الدولي (Re: هشام حامد العبيد)
|
القصة خربانة من كبارها ..
وكبارها أعني بهم السادة مسئولي جهاز المغتربين ( السودانيين العاملين بالخارج ) ففي أول اجازة لي للسودان بعد غياب دام خمس سنوات ، وعند نهاية الاجازة ذهبت ومعي شقيقي لانهاء اجراءات السفر ، ودفع الضرائب ، وكان المبلغ المطلوب كبير ، فذهبت الى الموظف المسؤول وهو نائب رئيس جهاز السودانيين العاملين بالخارج وقفت خارج المكتب ووجدت احد الاخوة قادم من الامارات وتجاذبنا اطراف الحديث ، وقال لي أنه جاء لاخذ توقيع وتوصية ( زولهم ) لتأجيل أو اعفاء من دفع مبلغ تسعمائة دولار، وفعلاً غاب صديقنا قليلا داخل المكتب وعاد يحمل التأجيل ، وعندما دخلت على هذا المسؤول وطلبت تأجيل دفع جزء من المبلغ ، أرغى وأزبد وتحدث عن أموال الشعب والحكومة وأن الوطنية عندنا انتهت ، و و و و و، فرديت عليه بمثل أسلوبه وأبنت له أن كرسيك هذا أنا من اشتراه لك وراتبك ده أنا البدفعوا ليك وجضومك الكبار ديل من دولاراتي البتنهبوها مني ومن المساكين الزيي ، والوطنية البتتكلم عنها دي كانت وين لمن مررت التسعمية دولار الهسي دي ؟؟ وأنا ما طلبت منك إعفاء ، طلبت تأجيل فقط مع التزامي الكامل بدفع المبلغ كاملاً .. ولم يرد صاحبنا ويبدو أن النجوم التي كانت على كتف شقيقي أخافته ، وقال موجهاً حديثه لأخي ، والله يا جنابو لو ما انت أنا كان ممكن اتخذ اجراء تاني مع اخوك ده ، فقال له أخي لو كنا عايزين نتبع غير الطريق الرسمي كنا خلصنا زمان ، لكن نحن اتبعنا الاجراءات وبدون واسطات ، ولو عندك أي إجراء ضد اخوي اتخذو ضدو هسى .... فصمت صاحبنا وكأن على رأسه الطير . طلبت من شقيقي أن يذهب الى عمله وسانجز معاملتي وحدي .. ويشهد الله أن شخص قابلني في حوش المغتربين بعد خروجي من مكتب المسؤول الكبير ، وقال لي بالحرف يا أبو الشباب عندك تأشيرة عايز تعملها ، قلت له أيوه ، قال لي جيب خمسين ألف وأجيب ليك جوازك مؤشر ، قلت له انا لم ادفع الضرائب ، قال لي ما مشكلة بعمل ليك تأجيل وأسلمك جوازك جاهز ،، اعتذرت عن قبول عرضه ،،، ودفعت ضرائبي كاملة ،، وقطعت اجازتي عائداً الى البلد الذي احترمني اكثر من بلدي ..
هؤلاء نماذج لمسؤولي بلادي .. القصة خربانة من كبارها .. وبايظة بايظة ..
| |
|
|
|
|
|
|
|
|
|
Re: موقف عجيب غريب داخل صالة المغادرة بمطار الخرطوم الدولي (Re: Salah Abdulla)
|
مطار الخرطوم يا مطار الخرطوم
يازول بركة الما اداك كف..
ولا ودوك اوضهم ديك شلتوك..
قبل عام ارسلت صديقتي ولدها البالغ من العمر 16 سنة لا غير وحده..
ملا فورم الدخول باللغة الانجليزية التى لا يعرف غيرها
وقف في الصف جا دورو
سالو البوليس انت سوداني قاليه ايوة
قاليه مالي الفورم دا ليه بالانجليزي
قاليه لاني ما بعرف اكتب عربي.
قاليه تمشى تقعد هناك لما تتعلم عربي تجيني.
جلس الوليد ساعات وساعات
واهلو برة متحيرين. ضربو لاهلو هنا
قالو ليهم الولد دا قام وفي الطيارة
اها
في قعدتو المسكينة دي جا زول سالو قاليه انت يا ولد
مالك قاعد هنا
قاليه القصة الزول مشى جاب فورم ملاه بالعربي.
وطلع الولد المسكين يلقى اهلو عايزين يموتو بالقلق..
..
اللداحة وقلة الادب هي ديدن كل العاملين في استقبالات
اي مكان في السودان
عدا السفارات والمنظمات..
مع انه ديل سودانيين وديل سودانيين
بس في ديك كلو ما بقيت لديح هذا هو المطلوب
وفي دي كل ما كنت مهذب هذا هو المطلوب..
| |
|
|
|
|
|
|
|
|
|
Re: موقف عجيب غريب داخل صالة المغادرة بمطار الخرطوم الدولي (Re: هشام حامد العبيد)
|
الاخ هشام حامد العبيد
تحياتي واحترامي
وحقيقة هذه ظاهرة في كل السودان وليس مطار الخرطوم فقط .. اقرب مثال لو مشيت لاي مستشفى لزيارة مريض .. شوف الزلة البتلقاها من الخفير وبدون اي سبب ,, للاسف اي زول ماسك ليهو باب او مسؤول من اكمال اجراءات مواطنين نلقاهو شايل اخلاقو في راس نخرتو وكأنو في زول جابرو على الشغلة دي
هذه الممارسات في دمنا وفي تربيتنا ولا نقول انها وليدة حكومة الانقاذ , حتى واذا سلمنا بانها ذادت في الفترة الاخيرة
..
صدقني اسي نحن بننتقد في (جنابو ) الجاطها معاك ده , لكن اي واحد من المتداخلين لو قدرت له الظروف ان يكون شغال في حتة جنابو ده , ااكد ليك كان حا يتصرف نفس التصرف
وحا يكون شايف انو كده صح
..
وقلبي على وطني
..
مودتي
| |
|
|
|
|
|
|
|
|
|
Re: موقف عجيب غريب داخل صالة المغادرة بمطار الخرطوم الدولي (Re: يحى الشريف)
|
salam
Nothing is working properly in the Sudan, there is no reason to expect police officers to be better than the system they are in.
For more than one reason people in the Sudan are on edge, just take a taxi or be in your own car and listen to how people yell at each other while driving.
while it was totally unreasonable for the officer to get that angry, Military and police have always been sensitive about the way they are addressed.
Some professions get the words you address them with just as they get a salary at the end of the month or a uniform. You cannot go to court and address the judge as ya Ustaz or ya janabo. If you stand before your professor at the university and address him as "Janabo" he may not like it at all. This unjustified anger might have been because he thought you were making fun of him, but most importantly may be because he is underpaid and gets no respect from the government that employs him. Yet i agree that there is a danger if such unreasonable behavior become the trend.
at least he was sudanese enough to be respectful of alhajja alkabeera. .
| |
|
|
|
|
|
|
|
|
|
Re: موقف عجيب غريب داخل صالة المغادرة بمطار الخرطوم الدولي (Re: نزار اسحاق عشر)
|
الفاضل هشام السلام عليك ورحمة الله وبركاته
أخي المواقف السيئة من بني جلدتنا كثيرة ولا أدري ما الدواعي لذلك. هل لاننا موجودين خارج السودان؟ هل يعتبروا وجودنا تخاذل ؟ هل ؟ وهل ؟ لا أدري
اولا أنا متزوج من أجنبية مجرية الأصل, نزور السودان في كل سنة انا وزوجتي وأبني, بعد التعب في أستخراج الفيزا ورسومها, عند دخول اي اجنبي مطار الخرطوم لازم يدفع لكل جواز ( لكل فرد مبلغ 100$ ) وهذا المبلغ بدون فاتورة لاحظ هذا!!!!!. بعدها تسجيلهم في مكتب الاجانب تدفع مبلغ ايضاً والعجيب بعد ماتدفع رسوم التسجيل لازم تدفع مبلغ بأسم( زاد المجاهد ) لكل جواز على حدة, علما نحن في بلادهم لا ندفع بل يدفع لنا مساعدات في الكثير من الدول الأروبية عندما تتزوج وتلد اطفال ,,,, لاحظ هذا لكن في بلادنا يهدو حيلك بالدفع اّذا كنت متزوج من اجنبية.
من المواقف ايضاً في زيارة لي للسودان في سنة 2002 وصلت مطار الخرطوم في حوالي الساعة الخامسة صباحا وكانت المرة الأولى التي ازور فيها السودان مع أبني, وقد سبقتها زيارتين مع زوجتي, كان في انتظارنا جمع من الأهل. المهم يا سيدي عملت اجراءات الفيز للاولاد ووضعت الفيز اللاصقة لكل جواز على حدة, طريقة لصق الفيزا كانت بطرقة غير جيدة في جواز أبني ( أحمد ), في العودة بعد انقضاء العطلة بدأت المشكلة معي في الكونتر بتاع الخطوط المصرية مع الموظف السوداني سألني عن الجهة المقصودة فذكرت له المجر, طلب الفيزا, اعطيته الأقامة وطبعاً مكتوبة باللغة المجرية رفض وقال لازم فيزا أو تترجم لنا هذه الاقامة المهم بعد جهد وجهاد طلبت ان اقابل مدير الخطوط ساعة وانا في انتظار تلك المقابلة بعدها قابلته وشرحت له الموقف جزاه الله خير الأخ مصري تفهم على طول الموقف وقال له يا أخي (( للموظف )) الراجل متزوج من مجرية وأبنه بأسمه جوازه مجري أكيد هذه إقامته في المجر ))
مريت بخير. في مكتب الجوازات قدمت الجوازات للضابط المسؤول ( قلب الجواز ذات الشمال وذات اليمين قلب فوق تحت ) وبعدها خلع نظارته الشمسية وقال لي أنت وزوجتك ممكن تتطلعوا لكن الطفل هذا كيف دخل السودان بدون فيزا؟
وكان موعد قيام الطائرة أقترب, جن جنوني وقلت له كيف هذا الكلام, الطفل هذا دخل بتأشيرة ولصقت له الفيزا في جوازه هنا في المطار وبعدها تم تسجيله في مكتب الاجانب كيف يتم ذلك دون وجود فيزا اعطيته ايصال التسجيل في مكتب الاجانب,,, رد لي انا ما عندي دعوة بكل هذا في الجواز الامامي هذا لاتوجد فيزا أعطاني الجواز قلبته فعلا لا توجد صفحة فيها فيزا,,, ذكرت له اني متأكد من أن الضابط الذي عمل الفيز عند دخولنا وضع في كل جواز فيزا على حده اعني جواز زوجتي وجواز ابني ورأيت ذلك بأم عيني, قال لي يا أخي انا ما بهمني الضابط ولا مكتب الاجانب لا استطيع ان اترك هذا الطفل يطلع من السودان,,, في هذه اللحظة جاءت زميلة له برتبة ضابط ايضاً وبدأت تتونس معه وانا في الانتظار والصف خلفي في الانتظار,,, قلت له يا ابن العم العمل شنو الان ؟؟ قال لي ترجع قلت له انا ما راجع وما منتقل من الشباك هذا ألا تحل لي مشكلتي ما كان منه ألا نده لاثنين من بتاعين الأمن أن ابعدو هذا الشخص المهم في في المعراكة مع بتاعين الامن طاحت الجوازات وانفتح جواز ابني وظهرت الصفحة التي بها الفيزا,,, كانت ملصوقة صفحتين لان اللصق عند القدوم ونحن في انتظار الفيز جاء والضابط المسؤول بعد مدة طويلة من وصول الطائرة ويظهر عليه اثر النوم وكان يلصق ويتشهق من غلبة النوم فيظهر لصق فيزة ابني المسكين بطريقة غير جيدة, المهم اعطيته الجواز اطلعته على مكان فيزة ابني , سألني اين كانت هذه الفيزا ؟؟ فأجبت هذا عملك مفروض تلحظ الترقيم في الجواز ولا ايضاً الأرقام مكتوبة بالمجري ولا تستطيع قرأتها حدر باسم وقال بطل قلة الأدب لو تزيد كلمة اخرى بمنعك من السفر انت وأسرتك لزمت الصمت وجوه بغلي لان مسؤول الخطوط في انتظاري وموعد الطائرة تأخر 10 دقائق بسببي وعملت الفيز وخرجت من السودان في امن بس منزعج. برضو بنحب السودان وأهلنا, فقط هناك اشياء مفروض تصحح في الشرطة في الخدمة المدنية انا لا اعني الكل هناك الكثرين من الناس الطيبين اللذين يحسنون التعامل
(عدل بواسطة خالد علي محجوب المنسي on 05-26-2006, 05:27 PM)
| |
|
|
|
|
|
|
|
|
|
Re: موقف عجيب غريب داخل صالة المغادرة بمطار الخرطوم الدولي (Re: هشام حامد العبيد)
|
الأخ هشام
لك التحية
حقيقى انا محتار فيك انت وفى تصرفك ومحتار فى انحياز كل الناس هنا لصفك لانك زميل منبر ...
لعل كل الناس فى السودان تعرف ان الضابط يخاطب بما قاله لك او "سيادتك" كما يقولون هم فى القوات النظامية وذلك من حقه لانه حاز على رتبة عسكرية تعطيه الحق بمثل ذلك اللقب ...
أما الشىء الذى تجاهلته انت وتجاهله الاحباب هنا فهو ان كلمة استاذ بالنسبة للضابط تعنى استفزاز من شخصه وهذا ما يفهمه كل من عمل فى السلك العسكرى وانت بذلك قصدت التقليل من شأنه امام الجميع باستفزازه فاستاذ كانت لا تمنح الا للاستاذ الجامعى اضافة للمحامين فقط وضابط الشرطة لعلمك قد يكون دارسا لكلية الحقوق ولكنه يفضل كلمة "جنابو" أو "سيادتك" أو "سعادتك" لسبب بسيط جدا وهو انه ينتمى لسلك يتخاطبون فيه هكذا وكل ابناء الشعب السودانى يعرفون ذلك بل وحتى فى المسلسلات نرى العامة يخاطبون العسكريين بسيادتك وسعادتك ويا لواء ويا ..... الخ ...
ارى انك لقد قمت باستفزاز الرجل ومن حقه ان يغضب وانسانيته تجلت فى توقيره لرفقة والدتك ولذا تغاضى عن الاجراء الرسمى ضدك فى استفزاز موظف رسمى يؤدى عمله ولذلك مادة فى القانون ...
مع تحياتى واحترامى لك يا أستاذ هشام حامد فالمقام هنا يسمح بهذه الكلمة ...
| |
|
|
|
|
|
|
|
|
 Re: موقف عجيب غريب داخل صالة المغادرة بمطار الخرطوم الدولي (Re: هشام حامد العبيد)
|
Quote: مطار الخرطوم يا مطار الخرطوم
يازول بركة الما اداك كف..
ولا ودوك اوضهم ديك شلتوك..
قبل عام ارسلت صديقتي ولدها البالغ من العمر 16 سنة لا غير وحده..
ملا فورم الدخول باللغة الانجليزية التى لا يعرف غيرها
وقف في الصف جا دورو
سالو البوليس انت سوداني قاليه ايوة
قاليه مالي الفورم دا ليه بالانجليزي
قاليه لاني ما بعرف اكتب عربي.
قاليه تمشى تقعد هناك لما تتعلم عربي تجيني.
جلس الوليد ساعات وساعات
واهلو برة متحيرين. ضربو لاهلو هنا
قالو ليهم الولد دا قام وفي الطيارة
اها
في قعدتو المسكينة دي جا زول سالو قاليه انت يا ولد
مالك قاعد هنا
قاليه القصة الزول مشى جاب فورم ملاه بالعربي.
وطلع الولد المسكين يلقى اهلو عايزين يموتو بالقلق..
..
اللداحة وقلة الادب هي ديدن كل العاملين في استقبالات
اي مكان في السودان
عدا السفارات والمنظمات..
مع انه ديل سودانيين وديل سودانيين
بس في ديك كلو ما بقيت لديح هذا هو المطلوب
وفي دي كل ما كنت مهذب هذا هو المطلوب |
اثرتني هذه القصه ايضا...هنالك مواقف تحدث يوميا في المطارات وايضا في مكاتب الخدمه الوطنيه قبل مغادره السودان..النوع الي يقول ليك انت صغير كدا وماشي امريكا ?????????.اكتفيت بالصمت وغادرت
| |
|
|
|
|
|
|
|
|
|
Re: موقف عجيب غريب داخل صالة المغادرة بمطار الخرطوم الدولي (Re: هشام حامد العبيد)
|
تحياتي
نظرا لطرافة وغرابة الموقف ..أنا كنت فاكر انو انا الوحيد اللى اتبهدلت في رحلة خروجي من السودان في ذلك العام لكن الظاهر الداخل للسودان متبهدل والطالع متبهدل
اقتطف اليكم هذه الجزئية من هذا الرابط
كتبت تقول
......وبدأت ابكى منذ ان بدأت الطائره تحلق في الاجواء السودانيه ،،اه واه بكيت بشده لدرجة ان هناك خواج اتي جنبي وسألني عن سبب البكاء وطلب لى كوب ماء ...المهم بعدها استغفرت ولملمت نفسى وبدأت استعد للنزول..
لكن لا ادري رفضت دموعى ان تقيف وزادت عند رؤيتى لاخي الحبيب واطفاله او بالاصح بناته, صارو فتوات وماشاء الله ..
اول شئ صدمني هو نهرت رجل الامن لى عندما بدأت تصوير اهلى بكميرة الفيديو الصغيره..فكان ترحيبه لى جميل جدا
دعوة لقراءة او اعادة قراءة هذا الرابط .. القصة طريفة جدا وتحكي عن تلك الايام الخوالي
الكاتبة: Halema2
تاريخ النشر:11/05/2003
عودتي واندهاشى
هشام حامد العبيد
| |
|
|
|
|
|
|
|
|
|
Re: موقف عجيب غريب داخل صالة المغادرة بمطار الخرطوم الدولي (Re: هشام حامد العبيد)
|
هشام تحياتى
الاستقامة وصف لا يتسرمد فمديد الاستقامة يتبدل يوما
عوجا شائها والصلاح لابد منقلب يوما الى شر الفساد
قد طال على الناس امد الحيرة وغاب الفهم فى غياهب
الغفلة لذلك فالحكيم العاقل هو من استاقمت وجهتة
دون تزمت واحتدت نصال ارادتة شحذا للعزم لا جزرا للرقاب
فيا اخى لا عليك ولاتجعل من مثل هذا الموقف ما يدخلك فى
موضع التفكير والاستياء بان زرت بلدك واهلك
وفى الحقيقة نحن اهل السودان نتميز بطيبة عامة هذا هو الملاحظ ولكن
مثل هذة الوقائع التى حدثت معك ومع غيرك تعرفنا باننا شعب
بة نوع من الهمجية والفوضوية وهذا يرجع لاننا ما زلنا نعيش
بروح القرية والمدن الصغيرة
مما يجعلنا امام تحدى كبير عندما نجد انفسنا فى اماكن تتطلب
الكثير من المعرفة الانسانية تعاملا وسلوكا وكما قلت ذلك يرجع
بان لم نستلهم روح المدينة الكبيرة التى تعج بكل موكوناتها
واعلم يا صديقى كل ماذادت كثافة المدن سكانا محلين ووافدين كلما تعرفنا
على اشكال جديدة للتعامل الراقى الذى يجنبك الدخول فى مواجهات شخصية غير محسوبة العواقب
هذا الجنابو لايسعد الا بان يكون جنابو لانة تخرج من وتدرج من دار علم تكرس التخلف
ولم يجدد منهجها التعليمى والمهنى منذ خروج المستعمر مع احترامى لجميع من تخرجوا من
هذة الدور العلمية واعنى الكليات العسكرية والشرطية
اضافة الى اننا نعيش منذ خروج المستعمر تحت قبضة الحكام العسكرين تحت سياسة القبضة الحديدية والجندى والشرطى يمثلان فى كل تلك المراحل ومازالو الشريحة الاولى التى بيدها
كل شى مما يزيد من سؤء المعاملة عندما يباشر مثل هولاء العمل وسط المدنيين
وهنا تتلخص حقيقة ان هذة الكليات العسكرية كان الهدف منها منذ ايام المستعمر حماية مصالحة بواسة جنود سودانين وفقا لتوجيهات عسكرية من شانها التقليل من شان المواطن العادى حتى تكون السيطرة كاملة على جميع نواحى الحياة
ومن جانب اخر قد نكون نحن اقل انسنة من غيرنا واعنى اقل حضرية من غيرنا
لذلك نجد الكثير من التصرفات الغير لائقة على الاطلاق من موظفين متعددين فى الخدمة الوطنية ونحن يا اخى لم نغير ما بانفسنا لذلك تجدنا اكثر قهرا لبعضنا البعض
لان المسالة فى النهاية هى مسالة امة وحضارة وعلم ومعرفة واحترام الاخر
نحن نتشاجر على اتفة الاسباب لان ثقافة الاعتذار ليس لدينا بها معرفة وحتى ان كنا نعرفها فلن تجد من يعتذر لك بسهولة لانة يرى نفسة من منظور ذاتى خاطئ والمجتمع والدولة يشجعون على ذلك ويكرسون لة باشكال عدة
عموما نعتذر لك نيابة عن شعب السودان ونيابة عن ذلك الجنابو بان تكون على خير وفى احسن حال وان تزور بلدك مرة اخرى دون ان تجد من ينتزع حقك الشرعى فى قول الالفاظ التى تدل على ثقافتك وروحك الحضرية العالية
تحياتى يا جميل وكن بخر
| |
|
|
|
|
|
|
|
|
|
Re: موقف عجيب غريب داخل صالة المغادرة بمطار الخرطوم الدولي (Re: النسر)
|
الأخ هشـام،
أرجو أن تستفيـد من التجربـة.. ولقب يا جنابو ليس مدعـاة للضحك لأنه لقب معروف ومهنـة شـريفـة.
لا تعلى احـدا ولا تنزل أحـدا.. وفى الحقيقـة لا أحـد يستطيـع أن يعلى أو ينزل من رتبـة أحـد إلا إذا كان بمقدوره فعلا فى مكان يستطيـع فيـه ترقيتـه حقيقـة.
قل للأستـاذ أستـاذ وللعسكرى جنابو وللطفل يا شـاب.. وهـكذا، فتكون فى موقف أمن وسليـم فى نفس الوقت.
لذلك الضابط الحق فعلا لكى يغضب، فإن لقب أستـاذ يعنى له أنك لا تحترم مهنتـه كعسكـرى، وإلا لناديتـه بلقبـه الصحيـح. وبالفعل فإن تعليقك على "يا جنابو" بأنك لم تعرف تضحك أو ماذا تفعل يؤكـد عدم معرفتك بتسـاوى المهن شــرفـا مهمـا أختلفت فى الوظائف.
مع فائق الإحترام.
| |
|
|
|
|
|
|
| |
هشام حامد العبيد
عاصم ابوبكر حامد
غادة عبدالعزيز خالد
ترهاقا
Muna Khugali
ALazhary2
Walid Safwat
خالد علي محجوب المنسي
bayan
يحى الشريف
Asma Abdel Halim
قرشـــو
Muhib
Abureesh
فيس بوك
تويتر
انستقرام
يوتيوب
بنتيريست