|
|
 قراءة في شعر الشايقية ........(لغة الحنين للأرض والنيل والخضرة والنخيل ) !!
|
الشاعر الشايقي ناصر محجوب:
(أوعـــدينى)
اوعدينى يطل صباحك لو ليالى الغربة طالو
وسدينى حنان قليبك استريح وارقد قبالو
صبرينى الصبر ضايق مابى تتمد حبالو
صدقينى بكيت فراقك فى الليالى دموعى سالو
أرحمينى أسير سجونك راضى حكمك مهما قالو
صارحينى انا لو قليبك لى اصلو بعيد منالو
ذكّرينى أيام بلدنا يا حليل ايام شمالو
فرّحينى وقولى باكر نشتل الريد فى رمالو
عاهدينى شتيلو يروى مقيلنا يبقى تحت ظلالو
كلمينى سمح كلامك عن قليبك ورى حالو
حدثينى عن المحنه وعن نخيلنا وعن جمالو
اعذرينى الخوف عواصف والزمن خايف نبالو
احتوينى قليبى عاشقك يبقى حلم الذّنيا نالو
|
|
 
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: Kamel mohamad)
|
الشاعر الشايقي الفاتح ابراهيم بشير:
ده الشمال يالداير تشوفو ؟
شوف شمال اهلي الافاضل ليل نهار في العزة رافل
فيه مضبوع سر الاهي بدري كان تحلمبو بابل
حاضنو هو النيل بي محنه وبس عشانو هو جانا مايل
وانحنى وغير مسارو ولفة ابو حمد الدلايل
كل منابع الطيبه فيه نالبهن اعلى المنازل
وبي شعر محفوظ مخلد في دواوين الاوائل
دا اليطوف هيبة ربوعو يستفيد لو يبقى ماهل
يا يشملو نسمه عابري ماخده ريقه من الخمايل
ويا ملك وجدانو منظر يقتل الهم والبهادل
والرسول قال في حديثو ومافي اصدق منو قايل
الخدار والمويه جمبو بلثم الهم والمشاكل
يا سمعلو قصيده صادقي ترسل الاشواق قوافل
يا نغم طمبور حنين يستقر جوه الدواخل
ويا قمريتا تقوقي فوق تميره صبطه شايل
يا قعد بي ايدينو يشرب مويه صافي من الجداول
ويا يشوفلو كمان مزارع شايل الطوريه نازل
بي نشاط قاصد زراعتو والصعب بيشوفو ساهل
ويا كمان متع عيونو بي حسان زي الارايل
زوق وطيبه ادب خيالي في عفاف ما منو مايل
ويا كمان لاقوهو اهلنا بي كرم من غير مقابل
وروهو انو الدنيا لسع فيها خير وانبل خصايل
يكرموك لو جيته فوقم يجبروك لو ماكا نازل
ده الشمال يالداير تشوفو بالنهار الفيهو حاصل
اما في وقت الاماسي ليلو ضمه جميل وحافل
نتفق من بدري شله ونطلع القيزان قوافل
فيها يجمع شملنا في رباط زي العوائل
ونبدا نسأ ل عن بعضنا يا محمد وينو عادل
وشوفو يا ناس وين سيد احمد اصلو زولا ديمه ماهل
ونمسك الطمبور ننقرش لحن تنهاربو المفاصل
ونحن في عزت قعادنا يبدا واحد داير يجادل
وبي محنخ نقولو ياخي .. يا فلان خليك عاقل
خلنا النسمع معاكا ..اشتهيت بس اسي كامل
ويا فلان قلك قصيده تروي ايا منا القواحل
جايه من وجدان وصادقي ليها تهتز الجنادل
وفي الختام نطرب نغني وما بنعرف قيل وقايل
ده الشمال يالداير تشوفو رغم وصفي انا ماهو كامل
ده الكمال لله وحدو لا بينوم لا بتلقى قافل
| |
|
|
|
|
|
|
|
|
 Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: Kamel mohamad)
|
قصيدة رهين الغربة::
هذه القصيده تغني بها الفنان الشايقي عبد المنعم عبد الفارس
رهين الغربة
مسكين يا رهين الغربة مسكين طال إسارك
لآمتين القيود تنحله ترجع لي ديارك
الليلة جيت ماشي تقاسي مطوطيها نارك
حتى العيد سمعتبو مرة ما طلاك زارك
لا صحاك صبيح الرؤيا لا هو قعد جوارك
قال ليك عيد مبارك يلا البس لي غيارك
لا اتعمعمته لا اتجلببته فرحان زاد نضارك
يا مسكين تراكه تحنن العدو بي غبارك
لا عيد على الأخوان ولا هنيت جارك
لا روح ود عجل ( المقابر) صليت لا زول قال مبارك
لا شافت عيونك فرحه لا لاعب صغارك
لا غنيت أغاني البهجة تطرب بيها دارك
من ما جيت بس وريني قول لي شن عمارك
غير حرقه ولهيب متواصل قاعد فيها مالك
الليلة بوصيك كان سمعته وصيتي لي حالك تدارك
وصية زول عيونوعليك مسكين قلبو دارك
شن خلاك تفارق الحله لي مين سبته دارك
ومين شالك رماك في قفله من نيلك ودارك
الليلة وين داك الزمان الصافي نازل قاص خضارك
والجدول متسبي مويتو قراع طول نهارك
كنت سعيد بحالك راضي ليه فكيت جبارك
وليه درب الأهل فارقتو ليه غير مسارك
الليلة ما كان اليقين ماليكه والمقسوم شعارك
مالك ومال لهيب الغربه مطاير شرارك
بين خيرين هناك كت هاني تآكل من ثمارك
خوفي عليك من الفيهو لا ياكلك ودارك
تبكي وتشكي لي طمبورك يا مسكين ضرارك
أجارك الله في فقدك أجارك
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: Kamel mohamad)
|
سافر – جعفر السقيد
عليك الله سافر عليك الله
شيل الاماني معاك
وشوف البيبكي عليك او حتى يترجك
انا تعتب خلاص من جورك انت على
تزعل بدون اسباب وتاني ترجع لي
خليك معاي واضح لا يبقى قولك نيء
يا انت ابقي معاي يا انت ما ليك بي
رغم الحصل والكان ياما صبرت عليك
كان العشم جواي تصدق معاي عينيك
لكن غرورك فاض كتل البراءة الفيك
خلاك تقول مجبور انا بكرة برجع ليك
اوعك تظن في يوم انا قلبي برضى الذل
او يستكين هيمان ويرجاك عند الضل
انت الفتحت الباب وقلت للخصام ادخل
وانت الزرعت الشوك وقلعت شجر الفل
انا في النهاية انسان مرهف رقيق حساس
وداير اعيش في امان واصافي كل الناس[
لكن اذا جريت فوق الكرامة وداس
مجبور اقول القول القالو بو فراس
في شعروا قالو كلام مدهش جميل يسبي
لا تملك الحسناء مهما تكون قلبي
انا برضي زيو كمان اعلنت لي حربي
وعايش قليبي يقول يا اخوانا ايه ذنبي
والله ياالمريود خليتني فيك محتار
مرات بشوفك نور مرات بحسك نار
مرسالي وقتين جاك قابلتو باستهتار
وما تنسى أي حديث دائما بدايتو شرار
يا قلبي اصبر قلبي اصبر قلبي اصبر
اصلو الظروف قاصداك
معليش اذا جا الليل وخيم على دنياك
عذرا اذا الاحلام اكبر من الادراك
وعفوا اذا حبيت زول ما عرف معناك
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: Kamel mohamad)
|
الأخ الكريم/Kamel mohamad
كل الود
بلغة الحنين ندخل لنشرب من المعين العذب ونتمتع بالروعة
وبرطب الحديث نردد أنغام الحب والوود ...
وطالما المساحة شعرية نستميحك وندخل من بوابة
الشاعر الكبير عبدالله محمد خير
يا قمره
عبدالله محمد خير
صديق احمد
يا قمره ... صبي السنسني الحمره
شوفي أبوي أنا الراجاهو كلو صباح
يا زينوبه أبوكي هو أصلو حالو بره
لو قاري العلم هو ولاهو سيد خبره
ومو زول غربه لكن الظروف جابره
مالو إن كان صبر كل الخلوق صابره والصابرات روابح لو يجن قماح
هو أصلو متين نساكم يُمة شان يطره
بيتنفس هوا ذكراكم العطره
رهيف إحساس حنين قلبو بالفطره
نديمو بقت دموعو الديمه منقطره
وأصلو إن ما قعد بينكم ولا بيرتاح
جاهو العيد كمان زاد القليب حسره
ساد العبره حلقو ونفسو منكسره
هو لا لمّ القروش لا حصل المسره
بلد ما فيها زول مات من عدم كسره فراقكم ليها يا أحباب ولا كان صاح
يا أمارتي الما طاعت الأمره
ندماني وبقت محتاره في أمره
بعد قسن الدرادر قصرن عمره
الشوق فاض وعماها الحنين غمره
الشوق للبلد لي بهجته وسمره
الشوق لي مقيلا ضم ضم تمره
الشوق لي حديثا ضم ضو قمره
الشوق للبلد جابريتا وككره كان الشوق يخفف والله يبرى جراح
مشتاق للحسيناب أسقه وبكره
مشتاق للقبيل إتربوا فوق حكره
مشتاق للدميري ومويته العكره
مشتاق للجزيري وتشقه وهكره
مشتاق لي قطع بحره ودخول وكره
مشتاق للأبي يفارق الفؤاد ذكره
مشتاق للعلى مشغول دوام فكره
مشتاق للصباح ديدن غناي شكره وياريت كت بقدر أسوي شوقي جناح.
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: عبد المجيد محمود)
|
رحلة النسيان
صديق احمد
عبدالله محمد خير
نسيتك أنا
نسيتك ما لأني إنسان ونساي
نسيتك أنا
لأني بقيت لما أطراك بساهر
وإنت طيفك ماهو لولاي
نسيتك أنا
عشان ردة فعل ذكراك جواي
بقت تنتر مغس مرات ولواي
نسيتك أنا
ونسيت كل السماحه الفوق دريبا بقيت غناي
وخليت لك بلد بي حالو ورحلت بي جاي
غلطانه إن بقيت فهمتي إنو رحيلي فوق رأي
مهاجر شان أحسن حالي وأرجع ليك شاشاي
وحاتك لا لا .. دنياك ما بتوافق تاني دنياي
وحاتك لا لا .. لا داير أخادعك ولاني خازاي
قسا القلب الببكي الشوق
عليك بقي ماهو بكاي
وجفاها القمري عصرياتنا
ماعاد فيها .. قوقاي
صحيح حسدوني فيك زمن عزلتك وقالوا نقاي
ما عارفني بكدح وبشقى ساكت وماني لقاي
يفيض بحرك يعم وما فيهو من تالاي سقاي
نسيتك أنا
وبفتش في دليل لي دربي ضواي
دحين أطفيها نار الغيره أو زيديها بوباي
وأبكي على غرورك بعدي أو كوسيلو رضاي
وقول لي معاك سلامه، أو قوليها باباي
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: عبد المجيد محمود)
|
رحلة النسيان
صديق احمد
عبدالله محمد خير
نسيتك أنا
نسيتك ما لأني إنسان ونساي
نسيتك أنا
لأني بقيت لما أطراك بساهر
وإنت طيفك ماهو لولاي
نسيتك أنا
عشان ردة فعل ذكراك جواي
بقت تنتر مغس مرات ولواي
نسيتك أنا
ونسيت كل السماحه الفوق دريبا بقيت غناي
وخليت لك بلد بي حالو ورحلت بي جاي
غلطانه إن بقيت فهمتي إنو رحيلي فوق رأي
مهاجر شان أحسن حالي وأرجع ليك شاشاي
وحاتك لا لا .. دنياك ما بتوافق تاني دنياي
وحاتك لا لا .. لا داير أخادعك ولاني خازاي
قسا القلب الببكي الشوق
عليك بقي ماهو بكاي
وجفاها القمري عصرياتنا
ماعاد فيها .. قوقاي
صحيح حسدوني فيك زمن عزلتك وقالوا نقاي
ما عارفني بكدح وبشقى ساكت وماني لقاي
يفيض بحرك يعم وما فيهو من تالاي سقاي
نسيتك أنا
وبفتش في دليل لي دربي ضواي
دحين أطفيها نار الغيره أو زيديها بوباي
وأبكي على غرورك بعدي أو كوسيلو رضاي
وقول لي معاك سلامه، أو قوليها باباي
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: عبد المجيد محمود)
|
وعد الحبيبه
عبدالله محمد خير
صديق احمد
عديله عليك مشاويرك عديله
عديله إن كان قصيره إن كان طوليه
عديله عليك محل ما تمشي تمشي
يا عديله أبقيلو زي الغيمه رشي
أما أنا الهاماني راحتك أول الشي
ليك تأمرني وعلي أمرك بمشي
بس توعدني ما طول بيك غيبه
وعد من أنبل حبيب لأجمل حبيبه
فيك شفت الدنيا قاصيها وقريبه
ومنك اتعلمت كيف أقدر أجيبه
لا متين يا نومي فيك رؤياي تصدق
ولا متين يا شوق موالي قليبي تحرق
تاني جود باللقيا يا زمني المفرق
وتاني يا اجمل صباح في عمري أشرق
يا حلاة العُشرة وكتين تبقي صح صح
ويا حلاة الريده وكتين تصفى تفرح
يا حلاة ليلاً معاك ما درنا يصبح
ويا حلاة صبحاً معاك تكون إنت المصبح
في الربيع قالوا الزهور تنضر تفتح
يا ربيع في حضنو كم لفاني وارتح
صار يباب بستاني من غيرك مكردح
غير سموم في أم شير وغير أم شير تكتح
حبك الخلاني لى زول ما بجافي
وحبك العلمني أنظم ليك قوافي
حبك أكبر مهر لي طهري وعفافي
آي بحبك وأصلو حبك زيو مافي
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: عبد المجيد محمود)
|
العيد المضى
عبدالله محمد خير
صديق احمد
طولت شايل الذكرى في عيني
للعيد المضي
طولت بحسب في نجوم الليل
وأقدر في مساحات الفضا
وأغصب مشاعرى علي الألم وأروضا
واتمني لو لحظاتنا ديك
تسمح ظروفنا نعوضا
وتجمعني بالحسن الرفض أفكاري
كان بيعارضا
يمكن قبل نتبادل الحب الشريف
يمكن رضا
تمضي السنين وتمضي الشهور
واتمنى لو كان تمت الأيام
وانتهت السنين
والكون وقف خلا المسير
كان قلبي فتش عن نصير
خفف عذابات الضمير
ومن قبل ما أصل المصير
الفيهو قلبي المحترق فكر كتير
اتذكر العيد المضى
يوم بيتنا أصبح كلو خير
يوم كنا بي نشوة فرح
دايرين نطير يوم القمر في بيتنا
متواضع قعد فوق السرير
وقال ... كل عام وانتم بخير
نظراتو كان زي بسمة الطفل الغرير
وخصلات شعر تنساب متل موية الغدير
وحبات نهودو الطعنن فوق الصدير
حاولت بيهن استجير
من العيون التايهه والخصر الصغير
من الشفاه العطشى
والوجه المنير من السعير
ومرت ليالي طوال علىّ
وطأت غرامك ما بتخف
حاولت أصارحك وليك بالبي اعترف
فكرت أكتب ليك رسائل
بي دموعي الما بتجف مليون حرف
داير أخليك عن دلالك تنصرف
داير أعبر عن مشاعر
عن مشاعرك تختلف
ودايرك تصدق إني
في محراب غرامك معتكف
واجيب قلم واحصر تعابير الألم
وكل ابتهالات العشم
لكني من أول حرف
أجد الأنامل ترتجف
وتتذكر العيد المضى
أعياد تجي وأعياد تفوت
والفرحة تصحب كل عيد تملا البيوت
وأنا كل ما استقبلت عيد أحيا وأموت
وأطبع ملايين التهاني على الكروت
تمضي السنين وتمضي الشهور
وأنا قلبي يحيا بلا شعور
لكنو قرر يا القلبت ظلامو نور
قرر يحارب كل أوضاعو ويثور
قرر يكاشفك بي ضمير ما فوقو زور
قرر يرسل ليك سطور
مكتوبه فوق ورق الزهور
مكتوبه بي دمعو الغزير
داير الحروف تبقالو نور
وتبقالوا ....
لى قلب البحبو جواز مرور
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: عبد المجيد محمود)
|
كمان زعلان
عبدالله محمد خير
صديق احمد
تعاتبنا !!! وما قبلان تكاتبنا
ما إنتو البيتو الحله يا نوره
ورحتلو بعيد بلا شوره
تراها الحله من يوم قمتو مهجوره
وما رضيانه بعدك إلا مجبوره
ومشتاقه
عارفه الدنيا لمان تقسى فراقه
حليل الحله .. وين أملاكه
(وين حوره)؟؟ وين شاديها ؟؟
يا شاديها ما تزوره ... يا فتنه
يا البعد الله منك كان مخافتنا
أكان حيين .. وما متنا
وكان حن القدر والدنيا لمتنا
وتاني الحله زي ما كنا ضمتنا
بنحلف ليك بزمتنا
سعادتك كل مهمتنا
وبلاك قامت قيامتنا.
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: عبد المجيد محمود)
|
سيل الشوق
عبدالله محمد خير
صديق احمد
اجمل منو في الكون كلو ما شفنا
جود يا الله بي لقياهو أنصفنا
راضين نحن مهما حبو كلفنا
لأنو ملك شعورنا ملك عواطفنا
والفناهو لو يرحم يوالفنا
نحن نطيعو ما دايرين يخالفنا
حاول مره زورنا عشان تشرفنا
وبي معنى الجمال الفطري عرفنا
لفينا المداين والقرى وطفنا
زيك لا بنلاقي ولا بيصادفنا
يا سواقنا قدام بيتو وقفنا
خليها الزهور تمرق تلاطفنا
ما حبينا غيرو وهو عارفنا
دايرين لي لماهو الحظ يحالفنا
ليك غنينا وتر سلكو عازفنا
نظمنا القصائد فيك وألفنا
دايم حبي ليك ومستحيل يفنى
وسيل الشوق على الحابنو جارفنا
تعال بالله أرقص تاني أتحفنا
وبي عينيك لو بتحب تكاشفنا
ناري أنا من عيونو المنهن خفنا
عيونا بالسهام كادت تنشفنا
إن نسفت سبيبه معاهو تنسفنا
وإن مالت بعد سابتين ترجفنا
حياتنا عليها من قبلك تأسفنا
ولو ما شفنا حسنك تاني شن شفنا
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: طارق جبريل)
|
كلمات الشاعر ::قسم السيد عبد الرسول
انا الماساتي ما بتتقال بقيت احسب عميري الفات
عذب لا حفلة لا شبال لقيت الفات كتير وكتير
مرق لا زوجة لا اطفال
تراني فى مهب الريح مريكب لا فحها الشلال
بقيت مسحور عيونك ديل اتحجر بقيت تمثال
وافتش فى مكانك وين لقيتك فى قليبى هنا ....
انا الجرب مآسي الغي تعال شوف كيف حفن كرعي
وانا اتبشتنتا يا خلاي فوق درب الفريع الني
بقت لى مع العيون قصة مخلفة فوق جروحى الكي
خيالن مادوام نافر يحلق فى خلاهو الصي
ولا قادر افيق وارجع ولا قادر ادارى البي
واشوف غيمك انا العطشان واقول هسع يجيني الري
وفكر فى امور الحب وادور في ساقية غير معني ...
يا حليلى انا حليل ايام سعادتي معاك وكت
كان الزمن بسام يشاور لى دوام ضحاك
يضمنا كان هدوء الليل هو لا حس همسة لا كوراك
لقيت يا قلب زولك بعد وجعك لقيتو دواك
اتاريهو الزمن دولاب قسي ورجعني الف سنه ...
طريتا انا طريت السمحة بين اهلها
وكت تنزل وكت تطلع مع الحوب يجتمع شمِلها
تمد ايديها للمنقة تداعب للجريد قبلها
وماهماها زولا فات يقاسي الغربة من اجلها
ماخلاني ابتليت بي ريدها افتل فى حبال رمله
كمان خايف الجنون يحصل تفوت عقليتي بى قبلها
بوريكم مآسي غرامي عشتها وعمرى كان تمنها
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: كمال حسن)
|
ياسلام ياكمال ..جميل وعميق وحنين شعر الشايقية
رغم اني ما شايقية ولكني اطرب له واحبه
وريني شن طعم الدروس مادام قراية في سفر
كيف ذاتا ترتاح النفوس مادام قراية في سفر
يايمة كل مأفتح كتاب القاك في اول سطر
القى الصحاب ..القى الأهل القى الجناين والتمر
كيف ذاتي .. ابوي كان فاتح كتابه مع الفجر
يقرأ ويرتل في كلام ما بفهموه الناس الكفر
كيف ذاتي ..يانبع الحنان انجح من آلام السهر
عمرك سمعتيلك جبان خاض المعارك وانتصر
يايمة حان الإمتحان من وقته بس فاضل شهر
ما أظني من جور الزمان انجح وأجيب ليكم نمر
الغربة حاله هي بس فقر ..لكني بقعد بالجبر
لامن سنين الهم تمر ..ياربي ألهمني الصبر
الشوق متل شوق الكتر طعن الجسم لامن خدر
والله لوما بنجبر ماكت بفارقك ب شبر
يايمة كر من حالي كر قاعد لي فوق كيمان جمر
غربة وكمان حالاً فقر عزبني قبل ما اصل القبر
يايمة عقلي انا راح سدر يمة المدرس كان فكر في الحصة
كان تلقي قاعد فوق ككر في الدونكة لسع مافطر
والله مش لو كان نهر لوكالني بيسيطان بقر
مادام عقيل الجن سدر يايمة لي عندك وصل
الشاعر محمد سالم حميد
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: Kamel mohamad)
|
السلام مطبوق
الشاعرابراهيم ابنعوف، غناء الفنان عثمان اليمني
في سرع يا نسايم اشواقي ودي لي السلام مطبوق
لي اهلنا وجميع حبانا في الحلة التحت والفوق
ديل اهلي الحنان يا نسمة اهديهم سلامي وشوق
طول داير اشوفن مرة الا قديمي ما مطلوق
هبي علي الشمال تلقيهو المال فوق جريدو يتوق
يتراقص مع نغمات قماريهو التسوي القوق
بي طيبة الحنان يلقاك يهش ليكي ويطول لي فوق
باري جديولة اطلعي فوق شوفي دحين شنو المسيوق
وبعدين بي بشيشك لفي قدامك شتيل مكروق
داك بدر يحش في قشو عجلان باقي شايل السوق
وداك مالي الرحل مندلي شايل للخدار ماروق
داك قراع مقرن مويتو فتران دار شوي يروق
عشان يفتل حبيل يربطبو قادوسا نعس مطلوق
ان سالوك عن احوالي البي مايصيد مخلوق
تاهت بي مراكب الغربة لا ريس ولا واسوق
انسلب اللحم من جسمي اصبح تب عضام وعروق
اما قليبي لو شفتيهو بي سيف الغرام مشقوق
لا لاقي البحن في حالي لا زولا علي شفوق
الدرب المسافر بيهو من طولو بتهابو النوق
خمسة سنين قعد في ظلامو ما بان لي صباح وشروق
اساهر الليل مع الباكنو ينجاري الدمع سبلوق
ابكي علي الزمان الفات ما ظن البفوت ملحوق
انبقي عاد دة حالي البي ما اظن للسعادة اضوق
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: Osama Ahmed)
|
ناقش الاحساس
عبدالله التاج
يا ناقش الا حساس عـلي وتر الندم
هـيج سوالف الذكريات كبت منابع الاه دم
ياراسم الحزن الدفين في ظل تجاعـيد الالم
اخفت معالم البسمه وين اديت ملامح الصوره هم
الصـادي من حس الخايل الجاي بي واقعو اصتدم
مابيني ما بينك مدار قدر سنين ترحالو كم
لو انت موصـوف با لضـياء دافر ظلام ليلي الهجم
انا ذاتي معروف بالشموخ احساسي يلصف بالقيم
لاك دار تلوج من كبرياك تديني راس خيط العشم
ولا لي جناح انا شان اجيك خلقوني من حظي السجم
يا وحي الهامي وغناي احيت رفاتي من العدم
مابين جدار قلبي الجريح متوهـط اهداب الكيم
اعزرني لو صـعب الوصال اعرفني محكوم بالقدم
كيفن بجيك وانا في البيوت لقيانا متروك للقسم
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: عبد المجيد محمود)
|
عشان خاطر عيونك ديل افارق حلتي وطني
اسافر من بلاد لي بلاد كمل صبري وراح بدني
اضوق المرة واتغرب واكون مجبور اشد رحلي
وافوت ناسا حنان طيبين واقوت مرتع صباي واهلي
اشيل الزاد غنيواتن اردد فيها من جهلي
كلامه يقول انا الراحل وجاييك بكرة يا املي
**************
جاييك يا غرام الروح لو حتى السنين دار تابة
وجاييك لو سنيني تدور وتدوس امالي انيابة
وجاييك لو يطول الليل ولو يبقى الوطن غابة
* * *
جاييك قولي لي كيف انساك وانا السافرته عشان عينيك
فت درب الوطن والعزة والحله المنورة بيك
فت امي وقليبه الحاني وحاجات تاني خافي عليك
لا تشغل قليبك بيها ما دام الصحاب حوليك
* * *
قول لي يا حبيب برجاك لو حتى اغترابك طال
وقل لي ما بخونو هواك وما بسمع كلام عزال
وقول لي غير غرامك انت ريد يشغل قليبي محال
وطمن قلبي يا مريودي باقي الغربه زاته نضال
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: Kamel mohamad)
|
حكاية شافعة
ابراهيم ابنعوف
كيفن أصبر قليبى وكيفن أعمل حسابى
ما دام عشمى فى نظرة والعندو النظرة مابى
بجرو غنايا أحكى ليكم تعالو أسمعوا يا صحابى
حكاية الشافعى البريدا وريدا شقايا وعذابى
أحن لها حن القمارى تقوقيبا أوتار ربابى
واهوى الهوى فى هواها وهواها قرايتى وكتابى
منو القال ليكم عقلتَّ وحاتكم جنيت دابى
بقيت لمان ليها أفارق أفارق عقلى وصوابى
أضيق لمتين ليها أرجع أخاف مايطول بى غيابى
أعاين زين فيها وأشبع وأزيد إعجاب على إعجابى
أشرِّق وين ما أغرِّب وأشيل همى وإكتئابى
محل ما أمشى ألاقى طيفاً مشتت فكرى وحجابى
تطير روحى بعيد تغازل خدودك زهر الروابى
تتعلق بين عيونا ورموشا البى فوقا كابى
قليبى يفارق ضلوعى يلاهى عليها ويشابى
بعيد مابيقدر يقاوم بريق البسمة السحابى
صديرن لما يتفرَّ تبق نار الله فى أعصابى
وقديلتن كيتن على وا نشاف ريقى وخم ترابى
حنينى ومرات بتقسى تقول فى نفسها اتغابى
إتغابى العرفة فيهو وا زرف دمعى ووا خرابى
صحيح أصبحت مملوكا أسوِّى أورادى وأزنابى
متل ما ملكت فؤادى أنا ملك شيطان الكتابى
أخاف ما بقدر أعاتب أقول تزعل من عتابى
أموت أحسن من هى تزعل أو تزرف دمعة كابى
عشانا أنا كم ضُقْتَّ مُرَّة عشانا مهمِّل عقابى
عرفت الله فى عذابك إنتَّ خاف الله فى شبابى
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: عبد المجيد محمود)
|
قلب السجم
ابراهيم ابنعوف
عبدالرحيم البركل
يا قلب السجم يا الما لقيتلك هادى
برغم الحصل ليه فى الغرام متمادي
كر قبلك وبراك ياالليل زمن ماعادى
قول لى شن وداك فى قبضة الصيادى
يا قلبى العنيد لمتين تصيح وتنادى
والتهواهو منك راح مقبل غادى
فات خلاك وحيد فوقك هموم مترادى
لى محنا متل سحب الخريف متقادى
ان كان ماك شقى وداير عذابى وراضى
آيه لاقيهو فى حبوا الدرعتو قلادى
تنسج فى الأمانى وفى خيوطا تسادى
فى واديك تتوه والناس بعيد فى وادى
جاك صايبا جديد عكر صفاك الهادى
ولاّ ده جن عديل الجاك ده منو مبادى
انا ما غلبتنى وغلبتا معاى أجوادى
خليتنى أشكى لى خلقوا القريب والغادى
وصيتك كتير وكتين دحين ماراضى
اتعذب براك وانا تانى ليك ما فاضى
انتا يا الضيع عميرك كلو حاصل فاضى
فى دى عيون جميله وداك خديدا نادى
قبيل وكتين نصحتك ولى تابا تلاقى
انت ما عارف الظلم عند البنات شىء عادى
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: عبد المجيد محمود)
|
مرسال القمر
ابراهيم ابنعوف
طاريك وإنتَّ ماك طارينى يا الشوفتك بقت لى محال
حبيب أيه اللى شاغلك عنِّى وإيه الغيَّر الأحوال
أنساك ؟ قول لى كيف أنساك وذكراك ديمة شاغلى البال
ومهما طال غيابك عنِّى حُبَّك فى القليب ما زال
بقيت بعدك وحيد فى الدنيا تايه فوق دريبك ضال
أسأل فى النجم وين إنتَّ وأرسِّل للقمر مرسال
وديمة مع القمر تلقانى أساهر ليلى حد ما طال
أحنِّس فيهو أقولو أمشيلو جيب لىَّ الوصية تعال
وكتين القمر يتضارى ونجمن حولو غرّب مال
فِرِحْ طرْ بى جناح أشواقى حلق فى سما الآمال
قلتَّ هدا القمر فات ليهو ليهو بيشرح الأحوال
يحكيلو الحصل فى غيابو وآلام البعاد الطال
يبقى يحن يعيد الذكرى قلبو بعد نسانى ومال
يبكى متِلْ بكاى لى شوفتو يرجع لىْ يجود بوصال
بقيت فى الإنتظار راجيهو محتار والفكر شغَّال
أقول يا رب متين تجمعنى بى خداً كساهو دلال
وأسعد بالكليمى الطيبى والبسمة التَّسُرْ البال
وأشعر بالعلى فى حينو من فدْ نظرة ولَّىَّ وزال
أتاريهو النّجم ضلَلْنى ما راح للقمر مرسال
أتَّارى بنيت خيالى حقيقة وإتقلبت حقيتى خيال
وأتارى أنا كُتْ بطمِّنْ نفسى بى وصلاً بعيد ومحال
والحاضنة ألأرض خطواتو مابنول فى الثريَّا منَّال
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: عبد المجيد محمود)
|
ابراهيم ابنعوف
مناي كل لحظة أشوفك مناى شوفتك كل ساعة
فراقك بكاهو قلبى وكتل فى نفسى القناعة
أطرى يومة ودعتك الله وعيونك باكى دمَّاعة
غلبنى أقلدك وأوادعك حمتنى عيون الجماعة
حسيت بى كبدى واقعى اتغرس سكين وقطاعة
وأنا أتيتم بى فراقك يتم شافعاً فى الرضاعة
زمانى السبق الأمانى غدرنى وفات بى سراعا
مالو كان إتأخر شوى هو عارف الفرقة لواعة
داير أعاين أمتع عيونى عيونى وراك وا ضياعا
دى ما آخر نظرة لى فى الوجيه الكاسية الوداعة
كتير سرحت بى الوساوس همومى غرقت فى قاعا
بقيت بين أقعد وأسافر شكوك نفسى واقتناعا
إن قعدت الناس مابتريح وفراقك مالو إستطاعة
غايتو قسمة وقسموها لينا آب تردها كف الضراعة
وحاتك مجبور أفارق فراقاً مو بى قناعة
وأبيع روحى أنا ليكى وأمشى ومنو القبلى أنا روحو باعا
مالكاها ومالكى ساسا السمع ليكى إنت والطاعة
ربيعا أنتى وعز شبابا وحياتا بلاك شن نفاعا
قدر ما تفرِّحْ تبكى حقيقة الدنيا خداعة
تلمَك لامن توالف وتفرقك فى أى ساعة
تخبى أقدارا فى أياما وتلف حولك بى براعة
تجيب تديك من عذابا وشقاها البعقب متاعا
وداعاً ثمرة فؤادى ودعتك أمين الوداعة
وحاتك مابنسى كلمة العصير شاقين الزراعة
ولا بتحلالى غير سيرتك وكت نحكى أنا والرباعة
إن هدولى الجنة بى حورا ألقى فيكى نفيستى طماعة
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: عبد المجيد محمود)
|
عينيك
ابراهيم ابنعوف
عينيك دنيتن تشقينى وفيها ألقى السعادة ارتاح
مرة تجود على تشفينى ومرة تزيد قليبى جراح
فيها تمر تعدى سنينى بى آهاتا والأفراح
ويومن فيهو تنعم عينى ويومن كلو أقضى نواح
حالفة على دار تفنينى وبرضى أبسم وأقولها صاح
ما دام العلي راضينى كيف فى أحكاما أدورلى سماح
يعدى شتاها صيفا يجينى بى حراً شديد لفاح
ويبقى شرابى دمعة عينى أطمن فى القليب الناح
أقول داك السحاب غاشينى شوف يى داك بريقو اللاح
أقول يبقى الخريف طارينى يتفرق عصار ورياح
وبى دة أنا كلو ما هامينى لا لا ولا شبابى الراح
أدواى جراحى كاتمو أنينى عارفو عذابى ليها مباح
تبسم لى كتير تغرينى وأحكى البلبل الصداح
وترجع بالسهر تورينى ليلن ما لقيتلو صباح
لا لا وحاتا وحيات دينى لو فى موتى ليها صلاح
ماب أقبل كمان يفنينى بالموت غير سلاحا سلاح
أبقى إن مت سديت دينى وأبقى من العذاب مرتاح
وبعدين ذكرتك تكفينى وشعرى اليبقى لى مناح
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: عبد المجيد محمود)
|
اقدارى سيرى
ابراهيم ابنعوف
سيرى يا اقدارى سيرى بى محل تسيرى
شن يهمك غير عذابى انا اصلى زول مجهول مصيرى
كت بأمل ومانى عارف حالتى بيك تكون عسيرى
تطفى شمعات الأمانى تخلى كلوا ظلام عميرى
ابكى شن فايدة بكاى والعلى ماك دار تزيلى
من قساوتك مانى لاقى حتى كلمة وآشريرى
انا شن بدور بالفرحة تانى راضى بالدمعه الغزيرى
عمرى مكتوب لى انوحو وقلبى رماضه وهجيرى
وانا قلبى فى النيران يشابى برضو اقول يا نار اجيرى
السعاده انا وين اشوفها بالهموم عميان ضريرى
ان كت متل المتلى راجى الجرتقه وربط الحريرى
فى صدى زغروده ضجت لملمت كل العشيرى
والتمر بالفرحه صفق عمر الدار الكبيرى
فوقو قمرى ترك نواحو غنا ساير يا الدخيرى
والرباب فوق قوزنا جافا نومه للدغش البديرى
حسوا بارى النسمه غرب عدى بى بحر الدميرى
والقرير بشعاروا غنا ليها كترتى الشكيرى
لابسى اُسلى خضارها ترقص قالدى مساوى الجزيرى
ما حرام بعد الأمانى على دون الناس تغيرى
زول اريدو متل عيونى مش حرام يصبح لغيرى
تحرميهو من ابتسامتك تبقى بالآهات جديرى
واصلك انتى إن جيت تظنى قلبى مظلوم ماتجيرى
واصلو عمـرك ما سمعتى زول سولو الضريرى
داير اقولك قبل افارقك ياهو امنتى الاخيرى
خلى كفنك يبقى كفنى فى عيونه يكون قبيرى
| |
|
|
|
|
|
|
|
|
|
Re: قراءة في شعر الشايقية ........(لغة الحنين للأرض والنيل والخضرة والنخيل ) !! (Re: عبد المجيد محمود)
|
المن الله واصل
ابراهيم ابنعوف
أبكى إنتى وأنا اللإتبكى المن الله واصل
إيه فى إيدنا غير ما نبكى نحكى البينا حاصل
تعذبنى وتهيَّج نارى قولة ماك مواصل
إنتى ما عارفة السبب من أهلك الباقين عوازل
كاسو فراقنا وبس دايرنى أحيا غريب وهامل
وأنا أرحم لىْ فراق الدنيا من عينيهو ساهل
أريتن عرفو روحى بلاكى روضاً زهرو زابل
من تلقاك تفرهد تانى زى الصابا وابل
تلاقى الفرحة فى عينيكى للأشواق تغازل
فوق جدول أمل يتجارى يروى الريد مشاتل
تسألى بالبسيمة التايها كيف بالله عامل
أخاف حزنك وأخبى البى معاكى أضحك وأجامل
عمرى العشتو كلو وراكى بى أحزانو حافل
لكن الصبر يا روحى كل الفيها زايل
زى ما إنتى تسألى عنِّى عنِّك برضو سائل
وصورتك عايشة فى وجدانى طالع وبيها نازل
ألقاك فى الصبَّاح وإشراقو فى نغم البلابل
فى كلمات كتبتها ليكى تب ما قالا قايل
لو بقدر أسيبك وأمشى ما أصبح جسمى ناحل
ولا باريتَّ درب الريد ودرب الريدة قاتل
ولا شقَّتْ مراكب آمالى بقيدا أنا لسة واحل
ولا أمسيتَّ أنادى دموعى والليل نجمو راحل
هم دايرين يفرقو قليبى شافو عليكى مايل
منو الفيهم يفرق النسمة من زهر الخمايل
مهما أشقى أضوق المُرَّة وللأهوال أقابل
أبداً يا كتاب حبى المقدس عندى مابيقراكا جاهل
| |
|
|
|
|
|
|
| |
Kamel mohamad
أسامة معاوية الطيب
طارق جبريل
كمال حسن
إدريس محمد إبراهيم
Osama Ahmed
فيس بوك
تويتر
انستقرام
يوتيوب
بنتيريست