|
Re: أحلى وأروع ....زول في المنبر... (Re: ناصر جبريل)
|
حق وحقيقة
الله يحفظ ريم وابوها الجميل بكل معنى الكلمة طارق جبريل
وعمها ناصر جبريل الصديق العزيز الذى افتقدناه فى بوست
الامتداد الايام الماضية
Quote: ويا ابو ريم بختك العرسان كتار
|
يادكتور عمو ناصر عايز يدور السوق ويضيعنا ولا شنو
| |
|
|
|
|
|
|
Re: أحلى وأروع ....زول في المنبر... (Re: ناصر جبريل)
|
' عندما كان اخي صلاح الامين يحكي لنا عن اصدقائه كان اسم طارق جبريل يرد كثير ...وساعتها كانت عيونه تلمع بحنين لزول خاص فعرفنا طارق جبريل وحكاويه قبل ان نلتحق بهذا المنبر الذي امتعنا فيه الدكتور طارق الذي عندما تقراء بوستاته تحس بانك تقراء عن كلام حميم ملي بالسودانوية والصدق....ولازلنا حتي الان نتجول معه يوميا في ذلك الحي الخرافي...
فخوريين اخوي طارق ان يجمعنا معك هذا الفضاء الجميل ولازلنا في انتظار المزيد..
تحياتي...
| |
|
|
|
|
|
|
Re: أحلى وأروع ....زول في المنبر... (Re: garjah)
|
Quote: ابتسامة طالعة من القلب
وجه جميل ...
براءة عيون حلوين
يا أرض أحفظي ما عليك ويا بدر أوعك تسحرو |
أقول حاجة يا garjah حقو تظل بهذه الإبتسامةوهذه البراءة وما تكبر حفاظاعلي هذا الشكل الجميل والنظر للدنيا بمنظار جميل ووو...
مع أكيد حبي وتقديري،،،
عادل فايت
| |
|
|
|
|
|
|
Re: أحلى وأروع ....زول في المنبر... (Re: garjah)
|
Quote: ندعو للابنة ريم ان يحفظها الله وتكون حياتها عامرة بطاعة الله والوالدين ومشحونة بالتوفيق والنجاح
ااااامين يا رب |
العزيز قرجة
نقول امين يا رب معاك
وحقيقة لانك جميل ورائع
تحياتي
| |
|
|
|
|
|
|
Re: أحلى وأروع ....زول في المنبر... (Re: garjah)
|
الجميل قرجة يقولون الجمال في حضرة الجمال جمال انا اقول الوجود في حضرتك جمال وسمو اعجزت كلماتك لساني وكيبوردي لي قناعة تامة ان من يكتشفون الجمال هم بقدر قيمته واكثر لا املك الا ان انحني امامك تعرف اليوم وانا اقوم بايصالها الى المدرسة وكانت ترتدي فستانا كنت قد احضرته لها من مصر فسألتني: يا بابا انا الليلة حا اكون اجمل واحدة في الفصل فقلت لها: يكفي ان تكوني جميلتي انا
ياخي شكرا ليك ولك من اعماق الذات كل التكوين
طارق جبريل الرباط-المغرب
| |
|
|
|
|
|
|
Re: أحلى وأروع ....زول في المنبر... (Re: garjah)
|
الجميل تيتاويQuote: حق وحقيقة
الله يحفظ ريم وابوها الجميل بكل معنى الكلمة طارق جبريل
وعمها ناصر جبريل الصديق العزيز الذى افتقدناه فى بوست
الامتداد الايام الماضية
Quote: ويا ابو ريم بختك العرسان كتار
يادكتور عمو ناصر عايز يدور السوق ويضيعنا ولا شنو
|
تسلم يا تيتاوي نحن يا اخوي ما حا نلقى احلى من حمادة دا على الاقل العرس حايكون في الامتداد
| |
|
|
|
|
|
|
Re: أحلى وأروع ....زول في المنبر... (Re: garjah)
|
الباشمهندس الرقيق عبد الكريم الامين
Quote: عندما كان اخي صلاح الامين يحكي لنا عن اصدقائه كان اسم طارق جبريل يرد كثير ...وساعتها كانت عيونه تلمع بحنين لزول خاص فعرفنا طارق جبريل وحكاويه قبل ان نلتحق بهذا المنبر الذي امتعنا فيه الدكتور طارق الذي عندما تقراء بوستاته تحس بانك تقراء عن كلام حميم ملي بالسودانوية والصدق....ولازلنا حتي الان نتجول معه يوميا في ذلك الحي الخرافي...
فخوريين اخوي طارق ان يجمعنا معك هذا الفضاء الجميل ولازلنا في انتظار المزيد..
تحياتي... |
تلك كلمات تعجز عن حملها الجبال يا رجل صلاح الامين ذلك لعمري رجل من النوادر تسبقه ابتسامته اينما حل وارتحل ما ان تجده في مجلس الا وتيقنت ان الفرح يتناثر فيه كالمطر... حقيقي كم اشتاق ذلك الرجل.. اتمنى ان يوفق في نثر افراحه وسط ثوار التاميل كما تعود ان ينثرها دائما
ودمت يا باشمهندس
| |
|
|
|
|
|
|
Re: أحلى وأروع ....زول في المنبر... (Re: garjah)
|
الاكرم عادل فايت
Quote: أقول حاجة يا garjah حقو تظل بهذه الإبتسامةوهذه البراءة وما تكبر حفاظاعلي هذا الشكل الجميل والنظر للدنيا بمنظار جميل ووو...
مع أكيد حبي وتقديري،،،
عادل فايت |
تسلم يا كريم تعرف يا عادل انا كنت اتابع بوستاتك بي نهم شديد وكانت في حاجة عاجباني شديد في بروفايلك ويا ريت ترجعها تاني عرفتها... الشبشب العجيب داك تحياتي
| |
|
|
|
|
|
|
Re: أحلى وأروع ....زول في المنبر... (Re: garjah)
|
Quote: على فكرة البنية برضها شايقية |
البسيمات في وجيها الباهي من زمن الرضاعه فاقعي زي شمس العصاري في العمر باقي له ساعه في القليب الشايله صافي زي صفا- ريم- مافي
Quote: الله يحفظ ريم وابوها الجميل بكل معنى الكلمة طارق جبريل |
| |
|
|
|
|
|
|
Re: أحلى وأروع ....زول في المنبر... (Re: Osama Ahmed)
|
Quote: أحلى وأروع ....زول في المنبر... |
يااااا قرجة الله يديك العافية فعلا اعسل زولة عندنا برضو
وربنا يحفظها لوالدينها والبت دي انا عمتها....
ويا طارق الصف طويل في العيلة اذا وافقت طبعاً...
وربنا يخلي ليك اصحابك الحلوين ديل ...
| |
|
|
|
|
|
|
Re: أحلى وأروع ....زول في المنبر... (Re: garjah)
|
الحبيب طارق ود جبريل لك وللجميلة الأمورة تحياتي معليش ماعندنا أولاد في الوقت الراهن للجكس الشديد دا ، وإلا كنا أول المتقدمين ربنا يحفظكم جميعا . . وسلامي للدكتور الجميل صلاح الامين لو عندكم منو خبر فرحات
| |
|
|
|
|
|
|
Re: أحلى وأروع ....زول في المنبر... (Re: فرحات عباس)
|
يخيل لي أن لسان حالك يتغني وأنت تنظر لصورة الأمورة ولضحكتها الوليفة الوريفة كبراءة عيونها المشرئبة نحو أفق بعيد : حلوة عيونك... فيهم روعة فيهم حـُب ... بتمثلو دمعة قلبك طيب ... زي روح شمعة تضوي قلوبنا ... وتمسح لوعة **** مع تحية خاصة لأبوعركي.... وليحفظها الله لكمااااااااا .. أنت والمدام ياقرجة صلاح الباشا/ الرياض
| |
|
|
|
|
|
|
Re: أحلى وأروع ....زول في المنبر... (Re: garjah)
|
الفاضل اسامة احمد
Quote: البسيمات في وجيها الباهي من زمن الرضاعه فاقعي زي شمس العصاري في العمر باقي له ساعه في القليب الشايله صافي زي صفا- ريم- مافي
|
تسلم يا حبيب وربنا يجعل البسمة قدامك ووراك
| |
|
|
|
|
|
|
Re: أحلى وأروع ....زول في المنبر... (Re: garjah)
|
العزيزة بت الخال القلب
Quote: يااااا قرجة الله يديك العافية فعلا اعسل زولة عندنا برضو
وربنا يحفظها لوالدينها والبت دي انا عمتها....
ويا طارق الصف طويل في العيلة اذا وافقت طبعاً...
وربنا يخلي ليك اصحابك الحلوين ديل ... |
موش قاعدين يقولوا البت عمة
| |
|
|
|
|
|
|
Re: أحلى وأروع ....زول في المنبر... (Re: garjah)
|
العزيزة رشا
Quote: عسل بس يا طارق بتك المبتسمة للحياة, ربنا يحفظها ليك. |
ربنا يخلي ليك امورتك الحلوة دي وانا حاجز من هسا ولدي (محمد) عمره سنة ما تقولي لي البت اكبر منه وحركات الجيش دي
| |
|
|
|
|
|
|
Re: أحلى وأروع ....زول في المنبر... (Re: طارق جبريل)
|
Quote: ويا طارق الصف طويل في العيلة اذا وافقت طبعاً... |
يا جماعة بذكر - والله أعلم - أني خطبت الزولة يوم ميلادها ومن لحظتها دلفت بكون نفسي على اعتبار أن فترة 18 إلى 20 سنة كافية عشان الواحد يكون جاهز..! فما عارف قضية الصف الطويل دي شنو.. ويا صديقي طارق ما أظن برضيك أنني انضم لشارع علال بن عبدالله أو باتريس لوممبا.. شكرا على هذا البوست السعيد والمحبة المفعمة بالود لكل من يحتفي بأخي طارق وبأسرته الكريمة.
| |
|
|
|
|
|
|
Re: أحلى وأروع ....زول في المنبر... (Re: garjah)
|
صديقي الجميل عباس فرحات
Quote: الحبيب طارق ود جبريل لك وللجميلة الأمورة تحياتي معليش ماعندنا أولاد في الوقت الراهن للجكس الشديد دا ، وإلا كنا أول المتقدمين ربنا يحفظكم جميعا . . وسلامي للدكتور الجميل صلاح الامين لو عندكم منو خبر فرحات |
تسلم يا جميل انت داسي امورتك دي لي متين ما تخاف بنصلي على النبي صلاح الامين موجود في سيريلانكا في بعثة الامم المتحدة الخاصة بمشكلة ثوار التاميل
| |
|
|
|
|
|
|
Re: أحلى وأروع ....زول في المنبر... (Re: garjah)
|
الفاضل ابو الباشا
Quote: يخيل لي أن لسان حالك يتغني وأنت تنظر لصورة الأمورة ولضحكتها الوليفة الوريفة كبراءة عيونها المشرئبة نحو أفق بعيد : حلوة عيونك... فيهم روعة فيهم حـُب ... بتمثلو دمعة قلبك طيب ... زي روح شمعة تضوي قلوبنا ... وتمسح لوعة **** مع تحية خاصة لأبوعركي.... وليحفظها الله لكمااااااااا .. أنت والمدام ياقرجة صلاح الباشا/ الرياض |
تسلم يا جميل ما دام انت نسبت البنية لي العزيز قرجة زي بعضو على الاقل حا تكون في يد زول مبدع ومهتم بالجمال
| |
|
|
|
|
|
|
Re: أحلى وأروع ....زول في المنبر... (Re: garjah)
|
د. محمد الامين
Quote: يا جماعة بذكر - والله أعلم - أني خطبت الزولة يوم ميلادها ومن لحظتها دلفت بكون نفسي على اعتبار أن فترة 18 إلى 20 سنة كافية عشان الواحد يكون جاهز..! فما عارف قضية الصف الطويل دي شنو.. ويا صديقي طارق ما أظن برضيك أنني انضم لشارع علال بن عبدالله أو باتريس لوممبا.. شكرا على هذا البوست السعيد والمحبة المفعمة بالود لكل من يحتفي بأخي طارق وبأسرته الكريمة. |
يا سيدي لن انسى طلتك ما حييت يوم ولدت ريم وانت محملا بالبمبرز وحكاية الصف دي تسأل منها عمة ريم (القلب النابض) تسلم يا عزيز وكيف الحاجة ان شاء الله متهلي فيها
| |
|
|
|
|
|
|
Re: أحلى وأروع ....زول في المنبر... (Re: garjah)
|
العزيز زول يا زول
Quote: أصلو أى زول فى إسمو (جبريل) لازم يكون فيه جمال (ملائكى)
الأسماء لها دلالاتها
الله يحفظها الأمورة عسل عديل ، ويكفيها شر عين (قرجة)
|
ياخي قرجة دا عينه باردة وحلوة كمان تعرف البنية فيها حاجة من رطانتكم
| |
|
|
|
|
|
|
Re: أحلى وأروع ....زول في المنبر... (Re: garjah)
|
الرائع صلاح الباشا
Quote: والرابعة فرماله في الأساس.
|
دي شذيت واتقطعت فيها رسمي والله كتلتني بالضحك يا زول البنيات الله يحفظن ليك وخصمتك بي الله تعزمني عرسن عشان اجي ارقص واتخوجج واقولهن انا عمكن جيت للهجيج في سمحكن والوليد خلو يجكس ويعيش زمانه بس انت كبر الجيب
تسلم يا امير
| |
|
|
|
|
|
|
Re: أحلى وأروع ....زول في المنبر... (Re: garjah)
|
يعني يا دكتور طارق ما نتخصص لينا في اسم الا ونلقاه ( busy) ... والله الاجازة الفاتت دي سميت بت اخوي (ريم) اذ يعجبني الاسم من زمااان .. لكن والله اسم ريم كلفني (خروف كامل الدسم) بتاع السمايه ..
ولك ولريم مليون سلام ...
| |
|
|
|
|
|
|
Re: أحلى وأروع ....زول في المنبر... (Re: luai)
|
اها اقوليكم
البنية دي بتشبهني شبه خيالي اكثر من بناتي...
قبل كم يوم في زول قالي البنية دي تشبهك لما كنتي صغيرة..
يا ود جبريل انتو شوايقة ومن مورا ولا كوري ..
بكدا انا اكون برضو أحلى واروع زول في المنبر,,
| |
|
|
|
|
|
|
Re: أحلى وأروع ....زول في المنبر... (Re: garjah)
|
الجميل لؤي
Quote: يعني يا دكتور طارق ما نتخصص لينا في اسم الا ونلقاه ( busy) ... والله الاجازة الفاتت دي سميت بت اخوي (ريم) اذ يعجبني الاسم من زمااان .. لكن والله اسم ريم كلفني (خروف كامل الدسم) بتاع السمايه ..
ولك ولريم مليون سلام ... |
يا سيدي الفاضل تسلم وانا على استعداد اتنازل ليك عن الاسم بس انت جيب لينا البنية ونصيحة من مجرب ولادة البنات وتربيتهم حاجة عسل عديل كدة
| |
|
|
|
|
|
|
Re: أحلى وأروع ....زول في المنبر... (Re: garjah)
|
العزيزة د. بيان
Quote: اها اقوليكم
البنية دي بتشبهني شبه خيالي اكثر من بناتي...
قبل كم يوم في زول قالي البنية دي تشبهك لما كنتي صغيرة..
يا ود جبريل انتو شوايقة ومن مورا ولا كوري ..
بكدا انا اكون برضو أحلى واروع زول في المنبر,, |
يا دكتورة ما لدينا بعضا من ما لديكم واكيد في لحمة بيناتنا مدام انت شايقية انا يا ستي من البركل وفي البركل من قرية سغنبوتة كدا اسمها شبا بس عندي اخوي متزوج منكم واحدة من بنات كورتي
| |
|
|
|
|
|
|
Re: أحلى وأروع ....زول في المنبر... (Re: عاطف عمر)
|
Quote: والرابعة فرماله في الأساس |
على قول حبيبنا الكبير ود الباشا
جارتنا في عطبرة شايقية مرحة جداً وكان عندها بنات - رعاهن الله - جميلات جداً، زوَجت لاثنين منهن
وتبقت الاخيرة وكان كل مايجي واحد يتقدم لزواجها تقول ليهم .. لا دي ما للزواج خالَنها سعاية
وكانت جميلة جداً لدرجة الجهجهة وحصل مرة أن هام احد صبايا الحي بحبها وكتب خطاب غزل ودقه صدرو
ومشى لدارها لتسليمها الخطاب شخصياً،ًولما فتحت الباب إرتبك المحب وقال ليها... بالله أدي الخطاب
ده لاخوك عماد
حفظ الله زهراتنا الجميلات
فهنَ كل فرحتنا وغبطتنا
نكاد لانقوى دون إبتسامتهن
| |
|
|
|
|
|
|
Re: أحلى وأروع ....زول في المنبر... (Re: garjah)
|
من ليل الشجن والشوق .... مداخلة صديق .. رائعة عثمان حسين
مهدا للأمورة ريم ... ربنا يحفظها لـ أبوها وأمها
أحلى البنات "تستاهلي"
والله يا احلى البنات لو كان لقيت سر الغنا كان طرت عانقت الخيال حلقت عبر الأزمنة وقلت الخيال يصبح حقيقة ونهدي ليك خاتم المنى شان تسرحي وتتخيلي وتتوهي في بحور الخيال تتمني فيها وتسألي ويتم ليك كل المنى
تستاهلي العرش البشيل حسنك يطوف بيك العصور تستاهلي ويمر بيك عبر الزمان شان تسرحي وتتخيلي كيفن تجيك ليلى بتغير يبين عليها وينجلي وكيفن تجيك بلقيس ترش دربك ورود لو تقبلي ويطل جميل وكثير يقولوا بيوت شعر مرهف طلي وتمري بي عهد الرشيد ويغني ليك الموصلي
تستاهلي تستاهلي لو درتي من قلب القمر باقات أساور أو حلي أو حتى من كل النجوم عنقود مبهرج ومنطلي كان خف لي لقاك القمر منساق وقال ليك أسألي وكان حفو دنياك النجوم إتباكوا ليك شان تعزلي
| |
|
|
|
|
|
|
Re: أحلى وأروع ....زول في المنبر... (Re: garjah)
|
العزيز عاطف عمر (ابو العريس)
Quote: سلام يا أهل الدار
قرجة وطارق جبريل وبقية الأحباب
بعد التشهد والصلاة على النبي نقول قولنا ( الفصل ) نحن حاجزين رسمي وجاهزين للعقد عليكم الله شوفو البنت مع إبني ( محمد الأمين ) لايقين لبعض كيف ؟ العزال يمتنعون |
والله ولدك دا ذاته عنده ابتسامة صلاتي على النبي الله يحفظه ويخليه البنت انا ما عندي كلام فيها عمتها القلب النابض هي الحاكم والناهي ان بقت مضتها ليكم ابشروا تب
| |
|
|
|
|
|
|
Re: أحلى وأروع ....زول في المنبر... (Re: garjah)
|
العزيز حيدر حنين
Quote: لا دي ما للزواج خالَنها سعاية |
كتلتني بالضحك يا زول لكن جارتكم دي باين عليها شايقية مقرمة اما زولك ابو قلب رهيف داك ما اظن فضل ليه غير اغنية: اساسق بالدريب الجايي بي حداكا
| |
|
|
|
|
|
|
Re: أحلى وأروع ....زول في المنبر... (Re: garjah)
|
العزيزة عائشة حميدة
Quote: ريم بنية حليوة والعاجبنى البراءة والذكاء الذى يشع من عينيها
ربى يحفظها ويقر عيني والديها بها ويجعلها من بنات الوطن الصالحات |
يا ستي تسلمي والله يحفظك انت واسرتك ويطرح البركة فيكم
| |
|
|
|
|
|
|
Re: أحلى وأروع ....زول في المنبر... (Re: طارق جبريل)
|
Quote: طارق جبريل
عارف واللة يادوب شوفتة البوست دة...
ربنا يحفظها ليك
سلم لي عليها او علي محمد |
يازرياب ..انت طارق دا كان بلعب معاك بلى ؟
ياخى مافى احن من كلمة خال ..,واهلنا قالوا
(البقول خالى بدو بقرة ) ..وبعدين دا كلو منك
ياطارق (الوليدات ) ديل اظنك كنت تارك ليهم الحبل
على القارب ..
..ربنا يحفظ ليك الامورة الحلوة دى ياطارق ..
وماشاء الله عينا باردة عليها ..
ودى
| |
|
|
|
|
|
|
Re: أحلى وأروع ....زول في المنبر... (Re: garjah)
|
العزيز محمد عبد الرحمن
Quote: يازرياب ..انت طارق دا كان بلعب معاك بلى ؟
ياخى مافى احن من كلمة خال ..,واهلنا قالوا
(البقول خالى بدو بقرة ) ..وبعدين دا كلو منك
ياطارق (الوليدات ) ديل اظنك كنت تارك ليهم الحبل
على القارب ..
|
والله يا محمد كنت هارشهم شديد بس تقول شنو العيال كبرت واشتغلت وبقت تتخوجج كمان دمت ايها العزيز
| |
|
|
|
|
|
|
Re: أحلى وأروع ....زول في المنبر... (Re: نادية عثمان)
|
الفاضل قرجه
وحياتك ما فاهمين حاجه ,لانه مافي صور ظاهره.
المهم الفهمته انه الكلام عن ابنة طارق جبريل
وربنا يخليها ليه فعلا عسوله,وكثر الله خير سامي لولاه لما رأيناها.
يا جماعه انتو بتحملوا من وين الصور؟؟؟؟
يعني حسه ما شايفه
غير
اخو طارق جبريل
وسامي عبد الوهاب
والقلب النابض
وناديه عثمان
كل بقة الصور ماظاهره,باين جهازي ضابط النواحي الآمنيه بالحيل عنده.
كان الله في عوني.
تراجي.
| |
|
|
|
|
|
|
Re: أحلى وأروع ....زول في المنبر... (Re: garjah)
|
الاخوة كرجة, طارق, و عاطف
سلام كثير
طبعا الاخ عاطف ما صدق انو ان تنازلت
و قبلت ان اذهب معة -فرحة-
لخطوبة كريمة الاول على نجل الثانى
شايفة طبعا اللبسة تغيرت
و بقينا لابسين بدل و كدة يعنى
خالص التحايا
غادة
| |
|
|
|
|
|
|
Re: أحلى وأروع ....زول في المنبر... (Re: garjah)
|
يا قراجه يا غالي
شكرا لكني
اقصد صور الناس الفي بروفايلهم
في ناس بيظهروا وفي ناس ما بيظهروا .
فانا بسألأهم بيحملوا من وبن الماظاهرين ديل؟؟؟؟
مثلا:
آمنه مختار ظاهره
غاده عبد العزيز خالد ظاهره
منى خوجلي ظاهره
لكن غير كده في ناس كثار
زي بت طارق بريل الفي بروفايله ماظاهره.
الا لما ختاها سامي,فهمتني.
شكرا لك يا ملك.
تراجي.
| |
|
|
|
|
|
|
Re: أحلى وأروع ....زول في المنبر... (Re: Tragie Mustafa)
|
الحاصل يا تراجي
انو بكري عندو مقشاشة
بيشيلا ويجي داخل على مركز تحميل الصور
اكنسك ...اكنسك
شيل اي صورة تمت ليها شهرين
وتفضل معانا دائما الصور المحملة خلال شهرين بس
وطبعا في ناس بيكونوا ما ناقشين حكاية مقشاشة بكري دي
فتلقي مربع عليهو اكس في موضع الصورة.
لتفادي مقشاشة بكري ممكن تحملي الصور في موقع من المواقع التخصصة في ذلك
مثلا http://www.yesalbum.com/
| |
|
|
|
|
|
|
Re: أحلى وأروع ....زول في المنبر... (Re: طارق جبريل)
|
معليش ياطـارق متأخـرة... خـلاص بتـك بقت مابتـك براك...بقت بت الإمتـداد كـله في الأول.. بعـدبن البورد..بعـدين الأسـرة بين الإتنـين .. إبتسـامة سـعيـدة فيها تصـالح شـديـد وفـرح....ربنـا يحفظـها ليـك ولينـا...
مـني
| |
|
|
|
|
|
|
Re: أحلى وأروع ....زول في المنبر... (Re: garjah)
|
الفاضلة تراجي
Quote: الفاضل قرجه
وحياتك ما فاهمين حاجه ,لانه مافي صور ظاهره.
المهم الفهمته انه الكلام عن ابنة طارق جبريل
وربنا يخليها ليه فعلا عسوله,وكثر الله خير سامي لولاه لما رأيناها |
تسلمي ان شاء الله من كل شر وربنا يحفظك انت واسرتك
| |
|
|
|
|
|
|
Re: أحلى وأروع ....زول في المنبر... (Re: garjah)
|
الفاضلة غادة
Quote: الاخوة كرجة, طارق, و عاطف
سلام كثير
طبعا الاخ عاطف ما صدق انو ان تنازلت
و قبلت ان اذهب معة -فرحة-
لخطوبة كريمة الاول على نجل الثانى
شايفة طبعا اللبسة تغيرت
و بقينا لابسين بدل و كدة يعنى
خالص التحايا
غادة |
الكلام دخل الحوش والعريس الحليو دا ما صدق وقام اتكرفت المهم كيف يقنع عمة العروس القلب النابض
| |
|
|
|
|
|
|
Re: أحلى وأروع ....زول في المنبر... (Re: garjah)
|
العزيزة منى (بنت الامتداد)
Quote: معليش ياطـارق متأخـرة... خـلاص بتـك بقت مابتـك براك...بقت بت الإمتـداد كـله في الأول.. بعـدبن البورد..بعـدين الأسـرة بين الإتنـين .. إبتسـامة سـعيـدة فيها تصـالح شـديـد وفـرح....ربنـا يحفظـها ليـك ولينـا...
مـني |
الله يحفظك انت وآية كمان وآية دي ما عايزنها تطلع من الامتداد
| |
|
|
|
|
|
|
Re: أحلى وأروع ....زول في المنبر... (Re: garjah)
|
زرياب
Quote: الموضوع اطور يا طارق...
نسمع رأي عمة العروس (القلب النابض) او بعدين راينا نحنا... |
شوف يا ولد هووووي انا حكاية البت لي ود عمتها والبوامة دي ما عندي ما تبوظ علينا السوق
| |
|
|
|
|
|
|
Re: أحلى وأروع ....زول في المنبر... (Re: garjah)
|
Quote: ياربي تحفظ ريم من كل حاسد وتسعد بها أهلها وتجعلها من التائبات الحامدات الراكعات الساجدات الآمرات بالمعروف والناهيات عن المنكر
تحياتي للأخوة طارق جبريل وقرجة اللذيذ |
العزيز بدر الدين الشنا
ويحفظك يا ربي انت واسرتك ويوفقكم ويحقق مرادك
| |
|
|
|
|
|
|
Re: أحلى وأروع ....زول في المنبر... (Re: garjah)
|
الجميل عبدو كيفنك
Quote: اولاد جبريل سلامات اتاري امها محسية.. يعني من عندينا ... عشان كده ... ايواااا ... وانا اقول ناس البركل جابوا البت الحلوة اللي بتشبه بناتنا دي من وين |
قصدك شنو يا زول هووووووووووي يعني ناس البركل ما سمحين ولا شنو
| |
|
|
|
|
|
|
Re: أحلى وأروع ....زول في المنبر... (Re: garjah)
|
العزيز عبدو
Quote: طارق سلامات انا ماقلت كده ... لكن قلت ناسنا حلويـــن ... يعني المحس والحلفاويين وكده
تقوم تمشي تشتكيني لي مبارك ود عمك كمان ... |
انت يا زول وصلت لحدي ود عمي مبارك كان كدي انت عميل محسي مدسوس بيناتنا ياخي قبل ما تشحتفنا ونقوليلك انت منو قولها براك
| |
|
|
|
|
|
|
|