|
|
|
 Re: الاستاذ الشاعر محجوب شريف بمنتدى الصالحية يوم الاثنين 22/5/2006م (Re: ودقاسم)
|
شعار الصالحية
الوفاء لأهل العطاء
لم يأتى من فراغ
ولأن الصالحية قامه
فليس غريبا الأحتفاء بانسان فى قامة الوطن
القومة ليك يامحجوب ياشريف
وان شاء الله سلامة وعودة حميدة
سلمت..
سلمت سلمت
خايف, كنت ما يسلم
قلب مفصود
حلمت حلمت,
قبلك,
كنت لا بحلم ولا موجود
معاك بحلم كأني
على فراس
أغنّي
على وتر مشدود
وأطير عبر السما الممدود
سما الوطن اللّي مالىْ حدود
حمامه جناها لاخايف
ولا مفقود
وأشر الغيمه خيمه
على النجم وارتاح
واصادف أجمل الغابات
أصادق غصنك الفوّاح
واشرّد من زوايا القلب جنبك
آخر الأشباح
وتفتح كلمه من عينينك لى
مجرى الغنا المسدود
وأخت اسمك على
باب الزمان إكليل
ورده صبيه تلمع
فوق صديري النيل
وباسمك أغني لي عالم بسيط وجميل
واحبّك لا قدر مكتوب
ولا دمعا سقا...المنديل
وانادي عليك,
ملاذا من شتا الأيام
وبرداً في الحياه وسلام
جزيره حنينه بين نهرين
حنان, القاك عليك اتلم
وهودج في صحاري الهم
وعالي نخيل...
وانادي عليك،
على كل السلام ليك،
وفي السكّه اللّي ما بتعود
معاك لي آخر المشوار
أغني على وتر مشدود
أغني على وتر مشدود
| |
 
|
|
|
|
|
|
|
|
Re: الاستاذ الشاعر محجوب شريف بمنتدى الصالحية يوم الاثنين 22/5/2006م (Re: حمزاوي)
|
انا حاجز صف امامى ياحمزاوى
يا شعباً تسامى
يا شعباً تسامى
يا هذا الهمام
تفج الدنيا ياما
تطلع من زحاما
زي بدر التمام
تدي النخله طولها
والغابات طبولها
والأيام فصولها
والبذره الغمام
قدرك عالي قدرك
يا سامي المقام
يا ملهم
رمامك سنّاها الصدام
أم در والطوابي في صدرك وسام
ملامح كم تسامح
تغضب لا تلام
همّه وعبقريه
ذمّه وفنجريّه
ضد العنصريه
تحلم بالسلام
فداك وفي حواك
يا مدد الكلام
عفوك إنت ورضاكا
برّنا ليك تام
وبحلم في هواك
بي حسن الختام
دينك كم علينا
منّك والدينا
وأجمل ما لدينا
من يوم السمايه
من قبل الفطام
منك كل حته
في الخاطر صبابه
جنْبك نبته نبته
نكبر نحن يابا
نسألك إنت وإنت
ورينا الإجابه
علّمنا الرمايه
والحجى والقرايه
والمشي بي مهابه
في
الضحي
و
الظلام
1984
| |
|
|
|
|
|
|
| |
Mohamed Abdelgaleel
ودقاسم
مزاحم الضوي
فيس بوك
تويتر
انستقرام
يوتيوب
بنتيريست