|
|
 وبرضو كمان الميرغني في البايعيين!!
|
وبرضو كمان الميرغني في البايعيين!!
بقينا نشكل مرة الخمسة ومرة اتنين
وتاني نزيد الفارق يبقى قياسو سنين
ياخي شوية دم تاني الظهري يقبل وين؟
شوف ايداهو القام سداري وداس بنزين!
خلي كلتشي يحضر حافذو ولو بالدين!
ياخي البركه في خالد ود عجب الدين
وفي عبد المولي الكمل حقن الكينين
وفي خلف الله الكره الجية وموية النيلين
وفي شجرابي ونملو وفي الزوليين
وفي رمضان الاصلو مجلي ولي يوم الدين
يلا كلكم ادعو معايا وقولو امين
الله يغطي ديار الاحمر وطن الرائعين
مهداة لغلاة الهلالاب الذين نسوا أن للبلد سيد واحد
|
|
 
|
|
|
|
|
|
|
 Re: وبرضو كمان الميرغني في البايعيين!! (Re: على محمد على بشير)
|
Quote: سامى
خليهم فى ( حاحا وتفاحا )
لمن يلحقوا امات طه |
الله يعلم الرشاوي والتزوير فضلة خيرهم.
والرشوة زاااتا لو مرقت وسابتهم إلى تروح وتحس بالغربة من شدة مامتعودة
الاختشو ماتو
قضايهم في مجملها اخلاقية تزويرية تنشيطية وشراء زمم ومؤامرات لذا انطبق عليهم قوا إذا سأت فعال المرء سأت ظنونه.
حاااااااااااااااااااحا تفاااااااااااااااحا
البركة فيكم
قالو الفراش في ام بدة.
استغفر الله
| |
|
|
|
|
|
|
|
|
|
Re: وبرضو كمان الميرغني في البايعيين!! (Re: سامى عبد الوهاب مكى)
|
بااااع .. بااااع !!
* المريخ غلب الاتحاد في مدني .. معقولة يا ناس؟!! .. هو المريخ ده من متين بغلب الاتحاد في مدني؟ .. يكون اشتروها ناس حاحا وتفاحة!!
* (أيوه أيوه اشتروها والفوز بهدف وحيد بس لزوم تغطية البيعة ساكت لأنه لو فازوا 3/صفر كدة بتكون ظاهرة .. شفت حارس الاتحاد زاغ كيف لما يكيني شات الكورة.؟ يخس على الأخلاق الرياضية!!).
* المريخ هزم الأمل 3/صفر وايداهو جاب تلاتة أقوان .. ها .. ها .. ها قديمة!! ناس حاحا وتفاحة كانوا شاطرين بالحيل.. مش الناس ديل من عطبرة والزول داك من عطبرة؟ .. دي كورة أوانطة .. ونتيجتها كانت معروفة.
* المريخ اكتسح حي العرب 5/صفر.. لا لا لا دي كتيرة خلاص .. بالغتو يا ناس حاحا وتفاحة .. هو حي العرب ذاتو لاعب فيه أحمد السيد معقول يشوت في قون المريخ؟ .. وكمان الحارس شلبي تصوروا.؟.. لا دي كورة منتهية .. وناس أدرووب ديل مافي طريقة يعطلوا لينا الناس ديل ..لكن حننتقم منهم في بورتسودان .. أصبروا ساكت يا ناس طه فكي!!
* المريخ تعادل مع الهلال .. والقون جابو جندي نميري القاعد تسع سنوات ما جاب قون في الهلال .. غايتو لو الكورة دي لو ما نحن كنا طرفها كان قلنا ناس حاحا وتفاحة اشترونا !!.. معقولة جندي نميري يهز شباك المعز؟
* المريخ اكتسح الموردة بنصف دستة .. لا حول ولا قوة إلا بالله .. القراقير ديل ما ببيعوا .. لكن ناس حاحا وتفاحة بالغوا عديييل .. بالله ديل قدروا يشتروهم كيف؟ .. وأربعة أقوان للسعودي تاني ؟ يمكن جمال الوالي وعدهم ببناء الاستاد من جديد .. خسارة القراقير .. أنا ماشي بشارع الأربعين أقول بااااع .. باااع .. لكن خايف يجيبوا خبري .. جماعة ود الجزولي ديل ما ساهلين.
* المريخ هزم الخرطوم3 واحد صفر .. علي الطلاق اشتروها .. انتو يا ناس حاحا وتفاحة قايلين في رأسنا في قنابير ؟ .. عملتوها قون واحد بس؟ .. لا قديمة ! .. اظنهم خففوا كمية الأهداف تقديراً لانتقال صلاح الأمير من الخرطوم3 للمريخ!!
* ناس حاحا وتفاحة المرة دي حيقعوا فيها .. تمشوا بي وين ؟ الكورة في بورتسودان ومع الفك المفترس هلال الساحل .. المرة دي حنشوف شطارة المكسحين ديل .. قال جزيرة الفيل قال .. قال حي العرب قال .. ده هلال الساحل كتال الفرح... واللييييلة!!
* معقولة يا ناس؟ .. المريخ غلب هلال الساحل في بورتسودان ..أصلوا ما بصدق !! لكن عرفناها قالوا وفد المقدمة عملها .. وحيتنازلوا ليهم من الدخل .. يا أخوي ما قلت ليك ناس حاحا وتفاحة ديل أخطر من أمريكا .. ديل قدروا على أخونا هلال الساحل .. إهي .. إهي .. إهي .. ياحليل الأخلاق الرياضية!!
* المريخ غلب الضرائب الأوغندي وتأهل .. أنا شفت ناس حاحا وتفاحة متعشين مع الحكام .. (لكن الحكام ما عملوا حاجة) .. ولا أقول ليك شفت خمسة من لاعبين الضرائب في بوفيه الهيلتون .. دي كورة منتهية خليهم يتأهلوا ويلاقو (كنج فيسل) الغاني .. ده فريق ما بقدروا يشتروه لأنه ممول من السعودية هو ذاته سموه الملك فيصل .. يا زول ما تخاف الصهاينة ديل ما بعدوا الدور الثاني!!.
* المريخ اكتسح جزيرة الفيل 5/صفر .. ها ها ها ها ها ها .. خمممممسة صفر على الجزيرة الطلعت روحنا في مدني ؟ ها ها ها ها .. والله إنت لذيذ بشكل يا مخلص ومخلص بشكل .. وكمان لاعبين الجزيرة ديل دافع حوافز تسجيلهم جمال الوالي .. أبوحشيش .. كنيد .. متوكل أحيمر.. هيثم الرشيد .. النور بارتيز هو منو لاعب ضد منو ؟ .. وكمان بسطاوي ومجاهد الزعلانين.. والعوض كمان .. منو العوض وليه العوض وعلينا العوض .. إهي .. إهي .. إهي.
* المريخ اكتسح (النيل الميت) 6/صفر .. يا أخي النيل الميت والأفيال المحنطة ما في فرق بينهم .. هنا معتصم وهناك مخلص .. ديل خطفوا مننا منتصر وسجلوه بحافز من الوالي .. والستة دي الظاهر بقية الاتفاق في صفقة منتصر .. يخس على الأخلاق الرياضية .. إهي ..إهي .. إهي.
* المريخ غلب باماكو 3/صفر وتأهل .. دي كانت متوقعة .. أصلوا الحكام الجيبوتيين ما عندهم ذمة .. (لكن ديل إريتريين ما جيبوتيين !!) ما ياهو إريتريين .. هو في فرق بين إريتريا وجيبوتي في الخريطة؟ ولاعبين باماكو ديل ذاتهم باعوها .. لا حول ولا قوة إلا بالله.
* المريخ اكتسح أهلي عطبرة خمسة صفر رغم المطر .. أهلي عطبرة ؟ .. إنت بتهظر؟ ما ياهو دا فريق ناس حاحا وتفاحة ذاتهم .. يا أخي ده لو أدوه بلنتي ما بسجله في المريخ .. تقول لي ناس حاحا لاعبين ضد ناس تفاحة؟!! .. والله دي نكتة الموسم!!
* حي العرب غلب الهلال 2/1 .. إهي .. إهي .. إهي .. وا .. وا .. وا .. إهي .. إهي .. ناس حاحا وتفاحة وصلوا بورتسودان .. إهي .. إهي .. (يعني اشتروا لاعبننا؟) .. لا لا لا .. ديل اشتروا لاعبين حي العرب أو أقول ليك حرشوهم عشان يغلبونا .. إهي .. إهي..!!
* (إنت زول مفتري وكضاب .. كيف يعني ناس حاحا يشتروا فريق متذيل عشان يغلب فريقنا العالمي البلعب كل أسبوع مباراة دولية وفيه أربعة محترفين أجانب ومدربه برازيلي؟! .. وبمنطقك ده يعني نحن سجمانين ورمدانين وأي زول يحرشوه يدقنا طوالي .. يا أخي سيبنا من الخزعبلات وباااع باااع كل يوم .. وحتى استادنا قلتوا بااااعوه .. انتو السبب في كل البلاوي وربنا جازانا بقون من حاحا وقون من تفاحة .. أنا ما قاعد معاك تاني من بكرة بمشي أحضر تمارين الرد كاسل .. بلا وهم بلا وجع دماغ !!).
زمن إضافي
* احذروا الميرغني الأنيق الخطير يا مريخاب .. واعلموا أن مشوار الدوري لا زال طويلاً .. مباراة الميرغني ينبغي أن يتم التعامل معها بأداء انتحاري.. فأي تراخ من قبل اللاعبين يعني تسرب النقاط.. وكسلا بالذات كثيراً ما تقتل أفراح المريخ.
* وحدث ما كنا نخشاه .. من إهمال وتهاون في سفر اللاعبين بالطائرة إلى كسلا وتخلف أكثر من لاعب على رأسهم النجم الأول في المريخ هذه الأيام .. ليتم تسفيرهم براً .. وهذا التهاون ربما انعكس سلباً في نتيجة كسلا .. وربنا يستر.
* وجدنا تأييداً من بعض أنصار المريخ لما كتبناه عن مشكلة تصريف مياه الأمطار باستاد المريخ وطالبونا بالاستمرار في الكتابة عن هذا الموضوع .. لذلك ننبه مرة أخرى لضرورة حل مشكلة تصريف مياه الأمطار من ملعب المريخ فموعد مباراة الإياب مع لوبوبو الكنغولي يوم السبت 29 يوليو يصادف الأيام التي يتوقع فيها هطول أقوى أمطار الخريف .. وتجاهل مشكلة التصريف قد يفسد للمريخ قيام مباراة الإياب سواء هطلت الأمطار أثناء المباراة أو قبلها.
* من الممكن إيجاد حلول مؤقتة لعلاج مشكلة تصريف المياه من استاد المريخ ولكن تحديد الحلول يحتاج لتحرك مبكر وقبل أن يضيع الوقت وتستحيل بعدها عملية حل المشكلة لضيق الزمن.. وعليه نرجو من مجلس المريخ تكوين لجنة بقيادة المهندس عبدالقادر همد لدراسة هذا الأمر عاجلاً.
* مشكلة تصريف مياه الأمطار لا تهدد مسيرة المريخ الدولية فحسب بل تهدد مسيرته المحلية فالدورة الثانية للدوري الممتاز ستلعب معظم أسابيعها خلال فصل الخريف.
* حتى يكمل المريخ سد الثغرات القليلة في صفوف فريق الكرة المطلوب تحرك إداري جاد لدعم قرار لجنة التحكيم بإلغاء فعاليات الجمعية العمومية الأخيرة لاتحاد الكرة والتي حددت سقف الشطب السنوي بسبعة لاعبين فقط .. وذلك كي يتمكن المريخ من دعم وظيفة الطرف الأيسر وخط الدفاع .. خاصة أن مرحلة المجموعات في الكونفدرالية إذا قدر للمريخ الصعود لها صعبة للغاية وستضم أفضل وأخطر الفرق الأفريقية و تحتاج إلى فريق مكتمل في كل الخطوط.
اعلاة محاضرة لاعلام الفول وحاااحا وتفاحة من الاستاذ مامون ابو شيبة!
| |
|
|
|
|
|
|
| |
على محمد على بشير
abas
فيس بوك
تويتر
انستقرام
يوتيوب
بنتيريست