|
يا عـازه الفـراق بـي طــال ..
|
عازه الفراق بي طال .. شعر إبراهيم العبادي
يا عازه الفراق بي طال وسال سيل الدمع هطال
طريت برق الفويطر الشال وساح دمعي البكب وشال كمل صبري ومنامي انشال لبس من ناري عمه وشال
أرض آمالي في امحال ومن الهم بقيت في أوحال وبعدك عزه ساء الحال منامي وصبري أضحى محال
حليل الناسا وناسا طريت أم در حليل ناسا وكيف أنساها وأتناسا ومفتون بي ظبي كناسا
ولع جوفي جمري الحي وما بتطفيه آه وأحي فيا زينة ربوع الحي لي دياركم يعود الحي
|
|
|
|
|
|
|
|
Re: يا عـازه الفـراق بـي طــال .. (Re: معتصم دفع الله)
|
معتصم ... أنت كيف تأتي ؟ من وجهة الريح ؟ أم من حجة الفصول بترتيب الوقت في عمرنا .. وعمرنا يا - معتصم - قطار سريع ، يركبه الوجع لينزلنا في اول محطة تضرب لنا الذاكرة فيها موعدا مع الاغتراب ..
.........بى طال!!
| |
|
|
|
|
|
|
Re: يا عـازه الفـراق بـي طــال .. (Re: tmbis)
|
Quote: حليل الناسا وناسا طريت أم در حليل ناسا وكيف أنساها وأتناسا ومفتون بي ظبي كناسا
|
.. . تاني .. لانو المسالة الظاهر لي جابت ليها شوق .. في الصباح دا .. على كل
قول لي شتات موقفك بقى خطير .. انا من هنا ولي قدام .. هو عارف قدام دي وين .. يعني ما يقوم يفتكر قدام دي الطابية والا بوابة عبد القيوم .. والا قهوة ودالبخيت ..
.. . أنتو اقعدو اطلقو فينا الشوق انصاص الليالي .. والصباح بدري خالص .. وتقوموا من النوم وتمشوا الشغل زي الما حصلت حاجة ..
في الوقت دهـ .. بتكون هي في سابع نومة
( امدرمان ) طبعا
| |
|
|
|
|
|
|
Re: يا عـازه الفـراق بـي طــال .. (Re: tmbis)
|
Quote: لانو المسالة الظاهر لي جابت ليها شوق .. في الصباح دا .. |
شوق وودير زمم كمان يا تامبا ..
Quote: قول لي شتات موقفك بقى خطير .. |
شتات هسي مدروك .. بقى في روحو دي وما لاقي مخارجة ..
Quote: انا من هنا ولي قدام .. هو عارف قدام دي وين .. يعني ما يقوم يفتكر قدام دي الطابية والا بوابة عبد القيوم .. والا قهوة ودالبخيت .. |
اها يعني يعدي يمشي توتي ولا كيف ؟ وتوتي دي ما عايزه ليها تأشيرة ..
Quote: أنتو اقعدو اطلقو فينا الشوق انصاص الليالي .. |
جر الملاية يا أخوي .. أنا عارف لوري مناديل ما بكفيك ..
Quote: في الوقت دهـ .. بتكون هي في سابع نومة
( امدرمان ) طبعا |
| |
|
|
|
|
|
|
Re: يا عـازه الفـراق بـي طــال .. (Re: tmbis)
|
تامبا يا صديقي .. عليك الله هسي الزينا دا .. يجيهو النوم من وين ؟
أنا قلت اقوم اولع فيك جمر الحي .. عشان ارجعك هنااااااك .. لي أم در وناسا .. يا حليل ناسا ..
شفتني غياظ كيف ..
| |
|
|
|
|
|
|
Re: يا عـازه الفـراق بـي طــال .. (Re: tmbis)
|
معتصم يا جميل
شكرا كتير
تمبس
Quote: الساعة اتنين ونص وخمسة بالصباح.. انا اعمل شنو يعني .. |
كلمتكـ قبل كده الحل في ايدكـ .. و المسألة دي مافيها خجل
في زول شاف لي دكين يا اخوانا !!
| |
|
|
|
|
|
|
Re: يا عـازه الفـراق بـي طــال .. (Re: خدر)
|
خدر يا فنان .. مساءك ود .. بنكهة الوطن الجميل .. شكراً لوجودك معنا هنا ..
Quote: كلمتكـ قبل كده الحل في ايدكـ .. و المسألة دي مافيها خجل |
كدي كلمني في سري يا خدر زول ما بكلمه ..
Quote: في زول شاف لي دكين يا اخوانا !! |
والله دكين دا اليومين ديل .. إلا تربط ليهو في جنينة العمدة ..
| |
|
|
|
|
|
|
Re: يا عـازه الفـراق بـي طــال .. (Re: معتصم دفع الله)
|
دا ما غيرك يا معتصم اخوي .....
السهرة دي لذيذة جدا ... و اجمل حاجة فيها النقار بين اعمامك العلى الشمال و الشباب المطرب على اليمين... اعمامك ضفروا الشباب بنقد موضوعي و حااار و الشباب دافع عن حقو في الاستمتاع بالحقيبة و الغنا القديم سهرة لطيفة جدا و الغنا الفيها وجعنا و لا استغرب جلبك للنضار هذا دأبك يا معتصم! طبعا اخونا العلى اليمين ده خطييييييييير جدا بس اسمو راح لي (معذرة) بالذات لما غنا الزيارة...
اها يا جماهة الخير سؤال يتلب من وحي الطرب الاصيل...عازة المعذبانا و معذبة جدودنا دي حكايتا شنو..فيها ترميز لكن اصلو شنو و جا من وين ما بطفيهو آه و احي!
| |
|
|
|
|
|
|
Re: يا عـازه الفـراق بـي طــال .. (Re: saadeldin abdelrahman)
|
الزول الجميل سعدالدين .. تحيات الشوق والمحبة .. فعلاً كانت سهرة جميلة .. والأجمل الحوار كان بين جيلين .. ولا يزال أملنا في الشباب ديل .. بأنهم سيحافظون على أغنيتنا السودانية وتراثنا .. والزول العلي اليمين دا اسمو صلاح الأمين .. فعلاً زول فنان وغناي شديد .. بيذكرني الراحل صلاح الأمين لاعب المريخ .. كان يتلاعب بالكفر ويطربنا رحمه الله .. كما يفعل صلاح الأمين الفنان الآن وهو يطربنا كذلك ..
شيل الصبر بجيك بي قصة الأغنية ..
محبتي وتقديري ..
| |
|
|
|
|
|
|
Re: يا عـازه الفـراق بـي طــال .. (Re: معتصم دفع الله)
|
يا هذا .. ويا ذاك .. ويا تلك ..
Quote: ولع جوفي جمري الحي وما بتطفيه آه وأحي فيا زينة ربوع الحي |
يا هذا .. هكذا ألقيت قنابلك الصوتية ورحلت لا تلوي على ألم .. هكذا وعلى أجساد نحيلة لا تقوى الاحتمـال .. أما كفاك همهمات الوجع القـديم ؟ إن الإضاءة أكبر من قوة الإبصار .. فرفقاً بالعيون السود ..
ويا ذاك ..
Quote: في الوقت دهـ .. بتكون هي في سابع نومة
( امدرمان ) طبعا |
امدرمان يا هامـــان؟؟ !!!!!!!!!!!!!! هكـذا أيضـاً .. وأنت تستلقي على سواحل الخليج العربي ولا من شاف ولا من دري .. ان شاء الله ما ينفعك .. ويدخل عليك بالساحق والماحق والبلا المتلاحق ..
ويا تلك .. مزيداً من النيران الصديقة وغير الصديقة .. مزيداً من الحريق .. خذي الرماح من كنانة الجحيم .. "وبرضو من سواد العيون" .. وارمي ما شاء لك الرماء .. لا تأخذك بهم رحمة أو رأفة .. (وما تنسي برضو خبير كدا من السويد)
ويا عازة الفراق طــــــــال ....
| |
|
|
|
|
|
|
Re: يا عـازه الفـراق بـي طــال .. (Re: شتات)
|
... .. . المعتصم كم جميل .. وبهى كل هذا الوفاء فيك .. قليلون هم الذين يتوسدون خاصرته ثم يعضون عليه حد الادماء .. عسى التغرّب لايعبث بك وأصيل تفاصيلك ..
خروج فاضح تماما عن السياق
ياشباب شتات رفيق امسيات بلون البنفسج وزميل عمود أصيل فرفقا جميلا به...
| |
|
|
|
|
|
|
Re: يا عـازه الفـراق بـي طــال .. (Re: hero)
|
تاني خروج فاضح عن النص .. بعد اذنكم يا شباب ..
Quote: خروج فاضح تماما عن السياق
ياشباب شتات رفيق امسيات بلون البنفسج وزميل عمود أصيل فرفقا جميلا به... |
يا سـلاااااااااااااام .. هيرو!!!
كم جميلة هي المراكب التي تحملنا وإياك .. كم جميلُ هذا البحر وإن اضطربت جوانبه .. وما أعذب هذا النبع الذي يسقـيك .. ما أنبل هذا الخطاب الذي تحمله بين جنبيك .. لأنت والرفاق هنا ضفتين ونهر من رحـيق .. كثيراً ما نرمي الأقلام .. ونكسر الألواح .. ونلعن سلسفيل الظروف .. وننزوي قصيَّا .. ولكن يظل شيئاً يدب في الأعماق يدفعنا إلى آفاقـكم الرحيبة كاسفنجة ترفض القاع .. تظل صورة راسخة في مرايا الوجدان لم تتكسر مع زلازل الأحـوال .. هي تلك التي شكلتها أناملكم بريشة دافنشي وخيال مايكل أنجلو .. تظل أغنية بصوت فيروز أو سيلين ديون تعزفونها على ضفاف هذا الخليج .. فبمثل ما تترك الطيور أعشاشها عند الفجر وعلى الله رزقها .. نخرج كل يوم نبحث عن كلمة تسد رمق الروح .. أو عبارة تبلسم الجروح .. أو خطوة إليها .. وإلى الله المصير .. لذا يظل الارتباط هنا قائماً اقتربنا أو نأينا .. سعدنا أو شقينا .. فكن قريباً حتى نصمد أمام قوى الطرد المركزية .. كن قريباً لنحافظ على مغناطيسية الوجود .. كن قريباً حتى لا ننسى "ملامحنا" فينسانا الطريق .. التحية لك يا هيرو .. وعميق الشكر على الشعور الهائل الذي ظللتني به .. وستجدني آهــلاً بكم .. أزهو كفراشة في موسم الربيع .. وسأراكم نجمة تأخذني دوماً إلى مغاني وطـني .. حيث "النيل يلمع في الظلام زي سيف مجوهر بالنجوم من غير نظــــام" .. .. . وأطيب الأماني صلاح / شتات
والباقي هنا يا هيرو يا جميل : ملامح (4)
| |
|
|
|
|
|
|
Re: يا عـازه الفـراق بـي طــال .. (Re: شتات)
|
مهلاً يا صحاب الجرح .. والعشق المبعثر .. إني أفترش الزمان رواية .. أحجي بها بعض الذين وددتهم .. كي يعلموا بان العشق جزء .. من تضاريس الحياة .. لكن رغم التفاصيل الجميلة .. واللقاءات التي تجتاح .. أسوار المدينة .. قد لا يكون هو الختام ..
شتات .. أما كفى من حريق ؟ وسهام تفتك بنا ؟
شكراً لحبيبات المطر .. التي رطبت صحراء أحزاننا ..
شكراً جميلاً ..
| |
|
|
|
|
|
|
Re: يا عـازه الفـراق بـي طــال .. (Re: شتات)
|
حلاتك وانت ماري بالزي السمـاوي
وجرح الفرقة قاسي الأيـام تتداوي
زي ما قال ليك وليد طه في يومٍ ما :
حروفك الزرقاء الواهنة الجميلة تبدوكفتاة مكسيكية رشيقةٌ جميلة تتهادى فى دلال واضح وفى كلاسيكية ندية كحُلم انيق حط رحاله..
لك الود يا زعيم
| |
|
|
|
|
|
|
Re: يا عـازه الفـراق بـي طــال .. (Re: حمزاوي)
|
الجميل / معتصم ...
تحية الود والإخاء ...
قل لي بالله أخي .. مالي أراك توقظ بنا كل هذه الزكريات الجميلة ... أراك أستاذاً يا معتصم في ثبر أغوار الحزن النائم داخل حدقات قلوبنا ....
غايتو أقول ليك شنو أنت والمجموعه الانتحاريه المعاك .. تامبا .. اللابد في الشرقيه .. وشتات صاحب الحرف المشتعل .. ولؤي الرابض في السويد كما هو في قلوبنا ... بس بقول الله يجزاكم خير ... وعلى قول تامبا .. الله في ...
| |
|
|
|
|
|
|
Re: يا عـازه الفـراق بـي طــال .. (Re: عشة بت فاطنة)
|
عشـة .. عارفنك ست واجـب وتب ما بتتأخـري .. دموعك غالية والله وأصلو ما بتقصري .. وانشاالله في العديل والزين واليوم السعيد تحضري وتتبختري .. وزغرودة منك لي ست الحسان ست "اللهيج السكــري" .. الغالية زي نظر العيون البايعة فينا وتشـتري .. الساكنة في الروح والفؤاد ويا نفسي كيف تتصبري .. والحال ياهو ذاتو الحال يا عشة مستحيل تتصـوري .. بس خليك قريب جداً تدعو الله وتذكــري .. بالباقيات والصالحـات يبقي القليب نادي وطري .. ويحفظ ست الحسان من كل شر ومن كل حاسـد ومفــتري .. وانشاالله في الأفراح يا عشة نلقاك دوام في المقدمة ولي كل خـير تتصـدري ..
| |
|
|
|
|
|
|
Re: يا عـازه الفـراق بـي طــال .. (Re: إدريس محمد إبراهيم)
|
آآآآخ يا أستاذنا إدريس .. الذكريات ؟؟ هذا ما نعيش عليه .. في زماننا المؤحش هذا .. ما أحلاها .. وما أمرها .. وأين فاتت مننا الأحزان عشان تجينا تاني ؟ لله در الجميع .. انها الأشواق والحنين .. لأشياء تعيش داخلنا ..
كن بألف خير ..
| |
|
|
|
|
|
|
Re: يا عـازه الفـراق بـي طــال .. (Re: walid taha)
|
( كنت معاي .. وكان الشوق في الكرسي الفاضي .. وطعم الحتة حزين .. ولون القلب بنفسج .. كانوا جميعاً بيسألوا عنك .. وين الزول أشجار الصندل .. وين متقابة الروح وثمار المشتل .. وانت لأنك كنت ومافي .. كان الشاي بس ناقص سكر ..)
يا ولي .. معقولة بس .. كفاية جهجهة واحدة ..
| |
|
|
|
|
|
|
Re: يا عـازه الفـراق بـي طــال .. (Re: ملكة سبأ)
|
يا عازه الفراق بى طال ... وسال سيل الدمع هطال
ما فيكم يا اخوانا زول ماشى لى عازه قريب
عندى وصية
يجيب لى معاهو ... موية نيل .. وبراق قبلى..ورشة دعاش وضل شجيرة نيم وصوت قمرية
وان الكلام ده كتير ... بتكفينى موية زير..
والف سلام ليك يا عايزه
ووو
دموعنا مطر!!!!!
| |
|
|
|
|
|
|
Re: يا عـازه الفـراق بـي طــال .. (Re: معتصم دفع الله)
|
.. .
Quote: طريت برق الفويطر الشال وساح دمعي البكب وشال كمل صبري ومنامي انشال لبس من ناري عمه وشال |
تصدق يا ابو الدفاع والله انا جوه السودان وبشتاق ليهو ياخى ما فى اجمل من الوطن ..
بلاد الفناها على كل حالة وقد يؤلف الشئ الذى ليس بالحسن ونستعذب الارض التى لا هوى بها ولا ماءها عذب ولكنها وطــن
سمعتها مره من السن الرعاة اياكـ .. اياكـ ان تموت خارج الوطن ..
__________
والله الصور ابت تنزل ياخى ادينى موقع لتحميل الصور ..
| |
|
|
|
|
|
|
Re: يا عـازه الفـراق بـي طــال .. (Re: انعام عبد الحفيظ)
|
..
Quote: تقول لها جارتها اللبنانية،.. - صرتِ سودانية يا حسنا؟ ترد حسناء: عليك الله؟ بحسبانها تحليفتنا الشهيرة. تُنهي مكالمتها لتقول لي ضاحكة،.. - نوزّع الفرح نحن، ياك؟ وبحق لم تستطب لا الغناء السوداني، ولا الموسيقى السودانية، سوى أغنية واحدة، كانت ترددها النهار بطوله حتى تُضجرني،.. يا عازّة الفراق بي طال، وسال سال مني الدمع وشّال،.. مع لكنة،.. إذ لديّ تسجيل للأغنية بصوت فرفور ومحمود وآخرين لا أعرفهم،.. وكنتُ أقول لها مكاوياً، لو اطلّقنا تمشي تطلعي جبل عين أسردون، حيث نبع أو "عين أسردون" التي تعني البغل في لغة الأمازيغ، والتي كنّا نجلس عندها معاً كل يوم تقريباً، ثم تذّكري يا حسناء "الدراوي" فتبكين حتّى ينسى الناس الأسردون ويقولوا "عين حسناء"، فتصدّقني وتبكي بجِدّها -مقدّماً، كانت "حنينة"، وكنت قد ابتكرت لنفسي ولمعارفي أن نناديها بذلك. ما زلت أذكر انعكاس الشخص الدراوي والحزين، أنا، في عينيها البنيّتين، لا أدري كيف طلّقتها، كانت بنيّة رائعة لي، فعمرها لم يعتّب الـ19 بعد، ولم تكن تتحدّث عن الناس بسوء أبداً،.. هيّا، أنا ذنوبي كثيرة يا ربي، ومَلَكا التدوين خاصتي، أسلما يديهما لتُوضعا على رأسيهما تمحّناً، وسقط قلماهما منذ زمن بعيد، ليخلو الجو لقلمي وحده،.. أنا رجل خرجت في الكتابة، فالله وأهلي ومعارفي ومن تتزَوَّجني، عليهم أن يعرفوا ذلك،.. فلا فائدة مني إلا بصدد كتاب.
|
رواية تيموليلت،..
إزيك يا معتصم صاحبي، دا التسجيل القاصدو أخوك أها البغنو ديل منو؟ عشان نصلح النص، أنا إن شاء الله ما أصلّح ذاتو،..
..
| |
|
|
|
|
|
|
Re: يا عـازه الفـراق بـي طــال .. (Re: محسن خالد)
|
صاحبي الجميل محسن خالد .. كيفك والشوق كميات .. شداني كلامك الجميل عن أغنية عازة في الرواية .. وحكاية اعجاب حسناء بهذه الأغنية الرائعة .. وهي فعلاً تعد من الأغنيات الخالدات التي كتبها العبادي .. وعن المغنيين هم .. الأول على اليمين صلاح الأمين .. في الوسط بكري المغرب .. في الشمال مسعود .. وهذا تحليل بسيط للأغنية كما سمعنا .. ونتمنى أن نسمع منك المزيد عنها .. وإن شاء الله نحن ما نصلح زاتو ..
يقال أن العبادي كان في مأمورية بمدينة الأبيض واشتد به الشوق والحنين لأم درمان فكتب باكياً هذه القصيدة .
طريت أم در حليل ناسا ..
وفي رواية أخرى يقال بأنه كتبها في إحدى ملهماته .
وتتجلى هنا قدرة العبادي اللغوية وتظهر بلاغته .. في استخدام المحسنات البديعية من جناس وطباق ومقابلة كاستخدام كلمة واحدة في أكثر من موضع ..
مثال ..
طريت برق الفويطر الشال وساح دمعي البكب وشال كمل صبري ومنامي انشال لبس من ناري عمه وشال
الشال الأولي المقصود بيها تجمع المطر .. والفويطر هو السن البسام ووصفه ببرق الفويطر من شدة لمعانه .. والشال الثانية انهمار الدمع وهو شدة البكاء .. والثالثة منامه انشال .. قل نومه أخذ منه كناية لشدة السهر .. وشال الرابعة هي الملفحة التي يستخدمها الكثير من السودانيين ..
وفي البيت .. وكيف أنساها وأتناسا ومفتون بي ظبي كناسا
ويجوز أن تكتب كذلك .. وكيف أنساها وأتناسا ومفتون بي ظبيك ناسا
وفي الحالتين صحيح .. والكناس هو مكان تجمع الظبي وهو المكان العالي الذي يتجمع فيه الظبي لمراقبة الخطر المحدق بهن . كما يقول ود الرضي كذلك ..
ظباة الحسن في كناسن بريدن ابقى وناسن يموع قلبي ويخاف باسن يا جافي ماك من ناسن
أو ناس مفتونين بالظباة ولعله كان يقصد محطة الفضاء الأمريكية ناسا كذلك .. والله أعلم ..
والعهدة على الرواي ..
| |
|
|
|
|
|
|
Re: يا عـازه الفـراق بـي طــال .. (Re: تيسير عووضة)
|
هي ليست حركات يا تيسير .. إنها ثورة في دواخلنا .. ضد سحابات الهموم .. ما بين السكات والقول .. هروب من هجير الأحزان وصقيعها .. هي دعوة للحب .. والتلاقي .. دعوة للتسامح .. دعوة لاجترار الذكريات .. دعوة لمحاربة القبح داخلنا بالنغم ..
وصوت ذكراك رزاز صفق على خطوات بنات .. سجعن وصوت ذكراك .. حنين لى غيبة فى المجهول ولولا الذكرى مافى ..وصول ولولا الذكرى مافى .. إصول ولولا الذكرى مافى شجن ـــــــالدوش .. كوني بألف خير .. وشكراً لوجودك الجميل معنا ..
| |
|
|
|
|
|
|
Re: يا عـازه الفـراق بـي طــال .. (Re: معتصم دفع الله)
|
ريحانة البورد معتصم..
سلام وشكرا كثيرا ..
ولّع فيني جمرو الحي وما بتطفيهو آه وأحّيْ يا زينة ربوع الحي لي دياركم يعود الحي
عليك الله، أنا طالب "إبلي المشرفات وسمن فاخر ينفعني درهن في اليوم الآخر" في الفيديو، وعندما تنزلها أرجو أن ترسل لي مسنجر تقول لي وصلتها عشان ما تفوتني..
وسلام للجميع
ياسر
| |
|
|
|
|
|
|
Re: يا عـازه الفـراق بـي طــال .. (Re: معتصم دفع الله)
|
ولع جوفي جمري الحي وما بتطفيهو آآآه واحي يا زينة ربوع الحي لدياركم يعود الحي
يا شذا البورد الفواح ايها المعتصم يا ناشر الفرح (الحزين) ماذا تفعل بنا ايها الفتى الرائع ؟! انه وحيح باحساس لدغة من صادر الصوت الفحيح.. امتعنا يا زينة شباب البورد. وواصلا الابداع ورفيقك التمبس .. وتلمسا مواطن الوجع وضعا البلسم والترياق.
| |
|
|
|
|
|
|
Re: يا عـازه الفـراق بـي طــال .. (Re: معتصم دفع الله)
|
كلماتى يا زمن الأفراح الورديه عبرت موجات البحر لتصل إلأيك لتقول: أنا مشتاق لِتُطِلَّ قليلاً فى عينيكْ ولتحملَ عذرى فى سفرى فأنا يا سمراءَ الصحراء.. ..هذا قدرى.. إما أعشق أنثى عاصمةً تلك المحبوبة أم درمان
"الدسوقي"
نومي و صبري اضحي محال!
و شوكران* ع الجرسة المعتبرة يا معتصم،، مردودالكم،،
| |
|
|
|
|
|
|
Re: يا عـازه الفـراق بـي طــال .. (Re: غادة عبدالعزيز خالد)
|
وأخذت أغنى فى شجو، ألمى ظاهر يا طير الهجرة ... يا طائر يا طيراً وُجْهَتُه بلدى خذنى بالله أنا والله على أُهبةْ قصّتْ أقدارُ أجنحتي و أنا في زوايةٍ أتوسد أمتعتى ينحسرُ الظلُّ فأمضي للظِّل الآخر *** لكنّ الطير مضى عنى لم يفهم ما كنت أُغني
صلاح أحمد إبراهيم ..
شكراً غـادة عبدالعزيز خالد ..
وفوق سودانا فوق ..
| |
|
|
|
|
|
|
Re: يا عـازه الفـراق بـي طــال .. (Re: معتصم دفع الله)
|
آآآه يا عازة يامعنى و(وطن) ، كيف يتحوّل فيضُ الجراح .. طوفانَ عـسل ٍ .. يجرّف أساطيل الوجع المـرّ ؟! و كيف ياهذه (الناسا وناسا) .. كيف لـ ( جمر الحي ) الأمضى في شقـوق الجـفاف ، أن يغـدوَ ألين من هدب وليد ، و أنعم من جنح فراشة ؛ فـ يـدغـدغ بذور (امدر) المتحجرة ؟! يربت عليها ؛ حتى يهـتز من رماد الصبح عـِرْق الشمس الأيبس ؟! كيف يا...(آآآه واحيى) ؟ كيف تعـود تربو على سفـح الحروف داليةُ مشاعـر غائبةٍ حاضرة ٍ،
معتصم..انا لا ازال (ازوزى) هنا!!
| |
|
|
|
|
|
|
Re: يا عـازه الفـراق بـي طــال .. (Re: bushra suleiman)
|
ونحن لاقنك وين يا بشرى .. وجودك هنا يضخ نقطة الدم الفي عروقنا .. يحرك عصب سكوننا .. معاً نشتاق .. ومعاً نرحل .. إلى تلك العوالم الجميلة .. من ربوعنا الحبيب " الوطن ".. نطرى ناس .. كانوا بيعزونا .. حليل الناسا وناسا .. شكراً جميلاً صديقي الجميل بشرى .. لك كل الحب ..
| |
|
|
|
|
|
|
Re: يا عـازه الفـراق بـي طــال .. (Re: زول ساكت)
|
يا ام در
معتصم ""تور"" علي الشجن.
وهنا استحضرتنى قصيدة اعشقها لشاعرنا الحنين ""اسماعين حسن""
القال فيهافى ""ريحة التراب"".
""بيكتلني الاسى قبال أشوفك..!! وقبال
العيون الطاشة
ترتاح في جروفك..!!
أنا
يابهجة الأمل المنور
حنين مندسي فى داخل حروفك..ّّ!!
أنا لو شفتي
بس ياني البهاتى
واعانى اللوعة
من حظي...وظروفك..!!
شن بنسوي
فى قدرن غدرنا
وجمعنا
بلا تشوفينى وأشوفك..!!
بقيتى حنين
تزغردى فى دفوفى.
وأنا هيمان
بنقز..فى دفوفك..!!
وفى جوف الزمان
متل الحكاوي
عشقتى الطيف
وأنا زيك مهموم
أشابى ليك وأعانق فى طيوفك..!!
جرحتك
فى الهوى
بى حد سيفى
وقلبى الدامي بى طعنات سيوفك..!!
وتبكى براك
فى جوف الليالي
وأنا ببكي
وأمد الكف عشانك
واحس فى الضلمه اتمدن كفوفك..!!
تصوري
كيف تكون الدنيا
لما..
تشوفينى عديل
أنا بحقيقتى
وأنا زيك
حقيقه عديل أشوفك.""
معتصم الجمــــــــــــــــيل.
شكرا على الشجن.
| |
|
|
|
|
|
|
Re: يا عـازه الفـراق بـي طــال .. (Re: Omayma Alfargony)
|
الله يصبرك يا أميمة .. ما دا القاطع نفسنا نحن زاتو .. الشوق والحنين .. شكراً لقصيدة الراحل إسماعيل حسن .. بيكتلني الاسى
قبال أشوفك..!! وقبال
العيون الطاشة
ترتاح في جروفك..!!
شكراً لوجودك معنا في هذه الدوحة ..
محبتي وتقديري ..
| |
|
|
|
|
|
|
Re: يا عـازه الفـراق بـي طــال .. (Re: زول ساكت)
|
الزول الجميل عبس .. إنه الشوق والحنين .. للربوع .. لضل الضحى .. وموية المطرة .. ونقاع الزير .. ولمة الحبان في العصرية .. والجو غيم .. وكباية شاي المغرب والناس جاية من التمرين .. وحاجات حلوة كتير ..
أرقد عافية ..
| |
|
|
|
|
|
|
Re: يا عـازه الفـراق بـي طــال .. (Re: نادية عثمان)
|
سلامتك من قومة النفس يا ندوية .. هسي عليك الله الحاجة دي ما عايزة ليها .. عنقريب هباب كده في ضل العصرية .. والحوش مرشوش .. وناس البيت ملمومين وهاك يا ونسة .. وفنجان الجبنة مدور ..
آآآآآآآه يا بلد .. آآآآآآآه يا شوق .. أأأأأأأه يا حنين ..
شكراً جميلاً ندوية ..
| |
|
|
|
|
|
|
Re: يا عـازه الفـراق بـي طــال .. (Re: معتصم دفع الله)
|
ياعازة ،، الفراق بي طال ..
يخـدّر ضــراعكم
إنتَ وشريكك تامبــا ..
وبالمرّة ،كمان، شتات ، وكذلك، الكاردينال ، على رغم، استعجاله ومشغوليّاتِه! ..
يا معتصم ،
اليوم، واليوم فقط!، استمتعتُ تماماً بهذا البوست ، ويحيا الرِّيالبلير الباتع ..
تخريمة ،،
ياخي الزول الفنّان الفي نص دا (واظنّك قلتَ إسمو : بكري المغرب) .. غنّى مرّة في واحدة
من سهرات " النيل الأزرق" أغنية [ قلبي بِـدُق .. تظلمني ليه .. ياجميل ما ليكا حق] ،
وكانت تلك السهرة في واحد من الأعياد الفاتت قبل سنة والاّ سنتّين! مامتذكر .. المهم..
الرّاجل دا تجلـّى فيها .. فياريت تكون لقطتـَّها ؟ ..
تحايا ليك ، وللجميع في هذا البوست المتألِّق ..
| |
|
|
|
|
|
|
Re: يا عـازه الفـراق بـي طــال .. (Re: محمد أبوجودة)
|
الجميل محمد أبوجودة .. مرحباً بك وأنت تجمل هذا البوست بحضورك الأنيق .. تمبس اليومين ديل بقى ما بتفاهم حالتو صعبة خلاس وشكلو فراشه دا ما رافعه خالس .. أما شتات بقينا نساكك فيهو من حتة لي حتة تقول عين وأصابتهم .. الكاردينال محمد الشيخ ياهو الفيهم رغم مشغولياته لكنه دائماً حاضراًً في دواخلنا ..
وحقيقي نظريتك صاح بكري المغرب زول فنان كأخيه سامي المغرب .. وللأسف لم أحضر هذه الحلقة ولكن عندي تسجيل لهذه الأغنية بصوت سامي وهي قمة في الروعة .. وسوف أجتهد في الحصول عليها لنلبي ليك طلبك دا ..
دم بخير ..
| |
|
|
|
|
|
|
|