|
Re: للبيـــع ..... (Re: يازولyazoalيازول)
|
أبو النسب
سلام
ممكن أضيف ؟
Quote: ببغاء افريقــي يتحدث بطلاقة العربية والانجليزية وقليل من التركية .. |
و يحن إلى لغته الإفريقية الأم .. و لا يجد من يتونس معه بلغته الأم.
Quote: قطـــة من الهملايا عمرها شهر ونصف لونها بني فاتح مع شهادة طبية ... |
و باركها الدالاى لاما قبل أن تحضر لصحراء نجد
Quote: جمـــل عيدان جذع لونه اصفر ... |
أصفر عديل يا ود الباوقة ؟ ما علينا .. مادام أصفر يا حبذا لو كان ( بسنامين )
Quote: ثعـلــب عمره سنة ونصف لديه ولد وبنت ... |
أها الولد و البنت وارثين حاجة ولا برضو حتكون الكفالة على المشتري ؟
Quote: قطة اليفة لون العيون زهري ولون شعرها فئراني |
دي قطة فالتة .. من وين جابت اللون الفيراني دة ؟
Quote: قطة نظيفة جميلة ومدربة شعرها طويل لديها تلاتة اولاد |
شعرها طويل ؟ دي أكيد متعودة على ( هيد آند شولدرز ) و حتكلف المشتري قروش .. و أولادا التلاتة لعلهم ما أيتام ؟ أقصد أبوهم وين ؟
غايتو أنسب واحد الجمل .. بي كم يا أبو النسب ؟؟
| |
|
|
|
|
|
|
Re: للبيـــع ..... (Re: يازولyazoalيازول)
|
Quote: بعدين (ضب مدلل) دى كيف يعنى؟ |
مدلل يعني يا زول يا زول ....بعد الغداء التحلية بتاعتو باسكــن روبنز ..... وعشــاه بيتزا هوت .... تشتري ...
ود الباوقة
| |
|
|
|
|
|
|
Re: للبيـــع ..... (Re: walid taha)
|
Quote: غايتو أنسب واحد الجمل .. بي كم يا أبو النسب ؟؟ |
العمدة ابو جهينة .. ما بنختلف انا عارفك عجبك لونو .. بعدين بنديك معاه الثعلب هدية والاولاد حقنو بنوديهم لي حبوبتهم ...
ود الباوقة
| |
|
|
|
|
|
|
Re: للبيـــع ..... (Re: معتصم دفع الله)
|
Quote: كدي ورينا يا ودالباوقة .. نظام الشراكة كيف .. عشان الواحد يكون مطمن |
الشفيف معتصم .. ارجو ان تطمئن .. الجمل له سنامان يعني من السنام الوراء دا حيكون حق العمدة ومن السنام القدام ولي قدام دا حقك انت والمنطقة الفي الوسط ممكن تأجروها لي تمبس .. الكلام دا بعد استشارة العمدة ابو جهينة يمكن يكون دايرو براهو ...
ود الباوقة
| |
|
|
|
|
|
|
Re: للبيـــع ..... (Re: ود الباوقة)
|
ود الباوقة.. حبابك يا صديق..
لكن ما غلطت يا صاحب.. انت قايل البيع ده ساكت كده؟
كان تستعين ليك بدلال فاهم في امور البيع و الشرا.و المزايدات و الدلالات..جملة و قطاعي ..او نخاس من نخاسي اليومين ديل..
غايتو بديك اوصاف واحد.. و انشاء الله تلم فيهو.. هو دلال كبير.. انترناشونال.. و عندو نظرية في فقه تقديم الخدمات .. اسمها..نظرية النشاط التجاري الخدمي ثورة العالم القادمة..
و هي صالحة لكل االأغراض..
و دمت كبر
| |
|
|
|
|
|
|
Re: للبيـــع ..... (Re: Kabar)
|
Quote: لكن ما غلطت يا صاحب.. انت قايل البيع ده ساكت كده؟ |
الاخ كبر شكرا على الطلة البهية ..
الاشياء دي للعرض فقط واسعارها معروفة ومواصفاتها دون غش وعلى الطبيعة يعني بيع على عينك يـــا تاجر ..
Quote: كان تستعين ليك بدلال فاهم في امور البيع و الشرا.و المزايدات و الدلالات..جملة و قطاعي ..او نخاس من نخاسي اليومين ديل.. |
المسالة لا تحتاج لدلال فاهم بقدر ما تحتاج من له خبرة في علم الحيوان يعني الشغلانة ساهلة شديد وما تشيل هم ...
لكن يا كبر حالف الضب دا ما اديهو الدلال الا ابيعوا براي ....
ود الباوقة
| |
|
|
|
|
|
|
Re: للبيـــع ..... (Re: ود الباوقة)
|
Quote: أها الولد و البنت وارثين حاجة ولا برضو حتكون الكفالة على المشتري ؟ |
العمدة ابو جهينة ..
والله ما عندهم التكتح اصلوا ابوهم الثعلب طلع من البلد من بدري ومنتظر يصحح وضعوا عشان يــكون نظامي وبعدين الرزق على الله .. يعني باختصار الكفالة حاتكون مؤقتا على المشتري ..
ود الباوقة
| |
|
|
|
|
|
|
|