|
|
 تخلوني براي مع البرَّاي
|
عندنا بت خالنا كان متزوجها راجل عندو بت أختو عاشت مع راجلها على جيهات الجزيرة كدا وكانو أهلو متعودين ما يدو بناتهم لي ناس غرباء لأنو زمان عندهم بت خالتهم عرسها واحد غريب وطلقها وعمل معاها مشاكل وصلت المحاكم ياخ إحتمال تكون سمعت بالقاضي عبدالكريم عبدالباقي أها دا القاضي الحكم في القضية والذ حاجة الراجل شابك القاضي يا مولانا يامولانا المرة دي كانت بتربي الجداد وتديهوالأكل في الصحن البناكل فيهو هههههههههه لكن خالتنا نفيسة كانت مرة نجيضة ياخ دي كانت بتسك الحرامي عديل كدا ههههههههههه مرة هههههههه مرة سكت الحرامي لمن قطعتو الترعة وهي وقعت وإتجلبطت بالطين لأنو المحل ما محل مخادة ههههههههه
عليكم الله فهمتو حاجة؟؟؟
بس إتخيلوا كدا الزول دا كان بحكي لي في القصة دي وأنا نعسان عيني يتخابتاً من النعاس وهسع كل ال(ههههههههه) دي حقتو هو براهووو يضحك وأنا أسوي ليهو (والله لكن) وهو يتسمر
غايتو الزول دا قداني قد وأنا هسع أعتبر في (قداد) الموتى
|
|
 
|
|
|
|
|
|
|
|
Re: تخلوني براي مع البرَّاي (Re: Tabaldina)
|
بدر الدين ود مناقزا ههههههههههه آآآآى مناقزا
فى واحد كان مكتول فى احدى حسان فداسى فى الزمن القبيل
..بعد اذن شبابها الحلو..احكى ليكم الفصة
اها الزول دا بحجر للبنية فى الغدير(ههههههه)
اها ابوها كفشو (هههههههه) وعمل للبنية سقى.(هههههه.بجيب ليها الموية(هههههه)
اها زولك دا اتلفخ (ههههههه) يعنى جنى وفارق المحنة..
اها قال فيها
عنكوليب فداسى الاشرق النقاى
وغفرو الحارسو معروف بخلو مو..عطاى
انا شن بهدينى من فوسبة ( البراى)
صايل وجافى ومحاربنى وبدورو ازاى
براى الزول دا هى نفسها البراى الخلوك معاه دا
مع خالص ودى
ووعدى القديم
| |
|
|
|
|
|
|
|
|
|
Re: تخلوني براي مع البرَّاي (Re: abuguta)
|
صديقي ابوقوتة البحل المربوطة
سلام ياـ.........
Quote: براى الزول دا هى نفسها البراى الخلوك معاه دا
مع خالص ودى
ووعدى القديم |
ياخوي أوفي بوعدك سريع قبل ما يفنشوني والله بعد داك إلاَّ أكتبو ليك في نادي حلتنا الثقافي الرياضي الإجتماعي
يمين بالله مشتاق ليك
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
البدري حلا
حلاتك مع شاي الصباح
صاحبك ده هيّن قدام صاحبي
ده يا حبيب لو ساورتك اي رغبة في الفكاك من قبضة ونستو الفاكه
علا يلحقك بونية...اهم حاجة انك تسمعو كويّس ولو فكرت انك تجاملو طوالي يقول ليك انتبه هنا انت تفكيرك ماهو معاي والا شنو وهاك يا خبيت.
وفي حلتنا عندناواحد مسمنو كتلا
والاسم ده لانو بيكتل الونسة ويفطسها فطيس يعني لو دخل في موضوع تاني ما تقدر تلم الموضوع لانو بيدخلك في حتات غويسة.
بعدين كمان كان عندنا واحد مسمنو صبري القبضة ده لو بيحكي لينا في حكاية وجا واحد وقال السلام عليكم
ونقول ليهو عليكم السلام ورحمة الله وبركاته
تتخيل يا البدري حكاية رد السلام دي كانت بتزعلو بالحيل
لانها بتجهجه قبضتو لينا
| |
|
|
|
|
|
|
|
|
|
Re: تخلوني براي مع البرَّاي (Re: garjah)
|
قرجة الظريف اللذيذ
سلام وشوق
Quote: تتخيل يا البدري حكاية رد السلام دي كانت بتزعلو بالحيل
لانها بتجهجه قبضتو لينا |
لا لا دا خطير يا قرجة لكن عندنا واحد زيو كدا داك بحكي وهو سافي تمباك ولمن يجي يطلع السفَّة بكون خاتي يد في شلوفتو ومقبل على الباب واليد التانية مخليها ورا ضهروا مواجهة للمتلقي في إشارة واضحة بعدم تغيير الموضوع ومعها بعض الأصوات غير المفهومة ههوهوهوهوهوهو وكأنها جزء من الحكي
إن شاء الله يلاقيك
لك حبي وإشتياقي
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
| Quote: عندنا بت خالنا كان متزوجها راجل عندو بت أختو عاشت مع راجلها على جيهات الجزيرة كدا |
بدرالدين الما شين اللي في (قداد) الموتى
تحيات وارفات كميات
بالله بت خالو كان متزوجها راجل ؟؟ حاجة غريبة ياخ
| |
|
|
|
|
|
|
|
|
|
Re: تخلوني براي مع البرَّاي (Re: maia)
|
| Quote: بالله بت خالو كان متزوجها راجل ؟؟ حاجة غريبة ياخ |
عارفها ما بتفوت عليك يا ظريفة يا وريفة يا (شفيفة) ياحلفاوية يا حاضرة النكتة
الله يديك العافية
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
بدر الدين
سلام ياخوى
ياخى انت محتج على برية واحدة بس ؟؟؟؟؟؟
الله لا وراك
نحن كل يوم فى ناس متخصصين فينا برى للاستيكة .... شفت زمان الاستيكة مش فى آخر القلم ؟؟
نحن بنسميهم سواقين ... يقول ليك فلان ده سواق سواقة بمهارة عالية يعنى يمسك القعدة الا الواحد يقول ماشى بيتهم ينوم حتى ينفك من مهارة السائق ...
والله انا عاوز بوستك ده يتنشر على أوسع نطاق عشان الناس دى تحس ياخى وتبطل البتعمل فيه ده...
قلت لى يضحك براه بقى ...
والله دى حكاية ...
| |
|
|
|
|
|
|
|
|
|
Re: تخلوني براي مع البرَّاي (Re: قرشـــو)
|
قرشو والجيل الجميل
بكشح سلامي لي زول الغالي
| Quote: والله انا عاوز بوستك ده يتنشر على أوسع نطاق عشان الناس دى تحس ياخى وتبطل البتعمل فيه ده... |
لكن ياقرشو لو لاحظت كل الناس البرايين ديل هم ناس طيبين شديد وعلى نياتهم وأعتقد أن هذا (البري) نوع من المرض الإجتماعي نسأل الله يشفي الجميع
لكن برضو في حاجة حاول لاحظ ليها البرايين ما بحبو بعضهم يعني لو في مجلس فيهو براي وجاء براي آخر تلقاهو أكثر الناس ضيقاً من المكان ودائما ما يهرب وينعت الآخر بأن كلامو كتير
| |
|
|
|
|
|
|
|
|
|
Re: تخلوني براي مع البرَّاي (Re: لؤى)
|
Quote: بدر الدّين صاحبي "لو بقدر"
صباحك نور |
والله أنا السعيد بهذه الصحبة ومتابعك كويس وبخطط لي خوَّة مستدامة ولابد من أن أنجح في مسعاي
| Quote: والله قطّعت مصاريني إنت والرّاجل الطيّب دا |
فعلاً هو راجل طيب لأبعد حد لكن أنا شغال بدري أسوي شنو
الله يسعدك كمان وكمان يا رائع
| |
|
|
|
|
|
|
|
|
|
Re: تخلوني براي مع البرَّاي (Re: لؤى)
|
شقيقي الروح بالروح أبو البدور
أنا غايتو زى ما إنت عارف بعتبرك في ( قداد ) أخواني تمام 
تعرف يا البدر أخوى
أجمل شي عندي أكون بين نايم و صاحي و تقعد جنبي هند أصغر البنات و تقعد تحكي لى قصص من الخيال و تقوم تسألني : مش إنت بتعرف المرة الفاتت قلت ليك عن الأميرة الصغيرة شنو ؟
و أقوم أرد عليها : الطيرة الكبيرة ؟
و يستمر الجدال حتى تسمع شخيري فتنسحب بهدوء ..
أرقد عافية
| |
|
|
|
|
|
|
|
|
|
Re: تخلوني براي مع البرَّاي (Re: ابو جهينة)
|
شقيقي أبو الصغيرة هند
سلام ثمين وسمين لي أخوي الحنين
| Quote: أنا غايتو زى ما إنت عارف بعتبرك في ( قداد ) أخواني تمام |
وأنا سعيد بهذه (القدادة) السمينة المطهية على نار الشوق وتوق اللقيا
| Quote: و يستمر الجدال حتى تسمع شخيري فتنسحب بهدوء .. |
دا الجدال العازل مش؟؟؟
والله بختك إنت تنوم على صوت هند وأنا أنوم على الفضائية السودانية
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
ذكرتنى يا بدرالدين جماعة من أهل العوض بيقربوا لينا كانوا معاى فى جدة وأنا جاى تعبان وقرفان من الشغل وهم بكل بساطة وفياقة بيحكوا عن جريمة قتل حصلت فى حلتهم وكان القاتل والمقتول راكبين جمال وشايلين سيوف وواحد فيهم كتل التانى وقطع راسو وقام دفن راسو فى وسط الحواشات ، والمكان المدفون فيهو الراس ، الزراعة قامت فيهو (خضرااااااااااااااااء) وكانت الخضرة الشديدة سبب العثور على راس الميت وبالتالى انكشاف أمر الجريمة وحكاية طويلة ومهببة لا تملك إلا أن تقول (والله لكن) 
هل تحتمل كلام مثل هذا بعد نهاية يوم عمل شاق؟؟؟
| |
|
|
|
|
|
|
|
|
|
Re: تخلوني براي مع البرَّاي (Re: يازولyazoalيازول)
|
صاحبي هشام
والله حقوا تاني أقول ليك البركة فيكم في خالكم لقيتا لذيذة ياخ
| Quote: والمكان المدفون فيهو الراس ، الزراعة قامت فيهو (خضرااااااااااااااااء) وكانت الخضرة الشديدة سبب العثور على راس الميت وبالتالى انكشاف أمر الجريمة |
قادر الله ياخواني ..... خضرااااااااااااااء
والله لكن
ياخوي دا راس دا ولا بلاعة
شفت زي جماعتك ديل أنا كنت عايزهم زماااااااان عشان يشغلوني من المذاكرة والله كت بفرح بيهم جنس فرح وكمان لو قطعت الكهرباء في اليوم داك تبقى تمت الناقصة
ما تتبايخ وتقول لي في زمنكم داك مافي كهرباء يمين في كهرباء
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
ألأخ بدر الدين حقيقي بوست رائع .. ممكن تفكو في النجيله
يعني الواحد يرعي فيهو .... بس ما تخلوني براي ...
في الغربة في أنواع من البرايين . حيث المجال و الجو سهل السيطرة عليك
نوع أسمو المساك ... ده لو أحس بحركة منك ... طوالي بيقوم يمسك يدك
ونوع بباريك في الشقة ... والعجب لو حاصرك في المطبخ وفرد زراعاتو علي الباب
يمرقك الله
| |
|
|
|
|
|
|
|
|
|
Re: تخلوني براي مع البرَّاي (Re: حاتم حمدتو رجب)
|
الغالي حاتم حمدتو رجب
سلام وفرحة بطلتكم البهية
Quote: نوع أسمو المساك ... ده لو أحس بحركة منك ... طوالي بيقوم يمسك يدك
ونوع بباريك في الشقة ... والعجب لو حاصرك في المطبخ وفرد زراعاتو علي الباب
يمرقك الله |
الله يديك العافية وأنت ترسم لوحة زاهية وصورة معبرة أكاد أراها أمامي بتفاصيلها وكمان شايف زولك الفارد ذرعاتو على الباب وهو يضع بشكير الحمام في كتفو والصابونة في يدو ولا يبدو عليه الإستعجال
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
يا بدر الديييييييين والله انت فتحت ليك موضوع منجض الناس نجاض ياخ في ناس ببالغو عديل كده تلقاهو موسو سنيييييينة واسنانو برضو يعني يكون ببرى فيك ويقرّض في الاستيكة الفي راسك بي اسنانو وانا زي ديل عندي كتار وبمشي واجيك راجع .. والله احكي ليك عنهم ساكت شفت نشارتك البتمرق منك من البري يغطو بيها التلج .
مودتي يا رائع يا راقي يا (كلك حلا)
| |
|
|
|
|
|
|
|
|
|
Re: تخلوني براي مع البرَّاي (Re: امير عوض الجمري)
|
الغالي أمير عوض الجمري
سلام وترحيب وفرحة
| Quote: والله احكي ليك عنهم ساكت شفت نشارتك البتمرق منك من البري يغطو بيها التلج . |
ههههههههههه
بالله كتر لينا من النوع دا وأنا منتظر عودتك يا شفيف
حبي وتقديري
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
والله يا بدر الدين أنا كنت دائر أدخل طوالي بعد حاتم أخوي ده لكن خفتك تقول أولاد حمدتو بروني فقلت أنتظر لمن أمير الجمري ود جيرنا الحيطة بالحيطة يدخل وبعدين أدخل أنا عشان نعمل الجدار الفاصل.
تعرف يا بدر “البري" ده ما أنواع نحن عندنا واحد جارنا مهما حكيت من قصص إنشاء الله لو ألفتها قبل ثواني لازم هو يقول ليك : "تعرف عندنا واحد قريبنا حصلت ليهو نفس قصتك دي" ويبدأ "البري" وتخيل كده لمن تسمع قصتك ذاتها بس بإخراج تاني !!
غايتو يا بدر الله يديك العافية حا نتفشى في البوست بتاع ده حتى لو فكيتو في النجيلة ما عندك مشكلة
| |
|
|
|
|
|
|
|
|
|
Re: تخلوني براي مع البرَّاي (Re: صديق حمدتو)
|
الجميل صديق حمدتو
مرحباً بعائلة حمدتو كبيرها وصغيرها
Quote: تعرف يا بدر “البري" ده ما أنواع نحن عندنا واحد جارنا مهما حكيت من قصص إنشاء الله لو ألفتها قبل ثواني لازم هو يقول ليك : "تعرف عندنا واحد قريبنا حصلت ليهو نفس قصتك دي" ويبدأ "البري" وتخيل كده لمن تسمع قصتك ذاتها بس بإخراج تاني !!
غايتو يا بدر الله يديك العافية حا نتفشى في البوست بتاع ده حتى لو فكيتو في النجيلة ما عندك مشكلة |
بالله إنتو برضو عندكم النوع دا؟؟؟
أنا قايلو زول واحد ومغترب معانا هنا البحكي ليك نفس قصتك بي إخراج تاني بالله هم كتار يعني؟؟؟
شوف أنا ما عندي مشكلة يحكي بس ما يقرِّص لأنو في نوع بحكي وبضحك وبقرص في وكت واحد الله لا وراك ليهو
أشكرك يا صديق على إثراء البوست وبوجودك البوست في أيدي أمينة وما مطلوق في نجيلة
حبي وتقديري
| |
|
|
|
|
|
|
|
|
 Re: تخلوني براي مع البرَّاي (Re: صديق حمدتو)
|
Quote: إتخيلوا كدا الزول دا كان بحكي لي في القصة دي وأنا نعسان عيني يتخابتاً من النعاس وهسع كل ال(ههههههههه) دي حقتو هو براهووو يضحك وأنا أسوي ليهو (والله لكن) وهو يتسمر
غايتو الزول دا قداني قد وأنا هسع أعتبر في (قداد) الموتى |
| |
|
|
|
|
|
|
|
|
|
Re: تخلوني براي مع البرَّاي (Re: Muna Khugali)
|
يقول العرب : انبرى لهم فلان , يعنى طلع ليهم من مافي وحا يفحمهم حا يفحمهم
يقول الزوزني : انبرى على وزن انفعل ,وامعانا في الشرح كتب الزوزني كلمات ليست كالكلمات
وبما ان الضد يظهر حسنه الضد كما جاء في اليتيمة , فانك ترى (المنبري)او (البراي) لا ينفعل ابدا ولا يتأثر بضيق وقتك ولا نعاسك ولا دوامك ,, فتكون له الأذن الصاغية التي يفتقدها ,,,
انت الزول ده بتتحملوا كيف؟قالها صديقي الزهجي الله يطراه بالخير ,, قلت ليه والله مرات كده راسى ده بكون كابس وجايط ولما اقعد مع الزول ده ما يديني فرصة اتكلم ,,, يتكلم هو وانصت انا ,,انا لا انصت ولكن اعاين فيهو واسرح ,,وامشي واجيهو راجع ,,....تعرف بعد فترة تلقى مخك ده اترتب براهو زي الزنبيل (في النجوم) المليان خموم وردوم لما تصل المطار تلقاهو نزل لي نصو زي النفوس لما تتطايب.
ده كان استرسال كده عن النوع بتاع انبرى لهم ,, لاحظ يا البدرى كما ذكر الزوزني سابقا انه على وزن انفعل .. وهي الحالة الوحيدة التي لا تعرف فيها على وجه الدقة الفاعل من المفعول في فعل البرى
ما داير اتكلم عن الفعل الذي مصدره البراية وما ادراك ما البراية
| |
|
|
|
|
|
|
|
|
|
Re: تخلوني براي مع البرَّاي (Re: newbie)
|
نيوبي حبيبي
شوقي ليك طال
| Quote: تعرف بعد فترة تلقى مخك ده اترتب براهو زي الزنبيل (في النجوم) المليان خموم وردوم |
الزنبيل في النجوم زي الهيكل المنضوم
قلت لي الزوزني قال شنو؟؟؟
علي اليمين بريتني بري
بري منك
لك أجر المجتهد ... قال إنبرى معناها إنفعل
دا مش إنفعل بس دا إنفشخ عديل كدا
لك حبي يا رائع
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
الحبيب بدر الدين .. الزين .. الماشين وما براي
البراي من برى يبري القوس أي يزيل طرفها ويجليه ويجعله حاداً ..وقال السجاد في وصف من زهد عن الدنيا " : علماء بررة أتقياء كأنهم القداح قد براهم الخوف من العبادة " ... والبراي ظاهرة قديمة في المجتمع السوداني ما كانت ظاهرة ربما لاسباب اجتماعية واقتصادية ..في رأيي إنو " البري " زمان كان طبيعياً وغير ظاهر لان الناس كانت قليلة الهم لا تكاد تحمل عبئاً اقتصاديا كما هو حال اليوم ، " فالبراي والمبري كلاهما فاضي وتعتبر جلسات " البري " تلك من باب طق الحنك .. ولما انشغلت الناس وبات همها الركض خلف لقمة العيش أصبح الكلام الما فيهو فايدة وما جايب همو نوع من البري .. فأصبح هناك براياًً في كل حي وكل حارة .. معروف " يشتت القوم عند رؤيته يختلق كل واحد منهم عذراَ لشتاته قبل وصول البراي ..
البراي غالباً ما يكون محاط بظروف تعبيرية اجتماعية ونفسية خاصة فهو لا يكاد يكلم أحد من أسرته أو أقرباءه وغالباً ما يكون لديه ايمان راسخ بأنه مميز ولكنه مظلوم ، فهو يبشر بتميزه ذاك الناس الغرباء دون عشيرته الأقربين .. ربما خوفاً من ظلم ذوي القربي ..
البراي كثير الحركة زائغ العينين .. ذو مهارة شديد الذكاء ذو مقدرة فائقة في اختيار فريسته عند رؤيته لأول وهلة وفي ثوان معدودة .. وهو بارع في سد كل الأبواب فلا يفلت المبري من براثنه فلا يتركه يسرح أو يغفل.
ومن أسماءه البراي ، والنقاق ، وبشكه ، وحنفيه والبخاخ ، والسواق والمايسترو ...
بدر ا لدين إنت معاي .. أوعى يكون بريتك ..
فرحات
| |
|
|
|
|
|
|
|
|
|
Re: تخلوني براي مع البرَّاي (Re: فرحات عباس)
|
اللذيذ فرحات عباس
يااااااااااااااه ياااااااه والله إستمتعت حد المتعة بهذا التحليل الجميل
Quote: ومن أسماءه البراي ، والنقاق ، وبشكه ، وحنفيه والبخاخ ، والسواق والمايسترو ...
بدر ا لدين إنت معاي .. أوعى يكون بريتك ..
فرحات |
إنت فرحات وأنا فرحان بيك شديد ومتابعك بكل حواسي
إنت من نوع البرايين البررة
| Quote: البراي غالباً ما يكون محاط بظروف تعبيرية اجتماعية ونفسية خاصة فهو لا يكاد يكلم أحد من أسرته أو أقرباءه وغالباً ما يكون لديه ايمان راسخ بأنه مميز ولكنه مظلوم ، فهو يبشر بتميزه ذاك الناس الغرباء دون عشيرته الأقربين .. ربما خوفاً من ظلم ذوي القربي |
دا تحليل العارف المتمكن
الله يديك العافية
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
Quote: سلام وحلو كلام
أشكرك على الطرقة العستيها لي في صاجي دي |
والله ضـحكـتني شـديد يابـدرنـاربنـا يخليـك لينا يارب...
وقـوتلك...بسـويلي مـلاح للطـرقي..بجيبه وأجـيـك صـادي...سـمح أخـوي?
أرجـاني لا تقرضـا شـي!
مـني
| |
|
|
|
|
|
|
|
|
|
Re: تخلوني براي مع البرَّاي (Re: Muna Khugali)
|
منى العزيزة
Quote: وقـوتلك...بسـويلي مـلاح للطـرقي..بجيبه وأجـيـك صـادي...سـمح أخـوي?
أرجـاني لا تقرضـا شـي! |
يا سلاااااااااام إنتي ملَّحتيها لي بالحروف الشايقية وأنا بحب الشوايقة وحنيتهم
تعالي بسراااااااع
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
الحبيب بدر الدين (احرموني ولا تخرموني)من (الحلا) دي
تحيات كيمان
معاي واحد في المكتب .. مما جينا الصباح وانا احكي ليهو عن سودانيزاونلاين وعن البوستات الفيهو وبحكي ليهو في (حاجات سمحة) والله .لكن فجأة في النص كده لقيت ليك نفسي بضحك براي (زي ودعمة البت حقتك) قمت عاينت ليهو لقيتو ساكت ساااااااااي وبعاين لي وبقى صغييييييييييير .
قلت هي بسم الله ده مالو!!!!
ياربي يكون مالو ؟ اكون عملت ليهو شنو؟
| |
|
|
|
|
|
|
|
|
|
Re: تخلوني براي مع البرَّاي (Re: امير عوض الجمري)
|
الأمير أمير عوض الجمري
ياخ نحنا مالنا زي البنعرف بعض كدا؟؟؟
إنت ما دام بتعرف (أحرموني ولا تحرموني) ماك صغير
عندي صاحبي هنا في الغربة إسمو محمد الجمري يكون قريبك؟؟؟
Quote: والله .لكن فجأة في النص كده لقيت ليك نفسي بضحك براي (زي ودعمة البت حقتك) قمت عاينت ليهو لقيتو ساكت ساااااااااي وبعاين لي وبقى صغييييييييييير .
قلت هي بسم الله ده مالو!!!! |
كدي وصف لي شكلو ما يكون ياهو ذاتو الزول البنقطع فوقو ... غايتو لو مشلَّخ وسافي ياهو ذاتووووووو
لك الود يا جمري
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
ولأن السواي ما حداث ، فالبراي شخص غير عملي يكره التخطيط ويميل للعشوائية، ويملك دائماً أدوات الدخول الحريف لأي موضوع يطرح أو حالة تعرض أو تمر ... وغالباً ما يفتقر إلى الهوايات الخاصة الثقافية والهوايات ذات الجهد البدني مثل الكورة والسباحة وصيد الاسماك .. وخاصة الأسماك لأنها ساكتة .. ساكت ، يقال "فلان أسكت من سمكةوالبراي لا يحب التلفزيون ولا المسلسل ولا يسمع الأخبار ويتجده دائماً " مكجن " المذيع بتاع الأخبار ، يقول ليك ما بحبو دا كل يوم بارينا .. وقد يميل شيئاًِ ما للكونكان والضومنة وأفضل أماكن صيده تحت عواميد الكهرباء وستات الشاي.
والبراي قطعاً لا يحب القراءة وإلا كان قد قرأ قول الرسول الكريم .. " : وهل يكب الناس على وجوههم في النار إلا حصائد ألسنتهم " وقوله صلى الله عليه وسلم " : إن الله تعالى يبغض ( البليغ ) من الرجال الذي يتخلل بلسانه تخلل الباقرة بلسانها " وهو من باب أولى لا يجيد الاستماع وإلا لاستمع لقول على بن أبي طالب " : إذا تم العقل نقص الكلام " وهو دون أدنى شك يكره الصمت ... يقول وهب بن ورد " : بلغنا أن الحكمة في عشرة أجزاء تسعة منها في الصمت ".
ولأنني من البرايين البررة كما تقول .. كفاية كدة يا بدر الدين الحديث عن البري الذكوري .. رايك شنو تطرح وجه آخر للبري وهو البرايات من النساء .. لأن البري قد ولد معهن .. وتربي ..وقديمالم يعجب الشاعر العربي بشيئ في محبوبته قدر إعجابه بهدوءها ورزانتها فقال : لا تنتطق عن تفضل ... أي أنها غير براية ..
| |
|
|
|
|
|
|
|
|
|
Re: تخلوني براي مع البرَّاي (Re: فرحات عباس)
|
فرحات عباس يا رائع الله يديك العافية فقد كفيت ووفيت وأوسعت هذا البوست القاً
رايك شنو أتنازل ليك عن البوست دا فأنت والله أعلم مني في هذا الشأن وأراك تقدم دراسة كاملة وشامل لمرضى (البري) وأظنك قد إجتهدت وبحثت ونقبت
البوست دا بقى جادي عديل كدا
جزاك الله خير على كل الحبر الذي سكبته هنا
وزي دا أنا بسميهو (الحِبر) اليقين
سيدو متمكن وواثق
شكرا
| |
|
|
|
|
|
|
|
|
|
Re: تخلوني براي مع البرَّاي (Re: فرحات عباس)
|
فرحات عباس يا رائع
سلامي وإكرامي وبقائي بالبوست
Quote: شنو يا بدر الزمان .. من أول برية عاوز تزوغ .. يا أخوي اثبت
البوست من دونك ..يباب .. منتظرين منك بريات لذيذة أيها اللذيذ
باييييييييي |
البوست بعد دا بنفات يا دوبو إحلوا بعد أن غازلتوهو بحروفكم الزاهيات ومعلوماتكم الثرة
إنت فرحات وأنا فرحان
تحياتي
| |
|
|
|
|
|
|
|
|
 Re: تخلوني براي مع البرَّاي (Re: بدرالدين شنا)
|
هههههههههههاي يا (حلا) والله انت زول جميل جمال ماعادي
اها النرجع لي زولي .. غايتو التانية دي في لكن الشلوخ الا يكونن شلوخ حديثة نوع البتفك .. يعني ممكن لو جاي الشغل تفكها تخليها في البيت ولو ماشي ناس جدك تلبسن تاني .. يعني الا امشي البد ليهو جنب ناس جدو لأنو ما بعيد يكون ياهو ذااااااتو.
(احرموني ولا تحرموني ) انا شفتها في برنامج من الامس ..
| |
|
|
|
|
|
|
|
|
|
Re: تخلوني براي مع البرَّاي (Re: امير عوض الجمري)
|
سلام بدر شنان (هههههههه) اول مرة اداخل معك (ههههههه) برييتتتك شددديييدة (هههههههه) لكن.
كويس انو صحبك براك في قصة .....تعمل شنو لو واحد قاعد يحكي ليك ويبرك في البروتينات ورسالته بتاعت الدكتوراة والفول وبروتيناته والشاي الاسود والاخضر ومصطلحات علمية ماعندك دخل بيها ويقول عاوز يثقفك.
بوستاتك دائما حلوة
بت عجاج
| |
|
|
|
|
|
|
|
|
|
Re: تخلوني براي مع البرَّاي (Re: ajaj)
|
عجاج يا يا مثقف
سلامي وإحترامي
| Quote: تعمل شنو لو واحد قاعد يحكي ليك ويبرك في البروتينات ورسالته بتاعت الدكتوراة والفول وبروتيناته والشاي الاسود والاخضر ومصطلحات علمية ماعندك دخل بيها ويقول عاوز يثقفك. |
والله مصيبتك كبيرة إنت
دا ما بثقفك دا بثقِّبك (ثقوب) أي قدود وهي لعمري البري في أقسى صوره
لا أملك إلاَّ أن أدعو لك بالفكاك
أشكرك يا عجاج على طيب حديثك وعمارة البوست
| |
|
|
|
|
|
|
|
|
|
Re: تخلوني براي مع البرَّاي (Re: امير عوض الجمري)
|
أمير عوض الجمري
سايقا منو؟؟؟ (سايقا الأمير)
| Quote: (احرموني ولا تحرموني ) انا شفتها في برنامج من الامس .. |
ياخ أنا داير اشوفني من الأمس وما لاقيني أعمل شنو .. ما سجلتها؟؟؟ عشان تنزلها هنا وتبرانا بيها
لك خالص الود
وحلوة قصة الشلوخ البفكوها في الشغل ويركبوها في البيت ههههههههههه
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
هي نسيت (والله الليلة ابريك بري) يابدر
محمد الجمري .. غايتو نحن عندنا محمدات كتار لكن لسة طلبة يعني لي اسي ما بقو للغربة لكن والله لي الشرف اكون قريبو وبيني بينك كدي اسألو كان طلع من ناس شندي يكون حقنا تب وحتى كان هو من ناس الخرطوم زينا كدي وجذورو في شندي برضو هيلنا ..
وكدي استأذنك واساعل فرحات عباس : انت يا فرحات زولنا حق مربع 14 في امتداد الدرجة التالتة وللا واحد تاني .. وفي الحالتين انت او انتما (روعة)
يللا يا بدر خليني امشي اسنن الموس حقتي دي واجيك .
على فكره انا مغموس في وحل الغربة متلك .. وقاعد في السعودية في الرياض
وانشاء الله ربنا يرد غربتنا كلنا ومحمداتنا يبرو منها وما يضوقوها ( دي برية بي باقي الموس ..قلت النموته فد مرة ) وامشي اسننه .
| |
|
|
|
|
|
|
|
|
|
Re: تخلوني براي مع البرَّاي (Re: امير عوض الجمري)
|
أمير عوض يا أمير
سلام (سنييييييين)
| Quote: ( دي برية بي باقي الموس ..قلت النموته فد مرة ) وامشي اسننه . |
بي طريقتك دي بتكتل ليك بدرالدين شنا
الله يديك العافية إنت وباقي الأهل وزي ما قلت ربنا يرد غربتنا سالمين (غانمين) يارب
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
يا بدر الدين كيفنك
جيت اتاوق بس واشوف الحاصل وانا القى ناس الامتداد كلهم (اولاد حمدتو+امير الجمري+منى خوجلي) بارنك بري شديد وقلت في نفسي احسن اتخارج الزول دا يقوم يدعي على الامتداد دا ةيلحقناامات طه
| |
|
|
|
|
|
|
|
|
|
Re: تخلوني براي مع البرَّاي (Re: طارق جبريل)
|
طارق جبريل الجميل
تحياتي لك ولجميع ناس الإمتداد
| Quote: جيت اتاوق بس واشوف الحاصل وانا القى ناس الامتداد كلهم (اولاد حمدتو+امير الجمري+منى خوجلي) بارنك بري شديد وقلت في نفسي احسن اتخارج الزول دا يقوم يدعي على الامتداد دا ةيلحقناامات طه |
تعال ما تفوت ياخي
أبريني نشيدك وريني كمان بالفن تجديدك
وأنا فرحان بشباب الإمتداد بس باقي واحد لسع ما ظهر وهو صاحبنا ياسر حنَّا عشان يتم الناقصة
تحياتي وحلاة المتاوقة
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
ألأخ بدر الدين لك الود كلو ..
الواحد أكتشف أنو في نوع من البري جميل
رجلك مالا ؟
................................................
ألربطا ليك منو ؟
.................
هسه واجعاك ؟
.................
أهبشه ليك ؟
..............
أنت حتفك ها متين ؟
....................
أهبشه ليك ؟
................
حرقتك ؟
....................
أنت وقعتا ؟
................
............. ؟
..............
براييه حلوة .... أوقدت شمعتها الرابعة
| |
|
|
|
|
|
|
|
|
|
Re: تخلوني براي مع البرَّاي (Re: حاتم حمدتو رجب)
|
حاتم حمدتو وشكرتو أنا على عودته مرات لهذا المكان
سلام لك ولآل حمدتو
Quote: رجلك مالا ؟
................................................
ألربطا ليك منو ؟
.................
هسه واجعاك ؟
.................
أهبشه ليك ؟
..............
أنت حتفك ها متين ؟
....................
أهبشه ليك ؟
................
حرقتك ؟
....................
أنت وقعتا ؟
................
............. ؟
.............. |
يمين بالله إبداع وإنت بي طريقتك دي يوم بتكتب لي نص مسرحية
أها ما سافرتا؟؟؟ (بداية بري)
| |
|
|
|
|
|
|
|
|
|
Re: تخلوني براي مع البرَّاي (Re: الزاكى عبد الحميد)
|
الزاكي في حرفو
سلام وإعجاب
Quote: ما أروعك أيها البدر
وحروفك تدغدغ مشارعنا
كفعل الطل في الثرى العطشى!! |
لا حولالالالالالالالالا دا أنا؟؟؟
أشكرك أخي ومعيني الزاكي وأنت توتد خيمة الحرف البهي وتزين هذا المكان
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
أبو الحلا كلها
أها جيناك تاني
تعرف يا بدر الدين في نوع من الشحاديين كده برايين خالص وموسهم سنينة بالذات النوع البتلقاه لابس نضيف ومهندم. يلقاك قاعد مطرف كده يقوم يسألك ( يا شاب ممكن أخد من وقتك دقيقة !!؟) وبعد داك عينك ما تشوف إلا النور يقعد يحكي ليك قصة حياتو. النوع ده من البرايين أنا عديل كده ما بستحملو !!
أها يا سيدي مرة في الإجازة الصيفية ولحظات الزهج بتاعت الضهرية ديك ونحن قاعدين تحت الشجر في الحلة جانا ليك واحد منهم و طبعا كنا كاشفين نومتو. قام سألنا السؤال الشرك داك !!! فرديت ليهو بكل مساخة "لأ ما ممكن". (هسه أمير الجمري تلقى مات من الضحك) فأسقط في يده كما يقولون بالفصحى وأرغى وأزبد وبقى يقول "أصلو أنا دائر أعمل ليك شنو؟ وإنت مالك زول ثقيل كده !!!". هسه عليك الله أنا ثقيل يا بدر الدين!!!!؟
بصراحة يا بدر والله خائف من ردك !!!
| |
|
|
|
|
|
|
|
|
|
Re: تخلوني براي مع البرَّاي (Re: صديق حمدتو)
|
ابو البدور تحياتي يا غالي
بختك بريتك كانت ببرايه زمان البري بسكين تلمه.........
الله لا وراك جنس البري بسكين تلمه ......ديك كل كلمتين معاها ....( كويس معاك)
الصادق البوصيري
| |
|
|
|
|
|
|
|
|
|
Re: تخلوني براي مع البرَّاي (Re: sadiq elbusairy)
|
صادق البوصيري يا لذيذ
سلام صادق جداً
| Quote: الله لا وراك جنس البري بسكين تلمه ......ديك كل كلمتين معاها ....( كويس معاك) |
والله صدقت وأنا كمان بتضايق من البقول (كويس معاك) (شفت كيف) (آآه)
بري بي سكين ياااااااااي
لك حبي
| |
|
|
|
|
|
|
|
|
|
Re: تخلوني براي مع البرَّاي (Re: صديق حمدتو)
|
صديق حمدتو وحبيتو أنا
أشكرك وأنت تعمر البوست بحروف زاهيات وقصص وحكاوي حلوة
Quote: هسه عليك الله أنا ثقيل يا بدر الدين!!!!؟
بصراحة يا بدر والله خائف من ردك !!! |
لا تخف يا بُني فأنت ثقيل الوزن خفيف الظل بديع الحرف
خزلتك مش؟؟؟؟
تحياتي لك ولكل شباب الحلة التحت الشجرة الكرام (البررة)
حبي
| |
|
|
|
|
|
|
|
|
|
Re: تخلوني براي مع البرَّاي (Re: sumah)
|
استاذي سمعة
القحة ولا (سمعة) الخشم
ياخ والله مشتاقيين وعجبني تعليقك على حمالة الحطب هههههههههه
Quote: الموضوع داك بتاع يتبع..
سافرد لة بوست لوحدو .. |
أفرد يا فردة ونحن معاك في كل فردة تخطوها
دمت أخي سمعة
| |
|
|
|
|
|
|
|
|
|
Re: تخلوني براي مع البرَّاي (Re: ali elhassan)
|
ود جيرانا على الحسن
سلامي وإشتياقي وموعد اللقاء قررررررررررررررب إن شاء الله
Quote: انت عارف ان جنى وجن اتنين:
البراى والشافع البكوركو لية إقول ما جاى |
ذكرتني بوست جنون البدر كانت حا تلبس فيهو ظط
شفت أولاد أهلي جيرانكم ديل ما فيهم ولا واحد براي مش؟؟؟
لك حبي وإشتياقي
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
الحبيب البدر .. والأعزاء رواد البوست (المتكأ)
تحية داااااااااااااافية
في الديوم الشرقية كان في واحد (برّاي) كتشينة .. ده مؤدب الناس ادب تعرف هو بحرق بدري وبعد داك يقعد زي اللاعب الفات الفات تلقاهو يحوتق وراء الناس مع الجرات ده يجر تلقى وراهو وينط للبعدو ويعلق (إيييييك ـ ديناااااك ـ لا حول ولا قوة ده جره جوكر ) ومرات يهمس بصوت مسموع (والله الدامة دي لو جات )
اها يا زول في واحد الراجل ده قاعد ليهو في شنبو يعني شاميهو ليك شمة اها زولك بقى واقف وراهو وهو عندو ستة وسبعة وتسعة وعشرة هارط اها زولنا قعد وراهو وخته ايدو في كتف داك وبقى يتمتم والله لو جات اممممممممو اها زولنا اتمغى وجرة تمنية الهارط بس (البرّاي ) قال : اححححححححححح .. الراجل عاين ليهو كده مسافة واداها نفس طوييييييييل وراح رامي التمنية بايظ.
تخيل بعد ده كلو البرّاي قال ليهو : ده شنو يا وهم بالله عان ده رمى التمنية انت ما شايفة وللا شنو .. زولنا دكّ الورق وحلف طلاق من الكتشينة
| |
|
|
|
|
|
|
|
|
|
Re: تخلوني براي مع البرَّاي (Re: امير عوض الجمري)
|
أمير عوض الغالي
سلامي وفرحتي بوجودك الدائم هنا
| Quote: في الديوم الشرقية كان في واحد (برّاي) كتشينة .. ده مؤدب الناس ادب تعرف هو بحرق بدري وبعد داك يقعد زي اللاعب الفات الفات تلقاهو يحوتق وراء الناس مع الجرات ده يجر تلقى وراهو وينط للبعدو ويعلق (إيييييك ـ ديناااااك ـ لا حول ولا قوة ده جره جوكر ) ومرات يهمس بصوت مسموع (والله الدامة دي لو جات ) |
ههههههههههه قلت لي زي اللاعب الفات الفات هازول سم بالله قرضتو قرضة لكن بيني وبينك عجبني البوجع ناس الكتشينة دا عشان سلامهم البي طرف أصابعيهم دا إن شاء الله بركة الله يبراهم ويبراهم الصباح الصباح
الديوم تحت الشجرة إما سبيل أو تربيزة كتشينة لكن دا كان زمان زمن الفاقة
الله يديك العافية وحاول خليك معاي ما تخليني براي للبراي
| |
|
|
|
|
|
|
|
|
|
Re: تخلوني براي مع البرَّاي (Re: امير عوض الجمري)
|
أمير عوض الغالي
سلامي وفرحتي بوجودك الدائم هنا
| Quote: في الديوم الشرقية كان في واحد (برّاي) كتشينة .. ده مؤدب الناس ادب تعرف هو بحرق بدري وبعد داك يقعد زي اللاعب الفات الفات تلقاهو يحوتق وراء الناس مع الجرات ده يجر تلقى وراهو وينط للبعدو ويعلق (إيييييك ـ ديناااااك ـ لا حول ولا قوة ده جره جوكر ) ومرات يهمس بصوت مسموع (والله الدامة دي لو جات ) |
ههههههههههه قلت لي زي اللاعب الفات الفات هازول سم بالله قرضتو قرضة لكن بيني وبينك عجبني البوجع ناس الكتشينة دا عشان سلامهم البي طرف أصابعيهم دا إن شاء الله بركة الله يبراهم ويبراهم الصباح الصباح
الديوم تحت الشجرة إما سبيل أو تربيزة كتشينة لكن دا كان زمان زمن الفاقة
الله يديك العافية وحاول خليك معاي ما تخليني براي للبراي
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
الشين شين ولو عندو وشين وإسمو بدر الدين :
اجمل لقب يطلق على البراي هو " المقداد شيخ الدين " كناية عن القد ..
كما ان اجمل لقب يطلق على المجنون هو " من حور الجنان " ..
يلا إتخيل معاي يلم فيك زول مقداد ومن حور الجنان يعني الإتنين في صحن واحد ..
ياخ اجمل برية لمن يكون الكمساري بيحكي ليك عن السواق بتاعو وإنو زول معلم !!!!!!
يا معلم نحن ماشين في الشارع بي سرعة 180 فجأة كده ظهرت لينا ترلة من الشارع التاني قام المعلم ده شال ليك الحافلة دي يمين كده قام ظهر ليهو بوكسي هايلوكس موديل 83 فيهو راجل لابس ليهو نضارات كده يا زول قام المعلم ده شال ليك الحديدة دي ومسك ليهو فرملة وبدا يغير في التعاشيق طلعت لينا حافلة اورفان من نص الحلة ..ياخ الحافلات الأورفان دي حافلات قوية خلاص ما تشوفها صغيرة كده وشكلو كده بتاع اليورفان كان ماشي امدرمان لأنو كان شايل ليهو بنات بيقروا في الأحفاد ..احيييييييي انا من جكس الأحفاد والله كانت راكبة معاهم نجاضة كده وووووووووووووب علي منها يا معلم حديدة نضييييييفة وجواااااااااااااااااجا لكن يا مان بنات الأحفاد كلهم كده اها شفت بس المعلم شال ليك الحافلة من الظلط وخش بيها في التراب وطلع تاني الظلط و.......و..... و...
طق طق طق عليك الله نزلني هنا دي محطتي ..لتكتفي بتكملة ما تبقى بالرجلين هروباً من هذه البرية ...
تخريمة :
المرا نقناااااااقة نقنااااااااااااقة نقناااااااقة نقة مبااااااااااااااالغة ..
كل يوم تقد ليك الراجل بي الطريقة صاح وما بتديهو ليك فرقة ينضم ..
راجلا قال ليها خلاص ياخ إيه رأيك نتقاسم النقة انا وإنتي ..يوم عليك النقة ويوم علي انا ..
المرا قالت ليهو ماف مشكلة ...
وبقت لمن يجي اليوم المفروض تكون فيهو ما بتنق تجي لي راجلا وتشبكو ليك :
احييييينا والله بكرة يوم نقتي ...والله انق ليك جنس نقة ...بس خلي يوم بكرة ده يجي ..والله نقة لمن تامن ...بكرة قررررررررررب للنقة ...شفت انق ليك جنس نقة ...نق نق نق نق نق نق نق نق نق نق نق لمن راسك يسخن بس خلي بكرة يجي عشان يوم النقة ....
عااااااارفة قدييييييييييمة وباااااااايخة بس علييكم الله اضحكوا ...
| |
|
|
|
|
|
|
|
|
|
Re: تخلوني براي مع البرَّاي (Re: عمر الفاروق)
|
عمر الفاروق حبيبي
والله مشتاقيين
| Quote: عااااااارفة قدييييييييييمة وباااااااايخة بس علييكم الله اضحكوا ... |
أها أنا ضحكت تب البضحك ليك جماعتك ديلك شنو؟؟؟
أما قصة الكمساري .. مباااااااااااالغة ياخ أنا ضحكت كما المجنون
خيال خصب جودة في الحكي حاجة كدا لذيذة لذيذة لذيذة
الله يديك العافية يا عمر
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
| Quote: لا تخف يا بُني فأنت ثقيل الوزن |
بالله عرفتني كيف يا بدر الدين!!!!
تعرف يا أبو غادة (دي طبعا شفيتها من البوست بتاعك بتاع غادة ممتحنة شهادة)
في كمان النوع الما بتحلى ليهو الونسة إلا لمن تكون بتحضر في الأخبار أو متابع ليك فيلم كارب في التلفزيون يقوم يفتح لي موضوع فارغ كده والعجب نحن ناس السعودية ديل مواضيعنا الفارغة وقصصنا ومشاكلنا مع الكفلاء لا حصر لها. يقوم يشبكك في واحدة من القصص دي و كل شوية يسألك إنت معاي ؟!! تضطر ترد ليه "أيوه أيوه معاك طبعا" يلا بعد داك تجي لحظة يزرك فيها الزرة الياها ويسألك "أها كنت بقول في شنو !!!؟"
| |
|
|
|
|
|
|
|
|
|
Re: تخلوني براي مع البرَّاي (Re: صديق حمدتو)
|
صديق حمدتو الحبيب
كفاي بريتني عديييييل كدي هههههههههههه
"أمزح معك" يا صديقي
| Quote: يقوم يشبكك في واحدة من القصص دي و كل شوية يسألك إنت معاي ؟!! تضطر ترد ليه "أيوه أيوه معاك طبعا" يلا بعد داك تجي لحظة يزرك فيها الزرة الياها ويسألك "أها كنت بقول في شنو !!!؟" |
قال لي ياخي بدري وأنا لسة في (البراية)
ربنا يهون أمرك إنتو قايلين الريالات دي بتجي بي هين؟؟؟
لك ودي يا صديق
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
الاخ بدر الدين حلا الحلو السكر
كيفك ومشتاقييييييييييييييين واولاد الحليلة وبنيات الحلية الايام دى معانا مبسوطيييييييييين لكن خلاص الضيق حصل من القفلة في البناية. لا درابا بجدعوا بيهو ولا ويكابا بيتعشوا بيهو ولا نباح كلام سمعوهو . لكن اتملسوا طاب من غبشة شارع قنب الحليلة .
وبعدين انت يا اخوى انا مشيت حلتكم وناسكم حلويييييييين وطيبين طاب قالوا ما بفكونى بس اقول لك حاجة انا عرفت انت من ضهرة لضهرة بس ضهرتك هنا فيها غباش وهناك انعدم طاب .
| |
|
|
|
|
|
|
|
|
|
Re: تخلوني براي مع البرَّاي (Re: الطيب شيقوق)
|
الرجل الطيب الطيب شيقوق
سلامي وإحترامي وشكري على زيارتك لقريتنا والإلتقاء بأهلنا أتمنى أن يكونوا أكرموا وفادتك
| Quote: وبعدين انت يا اخوى انا مشيت حلتكم وناسكم حلويييييييين وطيبين طاب قالوا ما بفكونى بس اقول لك حاجة انا عرفت انت من ضهرة لضهرة بس ضهرتك هنا فيها غباش وهناك انعدم طاب . |
يااااااااي ياعمو شيقوق ضهرة يعني شنو؟؟؟
لك ودي وترحابي
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
| Quote: غايتو الزول دا قداني قد وأنا هسع أعتبر في (قداد) الموتى |
عارف يا بدر الدين في ناس هنا في البورد
لما أقرأ ليهم بوستات تنطبق علي حالتك الفوق دي
لكن لما اخش كتير من بوستاتك بضحك لما استغفر ربي
ياخي الله يخليك
مودتي واحترامي
| |
|
|
|
|
|
|
|
|
|
Re: تخلوني براي مع البرَّاي (Re: انعام عبد الحفيظ)
|
شنو يا جماعة عقدتونا عديل .....انا من الجماعه اياهم ...و البري يا ناس فن ما اي زول يصلح لان يكون براي ... المهم انا اخواني سموني (يعني ادوني اسم ما سمموني ) ...
روتانا سينما ومش ح تقدر تغمض عينيك ....
نموذج بري.....اتذكرت صديقي (شايقي) الاخلاقو نتشه ....جاهو خالو من البلد بي لوري و براهو ليك جنس بري ...و كل مرة يسالو عثمان نم؟ يعني نمت يقولو لا لا يا خالي ....لما الساعة جات حداشر ونص بالليل ....قامو سالو عثمان نم؟؟ رد اي نم اي نم انشاء الله نومتن ما اقوم منها ؟؟؟خالو قال عثمان جن ...و واصل البر ي...
| |
|
|
|
|
|
|
|
|
|
Re: تخلوني براي مع البرَّاي (Re: اسوتريبا)
|
انا عندى sharpner
براية بالانجليزى .
.لانها خواجية طبعا ..مش بتبرا من الشمال لليمين ..
صاحبتى دى ما بتعرف النقط والشولات والحاجات الزى دى ما ادوهم لها فى المدرسة كل ما تبدا فقرة اول السطر ..يجر "الباب الاول" كلو ..والباب الاول بجيب التانى ..لما يجى الباب البجيب الريح..تلقى المفصلات ..محلوجات ...اها انا بدل "والله غايتو" بقول حاجات تانية زى:
oh my god
I know I know
no kidding
unbelievable
that is crazy
wonderfull
this is funny
?are u serious
أما ناس
yes
no
ok
absolutely
ديل هبطرش .. بدون حساب
بعدين فى التلفون ما بتعرف تنهى المكالمة ..
بعد ما اقول ليها فى التلفون ..فى بوليس وانا سايقة ..ومفروض اقفل الخط بتتكلم معاى زى ربع ساعة او اكتر ...بالانجليزى ..البوليس يعاين لى ..وما يصدق الشافو..مرة سودا سايقة بيد واحده فى بلد الموبايل فيها ممنوع حتى لو بسماعات..وقدامو..
تعرف فى الربع ساعة بتاعة البوليس دى بتكون "بتلخص" فى الحاجات الاتفقنا عليها كلها ..وفجأة بيظهر ليها اقتراح..
وانا فووووووووو..ومستمرة ..
yes
no
ok
absolutely
و(اترك البرى لخيال القارىء)
| |
|
|
|
|
|
|
|
|
|
Re: تخلوني براي مع البرَّاي (Re: Tumadir)
|
بدر
فى نوع براى ( ابوسريع ) يعنى ما بقعد ولا بخلف كراع .. على الواقف
تكون غايب من البلد سنة وجيت امبارح يكون مستعجل عشان يتم سلامو يقول ليك حمدالله
على السلامة .. اها راجع متين ؟؟
فى واحد برررررررررراى جابوا ليهو ولد سماهو البراء
بالمناسبة يابدر الدين انا زاتى من الامتداد ..هههههه
شفتا البرى الجغرافى ده كيف
| |
|
|
|
|
|
|
|
|
|
Re: تخلوني براي مع البرَّاي (Re: عامر تيتاوى)
|
الغالي عامر تيتاوي
سلام سرييييييع كدا وكيفك بالله؟؟
Quote: بالمناسبة يابدر الدين انا زاتى من الامتداد ..هههههه
شفتا البرى الجغرافى ده كيف |
وأنا أحب ناس الإمتداد فهناك يكمن الإبداع (عصمت الإمتداد) مثال وشباب كثر معنا هنا في المنبر
دحين في حوامتك دي ما لاقوك جنيات حمدتو ولا الأمير كان معاي هنا من يومين وبعد داك ما شفتهم
تحياتي وتقديري
| |
|
|
|
|
|
|
|
|
|
Re: تخلوني براي مع البرَّاي (Re: Tumadir)
|
تماضر صاحبتي وأستاذتي وأختي (الصغبيرة) شيلي اربعة حروف من القوس وخلي لي أربعة سمح؟؟؟
مشتاق ليك بي خشم الباب
| Quote: صاحبتى دى ما بتعرف النقط والشولات والحاجات الزى دى ما ادوهم لها فى المدرسة كل ما تبدا فقرة اول السطر ..يجر "الباب الاول" كلو ..والباب الاول بجيب التانى ..لما يجى الباب البجيب الريح..تلقى المفصلات ..محلوجات ...اها انا بدل "والله غايتو" بقول حاجات تانية زى: |
أها عاد الليلة أصبري لي أنبراك لأنو عندي نكتة في الفجة دي ولأني بكون حكيتها ليك مية مرة فهنا تكمن البرية
الراجل زي زولتك دي ما بعرف شولة ولا كوما ولا نقطة وكان بصيح لي ولدو إسمو علي
عليعليعليعليعليعليعليعليعليهويعليهويعليوهلويعليوهويهويهوي مابتسمع؟؟؟
بسمع
سمح ما بتقول هوي مالك؟؟؟
هي نان يابا إنت خليت لي فرقة أقول ليك فيها هوي .. ههههههههه
| Quote: و(اترك البرى لخيال القارىء) |
وهل ترك البارئ للقارئ شئ؟؟؟
لك حبي
| |
|
|
|
|
|
|
|
|
|
Re: تخلوني براي مع البرَّاي (Re: اسوتريبا)
|
أستروبيا يا براي
سلامي وإحترامي
Quote: شنو يا جماعة عقدتونا عديل .....انا من الجماعه اياهم ...و البري يا ناس فن ما اي زول يصلح لان يكون براي ... المهم انا اخواني سموني (يعني ادوني اسم ما سمموني ) ...
روتانا سينما ومش ح تقدر تغمض عينيك .... |
والله فعلاً ما أي زول يصلح لهذه المهمة
فهي فن ويتطلب موهبة عالية في الحكي
هنيئاً لك ببرياتك الأستروبيا
قال مش ح تقدر تغمض عينيك والله أشخر شخري كمان
خالص معزتي
| |
|
|
|
|
|
|
|
|
|
Re: تخلوني براي مع البرَّاي (Re: انعام عبد الحفيظ)
|
إنعام عبدالحفيظ إزيك ياااااااااخ
سلام ومودة وإحترام
Quote: عارف يا بدر الدين في ناس هنا في البورد
لما أقرأ ليهم بوستات تنطبق علي حالتك الفوق دي
لكن لما اخش كتير من بوستاتك بضحك لما استغفر ربي
ياخي الله يخليك |
ويخليك إنتي يا إنسانة يا طيبة وربنا يديم الأفراح والبوستات الملاح ... آآآآآي استغفري يا بت أمي واستغفري لي معاك ولا بشيل ضِحكي منك
أنا ذاتي مودتي وإحترامي
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
يا بدر البدور (والله جنس كضب)
معليش يا (حلا) اتأخرت عليك لمن خليتك تسأل مني عامر تيتاوي.. لكن عارف الاخرني شنو ؟ مشيت ابرى الموس لقيت راجل جيرانا شال المبرد حقي وشفعو قالوا نسى وقفلو في شنطة العدة حقتو و مشى لي اختو في الدخينات عشان يجيبه للدكتور في امدرمان شارع الدكاترة ومن هناك بمشو لي اختم في الحاج يوسف عشان طهور بتها يوم الجمعة الجاية والمرة قالت ما بتطهره والراجل حلف طلاق الا يطهره .. اها المرة جرت واطي لانها جابت ليها طلاق .. اها ابوي وعمتي مشو هناكا عشان قالو ناس جيران عمتي الفي الحاج يوسف عندهم بكاء وعمتي قالت اها انا طالما رضيت بي طهور البت والله الا اسوي حفلة اها راجل عمتي قال ليها يا مرة انتي جنيتي وناس البكاء ديل لسة فراشم ما رفعوهو .. قالت ليهو هوي يا راجل هوي هو جدهم ده ميت ليهو تلاتة سنة مما جابوهو من البلد قرضان دايرين يعدوهو لينا زول ويمسخو لي طهور البت عليك الله عان ديل كمان ..اها الراجل ....
هنا طب قفلت خشم الشافع .. قلت ليهو يا ولد نجضتني ياخ .. قال لي هاك الموس دي ابري بيها لغاية ما ابوي يجي .. قلت ليهو انت خليت فيها حاجة يبرو بيها.؟!
| |
|
|
|
|
|
|
|
|
|
Re: تخلوني براي مع البرَّاي (Re: امير عوض الجمري)
|
أمير الأمير
سلام كتيييييير وترحيب بعودتك
| Quote: هنا طب قفلت خشم الشافع .. قلت ليهو يا ولد نجضتني ياخ .. قال لي هاك الموس دي ابري بيها لغاية ما ابوي يجي .. قلت ليهو انت خليت فيها حاجة يبرو بيها.؟! |
حلوة حلوة حلوة وبعدين أكتر حاجة عجبتني كلمة (طب قفلت خشم الشافع ) دا معناها وصلك الحد عجبني ليك لأنك كنت ناوي تهريني أنا
حبي وتقديري
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
بـدر ،،
أثير لا تعطره حروفك ... فاسـد هواءه !!!
ربنا يمتعك بهذه الروح الخفيفة ... ياخ أبرانا انت وبس ولو حددت فئة"ورقية" بندفع كمان.. ما البري خشم بيوت واحد بكتل والتاني برد الروح ...
| |
|
|
|
|
|
|
|
|
|
Re: تخلوني براي مع البرَّاي (Re: Noon3)
|
العفيفة Noon3
سلامي وإحترامي وشكري وتقديري للطلة الزاهية
Quote: أثير لا تعطره حروفك ... فاسـد هواءه !!!
ربنا يمتعك بهذه الروح الخفيفة ... ياخ أبرانا انت وبس ولو حددت فئة"ورقية" بندفع كمان.. |
يا سلام على الكلام الرائع دا يا نون
ومال الدنيا كلو ما بساوي حروفك التي زينتي بها هذا البوست (جيب مقلوب وبعاين لي بي مغسة)
ربنا يمتعك إنتي دي بالروح الخفيفة قايلاني خائف منك؟؟؟
غالي الود
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
الحبيب البدر
أها جيناك راجعين تحت شعار "هو أنت لسه شفت حاجة!!"
طبعا يا بدر بيقولوا البري يوم الخميس والجمعة فيهو شبهة الكراهة عشان كده احتجبنا لكن يوم السبت ده حا تشوف بري على السكين
كدي يالبدري النقول قصة زول ببرى ليهو في ناس دي ممكن تكون مبلوعة لكن تقول شنو في مجموعة من الناس تكون بتبرى ليها في زول واحد مسيكين.!!!؟
تخيل كدي حال المرأة العرست ليها مغترب ووعدها إنو يرسل ليها تعيش معاهو، دي الحلة كلها والجيران والأهل بيكونوا منجضنها نجاض:
راجلك لسه ما رسل ليك؟ أها ما قال بسوقكم متين؟ إنتي يا زولة لسه الله ما سهل ليك؟
بالله إنتي لسه قاعدة في البلد دي؟ ما سمعنا قالوا الزيارات فاتحة اليومين إنتي مستنية شنو؟
خلي إنشاء الله يسوقك عمرة (دي طبعا مخصصة لينا نحن ناس السعودية)
| |
|
|
|
|
|
|
|
|
|
Re: تخلوني براي مع البرَّاي (Re: صديق حمدتو)
|
Quote: تخيل كدي حال المرأة العرست ليها مغترب ووعدها إنو يرسل ليها تعيش معاهو، دي الحلة كلها والجيران والأهل بيكونوا منجضنها نجاض:
راجلك لسه ما رسل ليك؟ أها ما قال بسوقكم متين؟ إنتي يا زولة لسه الله ما سهل ليك؟
بالله إنتي لسه قاعدة في البلد دي؟ ما سمعنا قالوا الزيارات فاتحة اليومين إنتي مستنية شنو؟
خلي إنشاء الله يسوقك عمرة (دي طبعا مخصصة لينا نحن ناس السعودية) |
مش قلت لي إتخيل والله إتخيلت وسرحت مع خيالك الخصب وفعلاً دا حريق من الدرجة الأولى
ناس ما عندها شغلة .. ياخ إنت رائع يا صديق حمدتو
قلت لي في كراهة في بري يومي الخميس والجمعة؟؟؟ هههههههه
تحياتي للجميع وأنا خلاص إتمددت في الإمتداد عديل كدا
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
وووووووووو البدرى كيفك
افو الضهرة انت يا البدرى كمان ما بتعرفها الضهرة هى البلدات البعيدة من الحلة الا يركبوا ليها الجمال او الحمير والناس شايلين الزوادة في مخاليهم . وفي الضهرة تضوق طعما للعصيدة الشينة بالموى وكان بقت بالروب اها انت متبرجز وكمان كان فيها بصلة وزيته حييييييييييي انا منها تجنن تاكل مشاف عين.
| |
|
|
|
|
|
|
|
|
|
Re: تخلوني براي مع البرَّاي (Re: الطيب شيقوق)
|
الكلس شيقوق
سلام وعفو لله والرسول
| Quote: افو الضهرة انت يا البدرى كمان ما بتعرفها الضهرة هى البلدات البعيدة من الحلة الا يركبوا ليها الجمال او الحمير والناس شايلين الزوادة في مخاليهم . وفي الضهرة تضوق طعما للعصيدة الشينة بالموى وكان بقت بالروب اها انت متبرجز وكمان كان فيها بصلة وزيته حييييييييييي انا منها تجنن تاكل مشاف عين. |
أول أنا مافي معلوم أرباب شيقوق في يخبِّر بعدين أنا معلوم
هاهاهاها أحيدها أحيدها زين ليش ما تقولي من الأول
خالص معزتي
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
المداخلة دي جات عبر التلفون من صديقي وحبيبي الفنان المبدع والقانوني الضليع محمد المرتضى حامد
وحقيقة ملاحظة ذكية جداً كانت منو فهو بقول في نوع من السكوت يمكن أن نطلق عليه البري السكوتي ( لا علاقة لها بالسكوت والمحس) وأنا أتفق معه مية المية لأنو فعلاً في ناس سكوتهم يزهج بل يصيبك بالهلوسة ويخليك تشيل وتخت يعني يعمل ليك بري داخلي (ياربي دا بري ولا قرقرة)ما بين الأقواس يخصني وحدي
شكري وتقديري لك أيها الرائع محمد المرتضى المحامي
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
صديقي الحبيييييييييب
البدر (ليلة 14)
تحيات للأبد
تعرف يا بدر الضبيحة بي سكين ميتة .. شفتها بتتعب المضبوح كيفن ؟
اها ده البحصل ليك كان براك واحد تمتام .. (لاحول ولا قوة الا بالله)
طبعا حالتك تكون حااااااالة .. تعطش لانك بتحاول تتم ليهو الكلام ونفسك يقوم معاهو وعينيك يدمعن ونخريك يمشن واضنيك يصنن (تقول بتقطع ليك في بصل ) وتقعد وتقوم وعصبتك تتشمط وبطنك تلويك واصابعيك يخدرن .. انشااااااااء الله يا بدر يلم فيك واحد زي اللمّ فيني داك وانا ما بقدر احكي لانو ده ما بتحكي الا تجربو براك .
اها قول آميييييييييييين
| |
|
|
|
|
|
|
|
|
|
Re: تخلوني براي مع البرَّاي (Re: امير عوض الجمري)
|
أمير الأمير عوض الجمري
سلام وطيب كلام
| Quote: انشااااااااء الله يا بدر يلم فيك واحد زي اللمّ فيني داك وانا ما بقدر احكي لانو ده ما بتحكي الا تجربو براك . |
غادي غادي أتحوينا النبي من جنس دا
تحياتي
| |
|
|
|
|
|
|
|
|
|
Re: تخلوني براي مع البرَّاي (Re: بدرالدين شنا)
|
وبي مناسبة الضبيحة يا بدر
والله في ضباحين برايين بري
يعني يبدا معاك من الخروف واقف علي حيلو .. يشبكك كدي ارمي معاي الخروف ده في ا########## .. تقومو تشنقلو الخروف يقول ليك امسك الكرعين الوراء ديل.. تمسكم يضبحو يقوم يقول ليك خلاص فكهم تقول انت حا تكون ماسكم طوالي .. تاني يقوم يقول ليك امسك الكراع دي ويقوم يشرط التانية وينفخ يقول ليك كدي ايدك معاي النرفعو تقومو ترفعوهو .. يللا يقول ليك امشي جيب موية في جردل تجيبها يللا كب لي شوية هنا لالالالالا شويو شوية يطلع الكرشة يسالك اها الكرشة دي افضيها وين تقول ليهو هناااااااك تحت العمود داك يقول ليك داك بعيد ما افضيها ليكم تحت الشجرة دي والله بتنفعه ليكم شايفه ذاته قربت تموت وصفقها كلو اتحتّ تقول ليهو لا ما تفضيها هنابتعفن لينا الحتة وتلم لينا الضبان يقول ليك سمح خلاص هاك امشي فضيها عشان انا اخلص ليكم القطيع ده سريع .. تجيب الكرشة يقول ليك ياخي ليه ما جبتو لي الصواني اللحم ده اختو وين تمشي تجيبم يقول ليك وينه الخشبة البنكسر فيها تجيب الخشبة يقول ليك امسك معاي تمسك معاه يقول ليك اعمل حسابك (كتر خيرو) الساطور ما يضربك تنتهو من كسير اللحمة يقول ليك امشي جيب لي موية اشرب.. تجيب الموية تلقاهو لمّ الجلد والراس في مخلايتو يقول ليك جيب لي موية من الماسورة في جك عشان اتشطف تجيب الموية وتشطفو .
يتفنس ويقز كوعو ويقول ليك جيب تلاتين الف ..
يكرررررررررهك الشية ذاته!!!!!!!!!.
| |
|
|
|
|
|
|
|
|
|
Re: تخلوني براي مع البرَّاي (Re: صديق الموج)
|
البدرى هههههههههههه
وبعين قال لى اصلو مابتشيليهو ههههههه
قلت ليهو مشت ناس بتول هههههههههههههه
وههههههههههه المكوجى ماجانى الليلة
وههههههههههههههههههههههههههههههههه
وههههههههههههه
وفى الختام
هههههههههههههههههه!!
بس كيتا عليك ياغياااااااااااااااااااظ !!
| |
|
|
|
|
|
|
|
|
|
Re: تخلوني براي مع البرَّاي (Re: نادية عثمان)
|
الرائع الجميل بدر الدين
التحية والمودة
والحمد لله لهذا المنبر الذى جمعنا عبر الحروف
ومشكور أخونا بكري
انت عارف ايها البدري كم سنة لم نلتق مع بعض
عييييييك كتير ما تعد
المهم انا سعيد جدا بهذا اللقاء بعد طول غياب
لكن اللوم عليك يا بدري القعدك مع البراى دا شنو ؟
المرة الجاية كان شفت واحد براى من البرايين ديل
تعال لينا في الرياض وسوف نعمل حماية من البرايين
اينما وجدوا واينما كانوا
مع تحياتي ومودتي ...
| |
|
|
|
|
|
|
| |
بدرالدين شنا
abuguta
garjah
قرشـــو
لؤى
ابو جهينة
أبوذر بابكر
يازولyazoalيازول
امير عوض الجمري
صديق حمدتو
Muna Khugali
فرحات عباس
عشة بت فاطنة
ajaj
طارق جبريل
الزاكى عبد الحميد
sadiq elbusairy
sumah
عمر الفاروق
الطيب شيقوق
انعام عبد الحفيظ
Tumadir
عامر تيتاوى
صديق الموج
عثمان سيد أحمد
فيس بوك
تويتر
انستقرام
يوتيوب
بنتيريست