|
|
 مجانين 000مجانين مالكم ومالنا ؟؟؟؟؟؟؟؟
|
عنبر فى مستشفى المجانين جاط جوطة شديدة
العيانين فى العنبر كلهم يكوركوا فى نص العنبر
نحن الرز الفاير فى الحلة ,
نحن الرز الفاير فى الحلة ,
نحن الرز الفاير فى الحلة ,
الممرض مشى للدكتور كلمه
الدكتور قاليه امشى ادى اى واحد منهم حقنة منومة
الممرض ادى اى واحد حقنة
المجانين هاجوا زيادة
نحن الرز الفاير فى الحلة ,
نحن الرز الفاير فى الحلة ,
نحن الرز الفاير فى الحلة ,
الممرض رجع للدكتور وكلمه
الدكتور قاليه امشى دبل الجرعة تانى
بعد مدة الدكتور جاء العنبر لقى نص المجانين نائمين
وجزء منهم مسترخى
والباقى منهم لابدين فى قعر الحيطة مكرفسين وبيقولوا
نحن الرز الملصق فى الحلة ,
نحن الرز الملصق فى الحلة ,
نحن الرز الملصق فى الحلة ,
قصة اصبحت الان واقعية بحال البلد
نص مجانين
ونص النص الباقى لابدين
والباقى ملصقين
انت مع منو.؟؟؟؟؟؟؟؟؟
كل تحياتى
|
|
 
|
|
|
|
|
|
|
 Re: مجانين 000مجانين مالكم ومالنا ؟؟؟؟؟؟؟؟ (Re: عشة بت فاطنة)
|
نحن الرز الما زرعوا لسع,,,,بس التشبيه جميل ومعبر ويستحق وقفة تأمل عميقة,,, ذكرتني بقصة للأخ الفاضل محمد علي شمو حكاها لي صديق له درس معه في قبرص ,,, قال رجع محمد من العطلة في السودان لقبرص ,,, والجماعة مشو زارو يسلمو عليه بعد عودته من السودان,, قام واحد سألو ,,, السودان كيف ؟؟؟ رد له محمد ....( ارجو المعذرة لكن ايضاً التعليق كان معبر جداً ) تعرف السودان دا زي المستراح الجوه قرفان وعاوز يمرق والبره مزنوق وعاوز يدخل
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: علوبه)
|
علوبه سلامات كتار بقدر حبات الرز في قدر كبير بتاع داخلية,,, الرز وما أدرانا ماالارز,,, في زمن مضى في السودان كان الارز شئ عظيم ولا يأكله ألا مقتدر في الوقت الفيهو كانت اللحمة رخيصة شديد حتى صار المثل يضرب لمن يعرض عليه أمر ويرضى بالدون يقال له ( التس أكل اللحمة وخلا الرز ).
الحمد الله انو ما ازرعنا بالمعنى الذى في بالك وألا كنا نكون موكرين لحدي الان,, أنا صراحة من جعليين ..... كدي قبل ما ندخل في الحتة دي انت ليه خمنت اني جعلي ,,, انا صراحة من شندي وكمان من شندي فوق حلة المك نمر,,,,
كنت قلت لك موضوعك كبير لانو في السودان الحالة تشمل التلاته فئيات التي ذكرتها
* فئة نائمين من اثر الجرعة المدبلة
* فئة مدروخين
* فئة لاصقة في الحلة
والمجانين كتار لكن شقي الحال بقع في القيد
ودا كلوا ما مشكلة تعرف المشكلة الكبيرة في التاس الشادين حلة الرز دي,,, أن شاء نفور وندفق فيهم.
خالد
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: خالد علي محجوب المنسي)
|
اخوى خالد
كيف ايامك وطابت لك الليالى اجملها
اول حاجة نحن زاتو من جعلية فوق من المتمة
كيف المجر معاك والله قضينا فيها امتع ايامى زمن الدراسة(فى مدينة كلوج نابوكا-رومانيا)
حيث كنت ازورها فى السنة اكتر من مرة زمن بودا واختها بست
الان الحريف هو البياكل اللحمة وبيخلى الرز (ناس فتة ساكت)
تعرف ياخالد الناس الطابخين الحلة دى ما اظن تفور فيهم لانو نارها بردت
من زمن ومافى زول بيهبهافيهم
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: صديق الموج)
|
تعرف والله حلتك دي عملت منخوليه في الدماغ صاحي ونائم وانا مشغول بحبات الرز دي,,, والله جد كان التعبير دقيق واكثر من الدقة لحال السوانيين
يا غربة هنتينا وشتهينا ستينا
ستمائة ستينا
ياالله ودينا للمتمة غرب شندي
ويا عيني تعاينن جننتنو قلبي
المجر بسلم عليك اكيد لك فيها ذكريات طيبة,,,
بعدين احسن ليك تدخل معانا في الحلة دي لانو كما هو واضح انو الشدو الحلة دي ناس الحكومة وبسوطوا فينا بكمشة كبيرة,,, وكل مرة ناس المعارضة يقربوا يدفقوا الحلة يعملوا صلح مع هذا ومرة مع ذاك ونحن نغلي........ حتى الما زرعو مثلنا,,, الحلة في النار والكمشة عليها نحن خسرانين , وكان دفقوها ناس المعارضة برضو خسرانين نعمل شنو ؟؟؟ ونمشي وين ؟؟؟ ونقول يا منو ؟؟ غايتو لينا الله
خالد
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: Muhib)
|
الرز حرق يا علوبه
اقول ليك نزلوا من النار اعمل بهو فتة
ولا اقول ليك كب ليهو لبن وحبة قرفة من فوق
ولا اقول ليك كب ليهو شوية سكر وبقى سد رمق
بالمناسبة يا دكتور ودا عرفتو من بالطو الطب في الصورة ,,,, بتعرف الطبيب هاشم بانقا الريح علي من شندي فوق
خالد
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: خالد علي محجوب المنسي)
|
ياسلام اخوى خالد
اخى وصديقى العزيز د\هاشم بانقا
اخو اخوان وراجل جد وحبوب وكل كلمة جميلة تقال فى حقه
عملت المستحيل فى ايجاد اى رقم يخصه للاتصال به وعرفت من زملائى
انه بالسعودية ولم اتوفق فى الاتصال به
ياريت لو امكن ان تدلنى على اى وسيلة تجمعنا به مرة اخرى
واهو لو الحلة بردت ما كان لمينا فيك ياخالد
انا فى انتظارك ياجميل الذوق
تحياتى
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: علوبه)
|
العزيز الفاضل علوبه ,,,, بالمناسبة هاشم بانقا عضو في سودانيزونلاين,,, ممكن تعمل ليهو تنويه ,,, ولو فشل ذلك سوف اقوم أن شاء الله بمحاولة معرفة تلفون له في السعودية ,,,, هاشم ابن اهلي,, وصدقت لو ان حلة الرز بردت ما كنت لميت في هاشم
اضبط النار إذن عشان نفتش ناس تاني,,, بالمناسبة اين استقر بك الزمان في اي بقعة ,,, اكيد بحضور الرز دا تكون في اسيا,,, ولا انا غلطان,,
ما دام كدا يا اخوي ما تشيل هم بقعد ليك من الليلة بنفخ في النار وما بخلي الحلة تحرق ولا تموت ناره
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: خالد علي محجوب المنسي)
|
السلام عليك خالد المامنسى
ماعندك مشكلة انا اجيب ليك الفحم (الابيض) وانت هزززززززززز بى عكاز الجعلين
احاول ان اكتب لاخى هاشم وانت اسعى فى تلفونه
طفنا بلاد واستقر بى المقاممؤقتا فى الرياض -السعودية
بعدين الحلة دى ما ديرينها تبرد ابدا حتى يجتمع الشمل ونقسها كرامة وصدقه
لك تحياتى
فى انتظارك
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: علوبه)
|
علوبة ازيك
ماتعملة ونسة جابية مع خالد الجعلي دى
يا خالد با تكلم الرز وتحرضون عشان يطلعوا مظاهرات يا
تعمل شخيط وتقيف بعيد.بكلمك بالماسنجر المظاهرة حتنطلق
من وين والساعة كم ما تكلم طارق لانو روزو بالامن بيجو
يطرشقوا لينا المظاهرات .خليها في سرك.تحياتي للاستاذ خالد
والدكتور علوبة
فيصل محمد خليل
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: فيصل محمد خليل)
|
اهلين فيصل
يأ اخى المجر دى جميلة بى اهله سودانيينمجراب
واشكر حلة الرز الجمعتنا بيكم
خليك معانا نلملم الناس الطيبين للحلة دى
وماديرين زول يخش العنبر ده تانى
تفرقت بنا السبل فى الحياة تحياتى لكل الحلوين فى المجر
والله الحلة دى كان( فارت)000 (كديسة) ماتاكلهامش كده؟؟؟؟؟؟
تقولى طارق0000 ياتو باب؟؟؟؟
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: علوبه)
|
الفاضل العزيز علوبه السلام عليك ورحمة الله وبركاته,,, وزي ما قلته حلة الرز جمعت الاحباب ,, عامر جمعكم أن شاءالله ما ينفضه ,,,
ما جابني ما لا بدور دهب لا فضة,,,
داير المك نمر سيد النحاس الجضة,,
تعرف الحبيب فيصل محمد خليل من الناس اللطاف في المجر حلال عقد وأخو وابو بنات بس مشكلتو الراجل طال به المقام في ارض المجر ونسى العربي واللهجة السودانية وبشبه بسلام مرات ,,, صراحة انا ما فهمت اي شيئ من تعقيبه وهسع بدور على واحد اخونا هنا برضو من الناس القدام عشان افك لي طلاسم تعقيب فيصل دي, لسع الراجل بقول تشارطني من شلن لشلن ,, ونجر الميس و وقوم لف ,,, وغيرها من كلام زمان يعني لو مشى السودان الآن رأسو بلف
أخي ان شاء الله عامر ودارك عامرة ,,, ومن اليوم بنطلق على هذا البوست ( حوش علوبه )
لك السلام والتقدير
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: Muna Khugali)
|
يا منى
فى حوليات بيكلموا ليها الناس ودى رزها عادى
وفى حوليات بيكلموا ليها ناس ناسات ودى رزها مخصوص
وفى حوليات الناس بتسمع بيها بعد تنتهى ودى رزها مستورد
وفى حوليات الناس مابتقدر تحضرها من الزحمة ودى رزها شوية
وفى حوليات الناس بتفتش ليها ودى رزها كايسين ليهو من زمن
وفى حوليات الحكومة ما دايراها ودى رزها محروق وملصق فيهم
بس انا مشيت جبت البرش وانبرشت وبدل الشمعدان داك ليقينا القمر مضوى ياربى بينفع
طيب انتو فى ياتو حولية مدد مدد مدد
يا منى
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: خالد علي محجوب المنسي)
|
اخى اخوالبنات خالد
والله الحوش عمران بيكم وحبابكم قدر محبتكم
زى ناس فيصل ديل ناس معتقين ما بتلقوا بى اخوى واخوك
طبعا زمن نعيم الاشتراكية كانت دول شرق اوربا ليها شنة ورنة (هاك الفرينى ده)
ناس يوغسلافيا سابقا كانوا مشهورين بالركلسة فى الجامعة يعنى تسال الواحد اى
سؤال بس ما تغلط تسالو انت فى سنة كم؟
واحد قال لى صاحبو بالله قوم شغل لينا غنية الكابلى الجديدة
صاحبو قام شغل المسجل بعد شوية تسمع ياضنين الوعد تخيل الكلام ده كيف
حبابكم فى الحوش وانت اكبر من دهب وفضة ياحبوب الله يجمعنا بيكم
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: علوبه)
|
ليك حق مجنون عديل
انا رديت عليك في العصابة ما قايلك مجنون
انا كلامي الكتبتو سحبتو
نرجع للرز
انا شدة مابحب الرز لمن مفكر اعمل دولة اسميها
أرارزيا
وكل وزير فيها بكون لقبو السيد رزة
وبنغير كلمة وزبر الى وريز
وتصبح المنادة بالسيد رزة علوبة وريز !!!!!!!!!!!
وهكذا رزة بعد رزة وتتغير الحكاية كان في نملة دخلت وشالت رزة وطلعت
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: محمد سنى دفع الله)
|
عزيزنا اللذيذ السنى الرز
نحن الجن ده اتعلمناهو منكم يامرزرزين
شكرا عدد حبات الرز على منحكم لنا اول لقب فى دولتكم العامرة
شعاركم مش زرزورة بتنقد ليها فى حبة رز (عاملة كده مدنقرة مرة ورافعة راسه مرة)
وبعدين النملة دى تخش وتمرق سااااااااااااااااااااااى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اهدى ليك صحن رز مدنكل باللبن وكده !!!!!!!!!!!!!!!!!!!!!!!!!!!!!!!!!!!!!!
اعمل لينا ريازة لبلدكم ارارزيا بس ما ترازى بينا (البلد داك)
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: علوبه)
|
الفتة أم توم أحمتنا ننوم عند ناس كلتوم كنا زمان نتظر ان يولد مولود عشان يوم السماية في الحلة يكون هناك حولية وأحلى شئ الحولية في ايام البرد والنسوان تحت الحيط متلفحات ثيابهم ومغطيات صغارهن بطرف التوب,,,, وما هي ألا لحظات حتى تسمع صوت النوبه جايه من بعيد من مربع تسعة ويقترب الصوت شيئا فشيئا ثم ترتفع اصوات المنشدين بتلك القولة المشهورة في نوبة القادرية في شندي ( ناس خير السيد جو جو الأهلو بعيد جو جو ) وخير السيد كان هو مقدم النوبة كنا نسخن شيئا فشيئا مع ضربات الطبل منها ذكر مع الذاكرين ومنها تفادي البرد في الشوط السابع بتكون التسخينة في اوجها لانو الناس بتبدأ تشم ريحة الفتة أم توم والقيمات وترتفع الاصوات بحي قيوم حي قيوم لحدي ما تصل الفتة ,,,, يعني مشينا وجينا لرزك يا علوبه
خالد
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: خالد علي محجوب المنسي)
|
السلام عليكم اخى خالد
ده وصف ابداعى عاد بنا الى ايام وليالى شعرت بالبرد القارس
لكن من حلاوة السرد وسخونة الحروف عادت الى شرايين جسمى حرارة اللقاء
ياسلام يا اخى حليل ايام زمنا الجميل
وحليل ايام الجهل (الواعى)
بالله ماترحمنا وماتحرمنا من هذه الروائع
تسخينة( عملت لى شنو ؟ انا منتظر جوال د0هاشم بانقا )
تحياتى ياملك يا ود الملك
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: علوبه)
|
قالت بنية من المتمة
أسلم لي أخوي علوبة دخري الحوبــة
هيلو العز من قديم من جدو للحبوبة
كيف حالك يا عزيز كان نسيت ما نسينا بس المشاغل والله يا علوبة وأن شاء الله أول فرصة اوصي ليك على موضوع تلفون هاشم بانقا بس ممكن اديك طريقة اخرى, في قنصلية سفارة السودان في جده عم هاشم ملحق اقتصادي اسمو جعفر الريح علي, ممكن تحاول الأتصال به في القنصلية.وبرضو نحن بنجتهد من السودان نجيب ليك الرقم.
في ايام الدارسة في المجر كان بدرس معنا اخ من اسرة ناس السراج وحكى لنا قصة عن ابيه وعمه عندما كانو صغار وايام كان الرز باللبن عزيز وما بعملو ألا للعيان ( المريض ) المهم يا سيدي ابو الاخ لدغته عقرب وبعد العلاج في المستشفى عملو ليهو رز باللبن ,, اخيه اصر ان يعطوه هو ايضاً وامه كانت بتقول ليهو اخوك مريض لدغته العقرب ولازم يتغذاء ,, الكلام دا ما اقنعه حمل ابريق والده وملاءه ماء وحايم من جحر لجحر, اكب المويه من الابريق ويدخل اصبعو في الجحر ,,, لحدي لدغته عقرب بالجد وعندما صاح بعد اللدغة كان أول ما نطق به (( الرز باللبن ))
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: علوبه)
|
ايام زمان يا حليلة راحت وانطوت ايام زمان,, كنا زمان نقوم من الصباح تضرب الشاي باللبن المقنن باللقيمات ولا رغيفة تحرقها في الجمر في كانون دق الحلبي ابضرطة تقيف لمبة( لت ), بعدها الفرة لعب عربات حديد وترتار وام حفيرة وبلي وفريد وغيرها من الالعاب الجملية وحلوة,, طفرت لذاكرتي حصة الجفرافية زيارتنا للتاجر, والمزارع, العامل, وغيرها ثم ترائت صورة بهاته لاستاذ الجفرافية في سنة رابعة الاستاذ الجليل عثمان الطاهر من أبناء منصور كوتي ما هي ألا لحظات قلال حتى اكتملت صورته بكل ملامحها البهية بديع الطلعة وجه سوداني اصيل مهذب عديل بالحيل وأخو بنات, درسنا الزيارات الداخلية ( اصدقائنا في السودان ) رغم في حينها كانت أتلغت من مقررات الابتدائية,كان يحب مقررات بخت الرضاء,مع خضم الذكريات اهديك هذه الابيات من الزيارات.
في القولد ألتقيت بالصديق ... أنعم به من فاضل صديقي
خرجت أمشي معه في الساقية ... ويا لها من ذكريات باقية
وكم أكلت معه الكابيدة ... وكم سمعت أورو ألودة
ودعته والأهل والعشيرة ثم قصدت من هناك ريرة
وجدتهم يسقون جموع الأبل من ماء بئر جره بالعجل
ومن هناك قمت للجفيل ذات الهشاب الناضر الجميل
وكان سفري وقت الحصادي وسرت مع رفيق في البلادي
ومر بي سليمان على مختلف المحصول بالحب أمتلأ
ومرة بارعت دار أهلي لكي أزور صاحبي ابن الفضل
ألفيته وأهله قد رحلو من كيلك وفي الفضاء نزلو
في بقعة تسمى بابنوسة حيث ألتقيت ذبابة تعيسة
ما زلت في رحلاتي السعيدة حتى وصلت يامبيو البعيدة
وقدم لي مانقو طعام البافرة وهو لذيذ كطعام الكسرة
ولست أنسى بلدة أم درماني وما بها من كثرة السكاني
ومر بي ادريس في المدينة ويا لها من فرصة ثمينة
شاهدت فيها مكدس البضائع بدقة من مشتري وبائع
وآخر رحلاتي كانت لعطبرة حيث ركبت من هناك القاطرة
وكان سفري سفر سعيد وكان سائقي عبد الحميد
أعجبني تنفيذه للأوامر بدقة ليسلم المسافر
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: خالد علي محجوب المنسي)
|
عزيزى اخى خالد
والله كلامك غلب كلامنا
دى من النصوص التى تجبرك على حب الطن
وهى صدق تعبير للوحدة على تراب هذا البلد العزيز
طبعا تغير الحال واتبدلت الاحوال وكل جيل بى زمنه بس هنالك ثوابت
انهيار فى التربية وضعف المقررات الدراسية وانشغال كل المدرسيين
بالتحصيل المادى وحليل اساتذتنا لهم كل الاحترام والتقدير
تحياتى ياملك الملوك
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: علوبه)
|
الفاضل العزيز سلامات عرفتها يا حريف انا كنت انوي اشغلك بأيام زمان لانو عارف قليبك رهيف يا ود المتمة لكن طلعت واقع من السما ثلاثة مرات القصد كان ان اشغلك وحلة رزك تتحرق
المرة الجاية لك علي انو بحرقها ليك اخليك تذوب في الذكريات
لك الود التقدير
برجع ليك قريب يا شيخ العرب
| |
|
|
|
|
|
|
|
|
|
Re: مجانين 000مجانين مالكم ومالنا ؟؟؟؟؟؟؟؟ (Re: علوبه)
|
عشان تصب ليهو كركم او كري ويصبح اصفر
عشان تشدو بسليقة لحمة بدل الماء ويصبح اغبش يعني لون قريب للبني
وعشان بالتحصدو ايدي بيضاء مش شايف الان تجربة زراعة الرز في النيل الابيض الرز طلع مغبش زينا
وعشان اللحمة بتاعت الفتة مقمرة لازم هو ( الرز ) يظهر بلونه الابيض حتى يجذب النظر
| |
|
|
|
|
|
|
| |
علوبه
فيصل محمد خليل
saif massad ali
عشة بت فاطنة
خالد علي محجوب المنسي
toona
Muna Khugali
صديق الموج
Muhib
محمد سنى دفع الله
فيس بوك
تويتر
انستقرام
يوتيوب
بنتيريست