|
نعارض علي عثمان / عوض الجاز لكونهم انقاذيين ام لكونهم شوايــقة ؟
|
نعارض علي عثمان لكونه انقاذي ام لكونه شايقي ؟ كل ما تقرأ مداخلة او بوست لاهل نضال سودانيز اون لاين تقرا عوض الجاز الشايقي وعلى عثمان الشايقي وكأنما الناس دي بتعارض فى الشوايقة ما الانقاذ
دا اسي يسمو شنو , عقدة كيزان /شوايقة عرفنا عقدة الكيزان وهذه مبرراتها واضحة جدا لكن بصراحة كده بتاعة الشوايقة دي محتاجة لتفكيك ووضوح شوية
يعني اذا عندكم مشكلة مع الشوايقة اطرحوها بوضوح خلونا نعرف الحاصل شنو بالضبط لانو بالطريقة دي شكل المعارضة السودانية اصبح ما مفهوم واجندته الخفية تعددت اسي براحة كدا كل السودانيين بعرفوا الشوايقة انهم ناس مساكين وبتفاهموا وما بخوفو ابدا المضايقكم منهم شنو وما قادرين تفصحوا عنه بوضوح وواقعين زج فيهو من خلال الانقاذيين ؟؟؟؟؟
فهمونا الحاصل براحة كده يا ناس الاطراف ومحاربي العنصرية والمسألة دي يا ربي لا تعتبر نموذج لعنصرية الانسان السوداني ايضا ؟؟؟؟؟
|
|
|
|
|
|
|
|
Re: نعارض علي عثمان / عوض الجاز لكونهم انقاذيين ام لكونهم شوايــقة ؟ (Re: alsngaq)
|
السنجك موشتاقين ..
قالو العرس جعلية لا عرس لاناسب والبعرس شايقية عرس لكن ما ناسب والبعرس دنقلاوية عرس وناسب..
الشوايقة ديل كانو رواد جيوش الفتح بتاعين كتشنر.. لولاهم لما تمتعنا بالسكك الحديد والخزانات والمباني الاثرية التي اوجدت .. الهجمة التي تراها ضد الشوايقة هي جزء من مؤامرة حيكت بليل لغرس فتنة بين الشماليين..
حرم الشوايقة احلى ناس وزي ما قالت رامية بت الشوايقة
(قمم مستهدفة)
وامسح الفارغة البقولها العولاق في وشنا نحنا..
| |
|
|
|
|
|
|
Re: نعارض علي عثمان / عوض الجاز لكونهم انقاذيين ام لكونهم شوايــقة ؟ (Re: DKEEN)
|
دكين
وينك؟؟؟ ليك وحشة
Quote: قالو العرس جعلية لا عرس لاناسب والبعرس شايقية عرس لكن ما ناسب والبعرس دنقلاوية عرس وناسب.. |
المقولة الاخيرة دي اتخيل لي سمعتها لكن بالعكس قبل كده اي على النحو التالي
والبعرس دنقلاوية ناسب وما عرس ولا انا غلطان
Quote: وامسح الفارغة البقولها العولاق في وشنا نحنا.. |
تسلم كتير يا حبيب
والدور الجاي مش المانيا بودديك امريكا عددديل
| |
|
|
|
|
|
|
Re: نعارض علي عثمان / عوض الجاز لكونهم انقاذيين ام لكونهم شوايــقة ؟ (Re: alsngaq)
|
Quote: قالو العرس جعلية لا عرس لاناسب والبعرس شايقية عرس لكن ما ناسب والبعرس دنقلاوية عرس وناسب..
حرم الشوايقة احلى ناس وزي ما قالت رامية بت الشوايقة
(قمم مستهدفة)
وامسح الفارغة البقولها العولاق في وشنا نحنا.. |
العزيز دكين ،، الحكاية ما محتاجة حرامات ، مصدقنك ، بس أفتيني في حالتي: (((شايقي متزوج جعلية،،))) على العموم لو ماقدرت تحلها : عايزين نعرس ونناسب ،، وما تنسى نحن شركاء (لا أجراء)،،
| |
|
|
|
|
|
|
Re: نعارض علي عثمان / عوض الجاز لكونهم انقاذيين ام لكونهم شوايــقة ؟ (Re: عبد اللطيف بكري أحمد)
|
السنجك سلام
الشايقيه
زيهم وزي كل القبائل
فيهم الفالح وفيهم الطالح
فيهم قمم الكيزان وفيهم قمم الشيوعيه
فيهم قمم التقوى وفيهم قمم الفساد
وفيهم مبدعين وفيهم عاطلين عن الموهبه
وفيهم الطيبين وفيهم الشررين
ومنهم ناس في الانقاذ ومنهم من قاوم الانقاذ باكر ودفع حياته ثمنا(معظم شهداء 8 رمضان).
اذن العداء للانقاذ لا يفترض ان يربط لا بالشايقيه ولا بأهل الشمال عموما.
لكن نجيء لطرح ناس الاون لاين
هنالك اشياء لا تفهم الا في سياق الاون لاين و العداءات المنبريه
يعني افرض
الشايقي (بالعربي) اتلحني
و(الشايقي بالانجليزي هراني
والسنجك طلع روحي
ولا تنسى علاء الدين
هل معناها الشايقيه كعبين!!!!!
ما عندي في نفس الوقت :
عادل عثمان ردوده بتسر قلبي
وبلقاه مدافع عن حقوقي قبل ما افكر ليها.
وبيجين يعمر ادريس يقاطع المنبر لو شتموني
غير اكثر من 1000 شايقي بيعملوا الكثير وقد اكون لم اعلم حتى انهم شوايقه.
لكن ما تنسى
في اشياء تقال من باب المكاواى
وانتو النصيحه يا ناس المنبر كاويين
وفي اشياء تقال من باب الشواكيش
يعني في كم واحد بيكتبوا نحن عارفين قضيتهم مع الشوايقه نظام شاكوش كارب(انا مامنهم)
القال لكم بناتكم يبقوا ظريفات وبيكسروا في الناس منو؟؟؟؟اها خموا وصروا
انا قايتو اصدقائي من الشايقيه ما ببدلهم بزول
رغم الشواكيش
وانتو على مستوى البورد كمان لازم تبقوا مسؤالين وتعرفوا انه المكاواة صعبه وبتجرح
وبالذات الناس الاسمائها بتوضح انها شايقيه,لانهم بيبينوا وكأنهم حملة لواء الشايقيه.
النهديك النكته دي:
قالوا في واحد واقف في محطة عطبره وجنبه شايقيه طرشاء تقوم تسأله كل شويه ده قطر كريمي(كريمه)
يقول ليها نعم ,وهي طبعا ما سامعاه,بعد شويه ثاني ده قطر كريمي يقول ليها نعم ,وهي تشيل وتعيد
قام صرخ فيها انتي القطر ديه الا يشلخوه لك حتى تعرفي قطر كريمي...)
لكم الود ومع بداية الارشيف الجديد خلونا نبدأ بدايه جديده.
تراجي.
| |
|
|
|
|
|
|
Re: نعارض علي عثمان / عوض الجاز لكونهم انقاذيين ام لكونهم شوايــقة ؟ (Re: Tragie Mustafa)
|
سلام يا تراجي
نجي للمكاواى فى المنبر
من المفترض طول ما هي مكاواى ما تلقي بظلالها على احكامنا بشكل عام وخاصة فى قضايا حساسة
كتبت
Quote: العداء للانقاذ لا يفترض ان يربط لا بالشايقيه ولا بأهل الشمال عموما. |
دا الكلام الصاح والعاقل
نجي لشمار الشواكيش دا
Quote: يعني في كم واحد بيكتبوا نحن عارفين قضيتهم مع الشوايقه نظام شاكوش كارب(انا مامنهم)
|
بيني بينك ما منهم
Quote: لكم الود ومع بداية الارشيف الجديد خلونا نبدأ بدايه جديده. |
وتكون بحجم السودان
| |
|
|
|
|
|
|
Re: نعارض علي عثمان / عوض الجاز لكونهم انقاذيين ام لكونهم شوايــقة ؟ (Re: alsngaq)
|
السنجك
سلام
احترام المرء لنفسه نقطة انطلاق لاحترام الاخرين, وبالتالى كسب احترامهم.
انا من اقصى الغرب
لكن نشأت وترعرت فى الخرطوم وكان معظم اصدقائى من الشوايقة والى اللحظة هم اعز اصدقائى , وانا عندى رأى فى حكومة الانقاذ
فالمسألة مش مرتبطة بالشوايقة كاثنية , لكن حكايتهم مع ناس الانقاذ دى شوفوا ليها حل وبرضو نحترم الشوايقة
| |
|
|
|
|
|
|
Re: نعارض علي عثمان / عوض الجاز لكونهم انقاذيين ام لكونهم شوايــقة ؟ (Re: alsngaq)
|
الاخ السنجك في بداية حكم الانقاذ كان الغرابة هم من لعب دور كلب السجان - وكثيرا من الكفاءات تشردت على ايديهم لذالك نالو الكثير من سخط الشعب السوداني الان من يقوم بهذا الدور هم الشوايقة - واسال المقيمين في السودان سيقولوا لك ان بعض الوزارات والشركات الحكومية قد تحولت الى تكيات شوايقة فمن الطبيعي ان ينالوا سخط الناس ايضا الحل الامثل في ترك المحسوبية والقبلية التي تميز بها المسؤلين الشوايقة
_____________________ اللهم لا تجعل في قلوبنا غلاً للذين امنو
| |
|
|
|
|
|
|
|