|
واحــــــات الابداع والفرح والاشراق
|
الاستاذ/ العاقب محمد حسن
الاستاذ/ ابو عركي البخيت
الاستاذ/ الجيلاني الواثق
( نواصل )
ومن بوردنا الغالي
الاستاذه/ رشاء حاتم
الاستاذ/ لؤي شمت
( ونواصل)
|
|
|
|
|
|
|
|
Re: واحــــــات الابداع والفرح والاشراق (Re: willeim andrea)
|
كانت اضافه حقيقيه لموسيقنا في تلك الفترة
فرقة الديوم الشرقيه .... لونيه افريقيا .... وكولن كولي
فرقة العقارب... بيتلز محلي.... (ومكارتي اكثر محليه) بقيادة عامر ساكس ( المبيعرفه هو عازف السكسفون او الكلارنيت في اوكسترا التلفزيون (معقوله بس التواضع ده )
فرقة البلو ستارز..... تطبيق كل فن بوب مارلي .... بنكهه من اولاد بحري ... بقيادة الدرديري ( الله يستر عليه وين ما كان)
فرقة وليم اندريا.... والسنتمنتل السابق عصر في خرطومنا..... نكهه خاصه ..... الله يرحمه ويرحمنا
فرقة استاذنا المخضرم .... شرحبيل احمد ..... ابداع في ابداع
فرقة كمال كيله... جميس براون السودان ... ونقله علي نمط وسط البنات ورده والشامه زايداهو حــــلاه ( في حلاه اكتر من كده )
فرقة الجيلاني الواثق .... امبراطور الجاز كما سمي نفسه !!!! (معقوله بس) وانتاج مستمر الله يديه العافيه
فرقة عبداللطيف خضر.... وفيها اضافة الاكورديون ... لون جديد... وتالق من اولاد حي البوسطه... والي الامام يا استاذ
والكثير من شباب المدارس الثانويه والشبابيه...
ونواصـــــــــــــــــــــــــــــــل
| |
|
|
|
|
|
|
Re: واحــــــات الابداع والفرح والاشراق (Re: willeim andrea)
|
Quote: فرقة عبداللطيف خضر.... وفيها اضافة الاكورديون ... لون جديد... وتالق من اولاد حي البوسطه... والي الامام يا استاذ |
وفي فترة من الفترات كان شرحبيل يتردد بإنتظام على بيت من بيوت حي البوستة هو وفنان رسام اسمه "تركي" ، والله أعلم، وكان البيت بيت خرسانة سكنته عائلة هندية في فترة لاحقة، واظن أن البيت كان مرسما للفنان شرحبيل وزميله تركي والبيت كان مجاورا لحوش شيخ من شيوخ الكبابيش، ولكن الرجل كانت كثيرة على بيت مجاور ليهم من الناحية الثانية وكانت تصدح منه انغام جاز لفرقة تؤدي بروفات أو تدريبات وكنا نعرف الفرقة ديك بفرقة نعوم ود سكينة الداية ولا أذكر أننا شاهدناها تشارك في أعراس الحلة ولكن كنا نشاهد نعوم ببدله وقمصانه الفرائحية مع ناس فرقته طالعين وداخلين حتى ظننا أنهم يعزفون في الإذاعة التي لا تبعد كثيرا عن تلك المنطقة..وياويلي معليش على نقص معلوماتي عن فرقة نعوم ودسكينة الداية ولكن كانت هناك فرقة جاز في حي البوستة قائدها نعوم ودسكينة الداية.
| |
|
|
|
|
|
|
Re: واحــــــات الابداع والفرح والاشراق (Re: willeim andrea)
|
الحبيب بناديها... شكرا علي المرور والمشاركه... غايتو الفرقه دي ما متذكره ...
لكن في تلك الفتره كانت هناك الكثير من الفرق لانها كانت الموضه واذكر علي سبيل المثال من الفرقه القويه... فرقة اولاد مدرسة الخرطوم في تلك الفتره امثال ....... ابراهيم ليد جيتار ومحمود بيز جيتار ومحمود اكيد مستمر حتي الان لقد شاهدته في وقت قريب مع كم فرقه تلفزيونيه شفته كيف ناس الموسيقي ما بيتنسوا مساحات من التقدير والاحترام
| |
|
|
|
|
|
|
|