الأسلحة الكيميائية وحقيقة استخدامها في السودان في منتدى ميديكس للحوار
|
|
 لو مافاطر ماتخاطر
|
استوقفتني هذه العبارة لمحل بيع التمباك او الصعوط لو ما فاطر ما تخاطر دعوة للجميع لسرد كمية من التعليقات المكتوبة في العربات والحافلات والركشات والمحلات التجارية
|
|
 
|
|
|
|
|
|
|
|
Re: لو مافاطر ماتخاطر (Re: Mutwali Malik)
|
الاخ متولى .. طابت اواقتك
عندي بت خالي (آمال حيمورة ) عملت رسالة تخرجها من جامعة الخرطوم - كلية الاقتصاد في تعليقات المكتوبة على الحافلات والعربات والبكاسي - الزمن داك ...
لذلك تجدنا - الحيموراب هذه الكتابات محور اهتمامنا ...
فلقد فكرت في طرح هذا البوست قبل أيام ... بس ما بينا ...
فحا اعطيك بعض النماذج التي تجود بها الذاكرة ، وسأتصل بالاخت امال حيمروة هي الان بالبرازيل لتطفى على هذا البوست مما تجود به في ذاكرتها ...
- قطع المحيط على العصافير صعب
- من الفم للدم - بتاع عصاير
ونواصل
| |
|
|
|
|
|
|
|
|
|
Re: لو مافاطر ماتخاطر (Re: Mutwali Malik)
|
العزيز متولي مالك
وينك يا شفيف يا رفيق الليل والجمال والنغم الأصيل
تعرف يا متولي في مغسلة قريبة من البيت عليها الشعار التالي "لا تغامر حتى ترى طريقتنا" فلم أفهم هل هذا إعلان تحذيري أم تشجيعي !!! غايتو أنا شخصيا لم أغامر حتى الآن
تحياتي لك يا رائع وأتمنى أن أراك في مواضع الجمال دائما
| |
|
|
|
|
|
|
|
|
|
Re: لو مافاطر ماتخاطر (Re: صديق حمدتو)
|
الشكر لكل من تصفح او شارك في هذا البوست
الاخت انعام حيمورة
ومن هنا اعلن ان هذا البوست ملك حر لك ولكل ال حيمورة وواصلي معنا
صديقي واحد سمار الليل صديق حمدتو
وهنالك تعليق في احد الركشات يقول حمدتو وشكرتو واصل وبتاع المغسلة الظاهر ترجم العبارة من اللغة الانجليزية
| |
|
|
|
|
|
|
|
|
|
Re: لو مافاطر ماتخاطر (Re: Mutwali Malik)
|
كم كانت دهشتي وفرحتي اليوم وانا اشاهد تلفزيون السودان وحلقة عن السفر واذ ببص سفري مكتوب في الخلف من اريج نسمات الشمال فقلت ماشاء الله البوست ماشي كويس ودي جات مجاني
| |
|
|
|
|
|
|
|
|
|
Re: لو مافاطر ماتخاطر (Re: Mutwali Malik)
|
الأخ متوكل مالك
تحياتي
العبارة لها معنى كبير يفهمها الذين يتعاطون التمباك، نفس هذه العبارة أنا وجدتها في محل للتمباك، ولكن المحل في مدينة نيالا، فما عارف أنت محلك هذا في أى مدينة في السودان، أوع تقول لى خارج السودان.
تحياتي لك
وفي كل الأحوال المخاطرة كعبة....
| |
|
|
|
|
|
|
|
|
|
Re: لو مافاطر ماتخاطر (Re: محمد حسين آدم)
|
الشكر لكم جميعا
اخي احمد جمعة محمد المحل موجود في السودان ودي فكرة كويسة نعمل محل تمباك خارج السودان
اخي محمد حسين ادم شكرا علي المرور
احدي الحافلات مكتوب عليها عشان تامنوا واظنو قاصد انو الحافلة سريعة وجديدة
| |
|
|
|
|
|
|
|
|
|
Re: لو مافاطر ماتخاطر (Re: Mutwali Malik)
|
لومافاطر ما تخاطر..
عمارى الكيف ..صندل الكيف..مرسى الفاشر..الشنخابى
يامتولى نحن هنا فى الدوحه( الصعوط) ممنوع منعا باتا والغريب فى الامر يباع فقط فى المطاعم
السودانيه وبالدس لو صاحب المطعم انتا ما زبونه لو عندو( صعوط) يقول ليك مافى واحيانا بييكون
فيه ازمه شديده ..وله طرائف كثيره جدا..خاصه عندما يرسل شخص صعوط من السودان مع بعض القادمين
للدوحه يكون الشخص القادم مايكون عنده علم ان الامانه التى يحملها معه هى كميات من (الصعوط) و
ويعرض نفسه للمساءله والبهدله فى صالة القدوم بالدوحه وينكر معرفتة بما يحمل ..واحداث كثيره..
| |
|
|
|
|
|
|
|
|
|
Re: لو مافاطر ماتخاطر (Re: Mutwali Malik)
|
الصديق العزيز متولى مالك سامر سمار الليالى
تحياتى
واحد كتب فى الحافلة ( دايرة صبر )
وكل يوم يتلتل ناس الحلة ( ادونا دفرة )
واحد من الجيران يوم قاعد قدام البيت
صاحبنا قال ليهو ادينا دفرة ياخوى
اثناء ما بدفر قرا فى مؤخرة الحافلة عبارة
( دايرة صبر ) قال ليهو ياخوى حافلتك دى
( دايرة بطارية ) ما صبر فكنا ياخ كل يوم
دفرة دفرة .. كرهتنا الحلة زاتا
| |
|
|
|
|
|
|
|
|
|
Re: لو مافاطر ماتخاطر (Re: عامر تيتاوى)
|
متولي..يا ملك البوستات السمحة
ودايما الواحد بنداح..وبلقي نفسو فيها,,فبالله (امسكو الخشب)..
لومافاطر ما تخاطر..
فعلا دي مربوطة بالتمباك لكن التمباك الزمان مش(الحسي ده) ..لانو حسي (الحقة) بقت
بعملوها (القطر قام)..فعليه السفة قلت فعاليتها الا تديها دفرة(بشنقة) وبعض مرات
شنقتين..وحليل تمباك (جلود) والوطنية (بحري لكن..),,ونوري والمحسي وعبد الحق في
مدني و خزان مكوار في سنار..والشايقي في كوستي..
اما ما بامر العربات...
اظرف تعليق مكتوب في حافلة شغالة في خط (خرطوم -كوبر)...
(كراج اليو)...يعني مافي مشاكل بلغة الدينكا..
مكتوبة كبيرة محيرة ليك بحري كلها ما قادرين يعرفوا الزول ده قاصد شنو
| |
|
|
|
|
|
|
|
|
|
Re: لو مافاطر ماتخاطر (Re: khaleel)
|
متولي يا فردة..
الحمدالله الجبت سيرة التمباك وجابت راس خليل كمان....
واحد كاتب برضو
سف وقارن....
واللواري والعربات الكتابة عليهن سياحة جميلة يتعكس زوق الشخصية السودانية
ومزاجها.....
في منطقة ما داخل غرب السودان ايام كان (للوري) شنة ورنة
كان هناك لواري شهيرة تميز بالمكتوب علي صندوقها الخلفي وكانت في الغالب عربات
(التميس) فتجد مثلا
جدي الريل..
وتحسبو لعب
وقدم الخير..
وسايرين
ونون
وابو الحديد
وحصاد غربة...
وبجاوية...
ولسع معاك يا متولي في( لوما فاطر ما تخاطر... ما تجازف..)
| |
|
|
|
|
|
|
|
|
|
Re: لو مافاطر ماتخاطر (Re: عبدالكريم الامين احمد)
|
حبايبي الحلوين اهلا جوني
تيتا - خلي الفردة - كريم بلة ريق
وصديقي عصام علي بعد غيبة طويلة ليك وحشة ياراجل
لكم الشكر علي السفة اقصد المشاركة ولي قدام
واحد تكاسي مشهور عندو عربية هنتر في الحارة الرابعة الثورة
كاتب راكب الهنتر وعامل عنتر
| |
|
|
|
|
|
|
|
|
|
Re: لو مافاطر ماتخاطر (Re: Mutwali Malik)
|
الاخ متوكل
كيفنك
اسفة على الغيبة لكن والله كل ما اشوف لي حافلة اطلع القلم عشان اكتب التعليق القى القلم مافي في الشنطة ..
واحد قبيل كاتب في الرقشة ( جر هوا....؟ )
وطبعاً معناها انو اللف كتير وما في قروش جاري هواء ...
وساواصل
| |
|
|
|
|
|
|
|
|
|
Re: لو مافاطر ماتخاطر (Re: Mutwali Malik)
|
متولي ...الفردة
مشتاقين ياخ..
واحد برضو كاتب (تبكي بس!!) في حافلة..وحافلة اخري
برضو مكتوب فيها(ضروري اسوي التانية)...ماانا فهمت التانية دي مرة تانية ولا عربية تانية..
| |
|
|
|
|
|
|
|
|
|
Re: لو مافاطر ماتخاطر (Re: Abu Eltayeb)
|
انشاء كلكم فاطرين
انعام - تيتا - خلي - كريم- مامون- صديق والجميع
جارنا سواق تاكسي زمان كاتب كهيعص ولفترة طويلة كثير من ناس الحلة ماعارفين ايه المقصود
| |
|
|
|
|
|
|
|
|
|
Re: لو مافاطر ماتخاطر (Re: Mutwali Malik)
|
الأستاذ متولي مالك
تحياتي
من العبارات الكاتبها واحد بتاع تاكسي جديد: ياناس سيبوني أسدد ديوني وبعدين أحسدوني، الظاهر عليه ماخذ قرض من البنك والناس ناقّة فيه فاكرة التاكسي cash money.
salma subhi
| |
|
|
|
|
|
|
| |
Mutwali Malik
طارق جبريل
انعام حيمورة
صديق حمدتو
أحمد جمعه محمد
محمد حسين آدم
ضحيه ابراهيم
عامر تيتاوى
عبدالكريم الامين احمد
عصام علي أحمد
khaleel
MASSOUB
salma subhi
علاء الدين حيموره
ترهاقا
فيس بوك
تويتر
انستقرام
يوتيوب
بنتيريست